● ASMA E HUSNA :- (یَا مُؤْمِنُ) YA MU'AMINU ●

          ■ AMALIYAT ASMA E HUSNA ■

♥ Asma e Husna :- Ya Mu'aminu (یَا مُؤْمِنُ) Ki fazilat o Wazaif

★ Allah Ta'ala Ka Ek Sifati Naam Muaminu Bhi Hai Jis Ka Matlab Hota Hai. Aman o Amaan Dene Wala. Jab Duniya Me Fitna wa Fasad Paida Hota Hai Aur Insan Ki Jaan o Maal Khatre Me Pad Jati Hai To Allah Ta'ala Apni sifate Muamin Ki Bina Par Logo Ko Panaah Me Le Kar Amaan Deta Hai. Ye Isme Pak Ka Hamesha Vird Karne Wale Me Aman Pasandi Aur Isteqamat Paida Hoti Hai. Isme Pak Muamin K Kul Adad Qamari 136 Hai. Ye Isme Pak Jamali Hai Aur Unsar Is Ka Aatashi Hai.

★ Jis Ko Waswase Ki Bimari Ho Wo Banda Ye Isme Pak Chandi Ya Sone Ki Takhti Par Sa'at e Mushtari Me Qanda Karwa Kar Kapde Me Lapet Kar Apne Pas Rakhe To Waswase Ki Bimari Se Najaat Mile

★ Jo Shakhs Har Namaz K Bad Khilwat Me 100 Bar Padh Liya Kare To Use Mushahida Ki Quwwat Hasil Ho Aur Shahwate Nafsaniya K Waswase Dur Ho Aur Haram Kari Ka Khayal Dil Me Naa Aaye

★ Waswase Ka Mariz Rozana Is Isme Ko likh Kar Pani Se Dho Kar Nihar Muh Piye Aur 21 Din Tak Lagatar Amal Kare To Insha Allah Shifa Hasil Ho

★ Taoon K Wkt Me Jo Shakhs Ye Isme Pak 1132 Bar Rozana Padhe To Taoon (यानी प्लेग) Ki Bimari Se Hifazat Me Rahe

★ Jo Shakhs Khauf Aur Wehshat K Wakt Ye Isme Pak Ko Rozana 630 Bar Padh Liya Karega To Har Kism k Khauf Aur Wehshat o Dehshat Se Use Najaat Milegi

★ Jo Shakhs Is Isme Pak Ko 1300 Bar Rozana Padh Liya Karega To Khalq e Khuda Us K Taabe Ho Jayegi Aur Us Ka Raghb Aur Dabdaba Sab Par Qayam Ho Jayega

★ Agar Koi Shakhs Is Isme Mubarak Ko Is K Adad K Mutabik Yani 136 Bar Bad Namaze Magrib Padh Liya Karega To Us K Dil Me Yakeen Ki Nehar Jari Ho Jayegi Aur Wo Har Kam Mustaqil Mijazi Aur Pukhta Yakeen Yani Confidence K Sath Karega

★ Is Isme Mubarak Me Salamati Ki Khas Taseer Maujud Hai Is Ka Hamesha Zikr Karne Wale Ko Tamam Dushmano Par Galaba Aur Tasarruf Hasil Hoga

★ Agar Koi Shakhs Rozana Ye Isme Pak 167 Bar Padha Karega To Parwar Digare Aalam Us Ko Shaitan K Waswaso Se Najat Ata Karega. Wo Log Jin Ko Namaz Me Aur Digar Ibadat Me Waswaso Ki Shikayat Ho wo Is Ka Vird Jarur Kiya Kare

★ Jin K Bache Aksar Dar Jaya Karte Ho To Ye Isme Pak Ko 21 Din Tak Rozana 630 Bar Padh Kar Pani P Dam Kar K Din Bhar Pilaya Kare Insha Allah Shifa Hasil Ho

★ Jo Shakhs Ye Isme Pak Ko Apne Naam K Adad K Mutabik Rozana Padha Karega To Insha Allah Us Ka Khatma Imaan Par Hoga Aur Wo Achi Aur Aasan Maut Marega. ALLAH Us Ko Maut Ki Sakhti Se Amaan Ata Farmayega

★ Jo Shakhs  Amaliyat Aur Chille Ki Tamam Sharait Par Amal Karte Hue Rozana Bad Namaze Isha Taza Gusl Kar K Bilkul Safed Libas Pahen Kar Mukammal Tanhai Me 2 Rakat Nafl Ada Kre Aur Fir Ye Isme Pak 786 Bar Khusooa wa Khujooa K Sath 41 Din Tak Padhta Rahega To Aisa Mehsus Hoga K Jaise Koi Noor Zaahir Hua Aur Wo Noor Us K Dil Me Utar Gaya Aur Us Ka Dil Noor e Ilahi Se Mamoor Ho Jayega (YE AMAL SIRF AAMIL HAZTAR K LIYE HI HAI)

★ Aisa Shakhs Jo Haq K Raste Ko Talash Karte Ho Sachchai K Talabgar Ho To Ye Isme Pak 41 Din Tak Rozana 13600 Bar Rozana Padhe. Insha Allah Gaib Ki Taraf Se Hidayat Ka Rasta Aur Sachchai Ka Rasta Hasil Ho Jayega

★ Agar Koi Dushman Tang Karta Ho Ya Shaitani Kamo Ki Taraf Ragib Karta Ho Ya Nafs Buraiyo Ki Taraf Le Jata Ho To Ye Isme Pak Rozana 1111 Bar 41 Din Tak Padhe Insha Allah Har Buraiyo Se Amaan Hasil Hogi Aur Iman Me Isteqamat Paida Hogi

★ Agar Kisi Ka Shohar Bad Akhlaq Ho. Bat Bat Par Gali Galoch Aur Bad Salooki Aur Bad Zabani Karta Ho To Wo Aurat Isha K Bad Ye Isme Pak 21 Din ak Rozana 6000 Bar  Padhe Aur Allah Ki Bargah Me Dua Karti Rahe To Insha Allah Shohar Muhabbat Se Pesh Aayega. Ye Hi Amal Shohar Bhi Apni Biwi K Liye Kar Skta Hai

★ Agar Koi Mard Ya Aurat Ko Wahem Ki Bimari Ho Ya Har Bat Me Koi Na Koi Wahem Ya Waswasa Aata Ho To Ye Isme Pak 136 Bar Rozana Padhne Ka Mamool Bana Le To Insha Allah Wahem Ki Bimari Se Najaat Hasil Hogi

★ Agar Koi Sahibe Iman Shakhs Sirf 40 Din Tak Har Namaz K Bad 100 Martaba Padh Liya Karega To Us K Deeni Muamlat Me Aur Ibadat Me Zabardast Izafa Hoga Aur Deen Ka Jazba Badhega

★ Agar Kisi Ka Shohar Ya Biwi Ya Koi Aziz Banda Bahot Wehmila Aur Shakki Mijaz Ka Ho To Ye Isme Pak 5000 Bar Padhe Aur Allah Se Dua Kare Aur Pani P Dam Kar K Pilaye. Amal 11 Din Tak Pabandi Se Kare Insha Allah Shak Ki Aur Wahem Ki Bimari Se Chhutkara Hasil Hoga

★ Jo Shakhs Is Isme Pak Ka Aamil Banna Chahe To 41 Din Tak Rozana Mukammal Parhez Jalali Aur Jamali K Sath Chille Ki Tamam Sharait Par Amal Karte Hue Bad Namaze Isha Mukammal Tanhai Me 4896 Bar Padh Liya Karega To Is Ism Ki Zakat Ada Ho Jayegi Aur Wo Banda Is Isme Pak Ka Aamil Ban Jayega (YE AMAL SIRF AAMIL HAZRAT K LIYE HAI)

★ Aamil Banne k Bad Dusro Ko Bhi Is Isme Pak Ka Naksh Bana Kar Diya Ja Skta Hai. Wahem Aur Waswase Ka Ilaj, Miya Biwi Me Muhabbat, Koi Jaruri Hajat, Jaan o Maal Ki Hifazat, Khauf Se Bachne K Liye, Buraiyo Se Mehfuz Rehne K Liye, Kisi K Dhoke Se Aman Me Rehne K Liye, Sath Walo Ki Bad Zabani Aur Bad Kalami Se Bachne K Liye Aur Digar Maqasid K Talluk Se Is Ka Naksh Unsar K Mutabik Bana Kar Diya Ja Skta Hai

★ Wahem Aur Shakki Mijaz K Logo K Liye Ye Naksh Bhi Bahot Kar Aamad Hai. Ye Naksh 21 Din Tak Rozana Chini Ki Plate Par Jafran o Arq E Gulab Se Likh Kar Mariz Ko Pilaye Insha Allah Har Tarah Ka Wahem Aur Shakki Mijaz Dur Ho Jayega. (NAKSH KI IMAGE NICHE UPLOAD KI HUI HAI)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا سَلَامُ) YA SALAAMU ●

■ AMALIYAT ASMA E HUSNA ■

♥ Asma e Husna :- Ya Salaamu (یَا سَلَامُ) Ki fazilat o Wazaif

★ Allah Ta'ala Ka Ek Sifati Naam As Salaam Bhi Hai. Jis k Ma'ana Hote Hai Salamati Dene wala. Beshak Allah Ta'ala Har Kism Ke Nuks Aur Har Kami Se Salamat Hai Aur Apne Bando Ko Salamati Dene Wala Hai. Insan Ko Aam Taur Pe 4 Chizo Me Salamati Dar Pesh Hoti Hai. (1) Imaan Salamat Rahe Yani Jab Duniya Se Jaye To Iman Ki Halat Me Jaye (2) Jaan Salamat Rahe (3) Maal Salamat Rahe (4) Makan Salamat Rahe. Jab In Chizo Ki Salamati Ka Khatra Paida Ho To Allah Ko Is Naam Se Pukarne Se Salamati Qayam Ho Jayegi. Ye Isme Pak Salamati K Liye Bahot Mujarrab Hai. Ye Isme Pak Jamali Hai Aur Is K Kul Adad Qamari 131 Hai.

★ Jo Koi Shakhs Is Ism Ko 131 Bar Padh Kar Mariz Par Dam Kare Aur Pani Pe Dam Kar Ke Mariz Ko Pilaye To Ba Hukme Parwardigar Mariz Shifayab Ho

★ Is Ism Ko Rozana Bad Namaze Fajar 1000 Bar Padhne Se Zehan Tez Hota Hai Aur Quwwate Hafiza Mazbut Hota Hai. Talibe Ilm K Liye Is Niyat Se Is Ism Ka Zikr Bahot Mufeed Hai

★ Marz e Shadeed Me Jab K Dr Ne Bhi Mayusi Ka Izhar Kar Diya Ho Tab Mariz K Sirhane Baith Kar 100 Bar Ye Vird  YA SALAMU YA ALLAH (يا سلام يا الله) Is Tarah Padhe K Tasbih Mariz K Sir Se Touch Ho Rahi Ho. Amal Padh Lene K Bad Tasbih Mariz K Takiye K Niche Rakh De. 3 ya 7 Din Tak Amal Kare Insha Allah Marz Me Kami Aa Jayegi

★ Is Ism Ko 111 Bar Padh Kar Apne Upar Dam Kare To Jismani Bimari se Nijat Hasil Hoti Hai

★ Agar Koi Is Ism Ko Rozana Bad Namaze Fajar 1000 Bar Hamesha Vird Karta Rahe To Hamesha Tandurast Rahe Aur Us Ki Har Hajat Dini o Dunyavi Puri Ho Aur Ghar Me Zabardast Khair o Barkat Ka Nuzool Ho Aur Lagatar Ek Saal Tak Pabandi Se Padhne Wale Ki Dur Dur Tak Shohrat Ho Jaye

★ Agar Koi Bimari Ya Kisi Asrat e Bad Ki Wajah Se Behosh Ho Gaya Ho Us K Pas Sirhane Baith Kar 300 Bar YA RAHMANU YA SALAMU (يا رحمن يا سلام) Padha Jaye. Padhte Hi Insha Allah Mariz Hosh Me Aa Jayega

★ Jis Aurat Ke Bache Ummus Subiyan K Marz Se Mar Jate Ho Wo Shuru Hamal Se Bache K Doodh Pine Tak Is Tarah Amal Kare K Sure Yaseen Ki Aayat no 58 ( سَلَامٌ قَوْلًا مِنْ رَبٍّ رَحِيمٍ) Rozana Roti Ke Tukde Par Jafran Se Likh Kar Khaye Ya Kagaz Pe Likh Kar Pani Me Ghol Kar Piya Kare Insha Allah Bacha Mehfu Rahega Aur Lambi Umr Payega

★ Agar Ye Isme Pak Ko 66 Bar Chini Ki Plate Par Jafran Se Likh Kar Pani Me Ghol Kar Pani Us Shakhs Ko Pilaye Jo Waswasa e Nafsani Me Mubtala Ho To 40 Din Tak Rozana Is Tarah Se Pilane Se Insha Allah Puri Tarah Se Waswase Ki Bimari Se Shifa Payega

★ Jo Shakhs Rozana Ye Isme Pak Ko 131 Bar Padhne Ka Aadi Ho To Jungle Ka Koi Bhi Jungli Janwar Us Ko Koi Nuksan Nahi Pahocha Sakta

★ Agar Koi Shakhs Rozana 261 bar YA SALAMU SALLIM (يا سلام سلم) Padhne Ka Mamul Bana Le To Haq Ta'ala Duniya Wa Aakhirat Me Padhne Wale Ko Salamati Aur Aafiyat K Sath Rakhe. Wo Banda Tamam Tarah K Khatarat Se Aman Me Rahe

★ Agar Mariz Ka Hath Pakad Kar Us k sirhane Baith Kar Bad Namaze Magrib Chand Roz Ye Isme Pak 170 Bar Padh Kar Mariz Par Dam Kiya Jaye To Haq Ta'ala Us Ko Shifa Ata Farmaye

★ Tawajjoh K Sath 15 Bar Ye Isme Pak Padh Kar Apni Shahadat Ki Ungli Par Dam Kar Charo Taraf Hisar Ka Daera Khinche. Ye Amal Lagatar 3 Bar Dohraye Fir 3 Bar Taali Baja Kar Dastak De. Jaha Tak Taali Ki Aawaz Jayegi Kide Makode Saanp Bichoo Aur Digar Moozi Janwar Nuksan Na Pahocha Sakenge

★ Kisi Marz Ki Shiddat Se Pareshan Ho To Bismillah Sharif K Sath Ye Isme Pak 3000 Bar Padh Kar Dawai P Dam Kar De. Ye Amal Lagatar 3 Din Tak Kare Insha Allah Dawa Ki Taseer Badh Jayegi Aur Mariz Ko Shifa Hasil Hogi

★ Jis Ghar Ke Me Ya Kisi Maqam Par Jhagda Fasaad Rehta Ho Wo Is Isme Pak Ko Jitna Jyada Ho Sake Chalte Firte Uthte Baithte Padhta Rahe Insha Allah Jaldi Hi Aman Qayam Ho Jayega

★ Is Ism Ki Khas Taseer Salamati Ki Hai. Ise Padhne Se Jaan, Maal Aur Imaan Ki Salamati Rehti Hai. Is Ism Ko Bad Namaze Magrib 33 Bar Hamesha Padhte Rehna Chahiye. Har Kism Ki Aafat Se Hifazat Rahegi

★ Kisi Masjid Me Baith Kar Ya Ghar K Kisi Tanha Kone Me Baith Kar Paki Ka Khayal Karte Hue Ye Isme Pak 125000 Bar Padh Kar Shirini Par Dam Kar K Mariz Ki Shifa Ki Niyat Se Bacho Me Takseem Kar De. Kaisi Hi La Ilaj Bimari Hogi Ba Hukme Khuda Shifa Hasil Hogi. Mujarrab Hai

★ Jo Shakhs Pak Saf Ba Wuzu Ho Kar Ye Isme Pak Zakat Ki Tamam Sharto Par Amal Karte Hue Ek Hi Maqam Par 41 Din Tak Rozana 3100 Bar Padh Liya Karega Wo Is Ka Aamil Ban Jayega Fir Jis Maksad K Liye Chahe Is Ism Ka Taveez Aur Amal De Skta Hai. Insha Allah Fayda Hoga

★ Jo Shakh Ye Naksh Ko Chandi K Patre Par Qanda Karwaye Ya Majboori Me Safed Kagaz Par Jafran Se Likh Kar Apne Pas Rakhe Aur 40 Din Tak Rozana 7000 Bar Ye Isme Pak Padh Kar Naksh Ye Dam Karta Rahe Aur Bad Amal Apne Sidhe Bazu P Bandh Le To Be Shumar Ne'amato Se Malamal Ho. Safar Me Hamesha Aman o Amaan Me Rahe. Koi Chiz Kabhi Nuksan Na Pahochaye

(Naksh Ki Image Ye Hai)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا قُدُّوْسُ) YA QUDDUSU ●

■ AMALIYAT ASMA E HUSNA ■

♥ Asma e Husna :- Ya Quddusu (یَا قُدُّوْسُ) Ki fazilat o Wazaif

★ Allah Ta'ala Ka Ek Sifati Naam QUDDUS Bhi Hai. Quddus Ke Ma'na Nafs Se Pak Hone Ke Hai. Yani Ai Munajja Ai Paak. Allah Taala Har Aib, Nuks Aur Aafat Se Pak Wa Munajja Hai Is Liye Ise Quddus Ke Naam Se Bhi Pukara Jata Hai. Munajja Se Murad Ye Hai K Jo Galat khayalat Aur Tassurat Hamare Dil Me Paida Hote Hai Allah Un Se Bilkul Pak Hai. Is Liye Use Quddus Kaha Jata Hai. Ye Ism e Pak Jamali Hai. Is Ism Ka Unsar Aabi Hai Aur Is Ke Kul Adad e Qamari 170 hai.

★ Allah Ta'ala Ne Arsh Ko Uthane Wale Farishto Ko Paida Kiya Un K Liye Ek Zikr e Khas Muntakhab Kiya. Isi Tarah Un Farishto K Liye Jo Kursi Ke Gird Hai Un K Liye Bhi Ek Zikr Khas Kiya Aur Un Farishto K Liye Bhi Jo Qalam Aur Loh Par Muqarrar Hai Sab k Liye Ek Ek Zikr e Khas Muntakhab Kiya Hai

★ Saat Aasmano Ke Farishto Ka Zikr (قُدُّوْسُ) QUDDUS Mukarrar Hai. Isi Tarah Ahle Kursi Ke Farishto Ka Zikr (سُبُّوْحٌ قُدُّوسٌ) SUBBUHUN QUDDUSUN Hai. Aur Ahle Qalam Wa Loh Ke Farishto Ka Zikr (سُبُّوحٌ قُدُّوسٌ رَبُّنَا وَ رَبُّ الْمَلٰئِکَةِ وَالرُّحَ) SUBBUHUN QUDDUSUN RABBUNA WA RABBUL MALAIKATI WARRUH Hai.

★ Jo Shakhs Har Roz Zawal K karib Is Ism Ko 170 Bar Padhega Us Ka Dil Saaf Hoga. Aqabirin Farmate Hai K Agar Is Isme Mubarak Ko Rozana 170 Bar Padhe To Tamam Wasawise Shaitani Se Mehfuz Rahe.

★ Agar Koi Is Isme Pak Ko Rozana Ek Wakt e Muqarrar Par Hamesha Padhta Rahega To Us Ka Baatin Bilkul Pak Ho Jayega

★ Jo Shakhs Juma Ki Namaz k Bad Ye Isme Pak (يا قدوس السبوح) Ko Roti k Tukde Par Likh Kar Khaye To Farishto Jaisi Sifat Hasil Ho Aur Is Amal Ki Barkat Se Bashari Kotahiya Rafta Rafta Bilkul Khatm Ho Jaye

★ Yu To insan Jab Tak Insan Hai Khatae La Mahala Us Se Sarzad Hoti Hai. Lekin Is Amal Ki Barkat Se Insan Me Malakuti Sifat Paida Ho Jati Hai Aur Hattal Imkan Galatiyo Se Mehfuz Ho Jata Hai

★ Dushman Se Panah Hasil Hone K Liye Bhagte Wakt Jis Qadar Padh Sake Ye Isme Pak (قدوس) Padhta Rahe To Allah Ne Chaha To Is Ism Ki Barkat Se Dushmano K Bich Se Bhi Guzar Jaye To Dushman Kuch Na Bigad Payega

★ Jo Musafir Ye Isme Pak Ko Safar K Dauran Vird Karta Rahe To Kabhi Pareshan Na Ho

★ Agar Koi Shakhs Is Ism Mubarak Ko Ba Kasrat Rozana Padhne Ka Mamool Bana Le To Duniya Ki Har Buri Khwahish Us K Dil Se Mit Jaye Aur Ache Aur Pakiza Khayalat Ka Markaz Ban Jaye

★Agar Is Isme Pak Ko Rozana 115 Bar Vird Kiya Jaye To Insan Ko Zahiri Aur Batini Amraz Se Sehat Nasib Ho Jaye Aur Qalb wa Nafs Bhi Taahir o Taiyab Ho Jaye

★Hasad, Bughz, Keena, Lalach, Khud Garzi, Gussa, Bukhl, Gaflat, Takabbur Vagairah Aisi Buraiya Hai Jo Rooh Ko Ibadat Ki Raah Se Rokti Hai Aur Insan Ko Yaade Ilahi Se Gafil Kar Deti Hai. In Sab Ka Ilaj Ye Isme Pak Hai. Jo Shakhs Ye Isme Pak Sham K Wkt Aaftab Guroob Hone Se Pehle 170 Bar Vird Karta Rahe To Us Ka Dil In Tamam Buraiyo Se Pak Saf Ho Jayega Aur Isi Tarah 3 Saal Tak Lagatar Padhta Raha to Us Ka Dil Allah K Noor Se Raushan Ho Jayega

★ Apni Aulad Me Ache Akhlaq Paida Karne K Liye Ye Isme Pak Mahine Me  Ek Bar Kisi Bhi Juma Ko 1100 Bar Padh Kar Pani P Dam Kar K Pilaye To Insha Allah Bacho Me Qudrati Taur Pe Ache Akhlaq Paida Honge Aur Wo Buraiyo Se Dur Rahenge

★ Bawasir, Diabetes, Blood Pressure Jaise Moozi Amraz Se Bachne K LiyeYA MAALIKU YA QUDDUSU (يا ملك يا قدوس) Rozana Fajar Ki Aur Magrib Ki Namaz K Bad 33 Bar Padh Lena Bahot Mufeed Hai. Jo Shakhs Is Ka Ba Qayda Pabandi Se Vird Rakhega Wo Ye Moozi Amraz Me Mubtala Nahi Hoga

★ Apni Milkiyat Par Apna Qabza  Barkarar Rakhne K Liye Har Jumerat Ko Bad Namaze Isha YA MAALIKU YA QUDDUSU (يا ملك يا قدوس) Ka Vird 1000 Bar Kiya Kare. Is Ki Barkat Se Aap Koi Dusra Aap Ki Property Par Qabiz Nahi Ho Payega. Chahe Kisi Ko Kiraye Par Hi Kyu Na De Rakhi Ho

★ Pregnant Aurat Shuru Wakt Se Delivery Tak Rozana Ye Isme Pak Ko 100 Bar Padhe Aur Pani Pe Dam Kar K Piti Rahe. Insha Allah Hone Wala Bacha Sari Umr Maa Baap Ka Taabedar Aur Farma Bardar Rahega Aur Us Kr Akhlaq Pakiza Honge. Agar Aurat Khud Na Padh Ske To Shauhar Padh Kar Pani P Dam Kar K De Diya Kare

★ Jo Shakhs Is Isme Pak Ka Aamil Banna Chahe To Parhez Jalali Wa Jamali Aur Tark e Haiwanat Ke Sath Chille Ki Tamam Sharto Par Amal Karte Hue 40 Din Tak Rozana 10,000 Bar Padhega To Insha Allah Is Ism Ka Aamil Ban Jayega. Fir Jis Maqsad K Liye Kisi Ko Amal Ya Taveez Bana Kar Dega Wo Pura Hoga (Ye Amal Sirf Aamil Logo K Liye Hai)

★ Ye Dua Is Ism Ki Jama Wazifa Hai. Jo Shakhs Sahibe Kashf Banna Chahe To Parhez Jalali Wa Jamali Aur Tark e Haiwanat Ke Sath Chille Ki Tamam Sharto Par Amal Karte Hue 240 Din Tak Pabandi Se Rozana Ye Vird 1100 Bar Padhta Rahe To Insha Allah Sahibe Kashf Ban Jayega. Us Ka Baatin Is Qadar Pakiza Aur Raushan Ho Jayega K Jis Kisi Ki Bhi Qabr Pe Jayega Us Ke Halat Is Par Zahir Honge Aur Qabr Wale Se Bat Chit Karega. Agar Kisi Wali Allah K Mazaar Pe Jayega To Us Wali Allah Se Roohani Mulaqat Karega. (Ye Amal Bhi Sirf Aamil Hazrat K Liye Hai. Har Koi Nahi Kar Skta. Amal Ijazat Le Kar Kare.) Amal Ki Dua Ye Hai :-

(سُبُّوحٌ قُدُّوسٌ رَبُّنَا وَ رَبُّ الْمَلٰئِکَةِ وَالرُّوحَ)

SUBBUHUN QUDDUSUN RABBUNA WA RABBUL MALAIKATI WARRUH

★ Agar Is Taviz Ko Urooj Maah Me Shab e Juma Sa'at Mushtari Me Jafran o Arq e Gulab Se Likhe Aur Neele Rang Ke Kapde Me Pack Kar K Apne Sidhe Bazu Par Bandh Le To Mahbube Khalaiq Ho. Dushman Bhi Samne Jhukne Par Majboor Ho Jaye. Naksh Bandhne K Bad Rozana Fajar Ki Namaz K Bad 170 Bar Hamesha Padhta Rahe To Ajeeb Kism Ka Ruaab Aur Dabdaba Paida Ho.. (Naksh Ki Image Niche Post Ki Gayi Hai)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مَلِكُ) YA MALIKU ●

■  AMALIYAT E ASMA E HUSNA  ■

♥ Asma e Husna :-  (یَا مَلِكُ)  YA MALIKU Ki fazilat o Wazaif

★ Allah Ta'ala Ka Ek Sifati Naam AL MALIKU bhi Hai. Jis Ka Matlab Hai Maalik Yani Badshahe Mutlaq. Yani Aisa Sahibe Iqtidar Badshah Jo Apni Tamam Makhlooqat Par Bila Shirkate Gair Hukmran Ho. Jo Kisi Ka Mohtaj Na Ho Balke Sari Duniya Us Ki Mohtaj Ho Aur Ye Zaate Girami Malike Hakiki K Siwa Dusri Koi Nahi Ho Sakti. Ye Isme Pak Jalali Hai Aur Is Isme Pak K Kul Adad 90 Hai.

★ Agar Koi Mulazim Har Namaz k Bad 90 Bar Ye Isme Pak Ka Vird Kiya Kare To Us K Officer Us Par Maherban Rahe. Agar Promotion Ki Niyat Se Padhta Rahe To Bahot Jald Promotion Mile

★ Agar Koi Banda Khud Kisi Badi Post Par Job Karta Ho Aur Us K Sath Wale Ya Us K Niche Kam Karne Wale Use Hatane Ki Koshis Karte Ho To Wo Banda Ye Isme Pak Is Tarah Se
AL MALIKUL QUDDUSU الملك القدوس
Har Namaz K Bad 90 Bar Padh Liya Kare Aur Dua Kare. INSHA ALLAH Wo Apni Post Par Hamesha Qayam Rahega

★ Is Isme Pak K Nakshe Hurufi Ko Sone Ki Takhti Par Likh Kar Angoothi Me Rakh Kar Upar Yaqoot Ka Nang Fit Karwa Kar Pahene To Jis K Bhi Samne Jaye Wo Samne Wala Is Se Magloob Rahe Aur Rahemdili Se Pesh Aaye (Nakshe Hurufi Jaldi Hi Msg Me Di Hui Link P Rakh Dunga. Post me Add Karna Mumkin Nahi)

★ Agar Koi Shakhs Ye Isme Pak Parhez Jalali Aur Jamali Aur Tark e Haiwanat K Sath Lagatar 90 Din Tak Rozana 90,000 Bar Padh Liya Kare To Us Ko Badshahat Ka Ohda Nasib Ho Jaye. Esa Aa'la Martaba Hasil Ho K Us Ne Khwab Me Bhi Guman Na Kiya Ho (ye amal sirf aamilo k liye hai har koi nahi kar skta agr karna ho to kisi aamil ki rehnumai me shuru kare)

★ Agar Kisi Bande Ko Rozgar Na Milta Ho Aur Gurbat Ki Wajah Se Bahot Tangdasti Ho To Use Chahiye K Rozana Ye Isme Pak 1100 Bar Padh Liya Kare. Is Ki Kam Se Kam Muddat 120 Din Hai. Insha Allah Rozgar Ka Zariya Ban Jayega

★ Agar Koi Banda Kahi P Kirayedar Ho Aur Maali Halat Kharab Hone Ki Wajah Se Apna Khud Ka Makan Ya Koi Property Kharidne Ki Taqat Na Rakhta Ho To Ye Isme Pak Rozana 10000 Bar Padhna Shuru Kar De. Is Ki Kam Se Kam Muddat 1 Saal Aur Zyada Se Zyada 3 Saal Hai. Is Dauran Me Allah Ese Asbab Bana Dega K Khud Ka Hi Makan Ya Dukan Ho Jayegi

★ Agar Koi Banda Kahi P Naukari Hasil Karna Chahta Ho Ya Naukari Me Promotion Chahta Ho To 21 Din Tak Rozana 7000 Bar Ye Isme Pak Is Tarah
YA MAALIKAL MULKI  يا ملك الملك
Padhe Aur Dua Kare Insha Allah Fayda Hoga

★ Agar Kisi Kirayedar Ne Ya Kisi Dushman Ne Koi Makan Ya Dukan Ya Zameen Par Na jaiz Kabza Kar Liya Ho Aur Khali Na Karta Ho Ya Court Me Case Chalta Ho To 7 Din Tak Rozana Kuch Bande Mil Kar Ye Isme Pak YA MAALIKAL MULKI  يا ملك الملك
Ka Khatam 41000 Bar Padh Liya Kare Aur Dua Kare. Insha Allah Haq P Faisla Hoga Aur Jagah Khali Ho Jayegi

★ Is Isme Pak Ka Aamil Banne K Liye 40 Din Tak Rozana Bad Namaz e Isha 5625 Bar Is Isme Pak Ka Zikr Kiya Kare. Aamil Ban Jayenge. 40 Din Ke Bad Rozana 90 Bar Vird Me Rakhe

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا رَحِیْمُ) YA RAHIMU ●

■ AMALIYAT E ASMA E HUSNA  ■

♥ Asma e Husna :-  (یَا رَحِیْمُ)  YA RAHIMU Ki fazilat o Wazaif

★ RAHIM bhi Allah Ta'ala Ka Ek Isme Pak Hai. Jis Ka Matlab Hota Hai : "Rahem Karnewala" Ye Isme Pak Jamali Hai. Lafze RAHIM Ke Adad 258 Hai. Jo Koi Is Isme Pak Ka Vird Karta Hai To Allah Us P Apni Rehmat K Darwaze Khol Deta Hai. Kyu K Jab Bhi Allah Se Us K Rahem Ki Ilteja Ki Jaye Wo Har Wkt Rahem Farmata Hai

★ Jo Koi Shakhs Rozana Bad Namaze Fajar 258 Bar Is Isme Pak Ka Vird Kiya Kare To Wo Har Dil Aziz Ho Jata Hai. Tamam Makhlooq Us Se Musakhkhar Hoti Hai

★ Jo Koi Juma K Din Asar Aur Magrib K Bich YA ALLAHU YA RAHMANU YA RAHIMU ka Vird 500 Bar Is Tarah Padhe K Khule Aasman K Niche Nange Sir Ba Wuzu Khada Ho Kar Nihayat Aajizi o Inkesari K Sath Padhe Aur Fir Allah Ki Bargah Me Jo Bhi Dua Mange Wo Jarur Qubul Ho

★ Dard e Sir K Liye 21 Bar Ye Isme Pak Kagaz P Likh Kr Mariz K Sir P Bandhe To Fauran Aaram Ho

★ Agar Kisi Se Aapasi Jhagda Ya Na Ittefaki Ho To 7 Badam Le Kar Juma K Din Tuloo Aftab K Fauran Bad Pital Ki Sui Le Kar Us Se Har Badam P Ye Isme YA RAHIMU Likhe Fir Har Ek Badam Par Ye Isme Pak 258 Bar Padh Kr Dam Kare Aur Jis Se Jhadga Ho Us Ko Khilaye To Insha Allah Aapas Ka Jhadga Khatam Ho Aur Muhabbat Kayam Ho

★ Qaul e Maula Ali : Agar Koi Shakhs Rozana 258 Bar Ye Isme Pak YA RAHIMU Padha Karega To Us Ka Khatema Imaan P Hoga Aur Qabr O Aakherat K Maumlat Me Us Ka Anjam Ba Khair Hoga

★ Agar Koi Shakhs Garibi Dur Hone Ki Niyat Se Ye Isme Pak Rozana 500 Bar Padha Karega To Kuch Hi Arse Me Ameer o Kabir Ho Jayega Aur Us Ki Maali Mushkilat Dur Ho Jayegi

★ Agar Koi Shakhs Hifazat Ki Niyat Se Har Namaz K Bad Ye Isme Pak 100 Bar Padh Liya Karega To Tamam Aafat e Duniyavi Se Mehfuz Ho Jayega

★ Agar Koi Shakhs " الرحمن الرحيم " Kagaz p Likh Kar Pani Me Ghol Kar Wo Pani Apne Khet Me Ya Kisi Darakht Ki Jhad Me Dal De To Khet Me Fasal Jyada Ho Aur Darakh K Fal Me Bhi Khub Barkat Ho

★ Namaz E Fajar K Bad Rozana Ye Isme Pak YA RAHIMU 500 Bar Padhna Izzat Me Izafa Karta Hai. Har Dil Azizi Paida Hoti Hai. Har Milne Wala Muhabbat Se Pesh Aata Hai

★ Ye Isme Pak Ka Rozana 258 Bar Vird Karne Wala Allah K Hukm Se Imaan K Sath Marega. Khatema Bil Khair Hoga Aur Sakarat Aur Naza'aa K Aalam Me Aasani Hogi

★ Agar Koi Shakhs Ye Isme Pak Ko 40 Din Tak Rozana Sone Se Pehle 1548 Bar Jis Mushkil K Liye Padhe Wo Mushkil Aasan Ho Jaye. Jis Kisi Se Koi Jaiz Kam Lena Ho Wo Jaiz Kam Wo Banda Fauran Kar Dega

★ Ye Isme Pak Ka Aamil Banne Ke Liye Is Ko 40 Din Me 3,75,000 Bar Padhe Yani Rozana 9375 Bar Vird Kiya Kare. Insha Allah Aamil Ban Jayenge. Namaz Ki Pabandi Lazmi Hai

★ Ya Rahimu Ka Isme Jabarut 40 Din Tak Rozana 3125 Bar Jo Bhi Padhega Us Ki Har Jaiz Hajat Puri Hogi. Kisi bhi Kism Ki Sakht Mushkil Hogi To Khulasi Ho Jayegi. Bad Me Rozana 258 Bar Vird Me Rkhe. Isme Jabarut Ye Hai :-

یَا رَحِیْمُ کُلِّ سَرِیُخِیْنَ وَ مَکَرُبٍ غِیَاثَهُ وَ مَآدَّهُ یَا رَحِیْمٌ

YA RAHIMU KULLI SARIKHIN WA MAKARUBIN GIYASAHU WA MA'ADDAHU YA RAHIMU

★ Dua e Rahimi Bhi Is Isme Pak Ki Jama Surat Hai. Koi Bhi Jaiz Hajat Khwah Kaisi Bhi Ho Is Dua Ki Barkat Se Puri Hogi. Is Dua Ko 11 Ya 21 Din Tak Rozana 100 Bar Padhe. Agar Zindagi Bhar K Liye Rozana 100 Bar Padha Kare To Har Jaiz Hajat Fauran Puri Ho Jaya Karegi. Dua e Rahimi Ye Hai :-

اَلّٰھُمَّ اَنْتَ الرَّحِیْمُ وَ اَنْلَخَاةِ فَمَنْ یَدْعُلْخَاةِ اِلَّا الرَّحِیْمَ یَا رَبِّ

ALLAHUMMA ANTAR RAHIMU WA ANLAKHAATI FAMAN YAD ULKHAATI ILLAR RAHIM YA RABBI

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا رَحْمٰنُ) YA RAHMANU ●

■ AMALIYAT E ASMA E HUSNA  ■

♥ Asma e Husna :-    (یَا رَحْمٰنُ)
YA RAHMANU Ki fazilat o Wazaif

★ Rabbe Kaenaat K Zaati Naam ALLAH K Baad Sab Se Zyada Khususiyat Ye Isme Pak YA RAHMANU ko Hasil Hai. Ye Naam Bhi Sirf Allah K Liye Hi Makhsus Hai. Lafze RAHMAN Rahmat Se Bana Hai. Jo Allah Ki Rehmat Ki Taraf Ishara Karta Hai. Is Isme Pak Se Nisbat Rakhte Hue Allah Ne Qurane Pak Me Puri Surat SURE REHMAN k Naam Se Nazil Farmayi Hai. Is K Alawa Aur Bhi Kai Jagah Qurane Pak Me Is Ism Ka Zikr Aaya Hai. Ye Isme Pak Jamali Hai. Lafze Rahman k Kul Adad 298 Hai.

★ Imam Ali Raza رحمة الله عليه Farmate Hai K Jo Shakhs Rozana Ye Isme Pak 258 Bar Hamesha K Liye Padhne Ka Mamool Bana Lega To Insha Allah Har Jaiz Kam Me Kamyabi Hasil Hogi

★ Jo Shakhs Har Namaz K Bad Ye Isme Pak 100 Bar Padh Liya Krega To Allah Us K Dil Ki Gaflat Ko Khatm Farma Dega

★ Jo Shakhs Rozana Fajar K Bad 298 Bar Is Isme Pak Ka Hamesha Vird Kiya Kare To Logo Me Us Ki Izzat o Waqar Badhega. Dushman Maherban Honge. BIMAR Hoga To Sehatyab Ho Jayega

★ Agar Ye Isme Pak Kisi Aaseb Zada Par 1000 Bar Padh Kar Dam Kar Diya Jaye To Aaseb Dur Ho Jaye. Neez 3000 Bar Padh Kar Pani P Dam Kar K Jadu Wale Ko Subah Sham Pilaya Jaye To Jadu Ka Asar Allah K Fazal Se Khatm Ho Jaye. LEKIN Ye Amal Lagatar 7 Din Tak Kiya Jaye

★ Agar Koi Banda Qaid Me Ho Aur Chutkara Chahta Ho To Sache Man Se Allah Ki Rehmat Pe Ummeed Rakhte Hue Rozana Ye Isme Pak 298 Bar Padh Liya Kare Aur Dua Kare To Jald Hi Qaid Se Rihaee Naseeb Ho

★ Agar Koi Shakhs Ye Isme Pak Shariat Par Paband Rehte Hue 41 Din Tak Rozana Magrib Ki Namaz K Bad 1000 Bar Padh Liya Kare To Maqam e Kashf Hasil Ho Aur Ba'az Poshida Raaz Se Waqif Ho. LEKIN Aisa Izne Khudawandi Aur Fazle Khudawandi Ki Buniyad Pe Hota Hai.

★ Agar Koi Aurat Jo Be Aulad Ho Wo Apne Naam K Adad K Mutabik Ye Isme Pak Rozana Padhti Rahe Aur Kisi Kagaz Par 15 Bar Is Tarah Likhe K 5 - 5 ki Teen Line Likhe Fir Momjama Kar K Apne Sidhe Bazu P Bandhe To Allah K Hukm Se Bahot Jald Hamela Ho

★ Ye Isme Pak 15 Bar Likh Kar Darakht Ki Jad Me Daba Diya Jaye Aur Isi Tarah 15 Bar Likh Kar Darakht Ki Shakh Par Bandh Diya Jaye To Us Darakht Par Be Intiha Fal Paida Ho

★ Ye Isme Pak Chandi Ki Anguthi Par Qandah Kara Kar Apne Pas Rakhe Aur Har Farz Namaz K Bad 21 Bar Padh Kar Anguthi Par Dam Karta Rahe To Rizk Me Be Panah Barkat Paida Ho

★ Jin K Bache Padhai Se Bhagte Ho Aur Un Ka Padhai Me Dil Na Lagta Ho To Har Namaz k Bad Ye Isme Pak 298 Bar Padh Kar Pani P Dam Kar K Pilaya Kare. Insha Allah Padhai Ka Shauk Paida Hoga

★ Agar Kisi Ko Mirgi Ki Bimari Ke Daure Aate Ho To Ek Hi Saans Me 40 Bar Ye Isme Pak Padh Kar Dam Kare Insha Allah Daura Fauran Khatm Ho Jayega. Agr Takleef Zyada Ho To Rozana Subah Sham Ye Amal Kiya Kare Dhire Dhire Daure Padna Band Ho Jayenge

★ 7 Din Tak Rozana Fajar Ki Sunnat Aur Farz Namaz K Bich Kisi Bimar K Sirhane Khade Ho Kar Ye Isme Pak 298 Bar Padh Liya Kare Aur Bimar Ko Dam Kar Diya Kare To Kaisi Bhi Bimari Ho Insha Allah Aaram Ho Jayega

★ Isme Pak RAHMAN k Muakkil Ka Naam Tarfiyaeel (طرفيائيل) Hai Aur Is K Matahat 5 Muakkil Sardar Hai. Har Sardar K Matahat Farishto Ko 70 Safe Hai. Jo Bhi Is Isme Pak Ka Vird Ya Koi Amal Padhta Hai To Ye Tamam Muakkil Batini Taur Par Amal Karne Wale Ki Madad Karte Hai. Shart Ye K Amal Jaiz Maksad Se Kiya Jaye

★ Agar Kisi Ladka Ya Ladki Ko Munasib Rishta Na Milta Ho To Use Chahiye K Rozana Tanhai Me Baith Kar Is Isme Pak Ko 3125 Bar Padhe Aur Nek Rishte Ki Dua Kare. Insha Allah Behtar Asbab Ban Jayenge

★ Agar Koi Shakhs Is Isme Pak Ko Rozana Subah Sham 1100 Bar Padhne Ko Apna Amal Bana Le To Allah Us P Apni Rehmat K Darwaze Khol Dega Aur Us Ka Dil Ibadat Ki Taraf Bhi Maeel Hoga

★ Har Mushkil K Aasan Hone K Liye Ye Isme Pak 40 Din Tak Rozana 625 Bar Padhe Aur Dua Kare. Awwal Aakhir 7 Bar Durude Pak. Behtar Hai Is Amal Me Lafze YA ALLAHU Ka Izafa Kar Liya Jaye. Yani Is Tarah Padha Jaye... YA ALLAHU YA RAHMANU

★ Jo Shakhs YA ALLAHU YA RAHMANU Ka Vird Rozana Bad Namaze Fajar Padh Liya Kare To Hamesha Sehat Mand Rahega. Agar Kisi Bimar Ko Ye Hi Amal 41000 Bar 5 Din Me Padh Kar Pani P Dam Kar Ke Pilaya Jaye To Shifa Mile

★ Ye Amal Is Isme Pak Ka Jama Wazifa Hai. Is Ko Pehle 40 Din Tak 3125 Bar Rozana Padhe Fir 298 Bar Hamesha Vird Me Rakhe To Is Isme Pak K Tamam Fazail Hasil Honge Allah Ka Khususi Karam Hasil Hoga. Har Jaiz Kam Me Barkat Hasil Hogi. Amal Ye Hai :-

یَا رَحْمٰنُ کُلِّ شَیئٍ وَ وَارِثَهُ وَ رَاحِمَهُ یَا رَحْمٰنُ

YA RAHMANU KULLI SHAIEEN WA WAARISAHU WA RAHIMAHU YA RAHMANU.

■ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا اللّٰهُ) YA ALLAHU ●

■  AMALIYAT E ASMA E HUSNA  ■

♥ Asma e Husna :-    (یَا اللّٰهُ)
YA ALLAHU Ki fazilat o Wazaif

★ "ALLAH" Ye Khaliqe Qaynat ka Zaati Naam Hai. Is Naam K Alawa Baki Sab Sifati Naam Hai. Lafze ALLAH k Kul Adad 66 Hai. Muhaqqikin Ka Manna Hai K ALLAH ye Naam Isme Aazam hai. Is Ism Ka Zikr Kai Silsilo Me Karwaya Jata Hai.

★ Agar Koi Shakhs 40 Din Tak Rozana Kisi Pak Saf Jagah Par Tanhai Me Baith Kar Khushbu Laga Kar Shariat K Faraiz Ki Pabandi K Sath Rozana 3125 Bar Padhe To Is Ism ki Zakat Ada Ho Jayegi Aur Wo Is Ism Ka Aamil Ban Jayega. Aur Fir Rozana 313 Bar Is Ka Zikr Zindagi Bhar K Liye Kiya Kre To Is Ki Barkate Bayan Karna Na Mumkin Hai

★ Chishtiya Sabriya Silsile K Baaz Mashaikh e Kiram Is Isme Pak Ko Rozana 24000 Bar Padha Hai Aur Isi Wazife Ki Badaulat Unhe Wilayat e Kubra Ka A'ala Maqam Ata Hua Hai.

★ Agar Is Isme Pak Ko Rozana 1000 Bar Padha Jaye To Quwwate Iman Wa Yakeen Me Izafa Hoga Aur Nigah Se Batin K Parde Hat Jate Hai. LEKIN Aisa Izne Khudawandi Aur Fazle Khudawandi Ki Buniyad Pe Hota Hai.

★ Agar Koi Shakhs Kamil Yakeen K Sath Har Jum'aa K Din Asar Aur Magrib K Darmiyan 200 Bar Is Isme Pak Ka Zikr Karne Ka Mamool Bana Le To Us Ki Dunyavi Mushkilat Khatam Aur Maali Pareshaniya Dur Ho Jayegi.

★ Agar Is Isme Pak Ko Sache Yakeen Se Rozana 1000 Bar Maaldar Hone Ki Niyat Se Padha Jaye To Padhne Wala Ek Saal Me Sahibe Maal Ho Jata Hai

★ Agar Koi Mareez Acha Na Hota Ho Aur Gharwale Us Ka Ilaj Karwa Kar Tang Aa Gaye Ho To Har Namaz K Bad Ye Isme Pak 6 Bar Padh Kar Mariz P Dam Kare Aur 66 Bar Padh Kar Pani p Dam Kar K Pilaya Kare Insha Allah Kuch Wakt Me Sehatyab Ho Jaye

★ Agar Kisi Jaiz Kam Me Rukawat Aa Gayi Ho Aur Banda Chahe K Ruka Hua Kam Ho Jaye To Dil Me Niyat Rakh K Is Isme Pak Ko 40 Din Me 1,25,000 Bar Padhe Aur Rozana Jinta Bhi Padhe Us K Bad Dua Jarur Kare To Ruka Hua Kam Pura Hoga Aur Agar Koi Dili Khwahish Hogi Ya Hajat Darpesh Hogi To Wo Puri Hogi

★ Agar Koi Shakhs Rozana Bad Namaze Fajar 1000 Bar Aur Bad Namaze Isha 1000 Bar Padhe To Wo Mustajabud Da'awat Ban Jayega (Lekin Zindagi Bhar k Liye Padhe Kabhi Naga Na Kare) Aur Har Wo Jaiz Dua Jo Us Ki Zuban Se Niklegi Wo Fauran Qubul Hua Karegi

★ Jo Banda Ye Isme Pak Har Namaz K Bad 1000 Bar Padha Kare To Us Ka Dil Duniya Se Mutanaffir Ho Jayega Aur Yade Ilahi Ki Taraf Maeel Ho Kar Sirf ALLAH Ki Ibadat Me Laga Rahega Aur Ishaq e Ilahi Naseeb Hoga

★ Agar Kisi Ko Esa koi Marz Ho Jo Dawa Se Bhi Thik Na Hota Ho To Mariz K Gharwale Mil Kar Ye Isme Pak Jo 125000 Bar Padhe Aur Dua Kare Aur Pani P Dm Kar K Fir Wo Pani Mariz Ko Pilaya Kare Insha Allah Shifa Hasil Ho

★ Agar Koi Shakhs Kisi Na haq Jhagde Me Fans Gaya Ho Aur Us K Khilaf Court Me Case Ban Gaya Ho To TARIKH wale Din Ye Isme Pak Ka Lagatar Vird Jari Rakhe Aur Dil Me Insaf K Liye Dua Krta Rahe. Agar Wo Haq P Hoga To Faisala Usi K Favour Me Aayega

● Is Isme Pak Ka Khas Amal :

یَا اَللّٰهُ الْمَحْمُوْدُ فِیْ کُلِّ فِعَالِهِ یَا اَللّٰهُ

Ye Amal Kaza e Hajat Aur Digar Har Kam K Liye Mujarrib Hai. TARIKA Is k Padhne Ka Ye Hai K Pehle 40 Din Tak Rozana 4444 Bar Padh Liya Kare Us K Bad Rozana 313 Bar Vird Me Rakhe. Insha Allah Har Jaiz Hajat Gaib Se Puri Hogi Har Jaiz Kam Me Gaibi Madad Hasil Rahegi. Hamesha Tandurast Rahega. Har Jagah Izzat Hasil Hogi Aur Esi Barkate Jin Ka Bayan Karna Na Mumkin Hai Zindagi Bhar Milti Rahegi. Is Amal Me Kisi Tarah K Koi Parhez Ki Jarurat Nahi Hai. Ye Amal Har Koi Kar Sakta Hai. Shart Ye Hai K Shariat Ka Paband Ho Aur Namaz Ki Pabandi Lazmi Hai. Amal Pak Saf Kapde Pahen Kar Kiya Kare.

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...
♥ ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA POST - 6 ●

■  AMALIYAT E ASMA E HUSNA  ■

               ♥  POST :- 6  ♥

◆ Asma e Husna Wo Naam Jin ka Zikr Kiya Jata Hai Us ki Tafseel Aur Un K Adad :-

★ Jab Bhi Asma E Ilahi Ka Zikr Karenge To Ye Baat Hamesha Zehan Me Rakhe K Agar Rat Ko Zikr Karenge To Hurf e Nida "YA..." K Sath Zikr Karenge Jaise Ya Allahu... Ya Rahmanu... Ya Rahimu... Aur Agar Din Me Zikr Karenge To Hurf "ALIF LAAM" Ko Mila Kar Zikr Karenge Jaise Al Kareemu... Al Jabbaru... Al Latifu... Yaha Har Ek Naam K Adad Likh Diye Gaye Hai Is Se Aasani Se Pata Chal Jayega K Hamare Naam K Adad K Hisab Se Hame Kaun Se Naam Mubarak Ka Vird Karna Behtar Hai...

Ya Allahu (یَا اللّٰهُ) 66
Ya Rahmanu (یَا رَحْمٰنُ) 298
Ya Rahimu (یَا رَحِیْمُ) 258
Ya Maliku (یَا مَلِكُ) 90
Ya Quddusu (يا قدوس) 170
Ya Salaamu (یَا سَلَامُ) 132
Ya Mu'aminu (یَا مُؤْمِنُ) 136
Ya Muhaiminu (یَا مُھَیْمِنُ) 145
Ya Azizu (یَا عَزِیْزُ) 94
Ya Jabbaru (یَا جَبَّارُ) 206
Ya Mutakabbiru (یَا مُتَکَبِّرُ) 662
Ya Khaaliqu (یَا خَالِقُ) 731
Ya Baarioo (یَا بَارِئُ) 213
Ya Musavviru (یَا مُصَوِّرُ) 336
Ya Gaffaru (یَا غَفَّارُ) 1281
Ya Qahharu (یَا قَھَّارُ) 306
Ya Wahhabu (یَا وَھَّابُ) 14
Ya Razzaqu (یَا رَزَّاقُ) 308
Ya Fattahu (یَا فَتَّاحُ) 489
Ya Aleemu (یَا عَلِیْمُ) 450
Ya Qabidu (یَا قَابِضُ) 903
Ya Baasitu (یَا بَاسِطُ) 72
Ya Raafioo (یَا رَافِعُ) 351
Ya Khaafidu (یَا خَافِضُ) 1481
Ya Mueezzu (یَا مُعِزُّ) 117
Ya Muzillu (یَا مُذِلُّ) 770
Ya Samioo (یَا سَمِیْعُ) 180
Ya Basiru (یَا بَصِیْرُ) 302
Ya Adlu (یَا عَدْلُ) 104
Ya Latifu (یَا لَطِیْفُ) 129
Ya khabiroo (یَا خَبِیْرُ) 812
Ya raqiboo (یَا رَقِیْبُ) 312
Ya Mujibu (یَا مُجِیْبُ) 55
Ya Wasioo (یَا وَاسِعُ) 137
Ya Hakamu (یَا حَکَمُ) 68
Ya Wadudoo (یَا وَدُوْدُ) 20
Ya Azeemu (یَا عَظِیْمُ) 1020
Ya Gafuroo (یَا غَفُوْرُ) 1286
Ya Shakuroo (یَا شَکُوْرُ) 526
Ya Aliyyu (یَا عَلِیُّ) 110
Ya Kabiroo (یَا کَبِیْرُ) 232
Ya Hafizu (یَا حَفِیْظُ) 998
Ya Muqeetu (یَا مُقِیْتُ) 550
Ya Haseebu (یَا حَسِیْبُ) 80
Ya Jaleelu (یَا جَلِیْلُ) 73
Ya Karimu (یَا کَرِیْمُ) 270
Ya Majeedu (یَا مَجِیْدُ) 57
Ya Baaeesu (یَا بَاعِثُ) 573
Ya Shaheedu (یَا شَھِیْدُ) 319
Ya Haqqu (یَا حَقُّ) 108
Ya Qaviyyu (یَا قَوِیُّ) 116
Ya Wakeelu (یَا وَکِیْلُ) 66
Ya Mateenu (یَا مَتِیْنُ) 500
Ya Waliyyu (یَا وَلِیُّ) 46
Ya Hameedu (یَا حَمِیْدُ) 62
Ya Muhsi (یَا مُحْصِیْ) 148
Ya Mubdioo (یَا مُبْدِئُ) 56
Ya Mueedu (یَا مُعِیْدُ) 124
Ya Muhyee (یَا مُحْیِیْ) 68
Ya Mumeetu (یَا مُمِیْتُ) 490
Ya Hayyu (یَا حَیُّ) 18
Ya Qaiyumu (یَا قَیُّوْمُ) 156
Ya Waajidu (یَا وَاجِدُ) 14
Ya Maajidu (یَا مَاجِدُ) 48
Ya Waahidu (یَا وَاحِدُ) 19
Ya Ahadu (یَا اَحَدُ) 13
Ya Samadu (یَا صَمَدُ) 134
Ya Qaadiru (یَا قَادِرُ) 305
Ya Muqtadiru (یَا مُقْتَدِرُ) 744
Ya Muqdimu (یَا مُقْدِمُ) 184
Ya Mu'akhkhiru (یَا مُؤَخِّرُ) 846
Ya Awwalu (یَا اَوَّلُ) 37
Ya Aakhiru (یَا آخِرُ) 801
Ya Zaahiru (یَا ظَاھِرُ) 1106
Ya Baatinu (یَا بَاطِنُ) 62
Ya Waaliyu (یَا وَالِیُّ) 47
Ya Muta'aali (یَا مُتَعَالِیْ) 541
Ya Barru (یَا بَرُّ) 202
Ya Tavvabu (یَا تَوَّابُ) 409
Ya Muntaqeemu (یَا مُنْتَقِمُ) 430
Ya Mun'eemu (یَا مُنْعِمُ) 200
Ya Afuvvu (یَا عَفُوُّ) 156
Ya Raoofu (یَا رَؤُفُ) 286
Ya Maalikal Mulki (یَا مَالِكَ الْمُلْكِ) 212
Ya Zuljalali Wal Ikraam (یَا ذُولْجَلَالِ وَالْاِکْرَمُ) 1100
Ya Rabbu (یَا رَبُّ) 202
Ya Muqsitu (یَا مُقْسِطُ) 209
Ya Jaamioo (یَا جَامِعُ) 114
Ya Ganiyyu (یَا غَنِیُّ) 1060
Ya Mugni (یَا مُغْنِیْ) 1100
Ya Mu'ateeyu (یَا مُعْطِیُ) 129
Ya Maanioo (یَا مَانِعُ) 161
Ya Daarru (یَا ضَارُّ) 1001
Ya Naafioo (یَا نَافِعُ) 201
Ya Nooru (یَا نُوْرُ) 256
Ya Haadiyu (یَا ھَادِیُ) 22
Ya Badioo (یَا بَدِیْعُ) 86
Ya Baaqi (یَا بَاقِیْ) 113
Ya Waarisu (یَا وَارِثُ) 707
Ya Rashidu (یَا رَشِیْدُ) 614
Ya Saburoo (یَا صَبُوْرُ) 298
Ya Daaemu (یَا دآئِمُ) 45
Ya Halimu (یَا حَلِیْمُ) 88
Ya Hannanu (یَا حَنَّانُ) 109
Ya Mannanu (یَا مَنَّانُ) 141
Ya Sarioo (یَا سَرِیْعُ) 340
Ya Huva (یَا ھُوَ) 11
Ya Subbuhu (یَا سُبُّوْحُ) 76
Ya Basiru (یَا بَصِیْرُ) 302
Ya Shafioo (یَا شَافِیُ) 391
Ya Haafizu (یَا حَافِظُ) 987
Ya Sattaru (یَا سَتَّارُ) 661
Ya Musabbibal Asbab (یَا مُسَبِّبَ الْاَسْبَابْ) 201
Ya Maanioo (یَا مَانِعُ) 161
Ya Kaafi (یَا کَافِیْ) 111
Ya Aadilu (یَا عَادِلُ) 105
Ya Hakimu (یَا حَکِیْمُ) 178
Ya Mubinu (یَا مُبِیْنُ) 102
Ya Qaeemu (یَا قَائِمُ) 141
Ya Haamidu (یَا حَامِدُ) 53
Ya Haakimu (یَا حَاکِمُ) 53
Ya Sub'hanu (یَا سُبْحٰنُ) 120

■ Insha Allah Agli Post se Asma e Husna K Fazail Ki Tafseel Aur Un k Amaliyat Post Kiye Jayenge

✏   To Be Continue..... ✍

Is msg ko jyada se jyada share kare.

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...
+ 91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA POST - 5 ●

■  AMALIYAT E ASMA E HUSNA  ■

            ♥  POST :- 5  ♥

★ Hamare Naam k Liye Kaun Se Asma e Husna Ka Zikr Behtar Aur Faydemand Hai Ye Janne Ka Sab Se Aasan Tarika Ye Hai K Sab Se Pehle Apne Naam K Adad Nikal Liye Jaye Aur Fir Un Adad K Mutabik Jis Asma e Husna Ke Adad Match Hote Ho Usi Ka Zikr Hamare Liye Behtar Hai. Jab Bhi Zikr Karenge To Naam k Adad + Asma e Husna K Adad = Target.... Is Quantity Me (yani double kar k) Padhenge

★ For Example :- Jaise Kisi Ka Naam JABIR Hai Jo Urdu Me Is Tarah (جابر) Se Likhenge. Is Naam k Kul Adad 206 Hote Hai. Ab Hame Ye Dekhna Hai k Kis Asma e Husna k Adad Is Naam Se Match Hote Hai..? Is Lihaz Se In K Liye Asma E Husna YA JABBARU (يا جبار) Hai. Ab Is Naam K Adad + Asma e Husna K Adad = Target. Yani 206 + 206 = 412. In K Liye Rozana (يا جبار) Ka Zikr 412 Karna Mufeed Hai

★ Aksar Kuch Naam Ese Hote Hai Jin K Adad Kisi Bhi Asma e Husna K Adad Se Match Nahi Karte. Us Wakt Ese Do (2) Asma E Husna Jin Dono K Adad Ka Total Hamare Naam K Mutabik Ho Un Ka Zikr Kiya Jayega

★ For Example :- Jaise Mera Naam ALTAF Hai. Jo Urdu Me Is Tarah (الطاف) Se Likhenge. Is Naam K Kul Adad 121 Hote Hai. Ab Kisi Bhi Asma e Husna K Adad 121 Nahi Hote. Ese Me Koi 2 Ese Naam Jin k Kul Adad 121 Ho Un Naamo Ko Mila Kar Un ka Zikr Kiya Jayega. Jis Hisab Se  Mere Liye Ye Asma e Husna  YA MUJEEBU YA ALLAH (يا مجيب يا الله) Hai Jin K Kul Adad 121 Hote Hai Aur 121 + 121 = 242 Bar Is Naam Ka Zikr Karna Mere Liye Faydemand Hai.

★ For Example :- Mere Ek Relative Jin Ka Naam IQBAL Hai. Jo Urdu Me Is Tarah (اقبال) Se Likhenge. Is Naam K Kul Adad 134 Hote Hai. Ab Kisi Bhi Asma e Husna K Adad 134 Nahi Hote. Ese Me Koi 2 Ese Naam Jin k Kul Adad 134 Ho Un Naamo Ko Mila Kar Un ka Zikr Kiya Jayega. Jis Hisab Se Un K Liye Ye Asma e Husna YA JAMIOO YA WADUDU (يا جامع يا ودود) Hai Jin K Kul Adad 134 Hote Hai Aur 134 + 134 = 268 Bar Is Naam Ka Zikr Kiya Jayega.

★ Naam K Adad Nikalne K Liye Aap Ko Apna Naam Urdu Language Me Kis Tarah Likhte Hai Ye Malum Hona Chahiye. Yaha Niche Jo App Ki Link Di Hui Hai Use Playstore Se Download Kar Lijiye Aur Fir Open Kar k Urdu Me Apna Naam Likhiye. Ye Software Aap K Naam K Adad Khud Ba Khud Calculate Kar K Bata Dega

Adad Calculator v 2.85 ( http://market.android.com/search?q=pname:com.zaifastafa.adadcalculatornew )

■ Insha Allah Agli Post Se Asma e Husna K Har Ek Naam K Fazail Ki Tafseel Post Shuru Hogi

✏   To Be Continue..... ✍

◆ Is msg ko jyada se jyada share kare.

●  ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...
+91 99795 78644

♥ ROOHANI ILAJ ki Digar Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA POST - 4 ●

■  AMALIYAT E ASMA E HUSNA  ■

            ♥  POST :- 4  ♥

★ Khas Dua Isme Aazam Ka Majmooa :- Zafar Jalil Sharah Ibne Haseen Me Likhte Hai k Hzrt Jalaluddin Suyuti Shafaee رحمة الله تعالى عليه ne Isme Aazam Ki Tahkik Me Ek Risala Alada Tahkik Me Tasneef Liya Hai. Jab Sabab e Khauf Zakhamat k Isi (Dua) Par Iktifa Kiya Jata Hai K Baaz Muhakkikin Ne Kaha Hai K Ye Dua Jamea Sab Aqwal Ki Hai k Tamam Isme Aazam Jo Buzurgo Se Manqool Hai Is Dua Me Aa Jate Hai. Wo Dua Ye Hai

اَللّٰھُمَّ اِنِّی اَسْاَلُکَ بِاَنَّ الْحَمْدُ لَا اِلٰهَ اِلَّا اَنْتَ یَا حنَّانُ

یَا مَنَّانُ یَا بَدِیْعُ السَّمٰوٰتِ وَالْاَرْضِ یَا ذَالْجَلَالِ وَالْاِکْرَامِ

یَا خَیْرُ الْوَارِثِیْنَ یَا اَرْحَمَ الرَّاحِمِیْنَ یَا سَمِیْعَ الدُّعَآءِ یَا

اَللّٰهُ یَا اَللّٰهُ یَا اَللّٰهُ یَا عَالِیْمُ یَا سَمِیْعُ یَا عَلِیْمُ یَا حَلِیْمُ

یَا مَالِكَ الْمُلْكِ یَا مَلِكُ یَا سَلَامُ یَا حَقُّ یَا قَدِیْمُ یَا قَآئِمُ

یَا غَنِیُّ یَا مُحِیْطُ یَا حَکِیْمُ یَا عَلِیُّ یَا قَاھِرُ یَا رَحْمٰنُ یَا

رَحِیْمُ یَا سَرِیْعُ یَا کَرِیْمُ یَا مُخْفِی یَا مُعْطِیْ یَا مَانِعُ یَا

مُحْیِ یَا مُقْسِطُ یَا حَیُّ یَا قَیُّومُ یَا اَحَدُ یَا حَمَدُ یَا رَبِّ

یَا رَبِّ یَا رَبِّ یَا رَبِّ یَا وَھَّابُ یَا غَفَّارُ یَا قَرِیْبُ لَا اِلٰهَ

اِلَّا اَنْتَ سُبْحَانَكَ اِنِّ کُنْتُ مِنَ الظّٰلِمِیْنَ اَنْتَ حَسْبِی

وَ نِعْمَ الْوَکِیْلُ○ وَ اِسْمُ اللّٰهِ تَعٰالٰی الْاَعْظَمُ الَّذِی اِذَا

سُئِلَ بِهِ اَعْطٰی وَ اِذَا دُعِیَ بِهِ اَجَابَ اَللّٰھُمَّ اِنِّی اَسْئَلُكَ

بِاَنِّی اَشْھَدُ اَنَّكَ اَنْتَ اللّٰهُ لَا اِلٰهَ اِلَّا اَنْتَ الْاَحَدُ الصَّمَدُ

الَّذِی لَمْ یَلِدْ وَ لَمْ یُوْلَدْ وَ لَمْ یَکُنْ لَهُ کُفُوًا اَحَدٌ ○

★ ZIKR KA TARIKA :- Jab Bhi Asma E Husna Ka Zikr Shuru Karna Ho To Pehle Bismillah Sharif Padhe Fir Bad Me 11 Bar Durude Pak Aur Fir Ye Dua 1 Bar Padhe....

اَلَّذِی کَمِثْلِهِ شَئٌ وَھُوَ السَّمِیْعُ الْبَصِیْرَ نِعْمَ الْمَوْلٰی وَ

نِعْمَ النَّصِیْرَ حَسْبِیَ اللّٰهُ وَقَدْ کَفٰی سَمِعَ اللّٰهُ لِمَنْ دَعَا

لَیْسَ وَرَاءَاللّٰهِ الْمُنْتَقٰی مِنْ العْتَصَمَ بِحَبْلِ اللّٰهِ نَجٰی..

Fir Zikr Shuru Kare. Aur Jab Zikr Khatam Kare To Ye Dua Padhe...

سُبْحَانَ اللّٰهِ مَنْ لَمْ یَزَلْ کَرِیْمًا وَلاَ یَزَالُ رَحِیْمًا ○

Itna Padh Kar Fir 11 Bar Durude Pak Padhe.

◆ Insha Allah Agli Post Me Hamare Liye Kaun Se Asma e Husna Ka Zikr Behtar Hai Us Ka Tarika Post Hoga

✏   To Be Continue..... ✍

■ Is msg ko jyada se jyada share kare.

●  ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 9979578644

♥ ROOHANI ILAJ ki Digat Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA POST - 3 ●

■  AMALIYAT E ASMA E HUSNA  ■

             ♥  POST :- 3  ♥

★ Asma e Husna K Talluk Se Kuch Basharate :-

★ AAQA ﷺ Ne Zaid Bin Sabit رضي الله عنه Ko Yu Dua Karte Suna

اَللّٰھُمَّ اِنِّی اَسْئَلُکَ بِاَنَّ لَکَ الْحَمْدُ لَا اِلٰهَ اِلَّا اَنْتَ وَحْدَکَ

لَا شَرِیْکَ لَكَ یَا حَنَّانُ یَا مَنَّانُ یَا بَدِیْعَ السَّمٰوٰتِ وَلْاَرْضِ

یَا ذَالْجَلَالِ وَالْاِکْرَامِ یَا حَیُّ یَا قَیُّوْم

Farmaya Ye Allah Ta'ala Ka Wo Isme Aazam Hai K Jab Us Se Pukara Jaye To Wo Sune Aur Jab Manga Jaye Ata Farmaye

★ Ibne Abbas رضي الله عنه Farmate Hai k Isme Aazam "RABBI RABBI" hai. Hadees Me Hai K AAQA ﷺ Ne Farmaya K Jab Banda "YA RABBI YA RABBI" (یَا رَبِّ یَا رَبِّ) Kehta Hai To Allah Ta'ala Farmata Hai 'Labbaik Ai Mere Bande Mang k Tuje Diya Jaye'

★ AAQA ﷺ Ne Ek Aadmi Ko Kehte Hue Suna

یَا ذَالْجَلَالِ وَالْاِکْرَامِ

To Farmaya K Mang K Teri Dua Qubul Hui

★ Hzrt Imam Zainul Aabedin رضي الله عنه Ne Khwab Me Dekha k Isme Aazam Ye Hai

اَللّٰهُ اَللّٰهُ اَللّٰهُ الَّذِیْ لَا اِلٰهَ اِلَّا ھُوَ رَبُّ الْعَرْشِ الْعَظِیْمِ

★ AAQA ﷺ Ne Farmaya K Jibrail عليه السلام  Mere Pas Kuch Duae Laye Aur Arz Ki k Jab Huzur Ko Koi Hajat Pesh Aaye To Inhe Padh Kar Dua Mangiye

یَا بَدِیْعَ السَّمٰوٰتِ وَالْاَرْضِ یَا ذَالْجَلَالِ وَالْاِکْرَامِ یَا صَرِیْخَ

الْمُسْتَصْرِخِیْنَ یَا غَیَاثَ الْمُسْتَغِیْثِیْنَ یَا کَاشِفَ السُوْعِ

یَا اَرْحَمَ الرَّاحِمِیْنَ یَا مُجِیْبَ الدَّعْوَاتِ الْمُضْطَرِّیْنَ یَا اِلٰهَ

الْعٰلَمِیْنَ بِکَ اُنْزِلَ حَاجَتِیْ وَ اَنْتَ اَعْلَمُ بِھَا فَقْضِھَا ○

《¤》 AHWAL : Abu Dawood, Hakim

● Insha Allah Agli Post Me Zikr Ki Khas Dua Post Ki Jayegi

✏   To Be Continue..... ✍

■ Is msg ko jyada se jyada share kare.

◆  ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

Mob no :- +919979578644

》》 ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA POST - 2 ●

■  AMALIYAT E ASMA E HUSNA  ■

            ♥  POST :- 2  ♥

★ Asma e Husna K Talluk Se Kuch Basharate :-

★ Hadees Sharif Me Aayate Karima

لا اله الا انت سبحانك اني كنت من الظالمين

K Bare Me Farmaya Hai K Ye Isme Aazam Hai. Aayate Karima Qubul e Dua aur Dafa e Bala Me Khas Asar Rakhti Hai. Hzrt Sa'ad Bin Abi Wakkas رضي الله عنه Ki Hadees Me Hai K AAQA ﷺ Ne Farmaya k Mai Tumhe Allah Ta'ala Ka Wo Isme Aazam Na Bata Du K Jab Wo Is Se Pukara Jaye To Suna Kare Aur Jab Us Se Sawal Kiya Jaye To Ata Kare... (Wo Dua Ye Aayate Karima Hai)

★ AAQA ﷺ Ne Ek Aadmi Ko Ye Kehte Suna K

اَللّٰھُمَّ اِنِّی اَسْئَلُکَ بِا اَنِّی اَشْھَدُ اَنَّکَ اَنْتَ اللّٰهُ لَا اِلٰهَ

اِلَّا اَنْتَ الْاَحَدُ الصَّمَدُ الَّذِی لَمْ یَلِدْ وَلَمْ یُوْلَدْ وَلَمْ یَکُنْ

لَهُ کُفُوًا اَحَدٌ ○

To Irshad Farmaya K Khuda Ki Kasam Tune Allah Ta'ala Se Wo Isme Aazam Le Kar Sawal Kiya K Jab Us Se Sawal Kiya Jata Hai To Allah Ta'ala Ata Karta Hai. Jab Us Se Dua Ki Jati Hai To Qubul Farmata Hai.

★ Hzrt Bin Yahya رضي الله عنه se Riwayat Hai k Dua Karta Tha Allah Ta'ala Se K Muje Isme Aazam Dikha De. Muje Aasman Me Ek Sitara Nazar Aaya Jis Par Likha tha...

یَا بَدِیْعَ السَّمٰوٰتِ وَالْاَرْضِ یاَ ذَالْجَلَالِ وَالْاِکْرَامِ

★ Ek Hadees Me Aaya Hai K Isme Aazam In Do Aayato Me Hai...

اِلٰھُکُمْ اِلٰهٌ وَّاحِدٌ لَا اِلٰهَ اِلَّا ھُوَ الرَّحْمٰنُ الرَّحِیْمُ ○
Aur
الم اَللّٰهُ لَا اِلٰهَ اِلَّا ھُوَ الْحَیُّ الْقَیُّوم ○

《¤》 AHWAL : Tirmizi, Ahmed, Nasaai, Baihaqi, Ibne Majah, Abu Dawood

■ Insha Allah Agli Post Me Kuch aur Basharto Ka Hawale K Sath zikr Kiya Jayega.

✏   To Be Continue..... ✍

● Is msg ko jyada se jyada share kare.

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...
Mob no. : +91 99795 78644

》》 ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA POST - 1 ●

■  AMALIYAT E ASMA E HUSNA  ■

            ♥  POST :- 1  ♥

★ Asma e Husna Se Murad HAQ Ta'ala K Wo Asma e Girami Hai Jin Ka Zikr Qurane Pak Me Mukhtalif Andaz Me Aaya Hai Aur Jin K Zariye  Se Dua Mangane Ki Talkeen Ki Gayi Hai. Allah Ta'ala Qurane Karim Me Sure Aa'araf Me Irshad Farmata Hai :

وَلِلّٰهِ الْاَسْمآءُ الْحُسْنٰی فَدْعُوْهُ بِھَا....

Aur Allah Hi K Hai Bahot Ache Naam. To Use Un Se Pukaro...

Aur Sure Taaha Me Farmata Hai :

اَللّٰهُ لَآ اِلٰهَ اِلَّا ھُوَ... لَهُ الاَسْمَآءُ الحُسْنٰی

Allah k Us k Siwa Kisi Ki Bandagi Nahi Usi K Hai Sab Ache Naam...

★ Tafseer Is Ki Ye Hai K Allah Ne Ye Baat Irshad Farmai Hai Muje Un Naamo Se Pukaro Jin Ka Zikr Aasmani Kitabo Me Mazkur Hai Aur Jin Naamo Ki Achchai Aur Pakizagi Ko Wajeh Kiya Gaya Hai. Aur Ulema Farmate Hai K Har Naam Apne Aap Me Ek Isme Aazam Hai Isi Liye Buzurgane Deen Ne Bhi Hame Is ki Talkeen Farmai Hai.

★ SARAKR Aala Hazrat K Walid Sahab Maulana Naqi Ali Khan رحمة الله عليه  Ne Apni Kitab "TASNIF E LATIF AHSANUD DUA" me 9 Basharato Me Isme Aazam ka Ishara Farmaya Hai Aur SARKAR Aala Hazrat رحمة الله عليه  Ne Un Me 11 Basharato Ka Izafa Kar K 20 Ka Adad Pura Kiya.

◆ Insha Allah Agli Post Me Un Me Se Kuch Basharto Ka Hawale K Sath zikr Kiya Jayega.

✏   To Be Continue..... ✍

● Is msg ko jyada se jyada share kare.

■  ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...
Mob no. : +91 99795 78644

》》 ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com