● ASMA E HUSNA :- (یَا تَوَّابُ) YA TAWWABU ●

               ■ AMALIYAT ASMA E HUSNA ■

♥ Asma e Husna :- Ya Tawwabu (یَا تَوَّابُ) Ki Fazilat o Wazaif

★ Allah Ta’ala Ka Ek Sifati Naam Hai Ya Tawwabu. Yani Ai Tauba Qubool Karne Wale. Banda Gunah Karta Hai Fir Allah Use Tauba Ki Taufik Ata Farmata Hai To Banda Tauba Karta Hai Aur Allah Use Baksh Deta Hai. Fir Jat Tak Allah Ta’ala Taufik Ata Kiye Rakhta Hai To Wo Banda Gunaho Se Baaz Rehta Hai. Magar Banda Jab Fir Se Gunah Kar Baithta Hai Aur Allah Use Fir Tauba Ki Taufik Ata Farmata Hai. Banda Tauba Karta Hai Aur Allah Fir Se Us Ki Tauba Qubool Kar  Leta Hai. Allah Ne Apni Is Sifat Ka Bayan Karne Ke Liye Qurane Pak Me Sure Tauba Naam Se Ba Kayda Ek Surat Nazil Farmayi Hai. Ye Isme Pak Jamali Hai Aur Kul Adad Qamari Is Isme Pak Ke 409 Hai

★ Jo Shakhs Sote Wakt Is Isme Pak Ko 409 Bar Padhe, Allah Ta’ala Apne Fazl Se Use Sachi Tauba Ki Taufik Ata Farmayega

★ Jo Shakhs Is Isme Pak Ko Har Namaz Ke Bad 24 Bar Padhta Rahega Wo Allah Ki Rehmat Se Hamesha Apni Tauba Par Qayam Rahega

★ Jo Shakhs Is Isme Pak Ko Mahe Ramzan Ke Aakhari Ashre Me Rozana 21121 Bar Padhe Aur Awwal Aakhir 11 Bar Durude Pak Padhe, To Aane Wale Mahe Ramzan Tak Khsh Hali Me Rahega Aur Us Ki Zindagi Sukoon Se Guzregi. Ba Sharte Ke Apne Gunaho Se Tauba Kar Le Aur Aainda Gunah Na Karne Ka Irada Kar Le

★ Agar Kisi Shakhs Ki Jaiz Dua Puri Na Hoti Ho To Wo 11 Din Tak Lagatar Is Isme Pak Ko 1100 Bar Padhe Aur Apne Gunaho Ki Tauba Karte Hue Is Isme Pak Ko Waseela Bana Kar Apni Jaiz Dua Mange. In sha Allah Qubool Hogi

★ Jis Shakhs Ko Ma’arefat Ka Rasta Na Milta Ho To Wo Allah Ke Tasawwur Me Dub Kar Kasrat Se Is Isme Pak ka Wird Kiya Kare. In sha Allah Us Par Batin Ki Raah Khul Jayegi Aur Allah Ki Taraf Se Rehnumai Bhi Hasil Hogi

★ Hzrt Sakhi Sultan Bahu Ka Irshad Hai Ke Jo Shakhs Is Isme Pak Ko Bad Namaze Chasht 120 Bar Rozana Padhne Ka Mamool Bana Le To Allah Ta’ala Us Ke Nafs Ko Farma Bardar Bana Deta Hai Aur Us Ka Nafs Allah Ke Khauf Se Nek A’amal Ki Taraf Maeek Rahega

★ Agar Koi Shakhs Is Isme Pak Ko Rozana Bad Namaze Fajar Pabandi Se 170 Bar Padh Liya Karega To In sha Allah Us Ka Dil Nekiyo Ki Taraf Maeel Hoga Aur Gunaho Se Dur Rehne Lagega

★ Agar Koi Shakhs Is Isme Pak Ko Rozana 360 Bar Padhta Rahega Aur Allah Se Tauba Karta Rahe To Allah Apne Fazl Aur Rehmat Se Us Ke Tamam Sagira Kabeera Gunaho Ko Muaf Farma Dega

★ Agar Kisi Bache Par Rozana Subah Sham Ye Isme Pak 10 Bar Padh Kar Dam Kar Diya Kare To Bacha Nazre Bad Se Aur Tamam Aafato Se Hifazat Me Rahega In sha Allah

★ Agar Kisi Ko Shaitani Khayalat Tang Karte Ho To Wo Is Isme Pak Ke Aamil Ke Pas Is Isme Pak Ka Naksh Banwa Kar Gale Me Pahen Le. In sha Allah Us Ko Shaitani Khayalat Tang Nahi Karenge Aur Us Ki Zindagi Bade Ahsan Tarike Se Guzregi

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6544 Bar Padhe To 40 Din Ke Bad Aamil Ban Jayega. Fir Rozana 409 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا بَرُّ) YA BARRU ●

              ■ AMALIYAT ASMA E HUSNA ■

♥ Asma e Husna :- Ya Barru (یَا بَرُّ) Ki Fazilat o Wazaif

★ Allah Ta’ala Ka Ek Sifati Naam Hai Ya Barru. Yani Ai Neki Wale. Allah Ta’ala Ba Zaat Khud Neki Ki Sifat Wala Hai. Us Ki Zaat, Us Ki Sifat, Af’aal Aur Ikhteyarat Se Hikmat Aur Neki Ayaa Hoti Hai. Isi Liye Use Barr Kaha Jata Hai. Beshak Allah Ta’ala Apni Makhlooq Par Har Kism Ki Neki Karta Hai Aur Apne Bando Ko Nekiya Karne Ki Taufik Ata Farmata Hai. Kyu Ke Koi Bhi Nek Amal Us Ki Ataa Karda Taufik Ke Bagair Sar Anjam Nahi Pa Sakta. Is Lihaz Se Bhi Allah Ko Barr Ki Sifat Se Pukara Jata Hai. Ye Isme Pak Jalali Hai Aur Kul Adad Kamari Is Isme Pak Ke 202 Hai

★ Jo Shakhs Is Isme Pak Ka Kasrat Ke Sath Zikr Karta Hai, Allah Ta’ala Us Bande Par Apni Ne’amato Ki Barish Kar Deta Hai. Us Ki Tabiyat Me Nekiya Kut Kut Kar Bhar Deta Hai Aur Wo Banda Har Ek Se Acha Sulook Karne Lagta Hai. Jo Koi Is Isme Pak Ka Zikr Karne Ke Bad Jaiz Dua Mange Wo Qubool Hoti Hai

★ Jo Shakhs Kisi Safar Par Jaye Aur Safar Ke Aaghaz Me Is Isme Pak Ko 100 Bar Padh Le Aur Agar Daurane Safar Me Bhi Padhta Rahe To In sha Allah Safar Ki Har Kism Ki Musibat Aur Takleef Se Mehfuz Rahega Aur Apni Manzil Par Ba Hifazat Pahochega Aur Aman Ke Sath Wapas Aayega

★ Jahaz, Kishti Ya Plane Wagairah Kisi Toofan Me Fans Jaye Aur Us Ki Sawariyo Ko Musibat Ka Samna Ho To Tamam Sawar Is Isme Pak Ko Kasrat Ke Sath Padhna Shuru Kar De. In sha Allah Har Kism Ke Toofan Se Bahar Aa Jayenge. Kashit Ya Jahaz Hoga To Wo Pani Me Doobne Se Bach Jayega

★ Jo Shakhs Buri Aadato Me Fans Gaya Ho Jaise Sharab, Jua, Badkari Ya Chori Jaisi Buri Aadato Me Duba Hua Ho, Heroin Ya Ganjha Wagairah Ka Nasha Karta Ho, Aise Shakhs Ke Liye 1100 Bar Ye Isme Pak Padh Kar Dua Kar Ke Pani Par Dam Kar Ke Kuch Pani Us Shakhs Ko Pilaye Aur Kuch Pani Us Ke Kapdo Par Chidak De. Isi Tarah 40 Din Tak Rozana Amal Kare. In sha Allah Har Buri Aadat Chhut Jayegi

★ Jis Shakhs Ke Ghar Bache Ki Wiladat Ho Aur Us Bache Par 7 Bar Ye Isme Pak Padh Kar Dam Kar Diya Jaye To Wo Bacha Balig Hone Tak Aman Me Rahega In sha Allah

★ Jo Shakhs Sharab Aur Zina Jaise Gunaho Me Mubtala Ho Aur Us Se Bachna Chahta Ho To Rozana Subah Sham 7 Bar Ye Isme Pak Padh Kar Apne Upar Dam Kar Liya Kare. In sha Allah Shaitani Kaam Se Hifazat Me Rahega

★ Agar Kisi Bande Ya Bache Ko Nazare Bad Lag Jati Ho To Ye Isme Pak 111 Bar Padh Kar Pani Par Dam Kare Aur Pila De. In sha Allah Nazar Khatam Ho Jayegi

★ Har Tarah Ke Bure Kam Se Aur Badkariyo Se Bachne Aur Nafs Ko Kabu Me Rakhne Ke Liye Ye Isme Pak Rozana 202 Bar Padh Liya Kare. In sha Allah Hifazat m Rahegi

★ Apne Halat Ki Durustagi Ke Liye Har Namaz Ke Bad Ye Isme Pak 7 Bar Padh Liya Kare

★ Agar Koi Shakhs Is Isme Pak Ko Rozana 700 Bar Padh Liya Kare To Allah Apne Fazl Se Us Shakhs Ke Tamam Gunah Muaf Farma Degi

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 3125 Bar Padhe To 40 Din Ke Bad Aamil Ban Jayega. Fir Rozana 202 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُتَعَالِی) YA MUTA’ALI ●

                ■ AMALIYAT ASMA E HUSNA ■

♥ Asma e Husna :- Ya Muta’ali (یَا مُتَعَالِی) Ki Fazilat o Wazaif

☪ Allah Ta’ala Ka Ek Sifati Naam Hai Ya Muta’ali. Yani Ai Buland Aur Bartar. Kaenat Me Sab Se Buland Aur Bartar Allah Ta’ala Hai. Lughat Me Muta’ali Lafze Uloo Se Bana Hai Jis ka Matlab Buland Hona Hai. Yani Allah Ta’ala Apni Azmat Aur Qibriyaee Me Sab Se Buland Aur Balaa Hai Aur Tamam Naqais Aur Uyoob Se Munajja Aur Pak Hai. Is Ki Bulandi Hamari Aqal Aur Faham Se Bhi Balatar Hai. Ye Isme Pak Jalali Hai Aur Kul Adad Qamari Is Isme Pak Ke 551 Hai

☪ Ye Isme Pak Mushkil Me Aasani Paida Karne Ke Liye Bahot Mujarrab Hai. Lehaza Sakht Se Sakht Mushkil Aur Musibat Me Is Isme Pak Ko Kasrat Ke Sath Padhna Shuru Kare Aur Har Namaz Ke Bad Chutkare Ki Dua Kare. In sha Allah Nijat Hasil Hogi

☪ Agar Kisi Shakhs Par Kisi Dushman Ne Na Jaiz Muqaddama Dakhil Kar Diya Ho To Us Se Chutkare Ke Liye Is Isme Pak Ko 21 Din Tak Rozana 6250 Bar Isha Ki Namaz Ke Bad Padhe Aur Dua Kare. In sha Allah Bagair Kisi Nuksan Ke Muqaddame Se Khulasi Hasil Ho Jayegi

☪ Agar Kisi Ko Koi Aisi Hajat Darpesh Ho Jaise Kisi Ki Shadi Na Hoti Ho, Kisi Ka Qarza Ada Karna Ho Ya Kisi Se Picha Chhudana Maqsad Ho To Is Isme Pak Ko 11 Din Tak Rat Ke Aakhari Hisse Me 2755 Bar Padhe Aur Sajda Rez Ho Kar Allah Ki Bargah Me Maksad Ki Dua Kare. In sha Allah Hajat Puri Hogi

☪ Agar Koi Ladka Ya Ladki Shabe Juma Me Aadhi Rat Ko Uth Kar Tahajjud Ada Kar Ke Fir 2 Raka’at Nafal Namaz Hajat Ki Niyat Se Padhe. Salam Fer Kar Aankhe Band Kar Ke Qibla Rukh Ho Kar Baithe Aur 551 Bar Ye Isme Pak Padhe Aur Fir Nek Rishte Ki Dua Kare. Amal 7 Shabe Juma Tak Kare. Allah Ke Fazl Se Rishta Mil Jayega

☪ Agar Koi Shakhs Is Isme Pak Ko 120 Din Tak Rozana 3125 Bar Padhe To Wo Hamesha Ba Izzat Rahega Aur Milne Walo Me Buland Martaba Hasil Karega

☪ Agar Koi Aurat Is Isme Pak Ko Haiz Ke Ayyam Ke Dauran Rozana 551 Padhe To Haiz Ki Takleefo Se Aasani Payegi Aur Marz Ki Shiddat Se Mehfuz Rahegi. In sha Allah

☪ Jo Shakhs Apne Maratib Ko Badhane Ke Liye Aur Haq Ta’ala Se Apna Bandagi Ka Rishta Mazboot Karne Ke Liye 101 Bar Ye Isme Pak Rozana Padhega, Us Ke Darajat Buland Honge Aur Us Ke Andar Parhezgari Paida Hogi. In sha Allah

☪ Jo Shakhs Is Isme Pak Ko Aadhi Rat Ko 1100 Bar Padhne Ke Bad Khule Aasman Ke Niche Khada Ho Kar Jo Bhi Jaiz Dua Karega To Wo Dua Allah Ke Karam Se Qubool Hogi

☪ Kisi Hakim, Judge Ya Officer Ke Samne Jate Wakt Is Isme Pak Ko Dil Hi Dil Me Kasrat Ke Sath Padha Kare. In sha Allah Wo Hakim Ya Judge Narmi Se Pesh Aayega

☪ Agar Koi Shakhs Is Isme Pak Ka Ye Naksh Hurufi Chandi Ya Sone Ki Takhti Par Qanda Karwa Kar Apne Pas Rakhe To Us Ko Martaba e Azeem Hasil Hoga In sha Allah. Naksh Aatashi Chal Se Banaya Jayega

(NAKSH KI IMAGE BLOG SE HASIL KARE)

☪ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12500 Bar Padhe To 40 Din Ke Bad Aamil Ban Jayega. Fir Rozana 551 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com