● ASMA E HUSNA :- (یَا صَبُوْرُ) YA SABUROO ●

              ■ AMALIYAT ASMA E HUSNA ■

♥ Asma e Husna :- Ya Saburoo (یَا صَبُوْرُ) Ki Fazilat o Wazaif

★ Allah Ta’ala Ka Ek Sifati Naam Hai Ya Saburoo. Yani Ai Bardasht Karne Wale. Sabr Ek Bahot Hi Acha Wasf Hai, Aur Saboor Allah Ta’ala Ka Sifati Naam Hai. Is Isme Pak Ka Qurane Pak Ki Aayato Me Bhi Zikr Moujud Hai. Jo Shakhs Is Isme Pak Ko Zyada Se Zyada Padhne Lage Us Me Sabr Karne Ki Quwwat Badh Jati Hai. Wo Sakht Se Sakht Musibat Me Bhi Saabir Ho Jata Hai. Isi Liye Baaz Sufiyane Kiram Ne Ahle Tarikat Ke Ibtedai Mureedo Ko Ye Isme Pak Padhne Ki Taalim Farmai Hai Ta Ke Rahe Sulook Me Aane Wali Pareshaniyo Ko Sabr Ke Sath Bardasht Kar Sake. Ye Isme Pak Jalali Hai Aur Kul Adad Is Isme Pak Ke 298 Hai

★ Jis Shkahs KoKoi Ranj Ya Musibat Dar Pesh Ho To Use Chahiye Ke Is Isme Pak Ko 298 Bar 11 Din Tak Rozana Padhe Aur Pani Par Dam Kar Ke Piye. In sha Allah Musibat Me Sabr Karne Ki Quwwat Aa Jayegi Aur Us Musibat Ka Samna Karne Ki Bhi Himmat Paida Ho Jayegi

★ Agar Kisi Aurat Ka Shauhar Hamesha Us Se Ladta Jhagadta Ho Aur Baat Baat Par Gussa Karta Ho To Us Aurat Ko Chahiye Ke Is Isme Pak Ko Rat Ke Wakt 1100 Bar Padhe Aur Shauhar Ki Naram Dili Ki Dua Kare. Ye Amal 11 Din Tak Kare. In sha Allah Fayda Hoga. Shauhar Bhi Apni Bad Zuban Biwi Ke Liye Ye Amal Kar Sakta Hai

★ Agar Kisi Mulazim Ya Naukar Ka Malik Ya Afsar Naraz Ho Gaya Ho Aur Bat Bat Par Sakhti Karta Ho To Mulazim Ko Chahiye Ke Is Isme Pak Ko 11 Din Tak Rozana 11000 Bar Padhe Aur Dua Kare. In sha Allah Malik Ya Afsar Naram Mijaz Ka Ho Jayega

★ Agar Kisi Aurat Ki Aulad Mar Jaye Ya Kahi Gum Ho Jaye Ya Kahi Chala Jaye Aur Us Ko Sabar Na Aata Ho, Bar Bar Rona Aata Ho Aur Bache Ki Judai Bar Bar Dil Ko Sadma Pahochati Ho To Chahiye Ke Ye Isme Pak 1000 Bar Padh Kar Pani Par Dam Kar Ke Pilaye Aur 11 Din Tak Ye Hi Amal Karte Rahe. In sha Allah Aurat Ko Sabar Aa Jayega

★ Agar Kisi Mard Ya Aurat Par Koi Bahot Bada Sadma Dar Pesh Aa Jaye, Aulad Ya Koi Azeez Qaribi Rishtedar Mar Jaye Ya Maa Baap Me Se Kisi Ki Mout Ho Jaye, Jawani Me Biwi Ya Shauhar Ka Inteqal Ho Jaye. Jis Ki Wajah Se Dil Aur Dimag Par Gehra Sadma Pad Gaya Ho To Aise Mamlat Me Ye Isme Pak 7 din Tak Rozana 707 Bar Padh Kar Pilaye. In sha Allah Sadma Khatm Ho Jayega

★ Jo Shakhs Kisi Ranj o Musibat Me Mubtela Ho To Rozana Ye Isme Pak 1000 Bar Padh Liya Kare. In sha Allah Lagatar 40 Din Padhne Se Us Ki Pareshani Dur Ho Jayegi Aur Us Ko Itminane Qalb Naseeb Hoga

★ Agar Koi Shakhs Dushmano Ki Zaban Bandi Chahta Ho Aur Us Ke Sharr Se Mehfuz Rehne Ka Khwahish Mand Ho To Rozana Bad Namaze Fajar Aur Isha Ke Ye Isme Pak 700 Bar Padh Liya Kare Aur Lagatar 90 Din Tak Padhe, In sha Allah Maksad Ko Pahochega

★ Agar Koi Shakhs Mushkilat Me Giraftar Ho, Rozgar Ki Pareshaniyo Ka Shikar Ho, To Us Ko Chahiye Ke Har Farz Namaz Ke Bad Ye Isme Pak 33 Bar Padh Liya Kare. In sha Allah Mushkilat Se Nijat Hasil Hogi Aur Rizk Me Bhi izafa Hoga

★ Agar Kisi Shakhs Ko Kisi Tarah Ke Ranj o Gham Ka Samna Ho Aur Wo Gham Bar Bar Dil Me Aata Ho,Kisi Chahite Shakhs Ne Achanak Rishta Tod Diya Aur Naraz Ho Kar Dur Chala Gaya Ho Aur Ab Soch Aur Khayalat Bar Bar Usi Ki Taraf Ja Rahe Ho Aur Chahe Ke Dil Dimag Me Se Wo Sab Khayalat Dur Ho Jaye Aur Us Baat Par Sabr Hasil Ho Jaye To Ye Isme Pak 11 Ya 21 Din Tak Rozana Subah Sham 453 Bar Padh Kar Pani Par Dam Kar Ke Pi Liya Kare. Allah Ke Hukm Se Dil Me Sukoon Paida Ho Jayega

★ Itminane Qalb Aur Noore Batin Ke Liye Aadhi Rat Ke Bad Ye Isme Pak 1000 Bar Kul 120 Din Tak Pabandi Se Padhta Rahe To Allah Ke Fazl Se Maksad Hasil Karega

★ Agar Koi Shakhs Kisi Bala e Nagahani Ka Shikar Ho To Bad Namaze Maghrib Ye Isme Pak 130 Bar Padhe Aur Jab Tak Us Bala Se Chutkara Hasil Na Ho Tab Tak Amal Jari Rakhe

★ Agar Kisi Aurat Ka Hamal Zaya Ho Jata Ho To Qurane Hakeem Ki Surah Aale Imran Ki Ye Aayat No. 200 Ko Ek Kagaz Par Red Ink Se Likhe Aur Fir Ye Isme Pak (یَا صَبُوْرُ) 298 Bar Padh Kar Dam Kare Aur Fir Hamela Aurat Ki Kamar Me Taweez Bana Kar Bandh De. In sha Allah Hamal Mehfuz Rahega. Aayat Ye Hai :-

بِسْمِ اللہِ الرَّحْمٰنِ الرَّحِیْمِ ۔ یٰاَیُّہَا الَّذِیْنَ اٰمَنُوا اصْبِرُوْا وَصَابِرُوْا وَرَابِطُوْا   وَاتَّقُوا اللہَ لَعَلَّکُمْ تُفْلِحُوْنَ

★ Agar Kisi Aurat Ko Hamal Na Rukta Ho To Us Aurat Ke Sir Se Le Kar Pair Tak Ka Naap Le Kar 11 Dhage Red Colour Ke Le Kar Us Ko Aapas Me Mila Kar Ek Dhaga Bana Kar Us Par 7 Girah Lagaye Aur Har Girah Par Ye Alfaz 11 Bar Padh Kar Dam Kare. Fir Wo Ganda Aurat Ki Kamar Me Bandh De. Allah Ne Chaha Ho 3 Maah Me Hamal Qarar Payega. Wo Alfaz Ye Hai :-

اَلصَّبُوْرُ لَا اِلَّا اللّٰہُ 

★ Kisi Bhi Muamle Me Sabar o Zabt Ki Taqat Hasil Karne Ke Liye Is Isme Pak Ka Ye Naksh Zul Kitabat Is Isme Pak Ke Aamil Ke Pas Banwa Kar Pas Rakhna Bahot Mufeed Sabit Hota Hai

(NAKHS KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Asar Tanhai Me Ye Isme Pak 4736 Padhe, To 40 Din Ke Bad Aamil Ban Jayega. Fir Rozana 298 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا رَشِیْدُ) YA RASHIDU ●

■ AMALIYAT ASMA E HUSNA ■

♥ Asma e Husna :- Ya Rashidu (یَا رَشِیْدُ) Ki Fazilat o Wazaif

★ Allah Ta’ala Ka Ek Sifati Naam Hai Ya Rashidu. Yani Ai Sidhi Raah Dikhane Wale. Duniya Ka Sab Se Behtar Rehnuma Allah Hai. Wo Hi Har Kism Ki Makhlooq Ko Sidhi Raah Par Chalane Wala Hai. Wo Ba Zaate Khud Rushd Aur Hidayat Ka Ataa Karne Wala Hai, Aur Ahle Duniya Ko Isi Ki Taufiq Aur Nazare Inayat Se Hidayat Milti Hai. Isi Liye Allah Ko Rashid Kaha Jata Hai. Beshak Wo Allah Hi Hai Jo Har Hidayat Talab Karne Wale Ki Rehnumai Farmata Hai, Us Ke Har Hukm Me Hidayat Payi Jati Hai. Ye Isme Pak Jamali Hai Aur Kul Adad Is Isme Pak Ke 514 Hai

★ Jo Shakhs Rahe Hidayat Ka Taalib Ho Use Chahiye Ke Har Namaz Ke Bad Ye Isme Pak 100 Bar Padhne Ka Apna Hamesha Ka Mamool BanaLe. In sha Allah Wo Nek Rah Par Jayega, Sa’aadat Mandi Ki Tamam Raahe Khul Jayegi Aur Is Ki Barkat Se Wo Ek Acha Insan Ban Jayega

★ Agar Batini Rehnumai Ke Liye Sahi Roohani Ustad Ya Murshid Na Mil Raha Ho To Chahiye Ke Isha Ki Namaz Padh Kar So Jaye Aur Fir Tahajjud Ke Wakt Me Uthe. Fir Namaze Tahajjud Ada Kare Aur Fir 3000 Bar Ye Isme Pak Padhe. Us Ke Bad Sajde Me Sir Rakh Kar Sahi Roohani Ustad Ya Murshide Kamil Milne Ki Dua Kare. Isi Tarah Se 11 Din Tak Amal Kare. In sha Allah Murshide Kamil Ya Roohani Ustad Mil Jayega

★ Agar Koi Shakhs Kisi Naye Kaam Ka Aaghaz Karna Chahta Ho Ya Koi Nayi Factory Lagana Chahe Ya Naya Karobar Shuru Karna Chahta Ho, Lekin Us Ke Talluk Se Koi Munasib Raah Na Milti Ho Munasib Asbab Na Ban Rahe Ho To 21 Din Tak Rozana Isha Ki Namaz Ke Bad Is Isme Pak Ko 3000 Bar Padhe Aur Dua Kare. Allah Ke Fazl Se Isi Dauran Khwab Ke Zariye Ya Kisi Aur Ki Zaban Se Us Kam Ke Talluk Ishara Mil Jayega

★ Hzrt Sakhi Sultan Bahoo رحمت اللہ علیہ “AQAL E BEDAR” Me Irshad Farmate Hai Ke, Agar Koi Shakhs Is Isme Pak Ko Maghrib Ki Namaz Ke Bad 1000 Bar Padhe To Us Ke Har Kaam Me Us Ko Kaam Karne Ki Rehnumai Mil Jayegi Aur Har Kam Aasani Se Sar Anjam Pata Rahega, In sha Allah

★ Agar Koi Shakhs Is Isme Pak Ko Rozana Bad Namaze Fajar Aur Maghrib Ke 1000 Bar Khade Ho Kar Padhne Ka Apna Mamool Bana Liya Karega, To Allah Ki Rehmat Se Us Ki Har Muhim Me Kamyabi Hasil Hogi

★ Ye Isme Pak Har Kism Ka Nasha Chudane Ke Liye Bahot Akseer Hai. Agar Kisi Ka Nasha Chudana Maksood Ho To Is Isme Pak Ko 11 Din Tak Rozana 11500 Bar Padhe Aur Dua Kar Ke Pani Par Dam Kar Ke Rakh Diya Kare. Akhari Din Amal Padh Kar Us Pani Par Dam Kar Ke Fir Wo Pani Nasha Karne Wale Ke Kapado Par Aur Bistar Par Chidak Dein Aur Baki Pani Us Nasha Karne Wale Ko Pila Dein. Isi Tarah Se 11 – 11 Din Ke Kul 3 Amal Kare

★ Agar Kisi Shakhs Ko Apne Kisi Mas’ale Ka Kisi Tarah Ka Koi Hal Na Milta Ho Aur Wo Chahe Ke Us Ke Mas’ale Ke Hal Ke Bare Me Ghaib Se Koi Rehnumai Hasil Ho Jaye To Chahiye Ke 11 Din Tak Rozana 1000 Bar Is Isme Pak Ka Wird Kare Aur Dua Kare. In sha Allah Parda e Ghaib Se Use Kisi Tarah Se Rehnumai Hasil Ho Jayegi

★ Agar Koi Shakhs Is Isme Pak Ko Rozana 1000 Bar Padhne Ka Mamool Bana Le To Raahe Hidayat Payega Aur Us Ke Dil Me Ishqe Ilahi Paida Hoga, In sha Allah

★ Agar Koi Shakhs Apni Quwwate Hafiza Badhana Chahta Ho To Use Chahiye Ke Har Farz Namaz Ke Bad Is Isme Pak Ko 100 Bar Padh Kar Dua Kar Ke Pani Par Dam Kar Ke Pi Liya Kare. Allah Ke Karam Se Hafiza Tez Ho Jayega

★ Buzurgo Ne Farmaya Hai Ke Jo Shakhs Is Isme Pak Ke Aamil Ke Pas Is Isme Pak Ka Ye Nakhsh Zul Kitabat Banwa Kar Apne Pas Rakhe To Us Ke Zahiri Aur Batini Halat Allah Ke Fazl o Karam Se Durust Rahenge. Shart Ye Ke Is Naksh Ko Hamesha Apne Pas Rakhe Aur Rozana Pabandi Se Ye Isme Pak 100 Bar Padh Liya Kare

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Asar Tanhai Me Ye Isme Pak 6250 Padhe, To 40 Din Ke Bad Aamil Ban Jayega. Fir Rozana 514 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا وَارِثُ) YA WAARISU ●

               ■ AMALIYAT ASMA E HUSNA ■

♥ Asma e Husna :- Ya Waarisu (یَا وَارِثُ) Ki Fazilat o Wazaif

★ Allah Ta’ala Ka Ek Sifati Naam Hai Ya Waarisu. Yani Ai Waaris, Wirasat Wale Aur Tamam Chizo Ke Maalik. Waaris Ka Matlab Kisi Chiz Ka Kisi Ke Bad Malik Hona Hai, Duniya Ki Wirasat Faani Hai Aur Har Chiz Ka Hakiki Waaris Allah Hi Hai. Kyu Ke Tamam Makhlooqat Ke Khatam Hone Ke Bad Sirf Aur Sirf Allah Hi Ki Zaat Baki Rahegi Aur Usi Ke Huzoor Me Har Chiz Rujoo Karegi. Yani Allah Hi Azal Aur Abad Ka Waaris Hai. Ye Isme Pak Jamali Hai Aur Kul Adad Qamari Is Isme Pak Ke 707 Hai

★ Ye Isme Pak Ka Wird Husule Manasib Aur Bulandi e Darajat Ke Liye Bahot Mufeed Hai. Is Liye Agar Koi Mulazim Ki Tarakki Ruk Jaye Aur Mahkame Wale Ohde Ki Tarakki Ke Liye Razi Na Ho Rahe Ho To Aise Shakhs Ko Chahiye Ke Is Isme Pak Ko 41 Din Tak Rozana Bad Namaze Fajar 707 Bar Padhe Aur Dua Kare. In sha Allah Ruki Hui Tarakki Badh Jayegi

★ Agar Koi Sahibe Kashf Salik Is Isme Pak Ko Kasrat Ke Sath Padhta Rahe To Us Ke Roohani Darajat Me Bahot Bulandi Aur Tarakki Hasil Hogi. In sha Allah

★ Agar Koi Shakhs Family Ke Property Ke Masail Me Ulajh Gaya Ho Aur Us Ke Sath Wale Us Ko Property Me Jaiz Hissa Dene Ko Razi Na Ho Ya Court Me Case Chal Raha Ho To Is Isme Pak Ko Tanhai Me Baith Kar Isha Ki Namaz Ke Bad 2828 Bar Rozana Kul 41 Din Tak Padhte Rahe Aur Apna Jaiz Haq Milne Ki Allah Ki Bargah Me Dua Karte Rahe. In sha Allah Us Ko Us Ka Jaiz Haq Jo Bhi Hoga Wo Mil Jayega

★ Jo Shakhs Rat Ko Sote Wakt Is Isme Pak Ko Rozana 100 Bar Padh Liya Kare Aur Us Ke Bad Apni Jaan, Maal, Aur Ahlo Ayal Aur Biwi Bacho Ko Allah Ki Panah Me De Kar Un Ke Mehfuz Rehne Ki Allah Se Dua Kare, To Allah Ke Fazl Se Us Ka Maal o Daulat Aur Ahlo Ayal Hifazat Me Rahenge

★ Agar Koi Shakhs Chahta Ho Ke Us Ki Umar Daraz Ho Jaye, Us Me Barkat Ho Jaye To Us Ko Chahiye Ke Har Islami Mahine Ki Pehli Jumerat Ko Isha Ki Namaz Ke Bad Ye Isme Pak 41000 Bar Padhe Aur Dua Kare. In sha Allah Us Ki Umar Daraz Hogi. Kul 41 Jumerat Tak Kare

★ Hzrt Imam Boni رحمۃ اللہ علیہ Farmate Hai Ke Ye Isme Pak Ka Zikr Husule Wirasat Ke Liye Bahot Mufeed Hai. Is Ke Zikr Karne Wale Ko Qaum Ki Sardari Milti Hai. Aulad Aur Maal Me Barkat Hoti Hai, Aur Jo Shakhs Rozana Har Namaz Ke Bad Is Isme Pak Ko 313 Bar Padhne Ka Mamool Bana Le Us Ke Rizk Me Allah Ke Hukm Se Be Panah Izafa Ho Jayega

★ Agar Kisi Shakhs Ko Koi Maali Pareshani Ho Aur Wo Us Ko Hal Karna Chahta Ho To Us Ko Chahiye Ke 41 Din Tak Rozana Isha Ki Namaz Se Pehle Is Isme Pak Ko 1111 Bar Padhe Aur Dua Kare. In sha Allah Us Ki Maali Pareshani Dur Ho Jayegi

★ Jo Koi Shakhs Is Isme Pak Ko Rozana Suraj Nikalte Wakt 100 Bar Padhne Ka Apna Mamool Bana Le To Allah Ke Karam Se Har Tarah Ke Ranj o Gham Se Mehfuz Rahega

★ Hzrt Abu Abdullah Kufi علیہ الرحمہ Bayan Farmate Hai Ke Agar Koi Shakhs Is Isme Pak Ka Zikr Is Tarah Kare Ke Haal Gaalib Aa Jaye Yani Wajd Me Aa Jaye To Wo Qabeele Ka Sardar Ban Jaye Aur Apne Maal Aur Aulad Me Barkat Payega, In sha Allah

★ Agar Koi Beemar Insan Rozana Subah Aur Sham 100 Bar Ye Isme Pak Padhne Ka Mamool Bana Le To Allah Ki Rehmat Se Us Ko Bimari Se Najat Hasil Hogi

★ Agar Koi Kamzor Insan Har Namaz Ke Bad Ye Isme Pak 14 Bar Padh Liya Kare To Kuch Hi Wakt Me In sha Allah Us Ki Kamzori Dur Hogi

★ Agar Koi Shakhs Rozana Isha Ki Namaz Ke Bad Ye Isme Pak 707 Bar Padhne Ka Apna Mamool Bana Le To Us Ko In sha Allah Duniya Ki Be Shumar Ne’amate Hasil Hogi. Itni Ne’amate Jin Ka Tasawwur Bhi Nahi Kar Sakta

★ Agar Kisi Ko Aulad Na Hoti Ho Aur Tamam Tibbi Ilaj Bhi Kar Ke Mayus Ho Chuke Ho To Us Ko Chahiye Ke Lagatar 40 Din Tak Roze Rakhe Aur Iftar Se Pehle Ye Isme Pak Rozana 1000 Bar Padhe Aur Allah Se Dua Kare Aur Pani Par Dam Kar Ke Us Pani Se Iftar Kare. In sha Allah Aulad Ho Jayegi

★ Agar Kisi Ko Aulad e Nareena Na Hoti Ho To Us Ko Chahiye Ke Rozana Ye Aayate Mubaraka Ko Is Tarah Se Isha Ki Namaz Ke Bad 100 Bar Padh Liya Kare Aur Dua Kar Ke Pani Par Dam Kar Ke Dono Miya Biwi Pi Liya Kare. In sha Allah Murad Puri Hogi. Aayat Ye Hai :-

یَا وَارِثُ رَبِّ لَا تَذَرْنِیْ فَرْدًا وَّ اَنْتَ خَیْرُ الْوَارِثِیْنَ  ۔

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Asar Tanhai Me Ye Isme Pak 3125 Padhe, To 40 Din Ke Bad Aamil Ban Jayega. Fir Rozana 707 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا بَاقِیْ) YA BAAQI ●

■ AMALIYAT ASMA E HUSNA ■

♥ Asma e Husna :- Ya Baaqi (یَا بَاقِیْ) Ki Fazilat o Wazaif

☪ Allah Ta’ala Ka Ek Sifati Naam Hai Ya Baaqi. Yani Ai Hamesha Baki Rehne Wale. Baaqi Ka Matlab Ye Hai Ke Jo Hasti Ya Jo Chiz Shuru Se Apni Jis Halat Me Ho Waisi Hi Hamesha Ke Liye Baaqi Rahe. Allah Ta’ala Ko Baaqi Is Liye Kaha Jata Hai Ke Wo Hamesha Ke Liye Baki Rahega. Jab Sab Kuch Fana Ho Jayega Tab Bas Usi Ki Zaat Hogi, Us Ke Alawa Koi Baki Na Rahega. Ye Isme Pak Jalali Hai Aur Kul Adad Qamari Is Isme Pak Ke 113 Hai

☪ Ye Isme Pak Izzat, Iqtedar Aur Hukoomat Ko Baki Rakhne Ke Liye Bahot Akseer Hai. Is Liye Jo Sahibe Izzat Shakhs Is Isme Pak Ko Rozana 100 Bar Padhne Ka Apna Mamool Bana Le, Us Ki Jo Haisiyat Aur Jo Muqam Hoga Wo Allah Ke Fazl Se Ta Hayat Baki Rahega

☪ Agar Kisi Shakhs Ke Karobar Tabah Aur Khatm Hone Ke Aasar Paida Ho Rahe Ho, Ya Kisi Property Ya Khet Wagairah Ko Arsa e Daraz Tak Baki Rakhne Ka Irada Ho To Rozana Is Isme Pak Ko 12500 Bar 10 Din Tak Padh Kar Pani Par Dam Kar Ke Pani Us Jagah Par Chhidak Diya Kare Jis Ka Baki Rakhna Maqsood Ho

☪ Agar Kisi Chiz Ko Barbadi Se, Aafat Ya Musibat Jaise Danga Fasad, Zalzala, Aag Lagna Wagairah Se Mehfuz Rakhne Ka Irada Ho To Is Isme Pak Ke Aamil Ke Pas Is Isme Pak Ka Naksh Musallas Ya Murabba Taiyar Karwa Kar Us Jagah Par Rakh Diya Ya Laga Diya Jaye To In sha Allah Wo Jagah Har Aafat Aur Barbadi Se Mehfuz Rahegi

☪ Ye Isme Pak Quwwate Hafiza Ko Tez Karne Aur Aakhari Umar Tak Qayam Rakhne Ke Liye Bhi Mujarrab Hai. Is Liye Agar Koi Shakhs Is Isme Pak Ko Maghrib Ki Namaz Ke Bad 33 Bar Padhne Ka Hamesha Ka Apna Mamool Bana  Le To Allah Ke Karam Se Us Ki Quwwate Hafiza Aakhari Umar Tak Qayam Rahegi

☪ Agar Kisi Bache Ya Kisi Shakhs Ka Hafiza Kamzor Ho Gaya Ho, Koi Chiz Yaad Karne Ke Bad Bhi Bhul Jate Ho Aur Hafiza Mazboot Karne Ka Irada Ho To Is Isme Pak Ke Aamil Ke Pas Jafran Aur Arq Gulab Se 21 Taweez Banwaye Aur Rozana 1 Taweez Pani Me Ghol Kar Subah Sham Wo Pani Mareez Ko Pilaye. In sha Allah Hafiza Mazboot Ho Jayega

☪ Jis Shakhs Ki Sehat Aksar Kharab Rehti Ho Us Ko Chahiye Ke Ye Isme Pak Ko Is Tarah Se (اَللّٰہُ شَافِیْ اَللّٰہُ بَاقِیْ) Chalte Firte Uthte Baithte Padhta Rahe. Allah Ki Rehmat Se Us Ki Sehat Dheere Dheere Bahaal Ho Jayegi Aur Wo Bahaali Qayam Rahegi

☪ Hzrt Sakhi Sultan Bahoo رحمۃ اللہ علیہ “AQALE BEDAAR” Me Likhte Hai Ke, Jo Shakhs Har Juma Me (Sache Dil Se Tauba Kare Aur Fir) 100 Bar Is Isme Pak Ko Padhega To In sha Allah Us Ka Har Amal Qubool Hoga

☪ Agar Koi Shkahs Is Isme Pak Ko Is Tarah Se (اَللّٰہُ شَافِیْ اَللّٰہُ بَاقِیْ) Har Namaz Ke Bad 113 Bar Padhne Ka Apna Mamool Bana Le To In sha Allah Us Par Bimari Ka Hamla Bahot Kam Hoga Aur Wo Allah Ke Karam Se Marte Dam Tak Tandurast Aur Tawana Rahega

☪ Agar Koi Shaksh Apne Dushman Se Bezaar Aur Bahot Pareshan Ho, Dushman Us Ko Bahot Tang Karta Ho Aur Wo Us Dushman Ko Apna Mutee’a Karna Chahta Ho To Is Isme Pak Ko Saturday Ke Din Bad Namaze Zuhar 7000 Bar Padhe Aur Dua Kare. Isi Tarah Se 7 Saturday Tak Karta Rahe To In sha Allah Dushman Maghloob Aur Mutee’a Hoga

☪ Agar Koi Shakhs Is Isme Pak Ko Rozana 1000 Bar Padhta Rahe To Us Ko Tarah Tarah Ki Futoohat Hasil Hogi Aur Rizk Me Be Panah Barkate Hasil Hogi, In sha Allah

☪ Agar Koi Shakhs Har Shabe Juma Ko Namaze Isha Se Farig Hone Ke Bad Ye Isme Pak 100 Bar Padhne Ka Mamool Bana Le To Allah Ke Hukm Se Us Ki Umar Me Khoob Barkat Hogi

☪ Agar Koi Shakhs Ye Isme Pak Rozana Bad Namaze Asar 100 Bar Padhne Ka Mamool Bana Le, To In sha Allah Us Ke Dushman Mutee’a Honge

☪ Agar Koi Shakhs Ye Isme Pak Har Namaz Ke Bad 113 Bar Padhne Ka Mamool Bana Le, To Duniya e Fani Se Us Ka Dil Uchat Ho Kar Ibadate Ilahi Me Lag Jayega. In sha Allah

☪ Agar Koi Shakhs Is Isme Pak Ko Rozana Namaze Fajar Aur Namaze Isha Ke Bad 113 Bar Padhne Ki Apni Aadat Banaye Aur Is Isme Pak Ke Aamil Ke Pas Ye Nakhs Zul Kitabat Banwa Kar Apne Pas Rakhe To Us Ko Deen o Duniya Ki Tarakkiya Naseeb Hogi. In sha Allah

(NAKHS KI IMAGE YE HAI)

☪ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Asar Tanhai Me Ye Isme Pak 5000 Padhe, To 40 Din Ke Bad Aamil Ban Jayega. Fir Rozana 113 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا بَدِیْعُ) YA BADIOO ●

              ■ AMALIYAT ASMA E HUSNA ■

♥ Asma e Husna :- Ya Badioo (یَا بَدِیْعُ) Ki Fazilat o Wazaif

☪ Allah Ta’ala Ka Ek Sifati Naam Hai Ya Badioo. Yani Ai Ajab Chiz Paida Karne Wale. Allah Ta’ala Ki Ek Sifat Badioo Bhi Hai Jis Ka Matlab Kisi Chiz Ko Bagair Namoone Ke Bana Dene Ke Hai. Na Kisi Ne Dekha Ho Aur Na Kisi Ne Aisa Pehle Kabhi Banaya Ho. Ye Isme Pak Allah Ki Shane Badi’a Ka Mazhar Hai, Is Liye Allah Ko Is Naam Se Pukarne Wale Par Allah Ki Kudrat Ke Israr Khulte Hai. Khas Kar Jo Log Nayi Nayi Chize Ijaad Karte Hai Ya Kisi Mamle Par Research Karte Hai, Un Ke Liye Is Isme Pak Ka Zikr Bahot Mufeed Rehta Hai. Ye Isme Pak Jamali Hai Aur Kul Adad Qamari Is Isme Pak Ke 86 Hai

☪ Agar Kisi Shakhs Ko Koi Mushkil Darpesh Ho To Ba Wuzu Ho Kar Qibla Rukh Ho Kar Is Isme Pak Ko Padhna Shuru Kar De Aur 3 Ya 7 Din Me Kul 70,000 Ki Tadad Mukammal Kar Le. In sha Allah Mushkil Dur Ho Jayegi Aur Musibat Khatm Ho Jayegi. Koi Muheem Hogi To Puri Ho Jayegi

☪ Agar Kisi Shakhs Ko Noukari Se Nikal Diya Ho Ya Apne Ohde Se Mazool Kar Diya Ho To Use Chahiye Ke 21 Din Tak Rozana Ye Isme Pak 700 Bar Padhe Aur Dua Kare. In sha Allah Jaldi Hi Apne Ohde Par Wapas Bahal Ho Jayega Aur Us Ko Fir Se Wo Hi Muqam Mil Jayega

☪ Agar Koi Shakhs Har Bar Dua Mangne Se Pehle Is Isme Pak Ko 70 Bar Padhne Ka Apna Mamool Bana Le To Us Ki Dua Bargahe Rabbul Izzat Me Qubooliyat Ka Maqam Hasil Karegi, In sha Allah

☪ Agar Kisi Muamle Me Nek Ya Bad Ka Anjam Maloom Karna Ho Yani Istekhara Krne Ka Irada Ho To Isha Ki Namaz Ke Bad 2 Raka’at Nafal Namaz Istekhara Ki Niyat Se Padhe, Fir Qibla Rukh Ho Kar Baithe Aur Ye Isme Pak 1100 Bar Padhe Aur Apne Maksad Ki Dua Mange. Fir Ba Wuzu Halat Me Hi Bina Kisi Se Bat Chit Kiye So Jaye. In sha Allah Khwab Ke Zariye 3 Ya 7 Din Me Jawab Hasil Ho Jayega

☪ Agar Koi Shakhs Kisi Naye Project Par Kam Kar Raha Ho, Kisi Company Me Nayi Nayi Chize Ijad Karne Ka Kam Karta Ho Ya Koi Scientist Ho Aur Naye Naye Formula Ya Kisi Bimari Ki Dawai Talash Kar Raha Ho To Use Chahiye Ke Apna Kam Karte Karte Dil Hi Dil Me Is Isme Pak Ka Kasrat Ke Sath Bina Ginti Se Wird Kiya Kare. In sha Allah Wo Apni Research Me Aisa Kamyab Hoga Ke Us Ne Socha Bhi Na Hoga

☪ Buzurgo Ne Farmaya Ke, Agar Kisi Ke Dil Me Ilmul Ajaib Janne Ki Khwahish Ho Aur Wo Pur Asrar Makhfi Uloom Par Maharat Hasil Karna Chahta Ho To Use Chahiye Ke Rozana 1100 Bar Is Isme Pak Ko Padhne Ka Apna Mamool Bana Le. Allah Ke Fazl Se Us Ki Aarzoo Puri Hogi

☪ Agar Koi Shakhs Har Farz Namaz Ke Bad 700 Bar Kul 120 Din Tak Ye Isme Pak Padhe To Us Ko Kashful Quloob Aur Tasarruful Quloob Ka Maqam Hasil Hoga, In sha Allah

☪ Agar Koi Shakhs Chahe Ke Wo Mustjabud Da’awat Ban Jaye To Use Chahiye Ke Shariat Ki Pabandi Kare. Har Namaz Wakt Par Ada Kare Aur Halal Rizk Khaye Aur 3 Saal Tak Rozana Magrib Ki Namaz Ke Bad 70 Bar Ye Isme Pak Pabandi Se Padhta Rahe. In sha Allah Us Ki Zaban Me Anokhi Taseer Paida Hogi Aur Wo Jo Bhi Dua Mangega Wo Qubool Hogi

☪ Agar Koi Shakhs Kisi Na Haq Muqaddame Me Fans Jaye To Is Isme Pak Ka Ye Wazeefa Rozana Qibla Rukh Ho Kar Padhe Aur 11 Din Me Kul 70,000 Ki Tadad Mukammal Kare Aur Dua Kare. In sha Allah Kamyabi Hasil Karega. Wazeefa Ye Hai :-

یَا بَدِیْعَ السَّمٰوٰتِ وَالْاَرْضِ یَا بَدِیْعُ

☪ Agar Koi Mareez Apne Marz Se Tang Aa Gaya Ho, Pareshan Ho Gaya Ho Aur Najaat Chahta Ho To Ye Isme Pak Ko Is Tarah Se (یَا بَدِیْعَ السَّمٰوٰتِ) Rozana 1000 Bar Padhta Rahe Aur Pani Par Dam Kar Ke Pita Rahe To In sha Allah Marz Se Chhutkara Hasil Karega

☪ Buzurgo Ne Farmaya Ke, Agar Koi Shakhs Is Isme Pak Ka Ye Wazeefa 12 Din Tak Rozana 12000 Bar Padhe Aur Dua Kare To Allah Ki Rehmat Se Jis Maksad Ki Jaiz Niyat Se Padhega Wo Murad Ko Payega. Wazeefa Ye Hai :-

یَا بَدِیْعَ الْعَجَآئِبِ بِالْخَیْرِ یَا بَدِیْعُ

☪ Agar Koi Shakhs Kisi Mushkil Me Ya Musibat Me Giraftar Ho Aur Kisi Taraf Se Rasta Nazar Na Aata Ho To Is Isme Pak Ka Ye Wazeefa 40 Din Tak Rozana 1000 Bar Padhe Aur Dua Kare. Allah Ke Karam Se Us Ki Musibat Aise Khatam Hogi Jaise Kabhi Thi Hi Nahi. Wazeefa Ye Hai :-

یَا بِدِیْعَ السَّمٰوٰتِ وَالْاَرْضِ

☪ Agar Kisi Shakhs Se Us Ki Koi Pyari Aur Mehboob Chiz Us Ki Marzi Ke Khilaf Chhin Li Gayi Ho, Ya Koi Chiz Gum Ho Gayi Ho, To Gusal Kar Ke 2 Raka’at Namaz Nafal Padhe. Fir Ye Wazeefa Sache Dil Se 70 Bar Padhe. Fir Ye Isme Pak (یَا بَدِیْعُ) 1000 Bar Padhe Aur Dua Kare. In sha Allah Jo Khoya Hoga Wo Mil Jayega. Maksad Pura Hone Tak Amal Rozana Padhta Rahe. Wazeefa Ye Hai :-

یَا بَدِیْعَ السَّمٰوٰتِ وَالْاَرْضِ یَا قَاضِیَ الْحَاجَاتِ

☪ Buzurgo Ka Kehna Hai Ke Is Isme Pak Ka Ye Naksh Hurufi Tamam Maqaside Hasana Me Kamyabiyo Se Ham Kinaar Karata Hai. Is Naksh Ko Urooj Maah Me Juma Ke Din Pehli Sa’at Zohra Me Zafran Aur Arq Gulab Se Is Isme Pak Ke Aamil Ke Pas Likhwaye Aur Apne Pas Rakhe. Naksh Murabba Aatashi Chal Se Pur Kiya Jayega

(NAKSH KI IMAGE YE HAI)

☪ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Asar Tanhai Me Ye Isme Pak 5376 Padhe, To 40 Din Ke Bad Aamil Ban Jayega. Fir Rozana 86 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا ھَادِیْ) YA HAADI ●

               ■ AMALIYAT ASMA E HUSNA ■

♥ Asma e Husna :- Ya Haadi (یَا ھَادِیْ) Ki Fazilat o Wazaif

☪ Allah Ta’ala Ka Ek Sifati Naam Hai Ya Haadi. Yani Ai Hidayat Dene Wale, Raah Dikhane Wale. Ahle Duniya Ka Asal Aur Haqiqi Haadi Allah Ta’ala Hai. Kyu Ke Asal Hidayat Allah Hi Ki Taraf Se Hai. Is Liye Jo Shakhs Allah Ta’ala Ko Is Naam Se Pukarta Hai, Beshak Allah Use Rahe Haq Ki Taraf Hidayat Ata Farmata Hai. Is Liye Har Shakhs Ko Hidayat Par Lane Aur Rahe Haq Par Qayam Rakhne Ke Liye Ye Isme Pak Bahot Muassir Hai. Ye Isme Pak Jamali Hai Aur Kul Adad Qamari Is Isme Pak Ke 20 Hai

☪ Jis Shakhs Ko Nek A’amal Ki Taufiq Mayassar Na Aati Ho, Agar Nek Kam Karna Bhi Chahta Ho Magar Shiatan Waswase Daal Kar Neki Se Dur Kar Deta Ho, To Us Ke Liye Is Isme Pak Ko Rozana Neend Me Se Uth Kar 20 Bar Aur Rat Ko Sote Wakt 20 Bar Padhne Ka Mamool Bana Le. In sha Allah Nek Kam Karne Ki Taufiq Milegi

☪ Agar Koi Shakhs Bad Kirdari Yani Sharab, Juaa, Zinakhori Aur Digar Buri Aadato Me Mulawwas Ho Kar Koshish Ke Bawajud Rahe Hidayat Par Na Aata Ho To Us Shakhs Ke Liye 21 Din Tak Rozana Ye Isme Pak 1364 Bar Padh Kar Pani Pad Dam Kar Ke Pilaya Kare. Allah Ke Fazl Se Wo Burai Chhod Kar Rahe Rast Par Aa Jayega

☪ Aise Bache Ho Sheer Khwari Ke Zamane Me Bahot Rote Ho, Agar Us Ki Maa Par Ye Isme Pak 101 Bar Subah Sham Padh Kar Dam Kare Aur Pani Par Dam Kar Ke Pilaye. In sha Allah Dudh Pita Bacha Royega Nahi

☪ Aaj Ke Daur Me Aksar Logo Ki Shikayat Rehti Hai Ke Bache Bahot Shararat Aur Masti Karne Lage Hai, Na Farman Ho Gaye Hai, Kisi Ki Baat Nahi Sunte. Aise Wakt Me Ye Isme Pak Ke Adad Me Us Bache Ke Naam Ke Adad Mila Kar Jo Total Aaye Utni Bar Padh Kar Us Bache Ko Dam Kiya Kare Aur Pani Par Dam Kar Ke Pilaya Kare. In sha Allah Kuch Din Ke Amal Se Bache Ki Shararate Aur Na Farmani Kam Ho Jayegi

☪ Agar Koi Shakhs Ye Chahe Ke Us Ko Safar Me Kisi Tarah Ki Koi Pareshani Ka Samna Na Ho, Aur Us Ka Safar Aasani Se Bina Kisi Takleef Ke Aasni Se Mukammal Ho Jaye To Use Chahiye Ke Safar Shuru Karte Wakt Is Isme Pak Ko 101 Bar Padh Le. In sha Allah Safar Khairiyat Se Guzarega Aur Us Ka Har Kam Durustagi Se Sar Anjaam Pata Rahega

☪ Agar Koi Haakim, Qazi, Mufti Ya Qaum Ka Sardar Ye Chahta Ho Ke Us Ke Pas Jo Muqaddama Aata Hai, Us Ka Faisala Haq Aur Sachai Par Kare To Use Chahiye Ke Wo Rozana Is Isme Pak Ko 1100 Bar Padhne Ka Apna Mamool Bana Le. Allah Apne Fazal Se Us Ke Dil Me Sachi Baat Daal Dega Aur Wo Haq Faisala Karega

☪ Agar Koi Shakhs Har Namaz Ke Bad Dua Se Pehle Ye Isme Pak 12 Bar Padhe To Us Ke Har Zahiri Aur Batini Kam Me Bhalai Hogi Aur Us Ka Har Kam Allah Ki Ata Se Durust Hoga. Allah Ta’ala Padhne Wale Ki Aqal Me Aisa Tadabbur Ata Farma Dega Ke Us Ka Har Kam Ahsan Tarike Se Anjam Paega

☪ Agar Kisi Shakhs Ko Roohani Rehnumai Ke Liye Murshide Kamil Na Milta Ho To Use Chahiye Ke 40 Din Tak Rozana Isha Ke Bad Ye Isme Pak 3125 Bar Padhe Aur Apne Maksad Ki Dua Kare. In sha Allah Us Ko Allah Ki Taraf Se Ishara e Ghaibi Se Murshide Kamil Ki Rehnumai Hasil Hogi Aur Use Murshid Mil Jayega

☪ Agar Aisa Saliq Jis Ka Haal Ruk Gaya Ho Yani Kashf Ilham Ki Quwwate Ruk Gayi Ho, Kisi Tarah Se Jawab Hasil Na Hote Ho To Use Chahiye Ke Is Isme Pak Ko Kasrat Ke Sath Padha Kare. In sha Allah Us Ka Haal Khul Jayega Aur Wo Aalame Baqa Me Tarakki Payega

☪ Agar Koi Shakhs Is Isme Pak Ko Kasrat Ke Sath Padha Kare Aur Aasman Ki Taraf Dekh Kar Apni Dono Hatheliyo Par Dam Kar Ke Chehre Par Fer Liya Kare Aur Aisa Karne Ka Apna Mamool Bana Le To Allah Ke Fazl Se Wo Qurbe Ilahi Hasil Karega Aur Haq Ki Raah Payega

☪ Agar Koi Shakhs Rozana Is Isme Pak Ko 1000 Bar Padh Liya Kare Aur Kam Az Kam 4 Mahine Tak Pabandi Se Padhe To Us Ke Bad Us Ke Andar Auro Ko Hidayat Karne Ki Salahiyyat Paida Ho Jayegi, In sha Allah. Muballigin Aur Muqarririn Jo Aksar Mehfilo Me Bayan Karte Ho Un Ke Liye Is Isme Pak Ka Ye Amal Karna Bahot Mufeed Hai

☪ Haakim, Judge, Qazi, Mufti, Peshwa Aur Sardar Ko Chahiye Ke Kisi Bhi Muamle Ki Sunwai Ke Wakt Dil Hi Dil Me Is Isme Pak Ka Kasrat Ke Sath Wird Kiya Kare Aur Faisala Sunate Wakt Is Isme Pak Ko 7 Bar Padh Kar Faisala Sunana Shuru Kare. In sha Allah Haq Par Faisala Sunayenge Aur Haq Talafi Se Mehfuz Rahenge

☪ Agar Koi Shakhs Har Farz Namaz Ke Bad Ye Isme Pak 12 Bar Padh Kar Apne Dil Par Dam Kar Liya Kare To Us Ke Sabhi Kam Sudhar Jayenge Aur Rukawato Se Najati Milegi In sha Allah

☪ Agar Koi Shakhs Chahe Ke Us Me Roohani Quwwat Bedar Ho Aur Us Ka Baatin Raushan Ho Jaye To Is Isme Pak Ka Ye Wazeefa Rozana Bad Namaze Fajar Ya Isha Ke, Tanhai Me Tawajjoh Ke Sath Rozana 505 Bar Padh Liya Kare. Awwal Aakhir 11 Bar Durude Pak Padhe. In sha Allah Kuch Mahine Ki Pabandi Se Us Me Be Inteha Roohani Quwwat Paida Ho Jayegi. Wazeefa Ye Hai :-

یَا ھَادِیْ یَا خَبِیْرُ یَا مَتِیْنُ یَا عَلَّامُ الْغُیُوْبِ

☪ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Asar Tanhai Me Ye Isme Pak 3125 Padhe, To 40 Din Ke Bad Aamil Ban Jayega. Fir Rozana 256 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com