● ASMA E HUSNA :- (یَا عَزِیْزُ) YA AZEEZU ●

        ■ AMALIYAT ASMA E HUSNA ■

♥ Asma e Husna :- Ya Azizu (یَا عَزِیْزُ) Ki fazilat o Wazaif

★ Allah Taala Ka Ek Sifati Naam AL AZEEZU Bhi Hai. Jis Ka Matlab Hai Izzat Aur Galbe Wala. Sab Se Jyada Izzat Wali Zaat Sirf Allah Ki Hi Hai. Sufiyane Kiram Farmate Hai K Aziz Se Murad Wo Zaat Hai Jis Ka Maqam Itna Aala Aur Arfa Ho K Jis Ka Husool Na Mumkin Ho Aur Awamunnas Ke Faham Se Balatar Ho. Is Isme Pak Ka Zikr Karne Wala Hamesha Ba Izzat Aur Dusro Par Galib Rehta Hai. Ye Isme Pak Jalali Hai Aur Is Ka Unsar Aatashi Hai. Jab Ke Is K Adad Qamari 94 Hai.

★ Jo Koi Bad Namaze Fajar Bagair Baat Kiye Ye Isme Pak 41 Bar Padh Kar Apne Hatho Par Dam Kar K Apne Chehre Par Fer Diya Kare To Jo Is Ko Dekhe Maherban Ho Aur Padhne wala Kabhi Mohtaj Na Ho

★ Jo Koi Rozana Fajar Ki Sunnat o Farz K Darmiyan 41 Bar Hamesha Padh Liya Kare To Use Duniya Wa Uqba Me Mohtaji Na Ho

★ Jo Koi Sa'at E Mirrikh Me Is Ism Ko Chandi Ki Takhti Par Qanda Karwa Kar Apne Pas Rakhe To Dushmano Par Use Galaba Hasil Ho Aur Log Us Ki Izzat Kare (Sa'at Mirrikh Har Mangalwar Ko Suraj Tuloo Hone K Wakt Se Le Kar 1 Ghante Tak Rehti Hai)

★ Jo Koi Is Ism K Murabba Naksh Ko Chandi Ki Anguthi Me Pehne Aur Is Ism Ka Zikr Jari Rakhe To Allah Ta'ala Us Ko Izzat Ki Zindagi Deta Hai

★ Jis K Naam K Adad Is Ism K Adad K Mutabik Ho Us K Liye Ye Isme Aazam Ki Haisiyat Rakta Hai. Is Ism K Zakir K Liye Allah Ta'ala Izzat Aur Haibat K Darwaze Khol Deta Hai.

★ Hzrt Imam Jafad Sadiq رحمة الله عليه Farmate Hai K Jo Koi Ye Isme Pak Har Farz Namaz K Bad 41 Bar Padh Liya Karega To Allah Ta'ala Us Ko Tamam Duniya Me Be Niyaz Kar Dega Aur Us Ko Har Dil Azizi Ki Daulat Se Nawazega

★ Agar Koi Shakhs Is Isme Pak Ko 25 Din Tak Rozana Tanhai Me 7200 Bar Vird Kiya Kare To Allah Ta'ala Us Ko Tavangar Bana Dega Aur Ahle Duniya Ki Gardane Us K Samne Jhuk Jayegi

★ Agar Koi Shakhs Khulus Niyat K Sath Parhez Jalali Jamali Aur Tark e Haiwanat K Sath Rozana 10,000 Bar Padhe To Qaziyul Hajat Ki Taraf Se Firishte Is K Liye Nigehban Ho Jayenge Aur Us K Jaan Wa Maal Ki Hifazat Karenge

★ Jo Koi Is Isme Pak Ko Rozana Fajar Ki Namaz K Bad Pabandi Se 100 Bar Padh Liya Karega To Kabhi Mohtaj Na Hoga Aur Na Hi Kabhi Kisi Ka Maqrooz Hoga. Is Ki Himmat Hamesha Buland Rahegi

★ Agar Koi Mulazim Ko Apne Ohde Yani Apni Post Se Nikal Diya Gaya Ho Ya Demotion Kar Diya Ho Ya Is Ki Tarakki Aur Promotion Rok Diya Gaya Ho To 21 Din Tak Rozana Isha K Bad 7000 Bar Padhe Insha Allah Apni Post Par Wapas Aa Jayega. Agar Tarakki Rok Di Gayi Ho To Wo Bhi Mil Jayegi

★ Agar Koi Aurat Kisi Galati Ki Wajah Se Apne Shauhar Aur Sasural Walo Ki Nazar Me Gir Gayi Ho Aur Zalil Ho Gayi Ho To Is Isme Pak Ko Har Namaz K Bad 564 Bar 40 Din Tak Padhe. Insha Allah Khoyi Hui Izzat Wapas Mil Jayegi

★ Zindagi Ke Har Pehlu Me Dusro Par Galib Rahne K Liye (يا عزيز يا الله)
या अजीजु या अल्लाहु Ka Vird Bahot Mufeed Hai. Kyu k Is Me Allah Ka Zaati Naam Mil Jane Se Is K Asarat Aur Bhi Tez Ho Jate Hai. Jo Shakhs Chalte Firte Is Isme Pak Ka Zikr Kiya Kare Yaha Tak K Is K Vird Ki Tadad Lakho Tak Pahoch Jaye To Is Isme Pak Ki Barkat Se Wo deen O Duniya Me Har Lihaz se Ba Izzat Ho Jayega

★ Is Isme Pak Ka Taveez Logo p Galba Hasil Karne K Liye Diya Jata Hai. Is Ki Zakat Ka Tarika Ye Hai K Mukammal Parhez Jalali Jamali K Sath 40 Din Tak Rozana 9400 Bar Rozana Vird Kiya Kare To Is Isme Pak Ka Aamil Ban Sakta Hai. Us K Bad Rozana 94 Bar Hamesha Vird Me Rakhe. Is Isme Pak Ka Taveez Naukari Me Tarakki, Ba Izzat Rehne K Liye, Dushman Par Galba, Har Milne Wala Maherban Rahe Aur Is K Alala Digar Maksad K Liye Bhi Diya Ja Skta Hai

★ Ye Amal Is Isme Pak Ka Jama Wazeefa Hai. Jo Shakhs Ise Kasrat Se Padhe To Har Dil Aziz Ho Jayega. Agar Koi Shakhs Daulatmand Banne Ki Niyat Se 40 Din Tak 3125 Bar Padhe To Husule Daulat Ki Raah Khul Jayegi. Agar Koi Shakhs 21 Din Tak Rozana 10,000 Bar Padhe To Us Ki Jaiz Hajat Puri Hogi. Agar Koi Is Wazeefe Ko Anguthi Me Rakhe To Hamesha Ba Izzat Aur Galib Rahega. Wo Jama Wazeefa Ye Hai :-

(یَا عَزِیْزُ الْمَنِیْعُ الْغَالِبُ عَلٰی اَمْرِهِ فَلَا شَیْءٍ یُعَادِلُهُ یَا عَزِیْزُ)

YA AZIZUL MANIOOL GAALIBU ALA AMRIHI FALA SHAIEEN YUAADILUHU YA 

AZEEZU

★ Taskhir e Khalaiq K Liye Ye Amal Sisila e Ashrafiya Ki Taraf Se Ek Nayab Tohfa Hai. Rozana Bad Namaz e Fajar Qibla Ki Taraf Muh Kar K Khade Ho Kar 100 Bar Ye Isme Pak Padh Ka Pehle Qibla Ki Taraf Dam Kare. Fir Sidhi Taraf Dam Kare. Fir Piche Ki Taraf Dam Kare. Fir Ulte Hath Ki Taraf Dam Kre. Fir Aasman Ki Taraf Fir Zameen Ki Taraf Dam Kare. Yani Har Disha Me Dam Ho Jayega. Insha Allah Har Simt Ki Makhlooq Taskhir Hogi

★ Agar Koi Sure Tauba Ki Aayat No. 128 K Ye Naksh Ko Sharf E Aftab Me Likh Kar Apne Pas Rakhe To Salatin Aur Hukkam Ki Nazro Me Ba Izzat Ho Aur Jaani Dushman Bhi Dost Ban Jaye. Sharf E Aftab Saal Me Ek Bar Aata Hai Aur Is Ka Wakt Takriban 24 Ghante Ka Hota Hai. Kisi Bhi Jantari Se Ye Wakt Maloom Kiya Ja Sakta Hai (NAKSH KI IMAGE YE HAI)

★ Agar Koi Sharf E Zohra Me Ye Naksh Bana Kar Sidhe Bazu Par Bandhe To Hamesha Khush Wa Khurram Rahe Aur Khalq Ki Nazro Me Mehbub Wa Maqbool Ho. Jaha Bhi Jaye Log Izzat O Ehteram Kare. Zohra Ye 3rd Aasman Ka Malik Sitara Hai. Sharf e Zohra Ka Wakt Bhi Kisi Bhi Jantari Se Maloom Kiya Ja Sakta Hai. (NAKSH KI IMAGE BLOG YE HAI)

★ Agar Miya Biwi Me Na Ittefaki Rehti Ho Aur Pyar Muhabbat Na Ho To Is Naksh Ko Jafran W Arq e Gulab Se Likh Kar Miya Biwi Dono K Gale Me Dale. Dono Me Insha Allah Ittehad Paida Ho Jayega (NAKSH KI IMAGE YE HAI)

★ Jo Shakhs Zillat O Khwari Ka Shikar Ho, Ehsase Kamtari (Lake of Confidence) Me Mubtala Ho Us K Liye Ye Naksh Bahot Kar Aamad Hai. Allah K Fazl Se Zillat Izzat Me Badal Jayegi Aur Ehsase Kamtari Ki Bimari Se Bhi Najat Milegi (NAKSH KI IMAGE YE HAI)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Digar Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُھَیْمِنُ) YA MUHAIMINU ●

         ■ AMALIYAT ASMA E HUSNA ■

♥ Asma e Husna :- Ya Muhaiminu (یَا مُھَیْمِنُ) Ki fazilat o Wazaif

★ Allah Ta'ala Ka Ek Sifati Naam Hai Muhaiminu. Jis ka Matlab Hota Hai Nigehban. Uema Farmate Hai K Is Ka Matlab Asal Me Apni Rehmat Me Chuoa Lena Hai. Kyu Ki Allah Apni Makhlooq Ki Rozi Ki Nigehbani Karta Hai. Dusro K Khauf Se Ham Ko Apni Rehmat Me Chuoa Kar Mamoon Karta Hai. Kisi Ka Haq Zaya Nahi Hone Deta Aur Har Kism K Khauf Ko Dur Karta Hai. Is Liye Wo Muhaimin Hai. Ye Isme Pak Jalali Aur Jamali Dono Sifato Par Muttasif Hai Aur Is Ka Unsar Aatashi Hai. Kul Adad e Qamari 145 Hai.

★ Jo Koi Rozana Gusl Kar K Ye Isme Pak 115 Bar Padha Kare To Logo K Bhed Aur Aibo Par Muttala'a Ho. Jo Is Ki Mawazibat Kare Tamam Aafato Se Panah Paye

★ Agar Sharf e Qamar Ya Sharf e Zuhal Me Is K Murabba Naksh Ko Apne Pas Rakhe Aur Is Ism K Tadad K Muvafik Padhega To Hakim K Shar Se Mehfur Rahega Aur Is Ism Ko Hamesha Padhega To Allah Us Ko Poshida Tadaabir Se Muttala'a Kar Dega

★ Jo Koi Chandi Ki Takhti Par Sa'at e Qamar Ya Mushtari Me Qanda Kar K Apne Pas Rakhe To Qund Zehan Ka Hafeza Qawi Ho Jayega. Jinn o Ins Se Mehfuz Rahega

★ Jis K Naam K Adad Is Ism k Adad K Barabar Ho Wo Agar Is Ka Wazeefa Kare To Isme Aazam Ka Kam Dega. Is Ism K Zakir Ko Abdal Ka Darja Hasil Hota Hai Aur Haqaiq Munkashif Hote Hai

★ Jo Shakhs Hasbe Qaida Is Isme Pak Ka Zikr Karta Rahe, Duniya Us Se Mar'oob Hoti Hai Aur Sakht Dil Dushman Bhi Us K Samne Narm Dil Ho Jata Hai. Mushkil Kam Aasan Ho Jate Hai. Uljhane Dur Ho Jati Hai

★ Jo Shakhs Isha Ki Namaz K Bad Taza Gusl Kar K Tanhai Me 2 Raka'at Nafl Padh Kar Khuloos Niyat K Sath Puri Tawajjoh Se Ye Isme Pak 100 Bar Padh Liya Karega To Allah Taala Us K Zahir Aur Batin Ko Saaf Farmayega Aur Us Par Asara e Ilahi Munkashif Honge

★ Jo Shakhs Rozana Gusl Kar K Ishraq K Wakt Ya Chasht K Wakt 40 Din Tak Rozana Ye Isme Pak 145 Bar Padh Liya Karega To Poshida Raaz Se Wakif Hoga. Us Ki Nigah Me Zabardast Quwwat Paida Hogi

★ Jo Shakhs Is Isme Pak Ko 145 Bar Rozana Pabandi Se Hamesha Padhta Rahega To Us Ko Bulandi Aur Tarakki Naseeb Hogi Aur Ba Izne Allah Is Isme Pak K Roohani Asrar Se Mamamal Hoga Aur Gaibi Imdad Hamesha Hasil Hoti Rahegi

★ Agar Is Isme Pak Ka Vird Badshah Kare To Us Ki Badshahat Ta Zindagi Qayam Rahe Aur Umoor e Saltanat Me Kabhi Kharabi Paida Na Ho. Riyaya Muteea Wa Farma Bardar Rahe. Mukl Fitno Aur Bagawato Se Mehfuz Rahe

★ Jaan Ki Hifazat K Liye Ye Isme Pak Bahot Muassir Hai. Jihad Me Is Ka Vird Mufeed Hai. Neez Dango K Wakt Bhi Is Ka Zikr Kasrat Se Karna Chahiye. Ship Ya Plane Me Safar Karte Wakt Kisi Toofan Me Fans Jane K Wakt Is Ka Zikr Karne Se Sahi Salamat Rehne K Asbab Ban Jate Hai. Agr Shaher Me Kisi Bimari Ki Wajah Se Mahamaari Fail Jaye Tab Bhi Is Ka Zikr Karne Se Hifazat Rehti Hai

★ Tamat Tarah Ki Dunyavi Aafato Aur Nuksanat Se Bachne K Liye Is Ism Ko Rozana 145 Bar Pabandi Se Padhte Rehna Chahiye

★ Agar Koi Shakhs Fajar Ki Namaz K Bad Gusl Kar K Bina Bat Chit Kiye Ye Isme Pak 18496 Bar Rozana 40 Din Tak Padhta Rahe To Us Me Be Panah Taskheer K Asarat Paida Honge. Har Koi Milne Wala Maherban Hoga. Is Ka Raub Har Shakhs K Dil Par Baith Jayega Aur Sakht Se Sakht Dil Wala insan Bhi Narm Ban Jane Par Majboor Ho Jata Hai

★ Agar Kisi Ko Dekhe K Us Me Zahiri Aur Batini Taur P Gandagi Paai Jati Hai. Wo Pak Wa Saaf Nahi Rehta Balke Gunaho Aur Na Farmaniyo K Samandar Me Garq Hai To Us K Liye Is Isme Pak Ka Naksh Behad Mufeed Sabit Hota Hai Aur Hairatnak Nataij Hasil Hote Hai.

★ Jo Shakhs Kasrat Se Is Isme Pak Ko Taveel Arse Tak Padhta Rahe Us Par Asrar e Ilahi Ka Zahoor Hoga Aur Us Ko Makhfi Asrar Malum Hua Karenge

★ Beshak Allah Hamare Anjam Aur Amal Se Ba Khabar Hai Aur Jo Us Ko Is Ism Se Pukarta Hai Us Ko Bhi Aane Wale Ajnam Se Bakhabar Kar Deta Hai. Is Isme Pak Me Istekhara Ki Taseer Bhi Maujud Hai. Jo Shakhs Kisi Kam K Anjam Se Ba Khabar Hona Chahe Use Chahiye K Pak Saf Jism Aur Libas K Sath Kaaba Ki Taraf Muh Kar K Teen Din Tak Rozana 1115 Bar Ye Isme Pak Padhe Aur So Jaye. Insha Allah Ishara e Gaibi Se Kam K Anjam K Bare Me Pata Chal Jayega

★ Agar Is Naksh Ko Chandi Ki Anguthi Par Qanda Karwa Kar Apne Sidhe Hath Ki Shahadat Ki Ungli Me Pahen Le Aur Rozana 70 Bar Ye Isme Pak Vird Kar K Anguthi P Dam Kiya Kare Aur Daurane Vird Bhi Anguthi Ko Dekhta Rahe To Dsukatmand Ho Aur A'ala Martaba Naseeb Ho
(NAKSH KI IMAGE YE HAI)

★ Agar Koi Shakhs Ye Naksh Safed Kagaz Par Arq e Gulab wa Jafran Se Likh Kar Green Kapde Me Pack Kar K Apne Takiye Me Silwa Le Aur Rat Ko Us Takiye Par Sir Rakh Kar Sone Se Pehle Rozana 145 Bar Ye Isme Pak Padh Liya Kare To Us Par Tajalliyat E Rabbani Ka Zahoor Ho. Aisi Aisi Basharate Khwab Me Ho K Aqal Dang Reh Jaye.
(NAKSH KI IMAGE YE HAI)

★ Is Isme Pak Ka Aamil Banne K Liye Amaliyat Aur Chille K Tamama Sharait Par Amal Karte Hue 41 Din Tak Rozana 7105 Bar Vird Kre To Is Isme Pak Ki Zakat Ada Ho Jayegi Aur Fir Is Ism K Naksh Ko Har Kism Ki Hifazat K Liye Diya Ja Skta Hai. Imaan Ki Hifazat, Jaan Ki Hifazat, Makan Ki Hifazat, Dushman Se Hofazat Aur Hafeza Mazbut Karne K Liye Bhi Diya Ja Skta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com