● ASMA E HUSNA :- (یَا وَھَّابُ) YA WAHHABU ●

         ■ AMALIYAT ASMA E HUSNA ■

♥ Asma e Husna :- Ya Wahhabu (یَا وَھَّابُ) Ki fazilat o Wazaif

★ Allah Ta'ala Ka Ek Naam Ya Wahhabu Bhi Hai. Ye Lafz Heeba Se Bana Hai. Jis Ka Matlab Hota Hai Ke Bagair Muavze Ke Ata Karne Wala. Yani Esi Ata Jis Me Koi Garaz Na Ho Koi Matlab Na Ho. Jise Jo Chaha Ata Farma Diya. Is Tarah Se Be Sawal Ata Farmane Wale Ko Wahhab Kaha Jata Hai. Allah Ta'ala Wahhab Hai. Wo Apni Makhlooq Ko Is Andaz Me Deta Hai Ke Us Ka Koi Sani Nahi. Allah Ta'ala Ke Siwa Koi Zaat Aisi Nahi Ke Bagair Mange Aur Bagair Kisi Garz Ke Ata Karti Ho. Is Liye Us Ka Naam Wahhab Bhi Hai. Ye Isme Pak Jamali Hai aur Is Ke Kul Adad Qamari 14 Hai

★ Jo Koi Fakro Faka Se Ranj Me Ho, Is Isme Pak Ka Vird Karne Se Fakr o Faka Se Aisi Najat Milegi Ke Wo Hairan Reh Jayega

★ Jo Shakhs Namaze Chasht Ke Bad Aayate Sajdah (Yani Qurane Pak Ki Wo Aayate Jis Ko Padhne Par Sajde Ka Hukm Hai) Padh Kar Ye Isme Pak 7 Bad Padhe, Khalqat Se Be Parwah Ho Jaye

★ Agar Koi Hajat Pesh Ho To Aadhi Rat Ko Ghar Ke Aangan Me Ya Masjid Ke Sehan Me Ya Ghar Ki Chhat Par Khule Aasman Ke Niche Ba Wuzu Qibla Rukh Ho Kar Pak Saaf Jagah Par 3 Bar Sajdah Kare Aur Fir Hath Utha Kar Ye Isme Pak 100 Bar Padhe Aur Hajat Puri Hone Ke Liye Allah Se Dua Kare To Insha Allah Hajat Puri Ho

★ Rizk Me Zyadati Ke Liye Rozana Chasht Ke Wakt 4 Rakat Nafl Padhe Aur Bad Salam Sajde Me Ja Kar 104 Bar Ye Isme Pak Padhe To Rizk Me Barkat Ho

★ Jo Koi Shakhs Har Budh Ke Din Gusl Kar Ke 2 Rakat Nafl Namaz Padh Kar 1000 Bar Ye Isme Pak Padhe, Allah Ta'ala Apne Fazl Se Us Ko Itna Rizk Ata Kare Ke Shumar Me Na Aaye

★ Jo Shakhs Khilwat Yani Tanhai Me Is Isme Pak Ko Rozana Be Shumar Padhta Rahe To Allah Ta'ala Apne Fazl o Karam Se Use Ilm e Ladunni Ata Farmata Hai

★ Jo Shakhs Gurbat Ka Shikar Ho Wo Panjgana Namaz Ki Pabandi Kare Aur Us Ke Sath Rozana Chasht Ki Namaz Me Aakhari Sajde Me 40 Bar Ye Isme Pak Padhe Aur Is Amal Ki Pabandi Kam Se Kam 40 Din Tak Kare To Allah Us Ki Gurbat Ko Dur Kare Aur Makhlooq Se Be Niyaz Kar De

★ Jo Shakhs Namaze Fajar Ke Bad Is Isme Pak Ko Rozana 300 Bar Padhega, Allah Ta'ala Us Par Rizk Ke Darwaze Kushadah Kar Dega Aur Use Itna Ata Karega Ke Us Se Simta Nahi Jayega

★ Agar Koi Shakhs Aadhi Rat Ke Bad Apne Ghar Ke Sehan Me Ya Chhat Par Khade Ho Kar Ye Isme Pak 300 Bar Padhega To Kuch Din Ke Amal Se Us Ki Gurbat Dur Hone Ke Asbab Ban Jayenge Aur Hamesha Karta Rahega To Rizk Me Aisi Farakhi Ata Hogi Ke Banda Tasawwur Bhi Nahi Kar Sakega

★ Agar Koi Shakhs Be Rozgari Ka Shikar Ho To Use Chahiye Ke Chand Ki Pehli Jumerat Ko Roza Rakhe Aur Safed Chawal Ki Mithi Kheer Se Iftar Kare Aur Kheer Ke Siwa Koi Namkeen Chiz Na Khaye. Isha Ki Namaz Ke Bad 4100 Bar Ye Isme Pak Padhe. Awwal Aakhir 14 Bar Durude Pak Padhe. Insha Allah Bahot Jald Us Ko Job, Naukari Mil Jaye. Aazmuda Amal Hai

★ Agar Koi Shakhs Bad Namaze Isha Rozana 1400 Bar Ye Isme Pak Padhne Ka Mamool Bana Le To Us Ke Rizk Me Itna Izafa Ho Jaye Ke Wo Qayas Me Na Aa Sake

★ Agar Koi Shakhs Garibi Ka Shikar Ho Aur Apni Gurbat Ko Dur Karna Chahta Ho To Rozana Bad Namaze Fajar Is Isme Pak Ko 1000 Bar Padhne Ki Aadat Dal De. Insha Allah 120 Din Ki Lagatar Pabandi Ke Bad Ya Fir Amal Ke Darmiyan Hi Us Par Rizk Ke Darwaze Har Tafar Se Khul Jayenge Aur Use Waham Aur Guman Se Zyada Rizk Milega

★ Gareeb Aadmi Ko Chahiye Ke Namaz Ki Pabandi Ke Sath Din Me 10 Baje Wuzu Kare Aur 4 Rakat Nafl Ba Niyyat Qaza e Hajat Se Ada Kare. Namaz Se Farig Hone Ke Bad Sajde Me Ja Kar 104 Bar Ye Isme Pak Ka Vird Kare. Har Mahine 7 Din Tak Ye Amal Kar Liya Kare To Chand Mahino Me Is Qadar Rizk Milega Ke Aqal Hairan Reh Jayegi

★ Agar Kisi Shakhs Ki Maali Halat Aisi Ho Ke Income Kam Ho Aur Kharcha Zyada Ho To Is Isme Pak Ko Rozana Bad Namaze Fajar Aur Bad Namaze Asar 11000 Bar Pabandi Se Padhta Rahe. Amal Lagatar 111 Bar Padhta Rahe. Agar Sath Me Ghar Wale Bhi Isi Isme Pak Ka Vird Isi Tarah Se Karte Rahe To Bahot Jald Ghar Ke Halat Badal Jayenge. Income Badh Jayegi Aur Barkat Bhi Hogi

★ Agar Kisi Mulk Me Ya Kisi Shaher Me Ya Kisi Gaon Me Kahet Sali Yani Akaal Pad Jaye Aur Barish Ki Shiddat Se Zarurat Ho To 11 Aadmi Mil Kar Is Isme Pak Ka Khatam Padhe. 3 Din Tak Lagatar Rozana 71000 Bar Padhe. Padhne Ka Tarika Ye Hai Ke 11 Aadmi Ba Wuzu Baithe Aur Apne Samne Koi Mithi Chiz Rakhe Aur Har Aadmi Ye Durude Pak

اَللّٰھُمَّ صَلِّ عَلیٰ مُحَمَّدٍ عَدَدَ مَا فِی عِلْمِ اللّٰهِ صَلوٰةً دَائِمَةً

بِدَوَامِ مُلْکِ اللّٰهِ

11 Bar Padhe. Fir Sab Mil Kar Is Isme Pak Ko 71000 Bar Padhe. Tadad Puri Karne Ke Bad Fir Har Aadmi Upar Diya Hua Durude Pak 11 Bar Padhe. Fir Sab Log Mil Kar Barish Ke Liye Dua Kare. Isi Tarike Se 3 Din Lagatar Padhe. Allah Ke Karam Se Usi Hafte Me Barish Hogi. Ye Amal e Khas 

Barha Ka Aazmuda Hai Kabhi Khata Nahi Karta

★ Agar Koi Shakhs Ye Chahta Ho Ke Us Ki Zindagi Me Kabhi Maal Ki Kami Na Aaye Yani Hamesha Daulat Mand Rahe Ya Jarurat Ke Mutabik Rizk Milta Rahe To Use Chahiye Ke Is Isme Pak Ka Zikr Rozana Bad Namaze Fajar Aur Bad Namaze Isha 1400 Bar Padhne Ka Apna Mamool Bana Le. Insha Allah Us Ke Maal Me Kabhi Tangi Nahi Aayegi

★ Agar Koi Vyapari Ya Karobari Banda Apne Karobar Ko Shuru Karte Wakt Yani Apni Dukan Ya Office Ya Karobar Ki Jagah Khol Kar Rozana 2100 Bar Ye Isme Pak Padh Liya Karega To Us Ka Karobar Kabhi Nahi Rukega Aur Na Hi Us Me Kabhi Kami Aayegi

★ Maal o Daulat Ke Izafe Ke Liye Isme Pak

یَا وَھَّابُ یَا رَزَّاقُ

(YA WAHHABU YA RAZZAQU) Ka Wazeefa Hairat Angez Taseer Rakhta Hai. Is Liye Us Shaks Ko Chahiye Ke Magrib Ki Namaz Ke Bad Awwabin Ki Namaz Padhe. Us Ke Bad 2 Raka'at Nafl Allah Ki Khushnudi Ke Liye Ada Kare Aur Har Raka'at Me Sure Fateha Ke Bad Sure Ikhlas 3 Bar Aur Fir Ye Wazeefa 100 Bar Padhe. Salam Fer Kar Sajde Me Ja Kar Fir Ye Wazeefa 111 Bar Padhe Aur Allah Se Be Panah Rizk Ke Liye Dua Kare. Kam Se Kam 1 Saal Is Ko Padhta Rahe

★ Agar Kisi Shakhs Ke Ladke Ya Ladki Ki Shadi Sirf Is Wajah Se Ruki Hui Hai Ke Us Ke Pas Shadi Ke Layak Paise Nahi Hai To Ladki Ya Ladke Ki Maa Ya Baap Rozana Bad Namaze Isha Ye Wazeefa

یَا وَھَّابُ یَا رَزَّاقُ

(YA WAHHABU YA RAZZAQU) Ko 3125 Bar Padhe Aur Wazeefe Ke Bad 33 Bar Astagfar Padh Liya Kare Aur Allah Se Dua Kare. Insha Allah Koi Surat Jarur Ban Jayegi. Amal 120 Din Tak Lagatar Kare

★ Agar Koi Padha Likha Banda Us Ki Qabiliyat Ke Mutabik Job Ki Talash Kar Raha Ho, Lekin Mil Na Rahi Ho To Use Chahiye Ke Tahajjud Ke Wakt Uthe Aur Tanhai Me Tahajjud Ki Namaz Ada Kar Ke Ye Isme Pak 4100 Bar Padh Liya Kare. Amal Lagatar 11 Din Tak Kare. Insha Allah Bahot Jald Jaisi Chahiye Waisi Job Mil Jayegi

★ Aisa Banda Jis Ke Pas Qarz Ki Adaygi Ke Liye Paise Na Ho Aur Lene Wale Bahot Tang Karte Ho To Use Chahiye Ke Juma Ke Din Kuch Logo Ko Jama Kare. Agar Ghar Wale Ho To Behtar Hai. Sab Se Pehle 11 Bar Astagfar Padhe Us Ke Bad

یَا وَھَّابُ یَا رَزَّاقُ

YA WAHHABU YA RAZZAQU 41700 Bar Sab Mil Kar Padhe. Isi  Tarah Se 3 Juma Tak Kare. Us Ke Bad Qarzdar Banda Khud Ye Wazeefa Rozana 11000 Bar 41 Din Tak Padhe. Fir 3 Din Tak Rozana 111 Bar Astagfar Padhe. Fir 41 Din Tak Rozana 11000 Ye Wazeefa Padhe. Insha Allah Isi Dauran Koi Na Koi Maali Surat Paida Ho Jayegi

★ Is Isme Pak Ka Aamil Banne Ke Liye Mukammal Parhez Jalali Jamali Kare Aur Tanhai Me Khule Aasman Ke Niche Ye Isme Pak 5400 Bar 40 Din Tak Padhe. Fir 3 Din Tak 1100 Bar Astagfar Padhe. Us Ke Bad Dobara 40 Din Tak 5400 Bar Rozana Padhe. Fir 3 Din Tak 1100 Bar Astagfar Padhe. Fir Wapas 40 DIn Tak 5400 Bar Rozana Padhe. Yani Kul 3 Chille Karne Ke Bad Aamil Ho Gaye. Amal Ki Taseer Ko Qayam Rakhne Ke Liye Rozana 1100 Bar Padhta Rahe. Ab Is Isme Pak Ka Naksh Dusre Zarurat  Mand Ko Bhi De Sakte Hai

★ Jo Koi Is Isme Pak Ko Sharf e Zuhal Me Likh Kar Apne Pas Rakhe Wo Khwahishat e Nafsani Se Mehfuz Rahe. (Sharf e Zuhal Har 27 Mahine Me 1 Bar Aata Hai)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا قَھَّارُ) YA QAHHARU ●

           ■ AMALIYAT ASMA E HUSNA ■

♥ Asma e Husna :- Ya Qahharu (یَا قَھَّارُ) Ki fazilat o Wazaif

★ Allah Ta'ala Ka Ek Naam Ya Qahharu Bhi Hai. Allah Sab Par Galib Hai Balke Galibtar Hai Aur Har Ek Zabardast Se Zabardast Hai. Sure An'am Me Bhi Hai Ke Wo Apne Bando Par Pura Galba Rakhnewala Hai. Allah Ka Qahar Bada Shadid Hai Aur Ye Narazgi Ki Alamat Hai. Allah Ta'ala Jin Logo Se Naraz Hua Un Par Us Ne Qahar Nazil Kiya. Jis Se Wo Aane Wali Naslo Ke Liye Baeese Ibrat Bane. Kyu Ke Wo Log Zalim Aur Sarkash The. Ye Isme Pak Jalali Hai. Unsar Is Ka Aatashi Hai Aur Is Ke Kul Adad Qamari 306 Hai

★ Buzurgane Deen Farmate Hai Ke Is Isme Pak Ko Kasrat Se Padhne Se Allah Ki Muhabbat Paida Hoti Hai Aur Allah Ta'ala Apni Muhabbat Se Is Ke Dil Ko Noore Ma'arefat Se Bhar Deta Hai Aur Khatema Bil Khair Hota Hai. Esa Shakhs Jo Duniya Ko Chhod Kar Allah Ka Rasta Chahe Wo Is Isme Pak Ka Zikr Kiya Kare

★ Is Isme Pak Ka Zikr Jadu Ke Asarat Ko Khatm Karne Me Akseer Hai. Agar Kisi Mard Ya Aurat Par Kale Ilm Yani Jadu Ke Tavizat Dale Gaye Ho To Is Isme Pak Ko 7 Din Tak Rozana 1836 Bar Padh Kar Pani Par Dam Kar Ke Mariz Ko Pilaya Kare. Magar Is Amal Se Pehle 11 Bar Aayatul Kursi Aur Amal Padhne Ke Bad 11 Ba Sure Naas Padh Liya Kare. Insha Allah Kale Ilm Ke Tavizat Ke Tamam Asarat Khatm Ho Jayenge

★ Agar Kisi Jagah Par Jaise Ghar, Office, Dukan Ya Fir Kisi Bache Par Aaseb Ke Asarat Ho Aur Bache Ko Dar Lagta Ho Ya Makan Ki Kisi Jagah Se Khauf Aata Ho To Waha Is Isme Pak Ko 11 Din Tak Rozana 2100 Bar Padhte Rahe Aur Pani Pe Dam Kar Ke Chidak Diya Kare. Agar Bacha Ho To Us Par Bhi Chinte Mare. Vird Ke Shuru Me 11 Bar Aayatul Kursi Aur 4ro Qul Sharif 11 Bar Padhe Aur Vird Ke Aakhir Me Bhi 11 Bar Aayatul Kursi Aur 4ro Qul Sharif 11 Bar Padhe. Insha Allah Aasebi Asarat Khatm Ho Jayenge

★ Ye Isme Pak Dushman Ko Zer Karne Ke Liye Bhi Akseer Hai. Agar Koi Dushmane Deen Tang Karta Ho To Bad Namaze Asar 11 Din Tak Rozana 4100 Bar Padhe. Agar Is Me Is Se Pehle JABBAR Lafz Ka Izafa Kar Le To Behtar Hai. Yani Is Tarah

یَا جَبَّارُ یَا قَھَّارُ

(Ya Jabbaru Ya Qahharu) Padhe. Insha Allah Dushman Zer Hoga Aur Padhne Wale Ko Koi Nuksan Nahi Pahocha Sakega

★ Bacho Ke Marz SUKHE Me Is Isme Pak Ka Wird Bahot Behtar Hai. Thoda Sa Sarso Ka Tel Le Kar Is Tel Par Ye Isme Pak 1000 Bar Padh Kar Dam Kare. Fir Rozana Us Tel Se Malish Kare. Insha Allah Dublapar Khatm Hoga

★ Agar Koi Shakhs Fajar Ki Sunnate Aur Farz Ke Darmiyan Is Isme Pak Ko Maqhoori e Aa'da Ki Niyat Se Rozana 100 Bar Wird Kare To Dushman Magloob Wa Maqhoor Hoga

★ Jo Koi Is Isme Pak Ko Lagatar Rozana Beshumar Tadad Me Padhta Hai To Rab Ta'ala Us Ke Dil Ko Duniya Ki Muhabbat Se Pak Kar Deta Hai Aur Apni Muhabbat Aur Apna Shauk Aur Ibadat Me Lutf Ata Farmata Hai

★ Agar Koi Shakhs Is Isme Pak Ko Rozana Khilwat Me Yani Tanhai Me 100 Bar Padhe Aur Dushman Ke Liye Bad Dua kare To Kuch Hi Wkt Me Dushman Halaq Ho. Lekin Is Se Bachna Chahiye Aur Halakat Ki Jagah Us Ke Liye Hidayat Ki Dua Karni Chahiye. (Na Jaiz Kisi pe Zulm Na Kare Warna Gunahgahr Hoga)

★ Agar Koi Shakhs Har Namaz Ke Bad Kisi Bimar Ke Sir Par Ye Isme Pak 41 Bar Padh Kar Dam Kare To Allah Ki Ata Se Bimar Sehatmand Ho

★ Agar Do Ahle Haq Giroh Me Tasadim Paida Ho Jaye To Us Wakt Is Isme Pak Ko 700 Bar Rozana Lagatar 7 Din Tak Wird Kar Ke Dua Karne Se Ladai Sulah Me Badal Jayegi

★ Agar Koi Shakhs Har Juma Ko Fajar Ki Sunnate Aur Farz Ke Darmiyan 306 Bar Dushman Ko Magloob Karne Ki Niyat Se Padhe To Dushman Magloob Aur Zaleel Hoga Aur Magloob Ho Kar Samne Aaye

★ Agar Kisi Shakhs Ko Ki Na Haq Pareshan Karta Ho To Wo Shakhs 7 Roze Rakhe Aur Rozana Zohar Ki Namaz Ke Bad 11000 Bar  "Al Qahharu" Padhe. Awwal Aakhir Ye Durude Pak 21 Bar Padhe. Durude Pak Ye Hai:-

اَللّٰھُمَّ صَلِّ عَلٰی مُحَمَّدٍ سِرًّا وَجْھِرًا - اَللّٰھُمَّ صَلِّ عَلٰی

مُحَمَّدٍ فِیْ الْاَوَّلِیْنَ وَالْاٰخِرِیْنَ فِیْ الْمَلَاءِ الْاَعْلٰی اِلٰی

یَوْمِ الدِّیْنَ ○

★ Agar Kisi Ghar Me Jinn Ya Aaseb Ka Khalal Ho Aur Us Ghar Ke Rehne Walo Ko Darr Lagta Ho To 11 Kore Chirag Le Kar Har Ek Chirag Par 7 Martaba Ye Isme Pak Likhe. Ab Rozana Rat Ko Ek Chirag Le Kar Us Me Sarso Ka Tel Dal Kar Us Ko Raushan Kare. Insha Allah 11 Din Ke Amal Se Us Ghar Ki Tamam Aziyyate Dene Wali Chize Aur Jinn, Aaseb Wagairah Dafa'a Honge

★ Jo Shakhs Is Isme Pak Ke Murabba Naksh Ko Sa'at Mirrikh Me Qanda Karwa Kar Ya Likh Kar Ke Apne Pas Me Rakhe To Koi Shakhs Us Par Galib Na Aa Sake Aur Guftagu Me Bhi Ye Hi Banda Sab Par Galib Rahe. Wo Ulema E Kiram Jo Aksar Munazare Karte Ho Aur Wo Wakil Jo Sirf Haq Wale Cases Ladte Ho Aur Paise Ke Liye Kabhi Jhute Cases Na Ladte Ho Un Ke Iiye Ye Naksh Aur Is Isme Pak Ka Vird Behad Fayde Mand Hai. Un Logo Ko Is Se Fayda Hasil Karna Chahiye
(NAKSH KI IMAGE YE HAI)

★ Peer e Tarikat, Murshid e Kamil Aur Amaliyat Ki Riyazat Karne Walo Ke Liye Is Isme Pak Ka Rozana 306 Bar Vird Karna Aur Is Isme Pak Ka Naksh Rakhna Mufeed Hai. Ta Ke Un Ka Nafs Magloob Rahe Aur Wo Shehwato Se Pak Rahe
(NAKSH KI IMAGE YE HAI) (Dono Me Se Jo Chahe Istemal Kar Sakte Hai)

★ Is Isme Pak Ka Aamil Banne Ke Liye Is Isme Pak Ko Mukammal Parhez Jalali Aur Jamali Ke Sath Chille Ki Tamam Sharait Ko Pura Karte Hue Rozana Isha Ke Bad 12500 Bar Wird Kiya Kare. 40 Din Ke Bad Is Ke Aamil Ho Jayenge. Us Ke Bad Is Isme Pak Ka Taviz Zarurat Mand Ko Diya Ja Sakta Hai. Zakat Ada Karne Ke Bad Is Amal Ki Taseer Ko Kayam Rakhne Ke Liye Rozana 125 Bar Hamesha Ke Liye Padhta Rahe

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com