● ASMA E HUSNA :- (یَا فَتَّاحُ) YA FATTAHU ●

         ■ AMALIYAT ASMA E HUSNA ■

♥ Asma e Husna :- Ya Fattahu (یَا فَتَّاحُ) Ki fazilat o Wazaif

★ Allah Taala Ka Ek Sifati Naam Hai YA FATTAHU. Yani Ai Kholne Wale. Rabbe Kaenat Ne Apne Is Naam Ka Zikr Qurane Pak Ki Kai Aayato Me Kiya Hai. Beshak Allah Ki Nazare Inayat Se Har Musibat Aafat Aur Waba Dur Hoti Hai Aur Rab Ki Maherbani Se Har Mushkil Aasan Ho Jati Hai Aur Har Sakhti Khatm Ho Jati Hai, Har Tangi Rahat Me Badal Jati Hai, Dushman Par Fateh Ke Darwze Khul Jate Hai. Garz Ye Ke Allah Har Kism Ki Takleef Dene Wali Chiz Ko Dur Farma Kar Rahat Aur Rehmat Ke Darwaze Kholne Wala Hai Is Liye Use Is Naam Se Bhi Pukara Jata Hai. Ye Isme Pak Jamali Hai Aur Is Ke Kul Adad Qamari 489 Hai

★ Jo Koi Banda Bad Namaze Fajar Apne Dono Hath Seene Par Rakh Kar Ye Isme Pak 70 Bar Padhe To Is Ki Barkat Se Seene Ka Tamam Zang Aur Mail Dur Ho Jaye Aur Seena Munawwar Aur Kushadah Ho

★ Ye Isme Pak Saliqo Ke Liye Khas Hai. Jo Koi Banda Is Isme Pak Ka Naskh Apne Pas Rakhe To Us Ki Har Mushkil Aasan Ho. Naksh Saat e Saeed Me Likhe

★ Jo Koi Is Isme Pak Ko Bad Namaze Fajar 489 Bar Hamesha Ke Liye Padhta Rahe To Us Ke Sab Kam Aasan Ho Jaye Aur Musibato Se Najat Mile

★ Is Isme Pak Ka Zikr Karne Wale Par Allah Apni Rah Khol Deta Hai. Ye Isme Pak Aasani Paida Karne Me Bahot Mufeed Hai. Jo Shakhs Is Isme Pak Ko Rozana Subah Ya Rat Sote Wakt 1100 Bar Rozana Padhne Ka Mamool Bana Le To Us Ka Har Mushkil Kam Khud Ba Khud Hal Hota Rahe Aur Jumla Rukawate Dur Ho Jaye

★ Jin Ladke Ya Ladkiyo Ki Shadiya Kisi Wajah Se Ruk Jaye Aur Maa Baap Ke Liye Pareshani Khadi Ho Jaye To Aisi Ruki Hui Shadiyo Ki Raah Kholne Ke Liye Is Isme Pak Ko Rozana 1156 Bar Bad Namaze Asar 40 Din Tak Padhe. Agar Ladka Ya Ladki Khud Na Padh Sake To Us Ke Maa Baap Me Se Koi Ye Amal Padhe Aur Dua Kare. Insha Allah Raah Khul Jayegi

★ Ye Amal Qaid Se Khulasi Ke Liye Bhi Akseer Hai. Agar Koi Shakhs Dushman Ki Qaid Me Ya Kisi Jhute Muqaddama Me Nahak Fans Gaya Ho To Ghar Ke Log Mil Kar Ye Isme Pak Rozana 7000 Bar Padhe aur Dua Kare. Insha Allah 40 Din Ke Amal Se Koi Na Koi Behtar Asbab Ban Jayenge

★ Agar Koi Talibe Ilm Yani Student Ye Chahta Ho Ke Use Har Imtehan aur Har Project Me Kamyabi Mile Ya Kisi Student Ko Ye Tamanna Ho Ke Us Ki Har Research Me Kamyabi Mile To Wo Is Isme Pak Ko Rozana Pabandi Se 489 Bar Padhne Ka Hamesha Ka Apna Mamool Bana Le. Insha Allah Kamyabi Us Ke Qadam Chumegi

★ Agar Koi Chahe Ke Mere Dil Ke Parde Khul Jaye Aur Ishqe Ilahi Ki Daulat Hasil Ho Jaye To Rozana 70 Bar Isi Niyat Se Padhta Rahe. Insha Allah Us Ka Dil Saaf Hoga

★ Agar Kisi Ko Marz e Nisyan Ho Jaye To Rozana Bad Namaze Fajar Apne Seene Par Hath Rakh Kar 77 Bar Ye Isme Pak Padha Kare. Insha Allah Chand Hafto Ke Amal Se Dimag Me Zabardast Quwwat Paida Hogi Aur Nisyan Ki Bimari Khatm Hogi

★ Agar Koi Shakhs Kisi Mushkil Ko Suljhana Chahe To Bad Namaze Isha 170 Bar Is Isme Pak Ko Padha Kare. Insha Allah Har Taraf Se Futoohat Ke Darwaze Khul Jayenge

★ Agar Koi Kisi Mukaddame Me Fans Jaye Ya Dushman Ki Sazish Ka Shikar Ho Jaye To Us Musibat Se Nikalne Ki Niyat Se Is Isme Pak Ko Rozana 489 Bar Isha Ke Bad Padha Kare aur Dua Kare. Insha Allah Us Ki Mushkilat Aasan Ho Jayegi

★ Dushman Par Fatah Pane Aur Dushman Ki Sazisho Se Mehfuz Rehne Ke Liye Aur Apne Zahir Wa Batin Ko Durust Karne Ke Liye Isi Niyat Se Rozana Aadhi Rat Ko Khade Ho Kar Ye Isme Pak 489 Bar Padha Kare

★ Qaid Khane Se Rihaai Ke Liye Is Isme Pak Ka Khatam Ghar Ke Sab Log Mil Kar Rozana 21000 Bar 7 Ya 11 Din Tak Lagatar Padha Kare Aur Qaidi Ke Naam Se Dua Kare. Insha Allah Bahot Jaldi Us Ki Rihaai Ka Faisla Ho Jayega

★ Jo Shakhs Ye Dono Isme Pak YA FATTAHU Aur YA RAZZAQU Milakar Yani (یا فتاح یا رزاق) Rozana Isha Ke Bad 797 Bar Hamesha Padhta Rahe To Us Ke Rizk Me Be Hisab Izafa Hoga Aur Us Ka Rizk Kabhi Rukega Nahi

★ Agar Koi Student Ye Chahe Ke Use Us Ke Imtehan Me Kamyabi Mile To Imtehan Shuru Hone Ke 40 Din Pehle Amal Shuru Kare Aur Is Tarah Kare Ke Is Isme Pak Ke Adad Me Apne Naam Ke Adad Mila Kar Rozana Fajar Ya Isha Ke Bad Padha Kare. Result Aane Tak Pabandi Se Padha Kare. Insha Allah Kamyabi Hasil Hogi

★ Dast e Gaib Ki Niyat Se Is Isme Pak Ko 18 Raato Me Mila Kar Kul 80793 Bar Mukammal Kare Aur Fir Us Ke Bad Rozana 500 Bar Vird Me Rakhe. Insha Allah Gaib Se Rozi Milti Rahegi

★ Agar Koi Shakhs Is Isme Pak Ka Aamil Banna Chahe To Parhez Jalalai Jamali Ke Sath Chille Ki Tamam Sharto Par Amal Karte Hue 40 Din Tak Rozana Bad Namaze Isha Tanhai Me 18496 Bar Is Ism Ko Padhta Rahe. Insha Allah Aamil Ban Jayega. Us Ke Bad Rozana 489 Bar Hamesha Ke Liye Padhta Rahe Ta Ke Amal Kabu Me Rahe. Aamil Banne Ke Bad Is Isme Pak Ka Naksh Jis Kisi Ko Bhi Dega Us Ka Kam Ho Jayega. Is Isme Pak Ka Naksh Har Bandis Ko Kholne Me Bhi Kam Aayega

★ Is Isme Pak Ka Naksh Har Tarah Ki Bandishe Kholne Me Teer Ba Hadaf Kam Karta Hai. Is Isme Pak Ka Aamil Is Isme Pak Ka Naksh Murabba Taiyar Kare Aur Use Dharidar Kapde Me Lapet Kar Sidhe Bazu Par Bandhe Ya Gale Me Pehnaye. Agar Bandis Sakht Ho To Is Isme Pak Ka Naksh Pine Ke Liye Bhi Diya Jaye. Insha Allah Har Tarah Ki Bandise Dur Hogi

★ Jo Shakhs Urooj Maah Me Isha Ke Bad 2 Rakaat Namaz Nafl Padhe. Pehli Rakaat Me Sure Fateha Ke Bad Sure Yaseen Aur Dusri Rakaat Me Sure Fateha Ke Bad Sure Mulk Padhe. Salam Ferne Ke Bad Ye Isme Pak 489 Bar Padh Kar Is Isme Pak Ke Ye Naksh Par Dam Kare. Is Isme Pak Ka Ye Naskh Us Bande Se Banwa Liya Jaye Jo Is Isme Pak Ka Aamil Ho. Fir Dam Kiya Hua Naksh Momjama Kar Ke Apne Sidhe Bazu Par Bandhe. Insha Allah Is Ki Barkat Se Zindagi Bhar Ki Tamam Mushkilat Me Aasani Hua Karegi
(NAKSH KI IMAGE YE HAI)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا رَزَّاقُ) YA RAZZAQU ●

        ■ AMALIYAT ASMA E HUSNA ■

♥ Asma e Husna :- Ya Razzaqu (یَا رَزَّاقُ) Ki fazilat o Wazaif

★ Allah Ta'ala Ka Ek Naam Razzaq Bhi Hai. Yani Rizk Dene Wala. Allah Ta'ala Ne Apne Is Naam Ka Zikr Qurane Pak Ki Kai Aayato Me Kiya Hai. Rizk Har Ek Ki Buniyadi Zarurat Hai Aur Beshak Allah Ta'ala Hi Har Ek Ko Rizk Deta Hai. Is Isme Pak Ka Wird Farakhi e Rizk Ka Zariya Banta Hai. Rizk Ki Pareshaniyo Se Najat Milti Hai, Muflisi Dur Hoti Hai, Husule Rizk Ke Asbab Paida Hote Hai. Ye Isme Pak Jamali Hai Aur Kul Adad Qamari Is Isme Pak Ke 308 Hai

★ Rizk Ki 2 Kisme Hai. Rizk e Zahiri Aur Rizk e Batini. Rizk e Zahiri To Zahiri Gizae Aur Wo Tamam Chize Hai Jo Badan Ke Liye Fayde Mand Hai. Batini Giza Yani Ilm o Ma'arefat Se Murad Hai, Aur Ye Hi Afzal Tareen Rizk Hai. Ye Hi Rooh Ki Giza Hai. Rizk e Zahiri To Sirf Badan Ke Liye Hai Aur Sirf Duniya Tak Hi Hai, Lekin Rooh Ki Giza Yani Zikr e Ilahi Aur Ilm Ki Daulat To Duniya Ke Sath Sath Aakherat Me Bhi Fayda Deta Hai

★ Ek Tafseel Ke Mutabik Jo Koi Subah Sadiq Ka Wakt Ho Jane Bad - Namaze Fajar Se Pehle Ghar Ke Charo Kono Me 10-10 Bar Ye Isme Pak Is Tarah Padhe Ke Sidhe Hath Ke Kone Se Shuru Kare Aur Chehra Qibla Ki Taraf Hi Rakh Kar Padhe. Insha Allah Us K Ghar Se Mufleesi Dur Hogi

★ Is Amal Ka Ek Tarika Ye Bhi Bataya Jata Hai Ke Agar Koi Shakhs Rozana Apne Ghar Ke 4ro Kono Me Bad Namaze Fajar Ye Isme Pak 308 Bar Padh Liya Kare Aur Har Kone Me Dam Kar Diya Kare Aur Amal Lagatar 40 Din Tak Pabandi Se Kare To Allah Ki Rehmat Se Us Ki Gurbat Dur Hone Ke Asbab Ban Jayenge. Amal Karte Wakt Chehra Qibla Ki Taraf Hi Ho

★ Jo Koi Is Isme Pak Ko 545 Bar Rozana Pabandi Se Padhta Rahega To Allah Ke Hukm Se Us Ka Rizk Qushadah Hoga Aur Koi Bechargi Na Hogi

★ Agar Koi Shakhs Is Isme Pak Ko Rozana Tanhai Me 1000 Bar Padhne Ka Mamool Bana Le To Jald Hi Use Hzrt Khwaja Khizar Alaihissalam Se Mulakat Ka Sharf Hasil Hoga

★ Agar Koi Shakhs Mahe Shaban Ki 15vi Rat Yani Shab e Bara'at Me Bad Namaze Magrib Ise Padhna Shuru Kare Aur 21,000 Ki Tadad Khatm Kare Aur Fir Allah Ki Bargah Me Sajda Rez Ho Kar Kushadah Rizk Ki Dua Kare. Insha Allah Use Saal Bhar Us Ki Jarurat Ke Mutabik Rizk Ata Hota. Har Saal Amal Karne Se Rozi Me Behisab Izafa Hoga

★ Agar Koi Shakhs Kisi Se Koi Chiz Ya Koi Shai Talab Karta Hai To Us Ki Tabedari Zarur Karta Hai. Agar Ham Bhi Rizk Ke Taalib Ho To Ham Par Bhi Lazmi Hai Ke Ham Us Rizk Dene Wale RAZZAQ Ki Tabedari Kare. Us Ke Har Hukm Ko Mane Aur Us Pe Amal Kare. Fir Ham Par Rizk Ke Darwaze Khol Diye Jayenge

★ Agar Koi Tajeer Yani Vyapari Is Isme Pak Ko Rozana Isha Ke Bad 308 Bar Pabandi Se Padha Kare Aur Rizk Me Farakhi Ki Dua Kare To Allah Ke Hukm Se Barkat Ho Aur Is Ka Fayda 1 Hi Mahine Me Mehsus Hone Lage

★ Agar Kisi Ki Koi Naukari Chhut Gayi Ho Aur Wo Nayi Naukari Ki Talash Me Ho To Use Chahiye Ke 3 Roze Rakhe Aur Rozana Bad Namaze Fajar Is Isme Pak Ka Vird 10,000 Bar Kare. Awwal Aakhir 7-7 Bar Durude Ibrahim Padhe. Insha Allah Ek Hi Mahine Me Naukari Mil Jayegi

★ Agar Kisi Shakhs Ko Koi Naukari Se Nikal Diya Ho Aur Wo Naukari Us Ke Liye Behtar Nazar Aa Rahi Ho Aur Wo Banda Usi Jagah Fir Se Jana Chahta Ho To Ye Isme Pak Rozana Fajar Ke Bad 11,000 Bar Padhna Shuru Kar De Aur Tab Tak Padhta Rahe Jab Tak Use Wo Naukari Wapas Nahi Mil Jati. Allah Ke Hukm Se Fir Usi Jagah Bahaal Ho Jayega

★ Agar Kisi Bande Ko Kahi Par Bhi Naukari Na Milti Ho Aur Use Naukari Ki Talash Ho To Use Chahiye Ke 6 Mahine Tak Lagatar Ye Isme Pak Rozana 7000 Bar Padhta Rahe. Insha Allah Bahot Jald Use Naukari Mil Jayegi

★ Jo Koi Ye Isme Pak Ko Rozana Bad Namaze Fajar Ya Fir Apne karobar Ki Jagah Kholne Se Pehle 1100 Bar Padh Liya Kare To Us Ka Rizk Kushadah Kar Diya Jayega

★ Agar Koi Shakhs Is Isme Pak Ko Rozana Chalte, Firte, Uthte, Baithte Yani Jaise Bhi Mauka Mile Kasrat Se Sath Padhta Rahega To Allah Ta'ala Us Par Apne Rizk Ke Darwaze Khod Deta Hai aur Us Ke Rizk Me Din Ba Din Hairat Angez Izafa Hota Hai

★ Agar Koi Shakhs Is Isme Pak Ko Rozana Chalte, Firte, Uthte, Baithte Yani Jaise Bhi Mauka Mile Kasrat Se Sath Padhta Rahega To Allah Ta'ala Us Par Apne Rizk Ke Darwaze Khod Deta Hai aur Us Ke Rizk Me Din Ba Din Hairat Angez Izafa Hota Hai

★ Jis Shakhs Ki Aamdani Us Ke Kharche Se Kam Ho Aur Wo Hamesha Gurbat Ka Shikar Rehta Ho To Wo Is Isme Pak Ko Rozana Sone Se Pehle 3100 Bar Padhe Aur Hamesha Padhta Rahe. Allah Ke Hukm Se Us Ki Gurbat Khatm Ho Jayegi

★ Agar Kisi Ka Chalta Hua Karobar Achanak Ruk Jaye, Income Band Ho Jaye To Use Chahiye Ke Ye Isme Pak Ka Wazifa Is Tarike Se Kare Ke Pehle 40 Din Tak Apni Dukan Ya Karobar Ki Jagah Kholte Wakt Ye Isme Pak YA RAZZAQU (یا رزاق) 3125 Bar Padhe Aur Fir 11 Din Tak Isme Pak YA WAHHABU (یا وهاب) Rozana 1100 Bar  Padhe. Fir Alge Din Se Dobara Ye Isme Pak YA RAZZAQU (یا رزاق) 3125 Bar Padhe. Wazeefa Khatam Kar Ke Shirini Par Fateha De Kar Logo Ko Takseem Kar De. Insha Allah Is Wazife Ki Barkat Se Ruka Hua Karobar Fir Se Shuru Ho Jayega

★ Agar Koi Shakhs Achanak Kisi Maali Musibat Me Mubtala Ho Jaye Aur Use Nikalne Ki Koi Suran Nazar Na Aati Ho To Use Chahiye Ke Is Isme Pak Ko Rozana 21,000 Bar Padhna Shuru Kar De Aur 40 DinTak Padhta Rahe. Insha Allah Us Ki Maali Pareshani Dur Ho Jayegi

★ Agar Kisi Shakhs Ko Rozgar Na Milta Ho To Wo Is Isme Pak Ka Ye Naksh Kisi Aise Bande Se Likhwaye Jo Is Isme Pak Ka Aamil Ho. Fir Us Naksh Pasr Ye Hi Isme Pak 308 Bar Padhwa Kar Dam Karwaye. Naksh Ko Jafran Wa Arq e Gulab Se Likhwaye Aur Green Kapde Me Pack Kar Ke Apne Sidhe Bazu Par Bandhe. Aurat Ho To Ulte Bazu Par Bandhe. Insha Allah Chand Hafto Me Hi Use Rozgar Naseeb Ho Jayega
(NAKSH KI IMAGE YE HAI)

★ Agar Koi Is Isme Pak Ka Aamil Banna Chahe To Chille Ki Tamam Sharto Par Amal Karte Hue 40 - 40 Din Ke Kul 11 Chille Kare. Har Chille Me Rozana 11000 Bar Padhta Rahe. Is Isme Pak Ka Aamil Ban Jayega. Aamil Banne Ke Bad Jis Ke Liye Bhi Rizk Ki Dua Karega Aur Jis Ko Bhi Is Isme Pak Ka Naksh Bana Kar Dega Insha Allah Fauran Us Ka Rizk Ka Mas'ala Dur Ho Jayega

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com