● ASMA E HUSNA :- (یَا مُعِزُّ) YA MUEEZZU ●

          ■ AMALIYAT ASMA E HUSNA ■

♥ Asma e Husna :- Ya Mueezzu (یَا مُعِزُّ) Ki fazilat o Wazaif

★ Allah Ta'ala Ka Ek Sifati Naam Hai Ya Mueezzu. Yani Ai Izzat Dene Wale. Beshak Har Kism Ki Izzat Isi Zaat Ke Hath Me Hai. Allah Jise Chahe Izzat Se Nawaz Deta Hai. Ahle Duniya Ka Dastoor Hai Ke Jis Se Koi Razi Ho Jaye Wo Use Izzat Deta Hai. Dusro Se Mumtaz Hona Hi Dar Asal Izzat Pana Hai. Magar Ye Duniya Ki Izzat Bhi Allah Ki Ata Ke Bagair Nahi Milti. Kyu Ke Wo Allah Hi Hai Jo Dusro Ke Dilo Me Ye Bat Dalta Hai Ke Wo Kisi Ki Izzat Kare. Yani Asal Izzat Ata Karne Wali Zaat Allah Hi Ki Hai. Ye Isme Pak Jamali Hai Aur Is Ke Kul Adad Qamari 117 Hai

★ Aisi Ladki Jo Shadi Kar Ke Kisi Joint Family Me Jaye Aur Use Bat Bat Par Be Izzati Ka Nishana Banaya Jata Ho, Shauhar Bhi Us Ki Izzat Ki Parwah Na Karta Ho To Us Ladki Ko Chahiye Ke 40 Din Tak Rozana Ye Isme Pak 3125 Bar Padh Kar Apne Upar Dam Kar Liya Kare Aur Pani Par Dam Kar Ke Piya Kare. In Sha Allah Ghar Ke Sab Log Us Ki Izzat Karne Lagenge

★ Agar Koi Shakhs Apne Khandan Me Hamesha Ba Izzat Bana Rehna Chahta Ho Aur Chahe Ke Apne Samaaj Me Use Buland Maqam Hasil Ho Aur Har Koi Us Ka Muee'a Aur Farma Bardar Bane To Is Isme Pak Ko 41 Din Tak Rozana 4100 Bar Padhe. Us Ke Bad Hamesha Ke Liye 117 Bar Padh Liya Kare

★ Agar Koi Shakhs Is Naam Ko Rozana Bad Namaze Fajar 100 Bar Vird Kar Liya Kare To Us Ke Kirdar Aur Akhlaq Me Ache Khayalat Paida Honge. Aisa Shakhs Nek Logo Ki Sohbat Ikhteyar Karega. Us Ke Dil Me Dusre Logo Ki Izzat Karne Ka Jazba Paida Hoga

★ Agar Koi Shakhs Safar Me Jate Wakt Ye Isme Pak 1000 Bar Padh Kar Jaye Aur Raste Me Bhi Jab Bhi Yaad Aaye To Padhta Rahe To Allah Ke Hukm Se Ba Izzat Rahe Aur Izzat Ke Sath Hi Wapas Aaye

★ Jo Koi Shakh Shabe Peer Aur  Shabe JUma Me Bad Namaze Magrib Ye Isme Pak 140 Bar Padh Liya Kare To Us Ko Logo Ki Nazar Me Izzat Aur Shohrat Hasil Hoti Hai Aur Siway Allah Ke Kisi Se Na Dare

★ Is Isme Pak Ka Zikr Himmat Qawi Karne Ke Liye Mufeed Hai. Ese Log Jin Me Himmat Nahi Hoti, Hausala Nahi Hota Ya Kam Hota Hai Wo Log Har Namaz Ke Bad 117 Bar Padh Liya Kare

★ Agar Koi Shakhs Aadhi Rat Guzar Jane Ke Bad 600 Bar Ye Isme Pak Lagatar 2 Mahine Tak Pabandi Se Padhta Rahe To Use Izzat Aur Rifa'at Ka Wo Maqam Hasil Ho Ke Log Dekhte Reh Jaye

★ Is Isme Pak Ke Khas Wazeefe Ka Tarika Ye Hai Ke Dawat Ki Niyat Se Is Isme Pak Ko Parhez Jalali Jamali Ke Sath Rozana Isha Ke Bad Tanhai Me 10000 Bar Padhta Rahe Aur Amal Ko Lagatar 52 Din Tak Karta Rahe. Is Dauran Aamil Ko Ajeeb Ajeeb Kism Ki Basharate Bhi Hua Karegi Aur Aamil Izzat Aur Rifa'at Ki Daulat Se Sarfaraz Hoga

★ Is Isme Pak Ka Aamil Banne Ke Liye Parhez Jalali Jamali Ke Sath Chille Ki Tamam Sharto Par Amal Karte Hue Ye Isme Pak 41 Din Tak Rozana Bad Namaze Isha 14625 Bar Padh Liya Kare To Is Isme Pak Ka Aamil Ban Jayega. Fir Rozana 117 Bar Padhta Rahe. Us Ke Bar Is Isme Pak Ka Naksh Har Jarurat Mand Ko De Sakta Hai

★ Is Isme Pak Ke Muakkil Ka Naam (رطیائیل) Hai. Jo Koi Shakhs Juma Ke Din Is Isme Pak Ka Ye Naksh Aur Is Ke Muakkil Ka Naam Chandi Ki Takhti Par Qanda Karwa Kar Apne Pas Rakhe Aur Rozana Tanhai Me Is Isme Pak Ka Zikr Kiya Kare To Dushman Use Kuch Nuksan Na Pahocha Sake
(NAKSH KI IMAGE YE HAI)

★ Is Isme Pak Ka Ye Naksh Izzat Aur Waqar Hasil Karne Ke Liye Teer Ba Hadaf Hai. Agar Is Naksh Ko Chandi Ki Takhti Par Qanda Karwa Kar Jo Koi Apne Pas Rakhe To Taskheer Aur Maqbooliyat Ki Daulat Se Malamaal Ho
(NAKSH KI IMAGE YE HAI)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا رَافِعُ) YA RAAFIOO ●

           ■ AMALIYAT ASMA E HUSNA ■

♥ Asma e Husna :-  Ya Raafioo (یَا رَافِعُ) Ki fazilat o Wazaif

★ Allah Ta'ala Ka Ek Sifati Naam Ya Raafeoo Hai. Yani Ai Darajat Buland Karne Wale. Beshak Haq Ta'ala Jise Chahta Hai Deen o Duniya Me Buland Darajaat Se Nawaz Deta Hai. Duniya Aur Aakherat Me In'aam o Ikram Se Nawazne Wali Zaat Sirf Allah Hi Ki Hai. Isi Liye Use Is Naam Se Bhi Pukara Jata Hai. Allah Ne Apni Is Sifat Ka Zikr Qurane Pak Me Bhi Kai Jagah Pe Kiya Hai. Allah Apne Farma Bardar Ki Zara Si Ita'at Par Khush Ho Kar Use Rifa'at Baksh Deta Hai Aur Use Apni Qurbat Se Nawaz Deta Hai. Ye Isme Pak Jamali Hai Aur Kul Adad Qamari 351 Hai

★ Agar Kisi Shakhs Ka Promotion Ruka Hua Ho Ya Kisi Wajah Se Us Ke Senior Officer Us Ki Tarakki Me Rukwat Dal Rahe Ho To Us Shakhs Ko Chahiye Ke Monday Ko Bad Namaze Magrib Ye Isme Pak 12636 Bar Padhe Aur Fir Sajde Me Sir Rakh Kar Apne Maksad Ki Dua Kare. Lagatar 11 Monday Tak Amal Kare. Insha Allah Us Ki Ummeed Puri Hogi

★ Izzat Aur Shohrat Ke Izafe Ke Liye Ye Isme Pak Bahot Akseer Hai. Jo Shakhs Ye Chahe Ke Us Ki Izzat o Shohrat Me Izafa Ho To Use Chahiye Ke Rozana Bad Namaze Fajar 100 Bar Padhe. Awwal Aakhir 3 Bar Durude Pak. 3 Saal Tak Lagatar Ye Amal Karta Rahe. Insha Allah Us Ki Izzat Aur Shohrat Me Is Qadar Bulandi Hogi Ke Log Dekhte Reh Jayenge

★ Aksar Log Court Me Ya Kisi Office Me Haakim Ke Samne Jane Se Darte Hai. Is Lihaz Se Court Me Judge Ke Samne Jane Se Pehle Ye Isme Pak 3 Din Tak Rozana 3000 Bar Padhe Aur Fir Hakim Ke Samne Jaye Tab Bhi Ye Hi Ism Padhte Rahe To Hakim Ke Dil Me Rahemdil Aur Narmi Ka Jazba Paida Hoga

★ Jo Shakhs Aadhi Rat Ko 100 Martaba Ye Isme Pak Lagatar 40 Din Tak Padhe To Haq Ta'ala Use Tarakki Ata Farmaye aur Dushmano Par Bhi Galaba Hasil Ho

★ Agar Koi Shakhs Is Isme Pak Ko Rozana 1000 Bar 40 Din Tak Lagatar Padhta Rahe To Use Azeem Martaba Hasil Ho Aur Dushmano Ka Khauf Dil Se Nikal Jaye

★ Is Isme Pak Ka Zikr Karne Wale Ko Allah Fatehyabi Ata Farmata Hai. Agar Is Ism Ka Zaakir Ache Mijaz Wala Aur Logo Se Acha Sulook Karne Wala Ho To Is Isme Pak Ke Zikr Ki Barkat Se Us Ke Dil Me Adal Paida Hota Hai Aur Us Ki Harkato Se Logo Ko Sukoon Hasil Hota Hai

★ Agar Kisi Insan Ko Karobar Ki Tangi Ho To Is Isme Pak Ka Naskh Apne Pas Rakhe Aur Is Isme Pak Ka Zikr Karta Rahe To Us Ka Rizk Aasan Ho Jata Hai Aur Duniya Me Izzat Hasil Hoti Hai

★ Ye Isme Pak Ka Vird Peer e Tarikat Hazrat Ke Liye Bhi Bahot Mufeed Hai. Agar Koi Peer e Tarikat Manzile Baqa Pane Ke Bad Padhe To Un Ke Roohani Maratib Me Bulandi Hasil Hogi. Magar Kasrat Se Padhna Zaruri Hai

★ Ye Isme Pak Imtehan Aur Digar Muqabalo Me Numaya Kamyabi Hasil Karne Ke Liye Mujarrab Hai. Is Liye Muqabale Se Pehle Bhi Ise Kasrat Se Padhe Aur Muqabale Ke Wakt Bhi Padhte Rahe. Allah Ne Chaha To Kamyabi Hogi

★ Is Isme Pak Ka Aamil Banne Ke Liye Parhez Jalali Jamali Ke Sath Chille Ki Tamam Sharto Ko Pura Karte Hue 40 Din Tak Bad Namaze Isha Rozana 6250 Bar Padhte Rahe. 40 Din Me Aamil Ho Jayenge. Fir Jumla Maksado Ke Liye Is Ka Naksh Diya Ja Sakta Hai

★ Agar Koi Shakhs Chahe Ke Use Rizk Me Tarakki Ata Ho To Is Naksh Ko Likh Kar Apne Pas Rakhe Aur 40 Din Tak Rozana Bad Namaze Isha 1866 Bar Ye Isme Pak Padh Naksh Par Dam Karta Rahe. 40ve Din Amal Padh Kar Dam Karne Ke Bad Naksh Ko Plastic Me Pack Kar Ke Green Kapde Me See Kar Apne Sidhe Bazu Par Bandhe. Insha Allah Rozi Me Be Panah Barkat Hogi.

(NAKSH KI IMAGE YE HAI)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا خَافِضُ) YA KHAAFIDU ●

          ■ AMALIYAT ASMA E HUSNA ■

♥ Asma e Husna :-  Ya Khaafidu (یَا خَافِضُ) Ki fazilat o Wazaif

★ Allah Ta'ala Ka Ek Sifati Naam Hai Ya Khaafidu. Jis Ka Matlab Hota Hai Zalil o Khwar Aur Past Karne Wala. Ye Ikhteyar Sirf Allah Ki Zaat Ko Hai Ke Wo Apni Saltanat Me Jise Chahe Izzat Wale Aala Maqam Se Gira Kar Zaleel o Khwar Kar Deta Hai. Is Ki Sab Se Achi Misal Bala'am Bin Baorah Naam Ka Wo Shakhs Hai Jis Ka Zikr Qurane Pak Me Aaya Hai. Jo Shakhs Allah Ki Itteba Se Gaflat Karta Hai, Us Ki Ibadat Nahi Karta. Us Se Tauba Aur Astagfar Nahi Karta Balke Apni Nafsani Khwahishat Ko Pura Karne Me Laga Rehta Hai To Fir Allah Use Past Farma Deta Hai. Ye Ism Jalali Hai. Kul Adad Qamari Is Ke 1481 Hai

★ Ye Isme Mubarak Dushman Ko Past Karne Ke Liye Bahot Akseer Hai. Is Maksad Ke Liye Is Isme Mubarak Ko Bad Namaze Fajar 1481 Bar Rozana 40 Din Tak Padhe. Insha Allah Dushman Jo Aap Ko Zaleel Karne Ka Mansooba Banayega Wo Khud Hi Zaleel Hoga. Allah Padhne Wale Ko Apni Panah Me Rakhega

★ Ye Zikr Mujahidine Islam Ke Liye Khas Kar Us Wakt Behtar Hai Jab Kuffar Shadeed Hamla Kare Us Wakt Mujahidin Is Isme Pak Ko Khub Padhe. Insha Allah Dushman Ka Hamla Past Hoga Aur Musalman Mujahidin Ko Allah Fateh Ata Farmayega

★ Kisi Bhi Tarah Ka Koi Muqabla Ho Jaise School College Me Compition Hote Hai Ya Fir Koi Aur Muqabla Ho Us Me Samne Wale Ko Past Karne Aur Harane Ke Liye Muqable Se 3 Din Pehle Ye Isme Pak Rozana 11000 Bar Padhna Shuru Kare, Aur Jab Muqabla Shuru Ho To Is Isme Pak Ka Dil Me Vird Rakhe. Insha Allah Mukhalif Shikast Khayega

★ Agar Koi Bura Ladka Kisi Ladki Ke Piche Pyar Muhabbat Ke Chakkar Me Pada Ho Aur Use Satata Ho Aur Be Wajah Tang Karta Ho Jis Se Badnam Hone Ka Khatra Ho To Ye Isme Pak 11 Din Tak Rozana Suraj Doobne Ke Wakt 8886 Bar Padhe Aur Dua Kare. Insha Allah 11 Din Me Picha Chhoot Jayega

★ Agar Koi Bura Aadmi Kisi Shakhs Ko Us Ki Service Me, Job Me, Office Ki Jagah Par Ya Muhalle Me Ya Kahi Par Bhi Be Wajah Tang Karta Ho To Us Se Bachne Ke Liye 7 Roze Rakhe Aur Rozana Iftar Ke Bad Namaze Magrib Ada Kar Ke Ye Isme Pak Rozana 10,000 Bar Padhe Aur Dua Kare. Insha Allah Us Bure Aadmi Se Picha Chhoot Jayega

★ Jo Koi Shakhs Kisi Khas Dushman Par Fateh Pane Ki Niyat Se 3 Roze Rakhe Aur 4the Din Isha Ki Namaz Ke Bad 7000 Bar Ye Isme Pak Padhe. Fir Naam Le Kar Dua Kare To Allah Ke Hukm Se Us Dushman Par Fateh Paayega

★ Ye Isme Pak Kisi Zaalim Dushman Ke Liye Bad Dua Karne Ke Liye Bhi Kam Me Liya Ja Sakta Hai. Agar Koi Banda Mazloom Ho Aur Dushmano Ke Zulm Se Aajiz Aa Chuka Ho Aur Us Zaalim Dushman Se Muqabala Karne Ki Taqat Na Rakhta Ho To Fir Is Isme Pak Ke Adad Me Us Dushman Ke Aur Us Ki Maa Ke Naam Ke Adad Mila Kar Fir Aadhi Rat Ko Vird Kare. Amal Lagatar 3 Din Tak Kare Aur Rozana Dushman Ki Halakat Ki Bad Dua Kare. Dushman Maqhoor Aur Halak Hoga. LEKIN BEHTAR HAI KE YE AMAL NA KIYA JAYE BALKE US KO HIDAYAT MILNE KI DUA KARE

★ Agar Koi Banda Is Isme Pak Ko Is Ke Adad Ke Mutabik Padh Kar Fir Kisi Zaalim Ya Haakim Ke Samne Jaye Aur Us Ke Samne Ja Kar Bhi Dil Me Is Isme Pak Ka Vird Kare To Allah Us Haakim Ko Zaleel Aur Magloob Karega

★ Is Isme Pak Ke Muakkil Ka Naam (کیائیل) Hai. Jo Koi Har Namaz Ke Bad Ye Isme Pak 1481 Bar Padhe Aur Kisi Dushman Par Fateh Pane Ki Niyat Se Muakkil Ka Waseela Le Kar Dua Kare To Muakkil Batini Taur Par us Bande Ki Madad Kare Aur Hajat Puri Kare

★ Jo Koi Shakh Is Isme Pak Ka Naksh Apne Pas Rakhega Aur Fir Dushman Se Muqabala Karne Ke Liye Jayega To Dushman Par Galba Hasil Hoga

★ Agar Koi Banda Is Isme Pak Ko Rozana Bad Namaze Fajar 500 Bar Padhega To Wo Rehmate Ilahi Me Rahega Aur Dushmano Se Hifazat Me Rahega. Jo Dushman Us Par Hamla Karne Ka Irada Karega To Muh Ki Khayega

★ Agar Koi Shakhs Ye Isme Pak Roti Ke Tukdo Par Likh Kar Khaye Aur Lagatar 40 Din Tak Ye Amal Kare To Allah Ke Hukm Se Aainda Ke Liye Use Bhuk Ka Ehsas Na Ho

★ Is Isme Pak Ki Zakat Ki Kul Tadad 5 Lakh Hai. Is Ki Zakat Ada Karne Ke Liye Chille Ki Tamam Sharto Par Amal Karte Hue Parhez Jalali Jamali Ke Sath 40 Din Tak Rozana Isha Ke Bad Tanhai Me 12500 Bar Vird Kiya Kare. Insha Allah Zakat ada Ho Jayeg. Us Ke Bad Hamesha Ke Liye 313 Bar Vird Me Rakhe Ta Ke Amal Kayam Rahe. Aamil Banne Ke Bad Har Zarurat Mand Ko Is Isme Pak Ka Naksh Diya Ja Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com