● ASMA E HUSNA :- (یَا شَکُوْرُ) YA SHAKUROO ●

        ■ AMALIYAT ASMA E HUSNA ■

♥ Asma e Husna :- Ya Shakuroo (یَا شَکُوْرُ) Ki Fazilat o Wazaif

★ Allah Ta'ala Ka Ek Sifati Naam Ya Shakuroo Bhi Hai. Yani Ai Qadr Karnewale. Allah Ta'ala Shakur Hai Kyu Ke Wo Apne Bando Ke Kam Ko Qubool Kar Ke Us Par Razi Ho Jata Hai. Yani Wo Apne Bando Ko Ibadat Ki Taufiq Deta Hai Aur Us Ko Qubool Bhi Karta Hai. Allah Shakur Hai Kyu Ke Wo Us Ka Shukr Karnewalo Ka Shukriya Bhi Qubool Farmata Hai. Wo Zara Se Amal Se Kaseer Badla Ata Farmata Hai. Isi Sifat Ki Bina Par Wo Chahta Hai Ke Us Ke Bande Bhi Shukriya Ada Karnewale Ho Aur Wo Apne Rab Ke In'aam o Ikram Aur Ehsan Karne Par Razi Ho Kar Shukr Ada Kare. Ye Isme Pak Jalai Hai Aur Kul Adad Qamari Is Isme Pak Ke 526 Hai

★ Shukr Karne Ka Jazba Allah Ta'ala Ki Taufiq Aur Inayat Ke Bagair Nahi Milta. Is Liye Jo Banda Ye Chahta Ho Ke Us Me Shukr Ka Jazba Paida Ho To Use Chahiye Ke Is Isme Pak Ko Rozana Subah Aur Rat Ko Sote Wakt 1100 Bar Padhne Ka Mamool Bana Le. In sha Allah Us Me Shukr Ka Jazba Paida Ho Jayega

★ Jo Shakhs Khana Khate Wakt Shuru Me Bismillah Sharif Padh Kar Fir Us Ke Bad Har Nivale Par Ye Isme Pak Padhe Aur Isi Tarah Rozana Apna Mamool Bana Le To Allah Us Se Razi Ho Jayega, Us Ke Rizk Me Izafa Hoga Aur Din Ba Din Us Ki Izzat Badhegi

★ Jo Shakhs Is Isme Pak Ko Rozana 2004 Bar Pabandi Se Padha Karega Aur Kuch Arse Tak Padhta Rahega To Us Maqam Par Pahoch Jayega Ke Us Ki Har Ek Jaiz Dua Fauran Qubool Ho Jaya Karegi

★ Agar Koi Shakhs Ye Chahe Ke Us Ki Aankho Ki Raushni Marte Dam Tak Qayam Rahe To Use Chahiye Ke Is Isme Pak Ko Rozana Bad Namaze Fajar 526 Bar Padhe Aur Ungliyo Pe Dam Kar Ke Aankho Pe Fer Liya Kare. In sha Allah Us Ki Aankho Ki Raushni Aakhari Dam Tak Qayam Rahegi

★ Ek Qaul Ke Mutabik Agar Koi Shakhs Is Isme Pak Ko 3000 Bar Rozana Umar Bhar Ke Liye Padhta Rahe To Use Deen o Duniya Me Be Panah Izzat Aur Daulat Naseeb Hogi

★ Agar Koi Shakhs Gharelu Pareshaniyo Se Tang Aa Gaya Ho Aur Har Wakt Us Ka Dil Pareshan Aur Udas Rehta Ho To Is Isme Pak Ko 40 Martaba Padh Kar Pani Par Dam Kar Ke Pi Liya Kare To In sha Allah Us Ke Dil Ko Ek Kism Ka Sukoon Hasil Hoga

★ Agar Kisi Shakhs Ki Aankho Ki Raushni Kamzor Ho Gayi Ho To Is Isme Pak Ko 40 Bar Rozana Padh Kar Pani Par Dam Kar Ke Wo Pani Aankho Me Lagaya Kare. In sha Allah Fayda Hoga

★ Agar Koi Duniyavi Izzat Ka Khwahish Mand Ho To 120 Din Tak Rozana 3000 Bar Is Isme Pak Ko Padha Kare. Fir Karishma e Qudrat Ka Nazara Kare

★ Agar Koi Shakhs Had Se Zyada Gareeb Ho Ya Gair Mamooli Taur Par Qarzdar Ho To Is Isme Pak Ko Rozana 5000 Bar Lagatar 40 Din Tak Padhe. In sha Allah Gurbat Khatm Hogi. Gaib Se Koi Madad Hasil Hogi Aur Qarz Bhi Ada Hoga

★ Jo Shakhs Rozana Is Isme Pak Ko 8000 Bar 40 Din Tak Padhe To Us Me Mustajabud Da'awat Ki Sifat Paida Ho Jaye Aur Jo Jaiz Dua Mange Wo Qubool Ho Jaya Kare

★ Agar Koi Shakhs Is Isme Pak Ka Aamil Banna Chahe To Us Ke Liye Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 8016 Bar Padhe To 40 Din Ke Bad Aamil Ban Jayega. Us Ke Bad Zarurat Mando Ko Is Isme Pak Ka Taveez Diya Ja Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا عَظِیْمُ) YA AZEEMU ●

       ■ AMALIYAT ASMA E HUSNA ■

♥ Asma e Husna :- Ya Azeemu (یَا عَظِیْمُ)  Ki Fazilat o Wazaif

★ Allah Ta'ala Ka Ek Naam Hai Ya Azeemu. Yani Ai Azmat Wale. Rabbe Kareem Ne Apne Is Naam Ka Zikr Qurane Pak Ki Kai Aayato Me Kiya Hai. Allah Ki Azmat Aur Galba Har Chiz Par Haavi Hai. Beshak Hamara Rab Azeem Hai . Arzo Sama Ka Malik Hone Me Azeem Hai, Makhlooq Ko Rizk Dene Me Azeem Hai, Sab Se Zyada Pak Aur Munajja Hone Me Azeem Hai, Izzat Aur Galbe Me Azeem Hai, Apne Bando Ke Gunah Muaf Karne Me Azeem Hai, Ilm Aur Hilm Me Azeem Hai, Adal o Insaf Me Azeem Hai.... Allah Ki Azmato Ki Koi Hadd Muqarrar Nahi Hai. Jo Banda Allah Ko Is Naam Se Pukarta Hai Use Bhi Rabbe Kaenat Azeem Bana Deta Hai. Ye Isme Pak Jamali Hai. Kul Adad Qamari Is Isme Pak Ke 1020 Hai

★ Jo Shakhs Is Isme Pak Ko 11000 Bar Rozana Lagatar 3 Saal Tak Padhta Rahe To Wo Shakhs Har Ek Ki Nazar Me Kabile Taazim Ban Jayega Aur Har Milne Wala Us Se Izzat Aur Ehteram Se Pesh Aayega. Is Isme Pak Me Azmat Ke Asarat Bahot Zyada Hai Is Liye Is Isme Pak Ka Zakir Hamesha Ke Liye Azeem Ho Jata Hai

★ Jo Shakhs Is Isme Pak Ko 40 Din Tak Rozana 4000 Bar Padhe To Wo Deen o Duniya Me Kisi Ka Mohtaj Nahi Hoga. Allah Ta'ala Use Deen Aur Duniya Ki Ne'amato Se Nawazega Aur Dur Dur Tak Us Ki Shohrat Failegi. Bepanah Maal o Daulat Use Hasil Hogi

★ Esi Mushkilat Jis Ka Talluk Maal Se Ho. Yani Gurbat, Tangi e Rizk Ya Be Rozgari, Maal Ke Husool Me Rukawat. Ese Shakhs Ko Chahiye Ke 40 Din Tak Rozana 12000 Bar Padhta Rahe Aur Dua Karta Rahe. Beshak Us Ki Tamam Mushkile Aasan Ho Jayegi. Izzat Bhi Milegi Aur Ohda Bhi Milega

★ Jo Koi Shakh Is Isme Pak Me (علی) Ko Mila Kar Is Tarah "Aliyyul Azeem" (علی العظیم) Ko Rozana 1200 Bar Padhta Rahe Aur Dua Kare To Dushmano Ki Harkato Se aur Jinnato Ke Fitne Se Amaan Me Rehta Hai Aur Us Ki Hifazat Hoti Hai

★ Jo Shakhs Is Isme Pak Ko Har Namaz K Bad 313 Bar Padhta Rahe To Wo Logo Ki Nazro Me Allah Ke Fazl Se Azeemtar Ho Jata Hai

★ Baaz Buzurgo Ne Farmaya Ke Is Isme Mubarak Ke Vird Se Kisi Bhi Bimari Se Najat Hasil Mil Jati Hai aur Mareez Kp Sehat Kameela Ataa Hoti Hai. Isi Liye Bimar Shakhs Ko Ba Wuzu Ho Kar Chalte Firte Is Isme Pak Ka Kasrat Ke Sath Vird Karte Rehna Chahiye

★ Agar Kisi Shakhs Ke Pet Me Dard Ho To Us Ko Chahiye Ke 7 Ya 11 Martaba Pani Par Ye Isme Pak Padh Kar Dam Kar Ke Pi Le. In sha Allah Usi Wakt Aaram Ho Jayega

★ Agar Koi Shakhs Tangdast Ho Aur Gareebi Se Najat Chahta Ho, Koi Shakhs Zaleel o Khwar Ho Aur Duniya Ki Nazro Me Izzat Chahta Ho To Sone Ki Takhti Par Ye Naksh Sharf e Aftab Me Likh Kar Apne Sidhe Bazu Par Bandhe. Agar Sone Ki Takhti Par Na Likh Sakta Ho To Majboori Me Peele (Yellow) Colour Ka Reshmi Kapda Le Kar Kali Siyahi Se Likh Kar Apne Sidhe Bazu Par Bandhe Fir Is Naksh Ka Kamal Dekhe. 2018 Ki Saal Me Sharf e Aftab Ka Wakt 8 April Ko Asar Ki Azan Se Le Kar 9 April Dopahar 12 Baje Tak Rahega.
(NAKSH KI IMAGE YE HAI)

★ Is Isme Mubarak Ka Ye Naksh Khoya Hua Waqar Hasil Karne Ke Liye Ba Fazle Khuda Bahot Muassir Sabit Hota Hai. Neez Duniya Walo Ki Nazar Me Izzardar Aur Surkhroo Banne Ke Liye Bhi Kargar Hai
(NAKSH KI IMAGE YE HAI)

★ Is Isme Pak Ka Aamil Banne Ke Liye Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12500 Bar Padhe Aur 40 Din Me 5 Lakh Ki Tadad Mukammal Kare To 40 Din Ke Bad Aamil Ban Jayega. Us Ke Bad Zarurat Mando Ko Is Isme Pak Ka Taveez Diya Ja Sakta Hai

★ Ye Wazeefa Is Isme Pak Ka Jama Wazeefa Hai. Agar Koi Shakhs Sahibe Iqtedar Banna Chahta Ho Yani Chahe Ghar Ho Ya Office - Jaha Jaye Waha Sab Log Izzat Kiya Kare, Log Adab Aur Ehteram Ki Nazar Se Dekhe, Ohda Aur Mulazimat Me Tarakki Hoti Rahe... To Is Wazeefe Ko Lagatar 110 Din Tak Rozana 1000 Bar Pabandi Se Padhta Rahe. In sha Allah Padhne Wala Khud Is Wazeefe Ki Karamate Dekhega. Wazeefa Ye Hai :-

یَا عَظِیْمُ ذُوْالْثَّنَآءِ الْفَاجِرِ وَالْعِزِّ وَالْمَجُدِ وَالْکِبْرِیَآءِ فَلَا یَذِلُّ عِزُّھٗ یَا عَظِیْمُ

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com