■ AMALIYAT ASMA E HUSNA ■
♥ Asma e Husna :- Ya Gafuroo (یَا غَفُوْرُ) Ki Fazilat o Wazaif
★ Allah Ta'ala Ka Ek Naam Hai Ya Gafuroo. Yani Ai Bakshne Wale. Gafur Ka Matlab Hai Bar bar Muaf Karne Wala, Aur Beshak Rabbe Qadir Apne Bando Ki Galatiyo Aur Gunaho Ko Bar Bar Muaf Kar Deta Hai. Wo Apni Makhlooq Ke Gunaho Ko Apni Rehmat Se Dhaanp Leta Hai Is Liye Use Gafur Kaha Jata Hai. Gunah Chote Ho Ya Bade, Bakshis Talab Kiye Bagair Muaf Nahi Hote. Is Liye Hamesha Us Pak Parwar digar Ki Bargah Me Magfirat Talab Karte Rehna Har Ek Ke Liye Zaruri Hai. Allah Apni Sifat Gafur Ke Sadqe Magfirat Talab Karne Par Muaf Farma Deta Hai. Isi Liye Bakshis Ke Liye Is Isme Pak Ka Vird Bahot Akseer Hai. Ye Isme Pak Jamali Hai Aur Kul Adad Qamari Is Isme Pak Ke 1286 Hai
★ Insani Fitrat Aur Kotahiyo Ki Wajah Se Aksar Gunah Sarzad Hua Karte Hai Aur Ye Isme Pak Gunaho Ki Bakshis Ke Liye Bahot Aksir Hai. Agar Allah Bakshis Na Kare To Hamare Gunah Pahado Se Bhi Buland Ho Jaye. Magar Jaise Hi Banda Allah Ko Us Ke Is Naam Se Pukarta Hai To Allah Apni Is Sifat Ke Sadqe Me Tamam Gunah Muaf Kar Deta Hai. Isi Liye Bande Ko Chahiye Ke Rozana Subah Sham Ye Isme Pak 100 Bar Padhne Ka Apna Mamool Bana Lena Chahiye
★ Agar Koi Banda Lambe Arse Se Bimar Ho To Wo Ya Fir Us Ka Koi Rishtedar Is Isme Pak Ko 21 Din Tak Rozana 5044 Bar Padh Kar Pani Par Dam Kar Ke Pilata Rahe To Allah Apne Fazl Se Shifayabi Ka Koi Na Koi Zariya Bana Dega
★ Agar Kisi Ko Bukhar Aata Ho Ta Sir Dard Ho To Wo Shakhs 3 Bar Ye Isme Pak Ya Gafuroo Kagaz Par Likh Kar Us Ki Siyahi Par Roti Ka Tukda Laga Kar Wo Naksh Roti Me Jazb Kar Le Aur Use Kha Le To In sha Allah Dard Khatm Ho Jayega
★ Agar Kisi Mard Ya Aurat Ke Dil Me Kisi Bat Ka Sadma Laga Ho Ya Koi Gham Dil Me Baith Gaya Ho Jo Use Andar Hi Andar Khaye Ja Raha Ho To Use Chahiye Ke 11 Din Tak Rozana Bad Namaze Magrib 1286 Bar Ye Isme Pak Padhe Aur Dua Kar Ke Pani Par Dam Kar Ke Pi Liya Kare. In sha Allah Gham Ko Bhul Jayega Aur Dil Ki Kaifiyat Sudhar Jayegi
★ Aksar Awkat Apne A'amal Aur Kotahiyo Ki Bina Par Maali Wasail Me Tangi Aa Jati Hai. Is Tangi Ko Dur Karne Ke Liye Ye Isme Pak Bahot Muassir Hai. Agar Koi Shakhs Rozana 3125 Bar Padhne Ka Mamool Bana Le To Us Ki Tangi Dur Ho Jayegi Aur Maali Wasail Khul Jayenge
★ RAMZANUL MUBARAK Me Is Isme Pak Ko Padhna Behad Mufeed Hai. Agar Koi Sakht Mushkil Darpesh Jo Jaye To Kuch Log Mil Kar 3 Din Me Is Isme Pak Ka 1,25,000 Ka Khatam Padhe Aur Dua Kare. Yani Pehle Din 40,000 Fir Dusre Din 40,000 Aur Tisre Din 45,000 Padh Kar Ta'dad Puri Kare
★ Agar Kisi Ko Gussa Bahot Aata Ho To Gusse Ko Thanda Karne Ke Liye 40 Din Tak Rozana Subah Sham Ye Isme Pak 1286 Bar Padhe Aur Pani Par Dam Kar Ke Piya Kare To Allah Ke Fazl Se Gussa Kam Ho Jayega
★ Ye Naam Me Magfirat Aur Bakshis Ki Sifat Moujud Hai Is Liye Jo Shakhs Har Namaz Ke Bad Maqrooh Wakt Ke Alawa 2 Sajde Kare Aur Har Sajde Me Gunaho Ki Muafi Ki Niyat Kar Ke Ye Alfaz (رَبِّ اغْفِرْلِی) 11 Bar Padhe To Allah Ki Zaat Se Ummeed Hai Ke Wo Us Bande Ke Tamam Pichle Gunaho Ko Muaf Farma Dega
★ Jo Shakhs Is Isme Pak Ko Har Farz Namaz Ke Bad 71 Bar Padhne Ka Apna Mamool Bana Le To Haq Ta'ala Us Ke Dil Ki Siyahi Ko Dur Farma Dega Aur Us Ke Batin Ko Raushan Kar Dega
★ Jis Shakhs Ko Shadeed Bukhar Ya Sir Dard Ho Ya Aawaz Baith Gayi Ho To Wo Is Isme Pak Ke Huruf Ko Alag Alag Kar Ke Kagaz Par Jafran Aur Arqe Gulab Se Likh Kar Fir Us Kagaz Ko Pani Me Tar Kar Ke Kagaz Ko Chusta Rahe Aur Kuch Minute Tak Esa Hi Kare Fir Kagaz Ki Goli Bana Kar Nigal Le Aur Pani Pi Le. 3 Din Tak Amal Kare To In sha Allah Mukammal Shifa Hasil Hogi
★ Agar Kisi Shakhs Se Koi Galat Kam Ho Gaya Ho Ya Koi Gunah Sarzad Ho Gaya Ho Aur Ye Darr Ho Ke Wo Gunah Ya Qasoor Zahir Ho Gaya To Ruswai Hogi To Is Isme Pak Ko 120 Bar Padh Kar Dua Kar Ke Kisi Kale Colour Ke Pathar Par Dam Kar Ke Kisi Kuwe (Well) Me Dal De. In sha Allah Ruswai Se Mehfuz Rahega Aur Us Bat Ka Charcha Nahi Hoga
★ Agar Koi Shakhs Achanak Se Maali Tangi Me Aa Jaye Ya Achanak Se Chalta Chalata Karobar Achanak Band Ho Jaye Ya Esa Hona Kisi Gardish Ki Wajah Se Ho Ya Kisi Bandis Ki Wajah Se Ho To Is Isme Pak Ko Rozana 3125 Bar 40 Din Tak Lagatar Padhe Aur Dua Kar Ke Pani Pe Dam Kar Ke Chidak Diya Kare To In sha Allah Maali Tangi Se Najat Mile Aur Karobar Ki Rukawate Bhi Khatm Ho Jaye
★ Agar Kisi Ke Dil Me Ranj o Gham Ke Badal Chha ye Hue Ho Aur Kisi Tarah Bhi Us Ke Dil Se Gham Dur Na Hota Ho To Us Ke Liye Ye Isme Pak Ya Gafuroo Ko Alag Alag Hurf Me Roti Ke 3 Tukdo Par Ya 3 Biscuits Par Likh Kar Diye Jaye Ke Wo 3 Din Tak Rozana 1 Tukda Ya 1 Biscuit Nihar Muh Kha Liya Kare, In sha Allah Gham Ka Ehsas Kam Hoga Aur Dil Ko Khushi Hasil Hogi
★ Agar Kisi Shakhs Se Koi Qasoor Sarzad Ho Gaya Ho Aur Us Ko Haakim Ki Majlis Me jane Se Darr Lagta Ho Aur Khatra Bhi Mehsus Hota Ho Ke Haakim Saza Sunayega To Kisi Paband Parhezgar Shakhs Ke Pas Is Naksh Ko Likhwaya Jaye Aur Us Ko Momjama Kar Ke Gale Me Pehne Fir Haakim Ke Samne Jaye To In sha Allah Wo Rahemdili Se Pesh Aayega
(NAKSH KI IMAGE YE HAI)
(NAKSH KI IMAGE YE HAI)
★ Agar Koi Shakhs Is Isme Pak Ka Aamil Banna Chahe To Us Ke Liye Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 7716 Bar Padhe To 40 Din Ke Bad Aamil Ban Jayega. Us Ke Bad Zarurat Mando Ko Is Isme Pak Ka Taveez Diya Ja Sakta Hai
◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...
+91 99795 78644
● ROOHANI ILAJ ki Purani Post Hasil Karne k Liye Is Link Par Visit Kare :
www.faizeroohani.wordpress.com
