● ASMA E HUSNA :- (یَا حَفِیْظُ) YA HAFEEZU ●

           ■ AMALIYAT ASMA E HUSNA ■

♥ Asma e Husna :- Ya Hafeezu (یَا حَفِیْظُ) Ki Fazilat o Wazaif

★ Allah Ta'ala Ka Ek Sifati Naam Hai Ya Hafeezu. Yani Ai Hifazat Karne Wale. Allah Ta'ala Har Chiz Ki Hifazat Karta Hai Yani Har Chiz Ko Barbad Aur Tabah Hone Se Bachane Ki Taqat Rakhta Hai. Allah Ne Hi Har Chiz Ko Banaya Hai Aur Use Qayam o Dayam Rakhne Ka Zimma Bhi Khud Hi Liya Hai, Is Liye Wo Apni Har Banayi Hui Chiz Ka Muhafiz Hai. Is Lihaz Se Wo Makhlooq Ka Hafeez Hai. Ye Isme Pak Jamali Hai Aur Kul Adad Qamari Is Isme Pak Ke 998 Hai

★ Is Isme Pak Ko Rozana Subah Sham 998 Bar Padhne Wala Hamesha Allah Ki Panah Me Rehta Hai, Shaitan Aur Dushman Ke Hamlo Se Mehfuz Aur Mamoon Rehta Hai. Agar Kisi Jungle Me Ja Rahe Ho Aur Ye Isme Pak Lagatar Padhte Hue Jaye To Allah Ke Hukm se Koi Moozi Janwar Kabhi Qareeb Nahi Aayega aur Na Hi Kisi Kism Ka Koi Nuksan Pahochega

★ Agar Kisi Makan Ya Dukan Me 11 Ya 21 Din Tak Rozana 1100 Bar Padh Kar Pani Par Dam Kar Ke Us Jagah Ke Kono Me Chidak Diya Kare To Allah Ke Fazl Se Wo Makan Ya Dukan Hamesha Mehfuz Rahegi Aur Kisi Kism Ka Koi Darr Ya Khauf Nahi Rahega

★ Ye Isme Pak Hadsat Se Mehfuz Rehne Ke Liye Bahot Muassir Hai. Is Liye Jab Bhi Bus, Train, Car, Plane Ya Koi Aur Sawari Par Safar Kare To Is Isme Pak Ko Padhte Raha Kare. In sha Allah Ba Hifazat Manzile Maqsood Tak Pahochenge

★ Jo Hazrat Driving Ke Peshe Se Talluk Rakhte Hai Un Ko Chahiye Ke Driving Karte Hue Ye Isme Pak Padhte Raha Kare. Allah Unhe Hifazat Me Rakhega Aur Allah Ke Hukm Se Kisi Bhi Kism Ka Koi Accident Nahi Hoga

★ Agar Kisi Ko Apna Maal Saman Gum Ho Jane Ka Darr Ho To Use Chahiye Ke Ye Isme Pak 998 Bar Padh Kar Pani Par Dam Kare Aur Wo Pani Apne Maal Saman Par Chidak De. In sha Allah Wo Maal Saman Mehfuz Rahega. Na Gum Hoga Aur Na Hi Chori Hoga. Safar Me Jane Se Pehle Ye Amal Zarur Kar Lena Chahiye

★ Agar Kisi Bache Ko Nazare Bad Lag Gayi Ho To Us Ke Maa Ya Baap Ko Chahiye Ke Ye Isme Pak 111 Bar Padh Kar Bache Ko Dam Kare Aur Pani Par Dam Kar Ke Us Ko Pilaye. Lagatar 3 Din Tak Ye Amal Kare. In sha Allah Kaisi Hi Nazare Bad Hogi Wo Dur Ho Jayegi

★ Har Tarah Ki Nazare Bad Se Hifazat Ke Liye Rozana Subah Sham 1 Bar Aayatul Kursi Aur 3 Bar Ye Isme Pak Ye Isme Pak یا حفیظ Padh Kr Dm Kr Diya Kare. In Sha Allah Aadmi Ya Jis Chiz Ko Dam Karenge Us Ko Kisi Ki Bhi Nazare Bad Nahi Lagegi Aur Hifazat Hogi

★ Agar Kisi Shaher Ya Ilake Ke Koi Bimari Fail Rahi Ho Jaise Swine Flu Ya Taoon Ya Koi Bhi Moozi Marz Fail Raha Ho To Us Se Hifazat Ke Liye Ye Isme Pak Rozana 3992 Bar Padhna Shuru Kar De To Wo Allah Ki Rehmat Se Us Bimari Se Hifazat Me Rahega Aur Pani Par Dam Kar Ke Bacho Aur Gharwalo Ko Pilaye To WO Log Bhi Mehfuz Rahenge

★ Sharfe Mushrati Me Is Isme Pak Ke Naksh Ko Likh Kar Bazu Par Bandhne Se Us Shakhs Ya Agar Saman Me Rakhe To Us Saman Ki Har Bala Aur Nuksan Se Hifazat Hoti Hai. Mushrati Ye 6th Aasman Ka Sitara Hai. Har 12 Saal Me Ise Sharf Hasil Hota Hai. Is Wakt Ka Pata Jantari Se Lagaya Ja Sakta Hai

★ Agar Koi Shakhs Khaufzada Ho Jaye Ya Kisi Wajah Se Darr Jaye To Is Isme Pak Ka Zikr Us Ki Hifazat Ka Zaamin Hai Kyu Ke Wo Us Khauf Ki Jagah Se Mehfuz Hai Aur Koi Buri Chiz Us Par Asar Nahi Karti

★ Agar Koi Shakhs Lootmaar Ya Dange Ki Jagah Par Fans Gaya Ho To Wo Lagatar Is Isme Pak Ka Zikr Karta Rahe, Allah Ke Hukm Se Us Ki Har Aafat o Bala Se Hifazat Hogi Aur Wo Is Isme Pak Ki Ajeeb o Gareeb Taseer Dekhega

★ Is Isme Pak Ke Muakkil Ka Naam (حنیائیل) Hai. Agar Is Isme Pak Ko Us Ke Muakkil Ke Naam Ke Sath Chandi Ki Takhti Par Qanda Karwa Kar Maal o Daulat Ke Sandook Me Rakhe To Maal Har Aafat Se Mehfuz Rehta Hai Aur Agar Bache Ke Gale Me Pehna Diya Jaye To Nazare Bad Se Mehfuz Rehta Hai

★ Agar Koi Shakhs Is Isme Pak Ka Aamil Banna Chahe To Us Ke Liye Amal Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Us Ke Bad Zarurat Mando Ko Is Isme Pak Ka Taveez Diya Ja Sakta Hai

★ Agar Koi Shakhs Ye Chahe Ke Kufr o Shirk Aur Bid'at o Gumrahi Ke Bure Asarat Us Ke Dil Par Na Ho Aur Us Ke Imaan Ki Hifazat Ho To Use Chahiye Ke Ye Naksh Jafran Aur Arqe Gulab Se Likh Kar Momjama Kar Ke Gale Me Pehne Aur Ye Hi Naksh Lagatar 19 Din Tak Rozana Likh Kar Ya Likhwa Kar Pani Me Ghol Kar Pani Piya Kare. Naksh Ki Chal Aatashi Hai. Jo Amaliyat Ki Jankari Rakhte Hai Wo Samajh Jayenge
(NAKSH KI IMAGE YE HAI)

★ Agar Koi Shaksh Har Islami Mahine Me Ayyame Baij Yani Chand Ki 13, 14 Aur 15 Tarikh Ko Is Isme Pak Ka Naksh Safed Kagaz Par Bana Kar Aate Ki Goli Bana Kar Behte Pani Me Dalta Rahe To Ba Fazle Khuda Har Kism Ke Dushmano, Jinn Jinnat Aur Hasido Ke Hasad Se Mehfuz Rahega

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا کَبِیْرُ) YA KABIROO ●

           ■ AMALIYAT ASMA E HUSNA ■

♥ Asma e Husna :- Ya Kabiroo (یَا کَبِیْرُ) Ki Fazilat o Wazaif

★ Allah Ta'ala Ka Ek Sifati Naam Hai Ya Kabiroo. Yani Ai Buzurgi Wale. Allah Ta'ala Apni Zaat o Sifat Me Kabir Yani Sab Se Bada Hai. Us Ki Zaat Har Lihaz Se Mukammal Aur Jama Hai. Us Ke Barabar Na Koi Hai Aur Na Hi Koi Ho Sakta Hai Aur Jis Ke Muqabale Me Koi Na Ho Wo Hi Kabir Hota Hai. Beshak Kabir Wo Hai Jo Kibriyaee Ki Tamam Sifat Se Muttasif Ho, Izzat Azmat Qudrat Aur Haibat Ka Malik Ho, Ye Sifat Sirf Aur Sirf Khudawande Quddus Me Hi Hai. Makhlooq Me Nahi. Aksar Buzurgo Ka Manna Hai Ke Ye Isme Pak Jalali Hai. Lekin Kuch Buzurgo Ka Qaul Ye Hai Ke Is Isme Pak Me Jalali Aur Jamali Dono Taseer Hai. Kul Adad Qamari Is Isme Pak Ke 232 Hai

★ Agar Kisi Ke Rishtedar Ya Maa Baap Ya Bhai Bahen Ya Biwi Bache Kisi Wajah Se Juda Ho Gaye Ho, Ya Narazgi Qayam Ho Gayi Ho Ya Biwi Ruth Kar Chali Gayi Ho Aur Wapas Aane Ka Naam Nahi Leti To Us Shakhs Ko Chahiye Ke Is Isme Pak Ko 11 Din Tak Rozana Isha Ke Bad Tanhai Me 14848 Bar Padhe Aur Dua Kare. In sha Allah Juda Logo Me Milap Ho Jayega

★ Agar Koi Shakhs Kisi Ko Chhor Kar Us Se Dur Chala Gaya Ho Aur Wapas Aane Me Dushwariya Mehsus Ho Rahi Ho To Wo Bhi Isi Tarah Se Is Isme Pak Ko 11 Din Tak Rozana Isha Ke Bad Tanhai Me 14848 Bar Padhe Aur Dua Kare. Allah Ne Chaha To Milap Ke Asbab Ban Jayenge

★ Agar Koi Shakhs Kisi Tangi Me Ho Aur Zillat Ki Zindagi Guzar Raha Ho, Mehnat Aur Koshis Ke Bawajud Bhi Halat Durust Na Ho Rahe Ho, Logo Ki Nazar Me Be Izzati Hoti Ho To Use Chahiye Ke Is Isme Pak Ko Rozana 928 Bar Padhne Ka Apna Mamool Bana Le Aur Lagatar 3 Saal Tak Padhe. In Sha Allah Us Ke Halat Jitne Bigde The Us Se Kai Guna Sudhar Jayenge

★ Agar Koi Shakhs Kisi Khas Ohde Par Appoint Ho Aur Wo Chahe Ke Usi Ohde Par Lambe Arse Tak Barqarar Rahe To Use Chahiye Ke Is Isme Pak Ko Rozana 5000 Bar Padhne Ka Apna Mamool Bana Le. Allah Ke Hukm Se Wo Apne Ohde Par Izzat o Aabaru Ke Sath Qayam Rahega

★ Agar Kisi Shakhs Ko Job Se Nikal Diya Gaya Ho Jab Ke Us Ki Koi Galati Na Ho, To Wapas Usi Job Par Usi Post Ko Hasil Karne Ke Liye 7 Din Tak Roze Rakhe Aur Rozana Ye Isme Pak 11000 Bar Padhe Aur Usi Job Par Wapas Bula Liya Jaye Is Matlab Ki Dua Kare. Allah Ke Hukm Se Usi Job Par Wo Hi Post Wapas Mil Jayegi

★ Agar Kisi Bahen Ko Us Ki Saas Ya Us Ke Shauhar Ya Sasural Walo Ki Taraf Se Pareshani Ka Samna Karna Padta Ho, Us Ko Be Wajah Aur Na Jaiz Tang Kiya Ja Raha Ho, Bar Bar Us Ki Be Izzati Ki Jati Ho To Us Bahen Ko Chahiye Ke 40 Din Tak Rozana Is Isme Pak Ko 3125 Bar Padhe Aur Pani Pe Dam Kar Ke Khud Piya Kare. 40 Din Ke Bad Rozana Subah Sham 100 Bar Padh Liya Kare. In sha Allah Ghar Me Us Ka Ruaab Qayam Ho Jayega Aur Na Jaiz Tang Karna Band Ho Jayega

★ Haakim Hazrat Ko Is Isme Pak Ka Kasrat Se Wird Karte Rehna Chahiye Ya Kam Se Kam Subah Sham Is Isme Pak Ko 232 Bar Hi Padh Liya Kare. In sha Allah Us Ka Ruaab Us Ke Under Me Kam Karne Walo Par Qayam Rahega

★ Agar Kisi Shakhs Ka Court Me Koi Muqaddama Chal Raha Ho To Wo Banda Aur Us Ka Advocate Bhi Ye Hi Isme Pak Ka Tarikh Ke Din Subah Se Bina Ginti Ke Wird Karna Chalu Kar De. Yaha Tak Ke Judge Ke Samne Bhi Ye Hi Isme Pak Padhte Hue Jaye. In sha Allah Agar Haq Par Honge To Faisala Har Tarah Se Favour Me Aayega

★ Jo Shakhs Is Isme Pak Ko 232 Bar Padhne Ka Hamesha Ka Apna Mamool Bana Le To Wo Aali Martaba Ho Jayega In sha Allah

★ Is Isme Pak Ka Wird Karne Wale Par Ilm o Ma’refat Ke Darwaze Khol Diye Jate Hai Aur Deen o Duniya Me Numaya Kamyabiya Use Naseeb Hoti Hai

★ Jo Shakhs Ye Chahe Ke Us Ka Ruab Aur Dabdaba Khalqat Par Qayam Ho Jaye To 120 Din Tak Rozana 3000 Bar Ye Isme Pak Ka Wird Kare Aur Fir Us Ke Bar Tamam Umar Rozana 232 Bar Padhta Rahe. In sha Allah Murad Ko Payega

★ Agar Koi Bimar Shakhs Rozana Subah Sham Ye Isme Pak 90 Bar Padh Kar Khud Par Dam Kare Aur Pani Pe Dam Kar Ke Piya Kare To Allah Ke Hukm Se Bahot Jald Sehatyaab Ho

★ Agar Koi Shakhs Is Isme Pak Ka Aamil Banna Chahe To Us Ke Liye Amal Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12500 Bar Padhe To 40 Din Ke Bad Aamil Ban Jayega. Us Ke Bad Zarurat Mando Ko Is Isme Pak Ka Taveez Diya Ja Sakta Hai

★ Agar Is Isme Pak Ke Is Naksh Ko Anguthi Me Rakh Kar Pehna Jaye To Khalq Me Ro’ab Aur Dabdaba Qayam Hota Hai
(Naksh Ki Image Ye Hai)

★ Husule Azmat Ke Liye Buzurgane Deen Se Ye Do Naksh Manqool Hai. Ye Dono Naksh Insan Ko Azeem o Aa’la Martabe Par Pahocha Sakte Hai. Dono Naksh Apne Aap Me Asardar Hai. Dono Me Se Jo Chahe Istemal Kar Sakte Hai
(Naksh Ki Image Ye Hai)

★ Is Isme Pak Ka Ye Wazeefa Apne Aap Me zabardast Taseer Rakhta Hai. Qaza e Hajat, Ada e Qarz, Iqtedar Qayam Rakhna, Hamesha Ba Izzat Rehna, Dusro Ko Apna Mutee’a Aur Farma Bardar Karna, Apne Ohde Par Qayam Rehna… Aur Bhi Digar Fawaid Ke Husul Ke Liye Ye Wazeefa 40 Din Tak Rozana 3125 Bar Padhe Aur Apne Maqsad Ki Dua Kare. Allah Ke Hukm Se Jo Chahega Wo Payega. Wazeefa Ye Hai :-

★ Is Isme Pak Ka Ye Isme Jabarut Allah Ki Shan o Kibriyaee Ki Be Panah Taseer Rakhta Hai. Jo Shakhs Ise Khulus Dil Se Ramzanul Mubarak Me Kasrat Se Padhta Rahe, Use Buzurgi Aur Azmat Hasil Hogi. Agar Koi Shakhs Qaza e Hajat Ke Liye Is Isme Jabarut Ko 40 Din Tak Rozana 1100 Bar Padhe To Us Ki Dili Murad Puri Hogi. Agar Koi Rozana Subah Sham Namaz Ke Bad Is Isme Jabarut Ko Sirf 100 Bar Padhne Ka Hamesha Ka Apna Mamool Bana Le To Use Is Sifat Ke Tamam Fawaid Aur Khawas Hasil Honge Aur Be Panah Faiz o Barkat Hasil Hogi. Isme Jabarut Ye Hai :-

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا عَلِیُّ) YA ALIYYU ●

         ■ AMALIYAT ASMA E HUSNA ■

♥ Asma e Husna :- Ya Aliyyu (یَا عَلِیُّ) Ki Fazilat o Wazaif

★ Allah Ta'ala Ka Ek Naam ALIYYU Bhi Hai. Yani Ai Buland Martabe Wale. Allah Ta'ala Ki Ye Sifat Uloo Se Mushtaq Hai. Kyu Ki Sirf Allah Hi Ki Zaat Buland o Baala Aur Buzurg Tareen Hai. Wo Rutbe Me Itna Buland Hai Ke Dusra Koi Is Ki Inteha Ko Nahi Pahoch Sakta. Har Chiz Us Ke Maqam Aur Martabe Se Past Hai. Ye Isme Pak Allah Ki Ek Aisi Sifat Hai Ke Jo Use Is Naam Se Pukarta Hai, Allah Ta'ala Use Bhi Buland o Baala Kar Deta Hai Aur Apni Makhlooq Me Use Bepanaah Badaai Aur Buzurgi Ataa Farmata Hai. Ye Isme Pak Jalali Hai Aur Kul Adad Qamari Is Isme Pak Ke 110 Hai

★ Agar Kisi Shakhs Ki Biwi Na Farman Ho, Us Ki Taabedar Na Ho, Hamesha Jhagda Fasad Karti Rehti Ho Aur Bat Bat Par Berukhi Ka Muzahera Karti Ho To Use Chahiye Ke Rozana Isha Ke Bad Ye Isme Pak 1100 Bar Padh Kar Allah Ki Bargah Me Is Isme Pak Ke Waseele Se Dua Kare. Amal Ko Lagatar 21 Din Tak Rozana Kare. In sha Allah Dua Qubool Hogi Aur Biwi Tabedar Ho Jayegi. Isi Tarah Agar Kisi Ka Shauhar Tabedar Na Ho To Wo Aurat Bhi Ye Amal Kar Sakti Hai

★ Agar Kisi Ladke Ya Ladki Ka Shadi Ka Paigam Na Aata Ho To Wo Ladka Ya Ladki Khud 40 Din Tak Rozana Ye Isme Pak Bad Namaze Magrib Tanhaai Me Rozana 2970 Bar Padhe. Awwal Aakhir 11 Bar Durude Ibrahimi Padhe. In sha Allah Behtar Rishte Ke Paigam Aane Lagenge. Jab Rishta Dekhne Aaye Tab Bhi Isi Isme Pak Ka Wird Karte Rahe. Agar Rishta Haq Me Behtar Hoga To Zarur Bat Pakki Ho Jayegi

★ Jo Shakhs Ye Isme Pak (یا علی) Ko Rozana Subah Fajar Ki Namaz Ke Bad 1100 Bar Hamesha Padhne Ka Apna Mamool Bana Le To Wo Logo Ki Nazar Me Azeez Ho Jayega Aur Agar Adna Ho To Aa'la Martabe Par Faeez Ho Jayega. Job Aur Marketing Karne Wale Logo Ko Ye Amal Khas Karna Chahiye

★ Agar Koi Shakhs Garibul Watan Ho Yani Apne Ghar Se Aur Watan Se Dur Ho Gaya Ho Aur Wapasi Ka Koi Zariya Na Banta Ho To Use Chahiye Ke Rozana Bad Namaze Fajar Is Isme Pak Ko 1100 Bar Padhta Rahe Aur Is Isme Pak Ke Waseele Se Rabbe Kaenat Ki Bargah Me Dua Karta Rahe. Allah Ke Hukm Me Watan Me Wapasi Ka Saman Aur Zariya Dono Ban Jayenge

★ Ye Isme Pak Ka Wird Doctors Aur Advocates Hazrat Ke Liye Bahot Faydemand Hai. Un Ko Chahiye Ke Chalte Firte Isi Isme Pak Ka Wird Karte Raha Kare. Is Ke Zikr Ki Barkat Se Un Ke Kam Me Tarakki Hogi Aur Un Ko Un Ke Field Me Shohrat Bhi Hasil Hogi Aur Kamyabi Milegi

★ Agar Kisi Ko Jism Ke Kisi Hisse Me Waram Aa Gaya Ho Ya Bahot Dard Ho Raha Ho To Ye Isme Pak Ko 300 Bar Padhe Aur Dard Wali Jagah Par Dam Kare. Allah Ke Hukm Se Fauran Aaram Hasil Hoga, Aur Agar Rozana Subah Sham Ye Amal Karte Rahe To Kuch Din Ke Amal Se Dard Hamesha Ke Liye Khatam Ho Jayega. Agar Kisi Ko Jism Me Koi Zakhm Ho Gaya Ho To Bhi Isi Tarah Se Karte Rahe. In sha Allah Zakhm Bahot Jaldi Bhar Jayega

★ Agar Kisi Ko Bawasir Ka Marz Ho Agarche Us Me Khoon Bhi Girta Ho, Bahot Shadeed Takleef Ho Rahi Ho To Ek Glass Pani Ka Le Kar Samne Rakhe Aur Fir Shifa Ki Niyat Se Ye Isme Pak 1000 Bar Padhe Aur Fir Dua Kar Ke Piye. Amal Lagatar 11 Din Tak Kare. Allah Ke Fazl o Karam Se Us Marz Se Najat Hasil Hogi

★ Agar Koi Shakhs Ye Isme Pak Rozana Aadhi Rat Guzar Jane Ke Bad 41 Din Tak 41 Bar Padha Kare To Allah Ke Karam Se Us Ki Izzat Aur Martabe Me Be Panah Izafa Ho

★ Agar Koi Shakhs Kahi Ja Raha Ho Aur Wo Rasta Bhatak Jaye To Use Chahiye Ke Wo Ye Isme Pak Ko Bina Ginti Ke Lagatar Wird Karna Shuru Kar De, Allah Ke Fazl o Karam Se Us Ko Rasta Mil Jayega

★ Ye Isme Pak Ka Zikr Karne Wala Kabhi Bhi Kisi Ke Bhi Samne Zaleel Nahi Hota. Use Dekhne Wala Us Se Muhabbat Se Pesh Aata Hai Aur Allah Ki Madad Us Ke Sath Hi Hoti Hai

★ Is Isme Pak Ka Zikr Karne Wale Ka Ye Aalam Hota Hai Ke Har Koi Us Ka Farma Bardar Ban Jata Hai. Ilm Ki Barikiya Us Paz Munkashif Hoti Hai Aur Zikr Karne Wala Khud Apne Nafs Me Bulandi Aur Khush Bakhti Mehsus Karta Hai

★ Agar Is Isme Pak Me Lafze Azeem Mila Kar Yani Is Tarah (عَلِیُّ الْعَظِیْم) Se Padha Jaye Te Is Ke Zikr Ki Barkate Be Inteha Badh Jayegi. Itni Ke Jis Ka Gumaan Bhi Nahi Kiya Ja Sakta

★ Chandi Ki Takhti Par Ye Isme Pak Ko Qanda Karwa Kar Jis Ladki Ko Shadi Ke Paigam Na Aate Ho, Us Ke Gale Me Pehna Diya Jaye. Allah Ke Hukm Se Bahot Jaldi Shadi Ho Jayegi

★ Is Isme Pak Ko Sone Ki Takhti Par Qanda Karwa Kar Aur Ood Aur Amber Ki Dhooni De Kar Kapde Me Si Kar Pehna Jaye To Jo Bhi Is Ko Dekhe Wo Us Se Muhabbat Se Pesh Aaye


★ Agar Koi Shakhs Is Isme Pak Ka Aamil Banna Chahe To Us Ke Liye Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 110 Din Tak Rozana Bad Namaze Isha Tanhai Me Ye Isme Pak 10,000 Bar Padhe To 110 Din Ke Bad Aamil Ban Jayega. Us Ke Bad Zarurat Mando Ko Is Isme Pak Ka Taveez Diya Ja Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com