● ASMA E HUSNA :- (یَا جَلِیْلُ) YA JALEELU ●

         ■ AMALIYAT ASMA E HUSNA ■

❤ Asma e Husna :- Ya Jaleelu (یَا جَلِیْلُ) Ki Fazilat o Wazaif

★ Allah Ta'ala Ka Ek Sifati Naam Hai Ya Jaleelu. Yani Ai Jalal Aur Jamal Wale. Allah Ta'ala Ki Shan Apne Zati Kamalat Ki Bina Par Jama Aur Akmal Hai Aur Apni Sifat Me Har Lihaz Se Kamil Aur Azeem Hai. Is Me Jamal Aur Jalal Ki Khubiya Ek Wakt Me Maujud Hai. Is Liye Use Jaleel Kaha Jata Hai. Allah Ta'ala Apni Sifate Jalali Ki Bina Par Makhlooq Ko Af'aal Ke Sidhe Raste Par Qayam Rakhta Hai Aur Sifate Jamal Ki Bina Par Makhlooq Par Rahem Aur Karam Karta Hai Aur Unhe Ne'amate Ata Farmata Hai. Is Liye Us Ke Jalal Aur Azmat Se Darna Chahiye. Ye Isme Pak Jamali Hai Aur Kul Adad Qamari Is Ke 73 Hai

★ Ye Isme Pak Makhlooqe Khuda Ki Taskheer Ke Liye Akseer Hai. Is Maksad Se 40 Din Tak Rozana Is Isme Pak Ko 7300 Bar Padhe Aur Fir Hamesha Ke Liye Rozana 11 Bar Padhta Rahe. Allah Ke Hukm Se Makhlooq Ki Taskheer Hogi Aur Logo Me Izzat Aur Waqar Badhega Aur Har Koi Muhabbat Aur Izzat Se Pesh Aayega

★ Agar Koi Bacha Aasebzada Ho To Is Isme Pak Ko 7000 Bar Padhe, Us Ke Bad Ek Kagaz Pe Ye Isme Pak Likhe Aur Us Ke Ird Gird Aayatul Kursi Likh Dein Aur Taveez Bana Kar Bache Ke Gale Me Pehnaye. In sha Allah Bacha Tandurast Ho Jayega Aur Har Tarah Ki Takleef Dur Ho Jayegi. Jab Tak Bache Ke Gale Me Taveez Rahega, Use Koi Darr Mehsus Nahi Hoga

★ Agar Koi Shakhs Is Isme Pak Ko 40 Din Tak Rozana 16000 Bar Padhe Aur Jo Maksad Dil Me Rakhe Wo In sha Allah Pura Hoga. Agar Koi Jaruri Hajat Puri Na Hoti Ho Wo Bhi Puri Hogi. Isi Amal Se Buraiyo Se Bhi Najat Milegi

★ Ye Isme Pak Amraz Se Shifa Ke Liye Bhi Bahot Muassir Hai. Hakim Aur Doctors Ko Chahiye Ke Wo Apne Mareezo Ko Ye Isme Pak Padhne Ki Talkeen Kiya Kare. Jo Mareez Ise Kasrat Se Padhega Wo In sha Allah Shifa Payega

★ Chandi Ki Anguthi Par ye Isme Pak Ko Qanda Karwa Kar Nang Laga Kar Pahenne Se Bahot Fawaid Hasil Hote Hai. Aisi Anguthi Pahenne Se Logo Me Azmat Qayam Hoti Hai, Zalimo Ke Zulm Se Hifazat Hoti Hai, Jis Hakim Ke Samne Jao Wo Hi Izzat Kare Aur Safar Me Jao To Hamesha Allah Ki Nigehbani Me Raho

★ Jo Koi Ye Isme Pak Mushk o Jafran Se Chini Ki Plate Par Likh Kar Piya Kare Aur Is Ka Naksh Apne Pas Rakhe To Tamam Makhlooq Me Is Ki Tazeem Aur Tauqeer Ho, Har Zaalim Us Se Dare

★ Agar Koi Shakhs Daurane Safar 10 Bar Ye Isme Pak Padh Kar Apne Maal Saman Par Dam Kar De To Wo Saman In sha Alah Chori Se Mehfuz Rahega

★ Agar Koi Shakhs Har Farz Namaz Ke Bad 7 Bar Ye Isme Pak Padhne Ka Apna Mamool Bana Le To Allah Ta'ala Us Ke Qalb Me Apni Muhabbat Paida Farma Dega

★ Agar Koi Shakhs Rozana 100 Bar Ye Isme Pak Padhta Rahe Aur Awwal Aakhir 11 Bar Durude Pak Padhe To 120 Din Ke Bad Sahibe Jalal Ho Jayega Aur Logo Par Us Ka Roab Aur Haibat Qayam Ho Jayenge

★ Agar Koi Shakhs 7 Din Tak Ye Isme Pak Roti Par 7 Bar Likh Kar Khaye Aur Rozana 1 Roti Saadi Khairat Kare To 40 Din Me Sahibe Kamal Ho Jayega Aur Makhlooq Us Ki Izzat Karne Par Majboor Ho Jayegi. Lekin Nek Niyat Ke Sath Shariat Ki Pabandi Shart Hai

★ Agar Koi Dulha Shadi Hone Ke Bad Pehli Rat Me Biwi Se Sohbat Karne Se Pehle 2 Raka'at Nafl Namaz Shukrane Ki Ada Kare, Fir Us Ke Bad Ye Isme Pak 1100 Bar Padhe Aur Kisi Meethi Chiz Pe Dam Kar Ke Apni Dulhan Ko Khilaye To In sha Allah Miya Biwi Me Be Inteha Muhabbat Qayam Hogi Aur Zindagi Khuloos Aur Pyar Se Guzregi

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Fir Rozana 73 Bar Is Isme Pak Ka Vird Karta Rahe. Aamil Banne Ke Bad Ke Bad Zarurat Mando Ko Is Isme Pak Ka Taveez Diya Ja Sakta Hai

★ Agar Koi Shakhs 8 Gram Chandi Aur 1 Gram Sona Mila Kar Ek Takhti Bana Kar Us Pe Ye Naksh Qanda Karwaye Aur Fir Kapde Me Lapet Kar Apne Sidhe Bazu Par Bandhe To Tamam Dushmano Par Us Ka Roab Qayam Ho Jaye Aur Apne Paraye Sab Us Ki Tazeem Karne Lage, Aur Matahat Log Us Ke Hukm Ki Tameel Karne Par Majboor Ho Jaye
(NAKSH KI IMAGE YE HAI...)

★ Is Isme Pak Ka Aamil Banne Ke Bad Is Ka Naksh Har Us Kam Me Asar Karta Hai Jis Ka Talluk Azmat Aur Izzat Se Ho, Jalal Aur Jamal Se Ho. Jis Kisi Ko Bhi Is Maksad Se Diya Jayega In sha Allah Use Kamyabi Milegi. Agar Kisi Bimari Ke Liye Bhi Diya Jayega To Allah Ke Hukm Se Shifa Milegi
(NAKSH KI IMAGE YE HAI...)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا حَسِیْبُ) YA HASEEBU ●

           ■ AMALIYAT ASMA E HUSNA ■

♥ Asma e Husna :- Ya Haseebu (یَا حَسِیْبُ) Ki Fazilat o Wazaif

★ Allah Ta'ala Ka Ek Sifati Naam Ya Haseebu Hai. Yani Ai Hisab Lene Wale. Allah Ta'ala Qayamat Ke Roz Hisab Lene Wala Hai. Yani Jo Kuch Bhi Us Ne Hame Diya Hai Us Ke Talluk Se Wo Ham se Hisab Lega. Isi Liye Use Haseeb Keh Kar Bhi Pukara Jata Hai. Is Isme Pak Ka Zikr Bhi Qurane Pak Ki Kai Aayato Me Aaya Hai. Beshak Allah Ta'ala Apni Is Sifat Ki Bina Par Apni Tamam Makhlooq Se Hisab Lene Ki Taqat Rakhta Hai. Yani Jo Kuch Ne'amate Us Ne Hame Ata Farmai Hai Us Ke Mutalliq Hisab Liya Jayega Ke Allah Ki Marzi Ke Aur Us Ke Hukm Ke Mutabik Maal Kharch Kiya Ya Nahi. Ilm Diya Hai To Logo Ko Us Se Nafa Pahochaya Ya Nuksan. Ye Isme Pak Jamali Hai Aur Kul Adad Qamari Is Isme Pak Ke 80 Hai

★ Agar Koi Shakhs Raza e Ilahi Ki Khatir Kisi Karobar Ya Kam Kaj Me Imandar Rehna Chahta Ho Yani Lenden Ke Muamlat Me Koi Fark Na Chahta Ho To Rozana Is Isme Pak Ko Subah Karobar Shuru Karne Se Pehle 80 Bar Padhne Ka Apna Mamool Bana Le To Allah Use Taufiq Dega Ke WO Har Kam Me Imandari Dikhaye

★ Agar Kisi Shakhs Ne Kisi Ko Qarz Diya Ho Aur Ab Wo Banda Qarz Wapas Na Lauta Raha Ho Yani Qarza Wasool Na Ho Raha Ho To Use Chahiye Ke Is Maksad Ki Niyat Se Ye Isme Pak 40 Din Tak Rozana 8000 Padhe. 41ve Din Ye Isme Pak 11 Bar Kagaz Par Likh Kar Niche Is Trah Se Naam Likh Kar Fir Us Ka Taveez Bana Kar Kisi Darakht Par Is Tarah Latkaye Ke Hawa Se Hilta Rahe. In sha Allah Qarz Ki Wapasi Ke Asbab Ban Jayenge. Naam Is Tarah Likhe :-

اللھم عطف فلاں بن فلاں علی حب فلاں بن فلاں

★ Agar Koi Shaks Chor, Hasid, Hamsaya Ya Dushmano Se Bachna Chahta Ho Ta Ke Us Ko Koi Nuksan Na Pahoche To Use Chahiye Ke Har Islami Mahine Ki Shuruat Me Jumerat Ko Shuru Kare Aur 7 Din Tak Is Isme Pak Ko Rozana Subah Sham 70 Bar Padhe Aur Fir Ye Kalemat (حَسْبِیَ اللّٰہُ الْحَسِیْبُ) 70 Bar Padhe. In sha Allah Pura Mahina Mehfuz Rahega

★ Jo Shakhs Is Isme Pak Ko Rozana 1280 Bar Padhne Ka Mamool Bana Le Aur Ek Saal Se Jyada Wakt Tak Lagatar Padhta Rahe To Allah Ta'ala Us Ke Haal Par Rahem Farmayega Aur Jo Bhi Jaiz Murad Mangega Wo Puri Hua Karegi

★ Agar Koi Shakhs Sacha Ho Lekin Kisi Problem Ki Wajah Se Kisi Jhuti Inquiry Me Fans Jaye Aur Be Wajah Ki Pareshani Ho Rahi Ho To Us Jhuti Inquiry Se Bachne Ke Liye Ye Kalemat (Ya Hafeezu Ya Haseebu) 40 Din Tak Rozana 8604 Bar Padhe Aur Allah Se Haq Faisale Ki Dua Kare. Allah Ke Hukm se Jhuti Inquiry Khatam Ho Jayegi. Lekin Shart Ye Hai Ke Wo Insan Sacha Ho

★ Sa'at Zohra Me Is Isme Pak Ke Naksh Ko Likh Kar Aqeeq Ke Nang Ki Anguthi Me Rakh Kar Pehne Aur Ye Isme Pak Ka Zikr Karta Rahe To Jis Kisi Ki Nazar Padhne Wale Par Pade Wo Us Se Muhabbat Karne Lage Aur Us Ka Farma Bardar Ban Jaye (Sa'at Zohra Har Juma Ko Suraj Tuloo Hone Ke Bad 55 Minute Tak Rehti Hai)

★ Agar Is Isme Pak Ko Padhte Padhte Dushman Ke Pas Jaye To Dushman Ke Sharr Se Mehfuz Rahe Aur Dushman Apne Bure Irado Se Baaz Rahe

★ Jo Shakhs Rozana 41 Bar Is Isme Pak Ko Padhne Ka Apna Mamool Bana Le To Wo Wasawise Shaitan Se Mehfuz Rahega Aur Bure Logo Se Us Ki Hifazat Rahegi

★ Agar Kisi Ki Aankh Me Koi Zakhm Ho Ya Aankho Me Pani Aata Ho Ya Aankhe Dukh Rahi Ho To Use Chahiye Ke 7 Din Tak Rozana Subah Sham 70 Bar Ye Isme Pak Padh Kar Aankho Par Dam Kiya Kare

★ Agar Koi Talibe Ilm Ye Isme Pak Rozana Isha Ke Bad 80 Bar Aur Exam Ke Time Me 3 Rat Tak 1100 Bar Aur Baki Raato Me 360 Bar Padhe To Exam Me Bahot Hi Ache Numbaro Se Paas Hoga In sha Allah

★ Agar Kisi Shakhs Se Hisab Kitab Me Koi Galati Ho Gayi Ho Ya Kisi Chiz Ka Hisab Na Mil Raha Ho Aur Inquiry Ka Darr Ho Jis Se Ruswai Hone Ka Andesha Ho To Ye Isme Pak 7 Din Tak Isha Ke Bad Rozana 3000 Bar Padhe Aur Dua Kare. Allah Ne Chaha To Inquiry Se Bach Jayega Aur Hisab Bhi Sahi Se Mil Jayega

★ Agar Koi Shakhs Ye Isme Pak 1280 Bar Padhne Ka Hamesha Ka Apna Mamool Bana Le To Allah Ke Karam Se Hamesha Aman o Amaan Me Rahega

★ Agar Koi Shakhs Ye Isme Pak 100 Bar Padh Kar Fir 11 Bar Ye Aayat Padhe :-

حَسْبِىَ ٱللَّهُ لَآ إِلَٰهَ إِلَّا هُوَ ۖ عَلَيْهِ تَوَكَّلْتُ ۖ وَهُوَ رَبُّ ٱلْعَرْشِ ٱلْعَظِيمِ ○

To Allah Ta'ala Jumla Umoore Zindagi Me Kifayat Farmaye Aur Us Ki Har Jaiz Tamanna Puri Hua Kare

★ Agar Koi Shakhs Is Isme Pak Ka Ye Naksh Banwa Kar Apne Bazu Par Bandhe To Allah Ke Karam Se Use Logo Me Maqbooliyat Ka Maqam Hasil Ho, Izzat Me Izafa Ho Aur Log Us Se Acha Bartao Karne Par Majboor Ho Jaye
(NAKSH KI IMAGE YE HAI...)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12800 Bar Padhe To 40 Din Ke Bad Aamil Ban Jayega. Fir Rozana 100 Bar Is Isme Pak Ka Vird Karta Rahe. Aamil Banne Ke Bad Ke Bad Zarurat Mando Ko Is Isme Pak Ka Taveez Diya Ja Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُقِیْتُ) YA MUQEETU ●

         ■ AMALIYAT ASMA E HUSNA ■

♥ Asma e Husna :- Ya Muqeetu (یَا مُقِیْتُ) Ki Fazilat o Wazaif

★ Allah Ta'ala Ka Ek Sifati Naam Hai Ya Muqeetu. Yani Ai Quwwat Aur Tawanai Denewale. Allah Makhlooq Ko Rizk De Kar Us Me Quwwat Aur Tawanai Paida Karta Hai Jis Se Jismani Quwwat Barqarar Rehti Hai Aur Fir Insano Ke Liye Aisi Khususiyat Me Quwwat Paida Kar Deta Hai Ke Jis Se Rooh Me Quwwat Paida Ho Jati Hai. Jis Se Insan Ibadat Me Bhi Mashgool Rehta Hai. Allah Is Lihaz Se Muqeet Hai Aur Wo Hamari Rooh Me Tazagi Paida Kr Deta Hai. Is Liye Is Jo Is Ism Ka Zikr Karta Hai Allah Use Jismani Aur Roohani Quwwat Me Malamaal Kar Deta Hai. Ye Isme Pak Me Jalali Aur Jamali Dono Taseer Hai. Kul Adad Qamari Is Isme Pak Ke 550 Hai

★ Ye Isme Pak Bacho Ki Zid Ko Khatm Karne Me Akseer Hai. Agar Koi Bacha Bahot Zid Karta Ho To Ya Hamesha Rota Rehta Ho To Ek Mitti Ke Pyale Me Pani Le Kar Ye Isme Pak 550 Bar Padh Kar Pani Par Dam Kar Ke Bache Ko Pilaye. Ye Amal Lagatar 11 Din Tak Kare. Allah Ke Hukm Se Bacha Rona Aur Zid Karna Chhor Dega

★ Aise Log Jinhe Bhuk Bahot Kam Lagti Ho Aur Jism Bahot Kamzor Aur Dubla Patla Ho Ya Aisa Bacha Jin Ko Khurak Na Lagti Ho Aur Dekhne Me Bade Kamzor Lagte Ho To Un Ke Liye Is Isme Pak Ko 1100 Bar Padh Kar Pani Par Dam Kar Pilaye Aur 11 Din Tak Lagatar Aise Hi Karte Rahe. In sha Allah Is Isme Pak Ki Barkat Se Jismani Kamzori Dur Ho Jayegi Aur Jo Khurak Khayega Us Ka Saleh Khoon Banega

★ Ye Isme Pak Gas Ke Marz Ko Bhi Dur Karne Me Bada Akseer Hai. Jis Shakhs Ko Khurak Ache Se Hazam Na Hoti Ho, Khurak Khaye To Gas Bankar Tang Karti Ho To Khana Khane Se Pehle Ye Isme Pak 101 Bar Padh Liya Kare Aur Khana Khate Wkt Bhi Dil Hi Dil Me Isi Isme Pak Ka Vird Karta Rahe. Khana Kha Kar Allah Se Dua Kare Ke Ya Allah Jo Khana Tere Fazl Se Mere Jism Me Pahocha Hai Use Apni Muqeet Ki Sifat Ki Barkat Se Hazam Kar Ke Mere Jism Me Quwwat Paida Farma

★ Paltu Janwar Jaise Gaay, Bhens, Ghoda, Bakri Wagairah Chara Na Khate Ho Aur Malik Ko Tang Karte Ho To Malik Ko Chahiye Ke Ye Isme Pak 100 Bar Padh Kar Chare Par Dam Kar Diya Kare Aur Fir Wo Chara Janwar Ke Samne Dale To In sha Allah Janwar Fauran Chara Khane Lage

★ Hazrat Imam Abul Abbas Ahmed Ali Boni Farmate Hai Ke Ye Zikr Salehin Hazrat Ka Zikr Hai. Wo Is Isme Pak Ka Is Had Tak Zikr Kiya Karte Ke Un Par Haal Galib Ho Jata Ke Un Ko Bhuk Aur Pyas Tak Mehsus Nahi Hoti Thi. Kyu Ke Is Isme Pak Ke Zikr Ki Barkat Se Allah Ta'ala Un Ki Rooho Ko Sairab Farma Deta Hai

★ Agar Rozadar Ko Roze Ki Halat Me Bhuk Aur Pyas Ki Shiddat Se Halaqat Ka Khauf Mehsus Ho To Is Isme Pak Ko 7 Bar Padh Kar Phool Par Dam Kar Ke Sunghta Rahe To Quwwat Hasil Ho Aur Roza Mukammal Karne Ki Tawanai Hasil Ho

★ Agar Koi Shakhs Is Isme Pak Ko Mitti Ke Pyale Par Likh Kar Fir Daurane Safar Usi Pyale Me Pani Pita Rahe To Zabardast Quwwat Hasil Ho Aur Pure Safar Me Bhuk Ka Ehsas Na Ho

★ Agar Koi Shakhs Ye Isme Pak Ko Rozana 100 Bar Padhta Rahe To Haq Ta'ala Ki Rehmato Se Malamaal Ho Jaye

★ Kisi Pak Saaf Mitti Ke Dhele Par ye Isme Pak 550 Bar Padh Kar Dam Kare Aur Apne Pas Rakh le. Fir Safar Me Us Ko Sunghta Rahe To Bhuk Aur Pyas Ki Shiddat Se Mehfuz Rahe

☆ Agar Kisi Ki Aankh Dukhti Ho To Dawai Ya Surme Par 7 Ya 11 Bar Ye Isme Pak Padh Kar Dam Kare Aur Fir Aankho Me Lagaya Kare To In sha Allah Aankho Ka Dukhna Band Ho Jayega. Ye Amal Aankh Ki Har Bimari Me Mufeed Hai

★ Agar Koi Shakhs Is Isme Pak Ka Aamil Banna Chahe To Us Ke Liye Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 8800 Bar Padhe To 40 Din Ke Bad Aamil Ban Jayega. Us Ke Bad Zarurat Mando Ko Is Isme Pak Ka Taveez Diya Ja Sakta Hai

★ Agar Koi Shaksh Har Islami Mahine Me Ayyame Baij Yani Chand Ki 13, 14 Aur 15 Tarikh Ko Is Isme Pak Ka Naksh Safed Kagaz Par Bana Kar Aate Ki Goli Bana Kar Behte Pani Me Dalta Rahe To Ba Fazle Khuda Har Kism Ke Dushmano, Jinn Jinnat Aur Hasido Ke Hasad Se Mehfuz Rahega

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com