● ASMA E HUSNA :- (یَا مَجِیْدُ) YA MAJEEDU ●

           ■ AMALIYAT ASMA E HUSNA ■

♥ Asma e Husna :- Ya Majeedu (یَا مَجِیْدُ) Ki Fazilat o Wazaif

★ Allah Ka Ek Sifati Naam Hai Ya Majeedu. Yani Ai Buzurgi Wale. Yani Allah Apne Martabe Aur Maqaam Ke Lihaz Se Sab Se Buland Hai Aur Apne Sharf Ke Lihaz Se Bhi Sab Se Aa’la Hai. Isi Liye Use Majeed Bhi Kaha Jata Hai. Qurane Pak Me Kai Aayato Me Is Isme Pak Ka Zikr Milta Hai. Jo Sirf Allah Hi Ki Zaat Ke Liye Aaya Hai. Us Ke Alawa Ye Lafz Qurane Pak Ke Liye Bhi Istemal Hua Hai. Kyu Ke Quran Tamam Kitabo Me Aa’la Martabe Aur Buland Shan Wali Kitab Hai. Is Ke Alawa Arshe Azeem Ko Bhi Arshul Majeed Kaha Gaya Hai. Is Se Maloom Hua Ke Ye Teeno Aa’la Martabe Wale Hai. Isi Liye In Ke Maqam Ko Zahir Karne Ke Liye In Ke Liye Majeed Lafz Ka Istemal Hua Hai. Ye Isme Pak Jamali Hai Aur Kul Adad Qamari Is Isme Pak Ke 57 Hai

★ Jo Shakhs Is Isme Pak Ko Rozana 5700 Bar Padhne Ka Mamool Bana Le Aur 3 Saal Ke Arse Tak Lagatar Padhta Rahe To Allah Use Buzurgi Ata Farmayega. Us Ka Martaba Buland Hoga Aur Har Koi Izzat Se Pesh Aayega. Is Ki Zaban Me Itni Taseer Paida Hogi Ke Jo Kahega Wo Allah Apne Fazl Se Pura Farma Dega

★ Jo Shakhs Is Isme Pak Ko 300 Bar Rozana Padhta Rahe, Us Ka Har Kam Aasani Se Anjam Payega. Chahe Aulad Ki Shadi Ho, Naukari Ya Interview Ho, School College Ke Imtehan Ho, Kamai Me Aur Rizk Me Rukawat Ho Ya Koi Bhi Mamla Ho Allah Ke Hukm Se Kabhi Nahi Rukega

★ Is Isme Pak Ko Padhne Se Taqwa Aur Parhezgari Ke Khasail Paida Hote Hai. Lihaza Jo Shakhs Ise Bad Namaze Fajar 100 Bar Aur Bad Namaze Isha 100 Bar Padhne Ka Mamool Bana Le To Wo Hamesha Ke Liye Nek Khaslat Aur Nek Seerat Wala Ho Jayega

★ Ye Isme Pak Sirate Mustaqeem Yani Sidha Rasta Yani Rahe Haq Pane Ke Liye Bahot Mujarrab Hai. Agar Koi Chalte Firte Isi Isme Pak Ko Padhte Raha Kare To Us Ko Rahe Haq Naseeb Hoga Aur Madade Khuda Har Kam Me Shamil Hogi

★ Agar Kisi Ko Cigaratte Ya Bidi Pine Ki, Tambakoo Ya Gutkha Khane Ki Gandi Aadat Lag Gayi Ho To Is Aadar Se Najat Hasil Karne Ke Liye Is Isme Pak Ko 40 Din Tak Rozana 3125 Bar Padhe Aur Rozana Green Elaichi Par Dam Kar Ke Muh Me Daal Kar Chaba Kar Khaye. In sha Allah Har Chiz Ki Aadat Chut Jayegi

★ Ye Isme Pak Bawasir ke Ilaj Ke Liye Bahot Benazeer Hai. Jo Shakhs Is Marz Me Mubtela Ho Use Chahiye Ke Har Islami Mahine Ki 13, 14 Aur 15 Ko Roza Rakhe Aur Asar Ki Namaz Se Iftar Tak Isi Isme Pak Ko Padhta Rahe Aur Pani Pe Dam Kar Ke Isi Pani Se Roza Iftar Kare. Allah Ke Hukm Se Nijat Ka Koi Na Koi Zariya Ban Jayega

★ Jis Shakhs Ki Pasaliyo Me Dard Hota Ho To 1000 Bar Is Isme Pak Ko Padh Kar Rui (cotton) Par Dam Kar Ke Wo Rui Dard Wali Jagah Par Bandhe. Allah Ke Fazl Se Dard Khatam Hoga Aur Mareez Ko Fauran Aaram Hoga

★ Jo Shakhs Is Isme Pak Ko Rozana 100 Bar Padhega To Wo Azeemul Martabat Hoga Yani Aa’la Martaba Hasil Karega

★ Agar Is Isme Pak Ko Jo Koi Shakhs Rozana Har Namaz Ke Bad 57 Bar Padhne Ka Mamool Bana Le To Us Me Taqwa Aur Parhezgari Ke Muamlat Paida Ho Jaye

★ Agar Koi Shakhs Apni Job Par Apni Post Se Nikal Diya Gaya Ho To Use Chahiye Ke Is Nakhs Ko Chandi Ki Takhti Par Qandah Karwaye Aur Apne Pas Rakhe. In sha Allah Bahot Jaldi Apni Post Par Wapas Bula Liya Jayega Ya Fir Us Se Behtar Post Par Job Mil Jayegi

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12500 Bar Padhe To 40 Din Ke Bad Aamil Ban Jayega. Fir Rozana 57 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا وَدُوْدُ) YA WADUDOO ●

          ■ AMALIYAT ASMA E HUSNA ■

♥ Asma e Husna :- Ya Wadudoo (یَا وَدُوْدُ) Ki Fazilat o Wazaif

★ Allah Ta’ala Ka EK Sifati Naam Hai Ya Wadudoo. Yani Ai Muhabbat Karne Wale. Beshak Allah Wadud Hai Kyu Ke Wo Apne Bando Ke Dilo Me Apni Muhabbat Paida Kar Ke Fir Un Se Muhabbat Karta Hai. Imam Gazali Ka Qaul Hai Ke Wadudoo Dar Asl Allah Ki Rehmat Se Murad Hai. Chunanche Jo Allah Se Muhabbat Karta Hai To Allah Bhi Use Apni Rehmat Se Malamaal Farma Deta Hai. Is Liye Jo Shakhs Allah Ko Is Naam Se Pukarta Hai, To Allah Use Duniya Me Muhabbat Ka Markaz Bana Deta Hai. Ye Isme Pak Nihayat Hi Jamali Hai Aur Is Ke Behisab Faiz o Barkat Hai. Kul Adad Is Isme Pak Ke 20 Hai

★ Jo Shakhs Allah Ka Mehbub Banda Banane Ka Talabgar Ho, Use Chahiye Ke Is Isme Pak Ko Kasrat Se Padha Kare. In sha Allah Us Ke Dil Se Duniya Ki Muhabbat Nikal Jayegi Aur Us Ka Dil Muhabbate Ilahi Se Malamaal Ho Jayega

★ Mahe Ramazan Me Sunnate Ai’tekaf Me Is Isme Pak Ko ozana 41000 Bar Padhe Aur Us Ke Bad Rozana 11000 Bar Padhta Rahe To Allah Us Par Maherban Hoga Aur Us Par Har Tarah Ki Ne’amato Ki Barish Hogi

★ Jo Shakhs Chahta Ho Ke Us Ki Biwi Us Ki Tabedaar Rahe Aur Dil Se Us Ke Sath Wafa Kare To 11 Din Tak Rozana Is Isme Pak Ko 12500 Bar Padhe Aur Aakhari Din Thodi Shirini Ya Pani Le Kar Use Dam Kar Ke Biwi Ko Khila De Ya Pila De. In sha Allah Aurat Hamesha Wafadar Rahegi. Ye Hi Amal Biwi Apne Shauhar Ke Liye Bhi Kar Sakti Hai

★ Kuch Rishte Aise Hote Hai Jin Me Aapas Me Muhabbat Aur Wafadari Zaruri Hoti Hai. Ek Dusre Ki Na Farmani Na Ho. Jaise Aulad Me Maa Baap Ki Muhabbat, Biwi Me Shauhar Ki Ita’at Aur Tabedari, Bhai Bahen Me Hamdardi Wagairah. Aise Rishto Me Muhabbat Paida Karne Ke Liye Ye Isme Pak 40 Din Tak Rozana 3125 Bar Padhe Aur Dua Kare Aur Pani Par Dam Kar Ke Pila Diya Kare

★ Ye Isme Pak Taskhirul Quloob Ke Liye Behad Mujarrab Hai. Agar Koi Shaksh Dusro Ko Apni Taraf Maeel Karna Chahe To Is Isme Pak Ko 40 Din Tak Rozana 12500 Bar Padhe. Us Ke Bad 3 Din Ruk Jaye Fir Us Ke Bad Fir Se 40 Din Tak Rozana 12500 Bar Padhe. Fir 3 Din Ruk Jaye Fir Us Ke Bad Fir Se 40 Din 12500 Bar Rozana Padhe. Ye Kul 3 Chille Hue. Us Ke Bad Hamesha Ke Liye Rozana 1100 Bar Padhne Ka Mamool Bana Le. In sha Allah Har Khas o Aam Us Ki Taraf Maeel Ho Jayenge. Jidhar Jayega Ye Hi Chha Jayega. Jo Dekhega Is Se Muhabbat Karega

★ Jis Shakhs Ka Paltu Janwar Yani Gaai, Bhains, Bail, Ghoda Ya Bakra Wagairah Shareer Ho, Malik Ko Tang Karta Ho To Chare Par Is Isme Pak Ko 2000 Bar Padh Kar Fir khilaye Aur Ye Amal 3 Din Tak Kare. Allah Ke Hukm Se Janwar Tabedar Ho Jayega Aur Tang Karna Chhod Dega

★ Agar Koi Shakhs Apne Na Farman Mehbub Ko Apni Muhabbat Me Giraftar Karna Chahe To Bad Namaze Isha 330 Bar Mehbub Ka Tasawwur Kar Ke Padhe. In sha Allah Wo Farma Bardar Ho Jayega

★ Ye Isme Pak Ko 1001 Bar Padh Kar Mithi Chiz Par Dam Kar Ke Biwi Shouhar Se Naraz Ho To Shouar Dua Kar Ke Biwi Ko Khilaye Aur Shouhar Biwi Se Naraz Ho To Biwi Apne Shouhar Ko Khilaye. Awwal Aakhir 11 – 11 Bar Durude Pak. In sha Allah Narazagi Dur Ho Jayegi

★ Agar Koi Shakhs Apne Mehbub Ke Naam Ke Adad Ke Barabar Is Isme Pak Ko Padh Kar Kisi Mithi Chiz Par Dam Kar Ke Mehbub Ko Khila De To Allah Ke Hukm Se Mehbub Tabedar Aur Musakhkhar Hoga

★ Agar Kisi Ka Ladka Aawara Aur Na Farman Ho Gaya Ho Bad Namaze Juma 1001 Bar Is Isme Pak Ko Padh Kar Kisi Mithi Chiz Pe Dam Kar Ke Khilaye Aur 40 Juma Tak Amal Kare. In sha Allah Wo Sidhe Raste Par Aa Jayega

★ Agar Kisi Ka Shauhar Biwi Se Aksar Naraz Rehta Ho To Biwi Ko Chahiye Ke Is Isme Pak Ko 3000 Bar Padh Kar Kisi Achi Khushboo Par Dam Kare Aur Fir Wo Khushboo Laga Kar Apne Shauhar Ke Pas Jaye. Shauhar Biwi Par Fida Ho Jayega Aur Sari Narazgi Khatam Ho Jayegi

★ Jis Shakhs Ka Ghoda Bad Mijaz Aur Shareer Ho Gaya Ho To Chane Ke Aate Par Is Isme Pak Ko 300 Bar Padh Kar Dam Kare Aur Fir Ghode Ko Khila De To Farma Bardar Ho Jaye

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 5120 Bar Padhe Aur Ek Ke Bad Fir Dusra Chilla Kare. Kul 3 Chillo Me Is Ke Aamil Ban Jayenge. Fir Rozana 100 Bar Is Isme Pak Ka Vird Karta Rahe. Aamil Banne Ke Bad Hubb Ke Tallik Se Zarurat Mando Ko Is Isme Pak Ka Taveez Diya Ja Sakta Hai

■ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Fir Rozana 73 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا حَکِیْمُ) YA HAKEEMU ●

             ■ AMALIYAT ASMA E HUSNA ■

♥ Asma e Husna :- Ya Hakimu (یَا حَکِیْمُ) Ki Fazilat o Wazaif

★ Allah Ta’ala Ka Ek Sifati Naam Hai Ya Hakimu. Yani Ai Hikamat Wale. Hakim Wo Hota Hai Jis Ke Hukm Me Sarasar Hikmat Moujud Ho, Aa’mal Me Afzaliyat Ho. Is Liye Allah Ka Har Hukm Jo Wo Apni Makhlooq Ke Liye Jari Karta Hai Us Me Sarasar Makhlooq Ki Bhalai Maksud Hoti Hai. Allah Ka Koi Hukm Behtari Aur Bhalai Aur Achai Ki Hikmat Se Khali Nahi Hota. Isi Liye Use Hakimu Keh Kar Pukara Jata Hai. Ye Isme Pak Jamali Hai. Kul Adad Qamari Is Isme Pak Ke 78 Hai

★ Ye Isme Pak Anwar Aur Asrar Ki Kunji Hai. Jo Shakhs Is Isme Pak Ko 7800 Bar Padhne Ka Apna Mamool Ban Le Aur Pabandi Se 3 Saal Tak Rozana Vird Karta Rahe To Us Par Anwar o Asrar Khulne Lagenge. Imam Boni Ka Qaul Hai Ke Us Par Roohani Haqaiq Munkashif Hone Lagte Hai

★ Jo Shakhs Is Isme Pak Ko 78 Bar Sote Wakt Padhne Lage To Us Par Hikmat Aur Danaai Ki Raahe Khul Jayegi. Is Ke Faham o Farast Me Be Panah Izafa Hoga In sha Allah

★ Agar Kisi Shakhs Ko Koi Muhim Ya Mushkil Darpesh Ho Aur Us Ka Koi Khatir Khwah Hal Nazar Na Aata Ho To Use Chahiye Ke Is Isme Pak Ko Rozana 7000 Bar 21 Din Tak Padhe Aur Rozana Bad Amal 2 Raka’at Nafal Padhe Aur Allah Ki Bargah Me Sajda Rez Ho Kar Apni Mushkil Ke Hal Ki Dua Kare. Allah Ke Hukm Se Mushkil Aasan Hogi

★ Agar Miya Biwi Me Na Ittefaki Ho Aur Ladai Jhagda Rehta Ho Aur Aurat Chahti Ho Ke Miya Se Ittefaq Ho Jaye Ya Mard Chahta Ho Ke Biwi Se Sulah Ho Jaye To Chahiye Ke Is Isme Pak Ko 1000 Bar Padhe Aur Shirini Par Dam Kar Ke Dono Ko Khilaye Ya Dono Me Jis Ki Jyadati Ho Use Khilaye. In sha Allah Ittefaq Ho Jayega

★ Agar Koi Shakhs Rozana Is Isme Pak Ko 7880 Bar Padhta Rahega To Kuch Hi Arse Me Sahibe Hikmat Ban Jayega

★ Agar Kisi Shakhs Ki Koi Aarzoo Puri Na Hoti Ho To 6 Din Tak Is Isme Pak Ko 1100 Bar Padhe Aur Apne Maksad Ki Dua Kare. Ba Hukme Khuda Aarzoo Puri Hogi

★ Agar Koi Insas Bad Mijaz Ho To Is Isme Pak Ko 1000 Bar Padh Kar Kisi Mithi Chiz Par Padh Kar Dam Kar Ke Us Bad Mijaz Insan Ko Khilaye. Kuch Bar Ke Amal Se Us Ki Bad Mijazi Dur Ho Jayegi

★ Is Isme Pak Ko Rozana Bad Namaze Zohar 90 Bar Padhne Se Har Mushkil Aasan Hoti Hai

★ Is Isme Pak Ka Ye Jama Wazifa Hakim Aur Doctors Hazrat Ke Liye Bahot Mufeed Hai. Jo Hakim Ya Doctor Is Wazeefe Ko 40 Din Tak Rozana 1100 Bar Padhega Us Me Amraz Ko Samjhne Ki Salahiyat Me Bahot Zyada Izafa Ho Jayega Aur Is Ki Batayi Hui Dawai Bhi Kamyab Rahegi. Is Ke Padhne Se Qaid Se Khulasi Bhi Hogi. Wazeefa Ye Hai :-

★ Jo Shakhs Is Isme Pak Ka Ye Naksh Zul Kitabat Likh Kar Apne Pas Rakhe To Us Me Husne Akhlaq Paida Ho Aur Dusre Log Bhi Is Ke Sath Husne Akhlaq Se Pesh Aayenge.
(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12,500 Bar Padhe To 40 Din Ke Bad Aamil Ban Jayega. Fir Rozana 137 Bar Is Isme Pak Ka Vird Karta Rahe. Aamil Banne Ke Bad Ke Bad Zarurat Mando Ko Is Isme Pak Ka Taveez Diya Ja Sakta Hai

● ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا وَاسِعُ) YA WASIOO ●

           ■ AMALIYAT ASMA E HUSNA ■

♥ Asma e Husna :- Ya Wasioo (یَا وَاسِعُ) Ki Fazilat o Wazaif

★ Allah Ta’ala Ka Ek Sifati Naam Hai Ya Wasioo. Yani Ai Wusa’at Wale. Wasioo Ka Matlab Wusa’at Aur Kushadagi Wala Hai. Beshak Allah Ta’ala Ki Wusa’at Ki Koi Inteha Nahi Hai, Is Liye Use Wasioo Kaha Jata Hai. Kyu Ke Us Ka Ilm Wasi’a Hai, Us Ki Badshahat La Mahdood Hai, Us Ke Gina Ki Koi Hadd Nahi Hai. Us Ki Zaate Aqdas Ke Pas Sab Kuch Hai. Us Ki Hukoomat La Zawal Hai Aur Us Ki Nea’mate Be Panah Hai. Us Ke In’aam o Iqraam La Tadad Hai. Al Garz Rabbe Kaenat Har Tarah Se Wasi’a Yani Wusa’at Wala Hai. Ye Isme Pak Jalai Hai Aur Kul Adad Qamari Is Isme Pak Ke 137 Hai

★ Ye Isme Pak Farakhi e Rizk Ke Liye Bahot Akseer Hai. Farakhi e Rizk Ki Niyat Se Is Isme Pak Ko Rozana 11000 Bar 3 Saal Tak Lagatar Padhe. Rizk Aur Daulat Me Be Panah Izafa Hoga. Ise Padhne Wala Deeni Aur Duniyavi Daulat Se Malamaal Ho Jayega. Kabhi Tangdast Aur Mohtaj Nahi Hoga

★ Rizk Ki Kushadagi Ke Liye Is Isme Pak Ko 5000 Bar Bad Namaze Isha Padhna Bahot Mujarrab Amal Hai

★ Hzrt Imam Ali Boni Apni Kitab “Shams Al Ma’arif” Me Likhte Hai Ke Is Isme Pak Ke Padhne Wale Ko Allah Ta’ala Khoob Rizk Ata Farmata Hai, Ilm Me Izafa Karta Hai, Umar Me Barkat Deta Hai. Is Ka Zikr Karne Wale Ke Har Kam Me Gaib Se Aasani Ho Jati Hai. Har Khas o Aam Me Be Panah Izzat Hasil Hoti Hai

★ Jo Shakhs Is Isme Pak Ko 70 Din Tak Rozana 70,000 Bar Padh Le To Wo Maklooq Ko Musakkhar Karne Me Behad Kamyab Hoga, Dur Dur Tak Is Ki Shohrat Aur Izzat Ho Jayegi. Jis Ki Taraf Nazar Utha Kar Dekhega Wo Farma Bardar Ho Jayega. Taskhire Khalq Ke Liye Ye Ek Lajawab Amal Hai

★ Agar Koi Shakhs Apni Dukan Ka Karobar Badhana Chahe To Use Chahiye Ke Namaze Juma Ke Bad 11 Log Jama Kar Ke Sab Mil Kar Ye Isme Pak 31250 Bar Padhe Aur 4 Juma Tak Isi Tarah Amal Kare Aur Dua Kare Aur Us Ke Bad Karobar Me Jiddo Jahad Kare. Allah Ne Chaha To Karobar Me Khub Tarakki Hogi

★ Agar Koi Student Ilm Hasil Karne Ki Mehnat Jari Rakhna Chahta Hai, Lekin Koi Na Koi Rukawat Paida Hoti Hai To Use Chahiye Ke Is Isme Pak Ko Rozana Pabandi Se 137 Bar Subah Sham Padhne Ka Apna Mamool Bana Le. In sha Allah Koi Na Koi Zariya Ban Jayega Jis Ki Wajah Se Wo Us Ki Taleem Jari Rakh Sakega

★ Jo Shakhs Bad Namaze Zohar Rozana 60 Bar Padhega To Us Ka Dil Khul Jayega Yani Dildaar Ho Jayega

★ Agar Koi Rozana 137 Bar Is Isme Pak Ka Wird Karne Ka Mamool Bana Le To Rozi Me Farakhi Hasil Ho

★ Agar Kisi Bache Ko Qurane Pak Yaad Na Hota Ho To Har Islami Mahine Ki Pehli, Dusri, Teesri Ko 100 Bar Ye Isme Pak Padh Kar Dua Kar Ke Ek Glass Pani Par Dam Kar Ke Pilaya Kare. In sha Allah Zehan Khul Jayega Aur Qurane Pak Aasani Se Yaad Ho Jayega

★ Jo Shakhs Ye Isme Pak Rozana 360 Bar Padhne Ki Apni Aadat Bana Le To Us Ki Umar Me Barkat Ho Aur Us Ke Har Kam Me Aasani Ho

★ Ye Wazeefa Is Isme Pak Ka Rozi Me Be Inteha Rizk Ke Liye Bahot Mufeed Hai. Jis Shakhs Ne Ise Padhne Ka Mamool Banaya Allah Ne Us Ke Rizk Me Behad Izafa Farmaya Hai. Is Ko Hamesha Padhne Wala Kabhi Tangi Ka Shikar Nahi Hoga. Is Wazeefe Ko 40 Din Tak Rozana 3125 Bar Padhne Se Rizk Ke Asbab Ban Jate Hai. Wo Wazeefa Ye Hai :-

★ Is Wazeefe Ko Rizk Me Behtari Aur Izafe Ke Liye Rozana Isha Ke Bad 5000 Bar Padhna Apne Aap Me Ek Khas Kamal Rakhta Hai. Wazeefa Ye Hai :-

★ Is Isme Pak Ka Ye Jama Wazeefa Kisi Bhi Maali Hajat Aur Maqasid Ke Liye Bahot Muassir Hai. Is Ka Tareeka Ye Hai Ke Kuch Aadmi Jama Kar Ke Ghar Pe Ya Masjid Me 21000 Bar Padhe Aur Lagatar 3 Din Tak Amal Kare Aur Bad Amal Dua Kare Aur Shirini Taqseem Kare. Allah Ke Hukm Se Maali Mushkil Hal Hogi. Ise Rozana Bad Namaze Fajar 33 Bar Padhna Bhi Bahot Mufeed Hai. Wo Jama Wazeefa Ye Hai :-

★ Agar Koi Shakhs Chadhte Chand Me Is Naksh Ko Likh Kar 7 Bar Sure Fateha Padh Kar Us Par Dam Kare Aur Us Ko Apne Sidhe Hath Par Bandhne Ke Bad Rozana 137 Bar Padhta Rahe To Us Ki Rozi Me Zabardast Izafa Hoga.
(Naksh Ki Image Blog Se Hasil Kare)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 13,700 Bar Padhe To 40 Din Ke Bad Aamil Ban Jayega. Fir Rozana 137 Bar Is Isme Pak Ka Vird Karta Rahe. Aamil Banne Ke Bad Ke Bad Zarurat Mando Ko Is Isme Pak Ka Taveez Diya Ja Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُجِیْبُ) YA MUJEEBU ●

           ■ AMALIYAT ASMA E HUSNA ■

♥ Asma e Husna :- Ya Mujeebu (یَا مُجِیْبُ) Ki Fazilat o Wazaif

★ Allah Ta’ala Ka Ek Sifati Naam Hai Ya Mujeebu. Yani Ai Qubool Karne Wale. Beshak Allah Tabarak wa Ta’ala Apni Makhlooq Ki Duao Ko Sunta Hai Aur Qubool Farmata Hai. Jis Ka Us Ne Apni Muqaddas Kitab Qurane Kareem Me Bhi Wada Farmaya Hai. Is Liye Use Mujeeb Bhi Kaha Jata Hai. Wo Har Saeel Ke Sawal Ka Jawab Deta Hai Aur Har Pukarne Wale Ki Pukar Ka Jawab Deta Hai. Allah Mujeeb Hai Ke Wo Mazloomo Ki Pukar Sun Kar Un Ke Zulm Ka Tadaruk Karta Hai. Allah Mujeeb Hai Ke Wo Dukhi Logo Ki Sada Sun Kar Un Ke Dukh Ka Ijala Karta Hai. Allah Mujeeb Hai Ke Jab Koi Pareshan Haal Use Madad Ke Liye Bulata Hai To Wo Us Ki Madad Farma Deta Hai. Allah Mujeeb Hai Ke Wo Apne Waliyo Ko Apna Bana Kar Un Ki Har Sada Par Lutf o Karam Ka Izhar Farmata Hai. Ye Isme Pak Jamali Hai Aur Kul Adad Qamari Is Isme Pak Ke 55 Hai

★ Agar Kisi Ladke Ya Ladki Ka Rishta Na Hota Ho, Shadi Ke Asbab Na Bante Ho Aur Umar Bhi Badhti Ja Rahi Ho To Wo Ladka Ya Ladki Ye Isme Pak Ko 11 Din Tak Rozana 5500 Bar Padhe Aur Allah Ki Bargah Me Nek Rishte Ki Dua Kare. Allah Ne Chaha To Jaldi Rishta Tay Ho Jayega

★ Agar Koi Shakhs Ye Chahe Ke Us Ki Har Jaiz Dua Jo Wo Allah Ki Bargah Me Mange Wo Qubool Hua Kare To Use Chahiye Ke Is Isme Pak Ko 220 Bar Rozana Rat Ko Sote Wakt Padh Liya Kare To Us Ki Har Dua Qubool Hua Karegi. Shart Ye Ke Wo Dua Jaiz Ho. Kisi Ko Takleef Ya Nuksan Pahochane Ki Garaz Se Na Ho

★ Agar Koi Shakhs Is Isme Pak Ko Juma Ke Roz Sa’at Zohra Me 100 Bar likh Kar Taweez Bana Kar Apne Pas Rakhe To In sha Allah Us Ki Har Dua Qubool Hua Karegi. (Sa’at Zohra Juma Ke Din Suraj Tuloo Hone Se Le Kar 55 Minute Tak Hoti Hai)

★ Ek Buzurg Ka Qaul Hai Ke Jis Dua Ke Shuruat Me Is Isme Pak Ko 11 Bar Padh Kar Us Ke Bad Jo Bhi Jaiz Dua Mangani Ho Mange, Dua Ke Aakhir Me Fir 11 Bar Ye Isme Pak Padh Le To In sha Allah Dua Qubool Hogi

★ Agar Kisi Shakhs Ko Na Jaiz Tarike Se Qaid Me Dal Diya Gaya Ho Aur Wo Apne Ghar Walo Se Juda Ho Gaya Ho Ya Kisi Ka Pata Na Chalta Ho Ke Kaha Hai To Kuch Log Mil Kar Ginti Ke Sath Ye Isme Pak 1,25,000 Bar Padhe. Ginti Kam Zyada Na Ho. Mukammal Hone Ke Bad Tamam Padhne Wale Sajde Me Ja Kar Allah Ki Bargah Me Us Qaidi Ki Rihaee Ke Liye Dua Kare. Isi Tarah Lagatar 7 Din Tak Amal Kare. Allah Ke Hukm Se Qaid Se Khulasi Ho Jayegi Aur Qaidi Ba Hifazat Apne Ghar Wapas Aa Jayega

★ Agar Kisi Shakhs Ki Biwi Naraz Ho Kar Maike Chali Gayi Ho To Shauhar Ko Chahiye Ke Is Isme Pak Ko 11000 Bar Padh Kar Dua Kar Ke Pani Pe Dam Kare. Fir Us Disha Me Rukh Ke Jis Disha Me Us Ki Biwi Ka Maika Ho Waha Ki Taraf Kisi Pak Jagah (Jaise Ped Ki Jhad Me Ya Deewar Par) Pe Pani Dal De. Isi Tarah 11 Din Tak Lagatar Kare. In sha Allah Us Ki Biwi Ke Wapas Aane Ke Aasar Fauran Paida Ho Jayenge

★ Agar Koi Shakhs Kisi Kamil Murshid Ki Talash Me Ho Aur Murshide Kamil Na Milta Ho Ya Koi Aarife Kamil Kisi Ko Apna Mureed Banane Se Inkar Kar Rahe Ho To Is Isme Pak Ko 10 Din Tak Rozana Bad Namaze Magrib 12500 Bar Padhe Aur Dua Kare. In sha Allah Hasbe Khwahish Peer Ki Talash Puri Ho Jayegi

★ Agar Koi Shakhs Rozana EK Tasbeeh Yani 100 Bar Padhne Ka Apna Mamool Ban Le To Nafs Aur Shaitan Ki Chalo Se Mehfuz Rahega

★ Agar Koi Shakhs Kisi Dushman Ki Reshadaniyo Se Mehfuz Rehne Ka Khwahis Mand Ho To Use Chahiye Ke Rozana 40 Bar Is Isme Pak Ka Vird Karta Rahe Aur Dushman Ki Buri Harkato Se Hifazat Ki Dua Karta Rahe

★ Agar Koi Shakhs Is Isme Pak Ko 7 Bar Padh Kar Apne Maal o Asbab Par Dam Kare Aur Apni Shahadat Ki Ungali Se Apne Makan Aur Saman Ka Hisar Kar De To Us Ka Maal Saman Aur Us Ka Makan Allah Ki Nigarani Me Aa Jayega Aur Chor Uchakke Neez Dusri Makhlooqat Ke Sharr Se Wo Mehfuz Rahe

★ Agar Kisi Ke Sir Me Dard Ho To Apne Hath Se Apna Sir Pakad Kar 3 Martaba Ye Isme Pak (یَا مُجِیْبُ) Padhe Aur Apne Seene Par Dam Kare. Kisi Dusre Ke Liye Amal Kare To Apne Hatho Se Us Ka Sir Pakad Kar Isme Pak Padh Kar Us Ke Sir Par Dam Kare. Fir Dusri Martaba Isi Tarah 5 Bar Ye Isme Pak Padh Kar Dam Kare. Kaisa Hi Dard Hoga, In sha Allah Usi Wakt Aaram Ho Jayega

★ Agar Koi Shakhs Kisi Kagaz Par Is Isme Pak Ko 100 Bar Likh Kar Apne Pas Rakhe To Us Ki Tamam Hajate Puri Ho

★ Agar Kisi Shakhs Ke Khat (Letter) Ka Jawab Kahi Se Na Aata Ho To Use Chahiye Ke 3 Din Tak Bad Namaze Fajar Is Isme Pak Ko 1000 Bar Padhe Aur Dua Kare. In sha Allah Jaldi Hi Jawab Hasil Hoga. Behtar Hai Is Amal Ke Aakhir Me 26 Bar (یَا سَرِیْعُ یَا مُجِیْبُ) Padh Liya Jaye

★ Isi Tarah Kisi Mahkame Me Di Hui Koi Application Accept Na Hoti Ho Ya Arji Karne Ke Bad Koi Rukawat Aati Ho To Use Chahiye Ke 3 Din Tak Bad Namaze Fajar Is Isme Pak Ko 1000 Bar Padhe Aur Dua Kare. In sha Allah Us Ki Arji Qubool Kar Li Jayegi. Behtar Hai Is Amal Ke Aakhir Me 26 Bar (یَا سَرِیْعُ یَا مُجِیْبُ) Padh Liya Jaye

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Fir Rozana 110 Bar Is Isme Pak Ka Vird Karta Rahe. Aamil Banne Ke Bad Is Isme Pak Ke Naksh Ko Qubooliyate Dua, Har Bala Se Mehfuz Rehna, Hajat Ko Pura Karna, Kisi Muheem Ko Hal Karne Ke Liye Diya Ja Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com