● ASMA E HUSNA :- (یَا حَقُّ) YA HAQQU ●

            ■ AMALIYAT ASMA E HUSNA ■

♥ Asma e Husna :- Ya Haqqu (یَا حَقُّ) Ki Fazilat o Wazaif

★ Allah Ta’ala Ka Ek Sifati Naam Hai Ya Haqqu.  Yani Ai Sache, Sabit Aur Maujud. Allah Haq Hai Aur Haq Ka Matlab Haq Hi Hota Hai Yani Jo Har Lihaz Se Sacha Ho Aur Us Ka Wajood Har Lihaz Se Maujud Ho Aur Use Ek Lamha Ke Liye Bhi Zawal Aur Adam Na Ho. Har Shai Ka Zahoor Usi Zaat Se Wabasta Ho Aur Har Shai Usi Par Muntaha Ho. Is Se Ma’loom Hua Ke Haq Zaat Sirf Allah Ta’ala Ki Hi Hai. Kyu Ke Wo Azal Ta Adab Har Wakt Haqqaniyat Se Bharpur Hai Aur Us Ke Samne Koi Batil Quwwat Thaher Nahi Sakti. Baaz Ulema Ke Nazdik Is Isme Pak Me Jalali Aur Jamali Dono Taseer Maujud Hai Aur Baaz Ke Nazdik Ye Isme Pak Jalali Hai. Kul Adad Qamari Is Isme Pak Ke 108 Hai

★ Kuch Muqaddame Aise Hote Hai Jo Sachai Aur Haq Par Hote Hai Lekin Duniyavi Adalato Me Haq Par Hone Ke Bawajud Insaf Milne Ki Ummeed Nahi Hoti. Aise Halat Me Is Isme Pak Ko 41 Din Tak Rozana 6250 Bar Padhe Aur Dua Kare, Aur Jab Jab Muqaddame Ki Tarikh Ho Us Din Ye Isme Pak 1100 Bar Padh Kar Court Me Jaye. Allah Ne Chaha To Haq Faisala Ho Jayega

★ Aisa Shakhs Jo Haq Par Ho Lekin Us Par Ilzam Laga Kar Use Qaid Me Dal Diya Gaya Ho To Aisa Qaidi Rozana Rat Ke Wakt Is Isme Pak Ko 10800 Bar Padhna Shuru Kar De, Aur Rihaaee Tak Padhta Rahe. Allah Ke Hukm Se Rihaaee Naseeb Hogi

★ Aisa Shakhs Ya Aisi Aurat Jis Par Kisi MUamle Ko Le Kar Jhuti Tohmat Lagai Gayi Ho. Mard Ko Naukari Se Nikala Gaya Ho Ya Aurat Ki Izzat Par Aa Bani Ho Aur Badnam Kiya Ja Raha Ho To Wo Apni Sachai Ko Sabit Karne Ki Niyat Se Isi Tarah Is Isme Pak Ko 10800 Bar Padhna Shuru Kar De. Bahot Jald Allah Apni Is Sifat Ki Bina Par Haq Aur Batil Ka Faisala Farma Dega

★ Agar Koi Shakhs Qaid Me Ho Aur Khulasi Chahta Ho To Wo Is Isme Pak Ko Aadhi Rat Ko Sir Ko Khula Rakh Ke Yani Bina Topi Pehne 160 Bar Padhta Rahe. Allah Ke Fazl Se Us Ke Qaid Se Khulasi Ke Asbab Ban Jayenge

★ Agar Kisi Shakhs Ka Koi Maal Saman Chori Ho Gaya Ho To Use Chahiye Ke Ek Kagaz Ka Tukda Le Kar Us Ke Charo Kono Par Ye Isme Pak یَا حَقُّ Likhe Aur Us Ke Darmiyani Hisse Me Jo Maal Chori Ho Gaya Ho Us Ki Detail Likhe. Fir Us Ke Bad Aasman Ki Taraf Hath Utha Kar Kagaz Ko Apni Hatheli Par Rakh Kar Ye Isme Pak 1100 Bar Padhe Aur Allah Ki Bargah Me Dua Kare. In sha Allah Chori Hua Maal Wapas Milne Ke Asbab Ban Jayenge

★ Aise Mureedin Jo Rahe Tarikat Me Ibtedai Taur Par Dakhil Hue Ho Unhe Chahiye Ke Is Isme Pak Ko Kul 5,00,000 Bar Padhe Aur Is Ta’dad Ko 140 Din Me Mukammal Kare. In sha Allah Us Ke Iman Me Isteqamat Paida Hogi, Ita’ate Ilahi Me Sabit Qadam Rahenge, Roohani Haqaiq Munkashif Honge

★ Agar Koi Shakhs Koi Case Haar Gaya Ho Aur Use Lagta Ho Ke Us Ke Sath Insaf Nahi Kiya Gaya Aur Wo Aage Apeel Karne Ka Irada Rakhta Ho To Use Chahiye Ke Apeel Karne Ke Ek Hafte Pehle Amal Shuru Kare Aur Rozana 1100 Bar Padhta Rahe Aur Dua Kare. Allah Ke Hukm Se Use Apeel Me Kamyabi Hasil Ho Jayegi Aur Haq Faisala Ho Jayega. Kyu Ke Jo Shakhs Allah Ta’ala Ko Is Naam Se Pukarega, Allah Use Us Ka Haq Dilayega

★ Agar Kisi Ka Koi Saman Gum Ho Gaya Ho Ya Zabt Kar Liya Gaya Ho To Us Ke Liye 7 Juma Tak Har Juma Ko 70 Bar Is Isme Pak Ka Vird Kare Aur Dua Kare To Allah Ke Fazl Se Maal Wapas Mil Jayega

★ Agar Koi Banda Is Isme Pak Ko 1000 Bar Rozana Padhe To Ma’arefate Khudawandi Aur Qurb e Ilahi Naseeb Hoga

★ Buzurgo Ne Farmaya Ke Agar Koi Shakhs لَا اِلٰہَ اِلَّا اللہُ الْمَلِکُ الْحَقُّ الْمُبِیْن Ko Rozana 100 Bar 120 Din Tak Padhe To Allah Ta’ala Apne Fazal o Karam Se Us Ko Gani Farma Dega Aur Agar 120 Din Tak 1000 Bar Padhe To Us Ke Andar Akhlaqe Kareema Numaya Ho

★ Agar Kisi Shakhs Ne Koi Makan Ya Dukan Ya Koi Jagah Kisi Ko Kiraye Par Di Ho Aur Wo Ab Khali Nahi Kar Raha Ho To Naksh Is Isme Pak Ka Murabba 4 Nakhs Charo Unsar Ke Mutabik Taiyar Kiye Jaye Aur Us Ke Niche Ye Ibarat Likhe Aur Unsar Ke Mutabik Istemal Kiye Jaye. Pehle Fula Bin Fula Par Qabza Karnewale Ka Aur Us Ki Maa Ka Naam Aur Bad Me Fula Bin Fula Ki Jagah Asal Malik Aur Us Ki Maa Ka Naam Likhe. (Zarurat Mand Is Amal Ko Kisi Aamil Ke Pas Taiyar Karwa Le. Jo Aamil Hoga Wo Samajh Jayega Ke Kya Aur Kaise Karna Hai) Ibarat Ye Hai :-

یَخْرُجُ مِنَ الْبَیْتِ فلاں بن فلاں بحق فلاں بن فلاں

★ Is Isme Pak ka Zakir Ita’ate Ilahi Me Sabit Qadam Rehta Hai. Haqaiq Umoor Us Par Khulte Hai Aur Poshida Asrar Se Ba Khabar Hota Hai. Buraiya Use Buri Maloom Hoti Hai Aur Buraiyo Se Parhez Karne wala Ban Jata Hai

★ Is Isme Pak Ko Chandi Ki Takhti Par Qanda Karwa Kar Us Ko Subah Sham Saaf Pani Se Dho Kar Balgham Wale Shakhs Ko Pilaya Jaye To Allah Ke Karam Se Us Ko Shifa Hasil Ho

★ Jo Shakhs Is Isme Pak Ka Ye Naksh Zulkitabat Kisi Bhi Hajat Ke Liye Sa’at Saeed Me Likh Kar Apne Sidhe Bazu Par Bandhe Aur Subah Sham 1000 Bar Is Isme Pak Ka Vird Karta Rahe  To Bahot Jaldi Us Ki Hajat Allah Ke Fazl Se Puri Hogi

(NAKSH KI IMAGE BLOG SE HASIL KARE)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6782 Bar Padhe To 40 Din Ke Bad Aamil Ban Jayega. Fir Rozana 108 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا شَھِیْدُ) YA SHAHEEDU ●

                ■ AMALIYAT ASMA E HUSNA ■

♥ Asma e Husna :- Ya Shaheedu (یَا شَھِیْدُ) Ki Fazilat o Wazaif

★ Allah Ta’ala Ka Ek Sifati Naam Hai Ya Saheedu. Yani Ai Hazir Aur Gawahi Dene Wale. Shaheed Wo Hota Hai Jo Hazir o Naazir Hone Ki Wajah Se Har Chiz Ka Shaahid  Yani Gawah Ho. Allah Ne Apni Is Sifat Ka Zikr Qurane Pak Ki Kai Aayato Me Kiya Hai. Allah Ta’ala Apne Shaahid Hone Ke Talluk Se Khud Farmata Hai Ke Allah Ne Gawahi Di Ke Us Ke Siwa Koi Ibadat Ke Layak Nahi. Ek Aur Maqam Par Irshad Hai Ke Allah Har Chiz Ka Gawah Hai, Kyu Ke Allah Ta’ala Har Chiz Ko Dekh Raha Hai. Duniya Ki Chiz Balke Kaenat Ka Zarra Zarra, Har Banda Aur Us Ki Nekiya Aur Gunah, Har Chiz Aur Us Ka Sukoot Rab Ki Shahadat Se Bahar Nahi. Beshak Allah Sab Kuch Dekh Raha Hai. Ulema Farmate Hai Ke Allah Hamare Har Zaahiri Aur Batini Umoor Se Achi Tarah Wakif Hai Is Liye Wo Shaheed Hai. Ye Isme Pak Jamali Hai Aur Kul Adad Qamar Is Isme Pak Ke 319 Hai

★ Agar Kisi Shakhs Par Koi Jhuta Case Ho Ya Kisi Muamlat Me Use Galat Tarike Se Fasaya Gaya Ho Aur Samne Wala Us Ke Khilaf Jhute Gawah Pesh Karne Ke Mansube Bana Raha Ho To Us Shakhs Ko Chahiye Ke Jis Din Un Jhute Gawaho Ki Gawahi Ho Us Ke 7 Din Pehle Se Rozana 5100 Bar Is Isme Pak Ka Vird Shuru Kare Aur Dua Kare. Sath Hi Sath Gawahi Ke Wakt Me Bhi Dil Hi Dil Me Is Isme Pak Ko Padhta Rahe. Allah Apni Is Sifat Ki Bina Par Us Jhute Gawah Ke Dil Par Khuaf Tari Kar Dega Aur Wo Gawah Ke Muh Se Sachi Baat Niklawa Dega.

★ Ye Isme Pak Muqaddame Me Kamyabi Hasil Karne Ke Liye Bhi Bahot Muassir Hai. Shart Ye Hai Ke Padhne Wala Haq Par Ho Aur Us Ke Khilaf Jhuta Case Lagaya Gaya Ho. Ese Halat Me Muqaddame Me Kamyabi Hasil Karne Ke Liye Rozana Ye Isme Pak Me Lafze Allahu Mila Kar Is Tarah (یَا شَھِیْدُ یَا اَللہُ) 3125 Bar Padhta Rahe Aur Jis Din Court Mr Tarikh Ho Us Din Bhi Dil Hi Dil Me Kasrat Se Padhta Rahe. In sha Allah Kamyabi Hasil Hogi

★ Agar Kisi Shakhs Par Jhuti Tohmat Aur Jhuta Ilzam Lagaya Gaya Ho Aur Wo Is Tohmat Se Bari Hona Chahta Ho Is Isme Pak Ko Masjid Ya Qabristan Me Baith Kar Bad Namaze Asar 11 Din Tak Rozana 1100 Bar Padhe Aur Dua Kare. Allah Apne Fazl Se Jhuti Tohmat Lagane Wale Ko Zaleel Karega Aur Padhnewale Ki Sachai Ko Samne Le Aayega

★ Jis Shakhs Ki Aulad Na Farman Ho To Use Chahiye Ke Apni Na Farman Aulad Ke Sir Pe Hath Rakh Kar Ye Isme Pak 319 Bar Padhe. Amal Rozana Bad Namaze Fajar Kare. 11 Din Ke Amal Se In sha Allah Bacha Farma Bardar Ho Jayega Aur Apni Jhuti Zidd Ko Chod Dega.

★ Agar Koi Shakhs Shiddate Marz Ki Wajah Se Behosh Ho Gaya Ho To Chahiye Ke Mareez Ke Sirhane Is Isme Pak Ko 100 Bar Padhe Aur Pani Pe Dam Kar Ke Mareez Par Chidke. Allah Ke Hukm Se Mareez Ko Hosh Aa Jayega

★ Agar Kisi K Dil Me Ye Khwahish Ho Ke Us Ko Shahadat Ki Mout Naseeb Ho To Use Chahiye Ke Ye Isme Pak Bad Namaze Fajar Aur Magrib Rozana 33 Bar Padhne Ka Apna Mamool Bana Le. Allah Ne Chaha To Us Ka Khatema Bil Imaan Shahadat Par Hoga

★ Jo Shakhs Is Isme Pak Ko 1000 Bar Padhne Ka Apna Mamool Bana Le To Wo Hamesha Buri Khaslato Se Bacha Rahega. Agar Us Me Buri Khaslate Moujud Bhi Hogi To Wo Dur Ho Jayegi

★ Jo Shakhs Is Isme Pak Ki Kasrat Kiya Karega Us Ka Dil Batil Ki Taraf Se Mutanaffir Ho Jayega Aur Us Ki Tabiyat Haq Ki Taraf Maeel Ho Jayegi

★ Agar Koi Shakhs Chahe Ke Us Ke Biwi Bache Us Ke Tabedar Aur Farma Bardar Rahe To Use Chahiye Ke Un Ke Sir Ke Baal Pakad Kar 1000 Bar Is Isme Pak Ko Padhe Aur Dua Kare. Amal 11 Din Tak Kare

★ Agar Koi Shakhs Rozana Is Isme Pak Ko 319 Bar Padhne Ka Apna Mamool Bana Le To Us Ke Biwi Bache Har Tarah Ki Balaao Aur Aafato Se Mehfuz Rahe

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6450 Bar Padhe To 40 Din Ke Bad Aamil Ban Jayega. Fir Rozana 73 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا بَاعِثُ) YA BAAEESU ●

           ■ AMALIYAT ASMA E HUSNA ■

♥ Asma e Husna :- Ya Baaeesu (یَا بَاعِثُ) Ki Fazilat o Wazaif

★ Allah Ta’ala Ka Ek Sifati Naam Hai Ya Baeesu. Yani Ai Mab’oos Farmane Wale. Ye Sifat Jamali Hai Aur Allah Ko Is Sifat Se Pukarne Wala Zinda Dil Ho Jata Hai. Us Ka Dil Haqeeqat Ki Taraf Maeel Ho Jata Hai Aur Nek Kam Karne Ke Talluk Se Shaitan Jo Dil Me Gaflat Paida Karta Hai, Wo Is Isme Pak Ki Barkat Se Gaflat Aur Susti Dur Ho Jati Hai. Jin Ke Dil Aur Zameer Murda Ho Chuke Hai Wo Is Sifat Ka Zikr Kr Ke Apne Murda Dilo Ko Zinda Kar Sakte Hai. Is Isme Pak Ka Matlab Mab’oos Farmane Wala Hai, Lekin Baaz Ulema Ye Bhi Kehte Hai Ke Is Ka Matlab Murdo Ko Qabro Se Uthane Wala Bhi Hota Hai. Ye Isme Pak Allah Ke Be Inteha Shaan Ka Mazhar Hai Ke Wo Hi Murda Insano Ko Dubara Zinda Karne Ki Taqat Rakhta Hai. Maut o Hayat Usi Ke Dast e Qudrat Me Hai. Kul Adad Qamari Is Isme Pak Ke 573 Hai.

★ Jo Shakhs Ye Chahta Ho Ke Us Ka Dil Zinda Ho Jaye Aur Wo Allah Ke Anwarat  Aur Tajalliyat Ka Maqam Ban Jaye To Use Chahiye Ke Ba Wuzu Sone Ki Aadat Dale Aur Sote Wakt Apne Bistar Par Baith Is Isme Pak Ko 573 Bar Rozana Padhe Aur Kam Se Kam 1 Saal Tak Is Mamool Ko Jari Rakhe. Allah Apne Fazl Se Us Ka Murda Dil Hamesha Ke Liye Zinda Kar Dega Aur Shahwat, Gaflat, Hasad Aur Bukhl Jaise Amraaz Se Shifa Hasil Hogi

★ Aisa Mureed Ya Aisa Aamil Jo Rahe Sulook Par Yani Rahe Hak Par Chal Pada Ho Lekin Kashf Ki Salahiyat Hasil Na Hui Ho, Yani Ibtedai Taur Par Us Ke Andar Roohani Salahiyate Paida Ho Chuki Ho To Aise Shakhs Ko Sahibe Kashf Banne Ke Liye Is Isme Pak Ka Kuch Maah Tak Musalsal Vird Karta Rahe. In sha Allah Us Ki Dil Ki Aankh Khul Jayegi Aur Wo Sahibe Kashf Ban Jeyaga

★ Agar Kisi Ke Ghar Ka Koi Fard Ya Koi Bacha Kahi Gum Ho Gaya Ho To Kuch Log Khwah Wo Mard Ho Ya Aurate, Mil Kar Rozana Is Isme Pak Ka 1,25,000 Bar Ka Khatam Padhe Aur Dua Kare. In sha Allah Kuch Din Ke Amal Se Us Gumshuda Ka Pata Chal Jayega Aur Wo Ba Khair o Aafiyat Apne Ghar Wapas Aa Jayega

★ Ye Isme Pak Har Tarah Ki Dil Ki Bechaini Aur Pareshani Ko Dur Karne Ke Liye Bhi Bada Akseer Hai. Jo Shakhs Kisi Pareshani Ya Sakhti Me Is Isme Pak Ko 40 Din Tak Rozana 3125 Bar Padhe To Us Ki Pareshani Allah Ke Hukm Se Khatm Ho Jayegi

★ Ye Isme Pak Past Himmati Yani Confidence Ki Kami Ka Bhahot Behtarin Ilaj Hai. Jis Shakhs Me Confidence Ki Kami Ho Yani Aksar Logo Se Bat Karte Ghabrata Ho, Jhijhak Mehsus Hoti Ho Ya Zaban Ladkhada Jati Ho, Badan Kanpane Lagta Ho To Ese Shakhs Ko Balke Har Ek Shakhs Ko Chahiye Ke Ye Amal Hamesha Ka Mamool Bana Le. Behtar Hai Ke Har Namaz Ke Bad Warna Subah Sham Rozana 33 Bar Ye Isme Pak Me Lafze Allahu Ka Izafa Kar Ke YA BAEESU YA ALLAHU (یَا بَاعِثُ یَا اَللّٰہُ) Ka Vird Pabandi Se Kiya Kare. In sha Allah Jald Hi Qawi Himmat Ban Jayega

★ Agar Koi Shakhs Har Rat Ko Sone Se Pehle Apna Sidha Hath Apne Dil Par Rakh Kar Is Isme Pak Ko Rozana 100 Bar Padhne Ka Mamool Bana Le To Ma’arefat e Haq Ki Daulat Kaseer Miqdar Me Hasil Ho

★ Agar Koi Shakhs Kisi Haakim Ke Pas Jane Se Pehle Is Isme Ilahi Ko 7 Ya 11 Bar Padh Kar Apni Dono Hatheliyo Par Dam Kar Ke Apne Chehre Par Fer Le To Haakim Us Par Maherban Ho. Job Ka Interview Aur Marketing Wale Is Amal Par Khas Tawajjoh De

★ Agar Kisi Ka Ladka Ya MUlazim Ya Koi Azeez Gum Ho Jaye To Is Isme Pak Ka Amal Is Tarike Se Bhi Kiya Ja Sakta Hai Ke Lagatar 3 Din Roze Rakhe Aur Bad Namaze Zohar Is Isme Pak Ko 5000 Bar Padhe Aur Bad Amal Ye Dua 21 Bar Padh Kar Apne Hath Par Dam Kar Ke Chehre Par Fer Liya Kare. Allah Ke Hukm Se Gumshuda Insan Agar Zinda Hua To 3 Din Me Wapas Aa Jayega. Dua Ye Hai :-

اَللّٰھُمَّ اِنَّ الْاَرْضَ اَرْضَکَ وَالسَّمَآءَ سَمَاءُکَ وَمَا بَیْنَھُمَا فَھِیَ لَکَ اٰتِ لِفُلَانٍ اِلَیْنَا ۔

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 9168 Bar Padhe To 40 Din Ke Bad Aamil Ban Jayega. Fir Rozana 73 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Bhi Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com