● ASMA E HUSNA :- (یَا مُبْدِئُ) YA MUBDIOO ●

■ AMALIYAT ASMA E HUSNA ■

♥ Asma e Husna :- Ya Mubdioo (یَا مُبْدِئُ) Ki Fazilat o Wazaif

★ Allah Ta’ala Ka Ek Sifati Naam Hai Ya Mubdioo. Yani Ai Pehli Bar Paida Karne Wale. Allah Ta’ala Mubdi Hai Yani Us Ne Tamam Ashyar Ko Puri Kaenat Ko Adam Se Wujood Diya Aur Paida Farmaya. Har Chiz Ki Ehmiyat, Banawat Aur Soorat Alag Alag Hai Aur Pehli Bar Jis Tarah Ka Kisi Ko Allah Ne Bana Diya, Us Jaisa Kisi Chiz Ko Pehli Bar Koi Nahi Bana Sakta. Jab Ke Us Se Pehle Us Chiz Ka Koi Wajood Hi Na Ho. Is Lihaz Se Use Mubdi Kaha Jata Hai. Mubdi Ka Lafz Abadan Se Bana Hai Jis Ka Matlab Nayi Chiz Ko Wajood Me Lana. Jo Sirf Allah Ki Zaat Hi La Sakti Hai. Ye Isme Pak Jalali Hai Aur Kul Adad Qamari 56 Hai

★ Makan, Dukan Aur Property Ka Tameeri Kam Aaj Ke Daur Me Bahot Mushkil Hota Hai. Aksar Koi Na Koi Rukawat Paida Ho Jati Hai. Ese Muamlat Me Tameeri Kam Ke Shuru Me 7 Din Tak Rozana 5600 Bar Ye Isme Pak Padh Kar Dua Kare. In sha Allah Bina Kisi Rukawat Ke Kam Anjam Tak Pahchega

★ Agar Kisi Aurat Ka Hamal Gir Jata Ho To Is Isme Pak Ko 90 Bar Padh Kar Shahadat Wali Ungli Se Hamela Ke Pet Par Gol Daira Bana Le. Ye Amal 7 Din Tak Kare. Allah Ne Chaha To Hamal Mehfuz Rahega Aur Bacha Sahi Salamat Paida Hoga

★ Agar Kisi Shakhs Ko Khwahis Ho Ke Us Ke Yaha Ladka Paida Ho To Biwi Se Hambistari Karne Se Pehle Ye Isme Pak 100 Bar Padhe Aur Fir Apne Upar Chadar Daal Kar Sohbat Kare. Allah Ke Hukm Se Us Hamal Se Ladka Paida Hoga

★ Agar Koi Pregnant Aurat Shuru Hamal Se Aakhir Tak Yani Delivery Tak Ye Isme Pak Rozana 1000 Bar Padhti Rahe To Bacha Bilkul Sahi Salamat Aur Aasani Se Paida Hoga

★ Agar Kisi Aurat Ko Athara Ka Marz Ho To Is Isme Pak Ka Naksh Banwa Kar Apne Pas Rakhe Aur Ye Hi Isme Pak Rozana 1100 Bar Padh Kar Pani Par Dam Kar Ke Piya Kare. Ye Amal 1 Saal Tak Kare. In sha Allah Athara Ke Marz Se Hamesha Ke Liye Najat Hasil Hogi

★ Aisa Shakhs Jo Allah Ta’ala Ke Roohani Mushahidat Ko Dekhna Chahe To Is Isme Pak Ko Bad Namaze Fajar Allah Ki Riza Ke Liye 11000 Bar Padhna Shuru Kar De. Kuch Arse Tak Padhte Rehne Se Is Par Poshida Asrar Zahir Hone Lagenge

★ Agar Koi Shakhs Pregnant Aurat Ke Pet Par Rozana 101 Bar Padh Kar Dam Kiya Kare To In sha Allah Hamar Sakit Hone Se Mehfuz Rahega. Aurat Khud Bhi Padh Sakti Hai Aur Apne Shauhar Se Bhi Karwa Sakti Hai

★ Agar Koi Shakhs Nau Chandi Jumerat Se Rozana Magrib Ki Namaz Ke Bad 170 Bar Lagatar 90 Din Tak Padhta Rahe To In sha Allah Rizk Me Be Panah Barkate Hasil Ho

★ Agar Koi Shakhs Rozana Bad Namaze Isha Is Tarah Se (یَا مُبْدِئُ یَا نُوْرُ) 41 Bar Padhne Ka Hamesha Ka Apna Mamool Bana Le To Ilm e Deen Kaseer Tadad Me Ata Hoga In sha Allah

★ Agar Koi Shakhs Rozana Is Isme Pak Ko Pabandi Se 1000 Bar Padhne Ka Apna Mamool Bana Le To Ma’arefat e Haq Hasil Ho

★ Is Isme Pak Ka Ye Jama Wazeefa Jo Shakhs Rozana 120 Bar Padh Kar Pani Par Dam Kar Ke Kisi Aise Mareez Ko Pilaye Jo Bimari Ki Wajah Se Kamzor Ho Gaya Ho To Us Ki Jismani Quwwat Bahal Ho Jayegi. Wazeefa Ye Hai :-

یَا مُبْدِئَ الْبَرَایَا وَ مُعِیْدَ ھَا بَعْدَ فَنَائِھَا بِقُدْرَتِہٖ یَا مْبْدِئُ

★ Agar Kisi Shakhs Par Qatal Ka Jhutha Muqaddama Ban Gaya Ho To Is Jama Wazeefe Ko Rozana 7000 Bar Padhne Ka Apna Mamool Bana Le. In sha Allah Muqaddame Se Ba Izzat Bari Ho Jayega

یَا مُبْدِئَ الْبَرَایَا وَ مُعِیْدَ ھَا بَعْدَ فَنَائِھَا بِقُدْرَتِہٖ یَا مْبْدِئُ

★ Agar Koi Shakhs Is Isme Pak Ke Is Jama Wazeefa Ko 85 Din Tak Rozana 6000 Bar Padhta Rahe To Us Par Asrare Hakeekat Zahir Honge Aur Poshida Raaz Khulne Lagenge

یَا مُبْدِئَ الْبَرَایَا وَ مُعِیْدَ ھَا بَعْدَ فَنَائِھَا بِقُدْرَتِہٖ یَا مْبْدِئُ

★ Agar Koi Aurat Is Isme Pak Ka Ye Hurufi Naksh Jafran Aur Arqe Gulab Se Likh Kar Gale Me Pehne To Ba Hukme Khuda Aulade Nareena Ata Ho. Naksh Likh Kar Momjama Kar Ke Laal Kapde See Kar Pehne Aur Har Haal Me Pehne Hi Rakhe. Kisi Bhi Haal Me Na Nikale. Naksh Aatashi Chal Se Banaya Jayega

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12500 Bar Padhe To 40 Din Ke Bad Aamil Ban Jayega. Fir Rozana 112 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُحْصِی) YA MUHSI ●

                     ■ AMALIYAT ASMA E HUSNA ■

♥ Asma e Husna :- Ya Muhsi (یَا مُحْصِی) Ki Fazilat o Wazaif

★ Allah Ta’ala Ka Ek Sifati Naam Hai Ya Muhsi. Yani Ai Ahata (Gerao) Karne Wale. Allah Ta’ala Ke Ilm Ne Kaenat Ki Har Chiz Ka Ahata Kiya Hua Hai. Isi Liye Use Muhsi Bhi Kaha Jata Hai. Muhsi Ka Lafz Hisar Se Murad Hai, Jis Ka Matlab Gher Lena Hai. Jaisa Ke Koi Bhi Chiz Allah Ta’ala Ke Qabza e Kudrat Se Bahar Nahi Hai, Aur Har Chiz Par Hudood, Inteha, Tadad Aur Kaifiyat Allah Ke Ilm Me Hai. Ye Sifat Allah Ke Siwa Kisi Me Nahi Hai. Kyu Ke Insani Ilm Mehdud Hai Aur Allah Ka Ilm La Mehdud Hai. Ye Isme Pak Jalali Hai Aur Kul Adad Qamari Is Isme Pak Ke 148 Hai

★ Agar Kisi Shakhs Ya Bache Ki Yaad Dasht Kamzor Ho, Bache Ko Padha Hua Yaad Na Rehta Ho To Us Ke Liye Is Isme Pak Ko 41 Din Tak Rozana 1480 Bar Padh Kar Pani Par Dam Kar Ke Piya Kare. Jo Bacha Khud Na Padh Sakta Ho To Us Ke Maa Baap Me Se Koi Padh Kar Dam Kar Ke De Sakta Hai. In sha Allah Yaad Rakhne Ki Taqat Me Izafa Ho Jayega

★ Jis Shakhs Ki Fitrat Me Hasad, Bughz, Kanjoosi, Khud Parasti, Bat Bat Par Chidchidapan Jaise Roohani Amraz Ho To Use Chahiye Ke 40 Din Tak Rozana 3125 Bar Ye Isme Pak Padhe Aur Fir 41ve Din Se Rozana Bad Namaze Fajar 100 Bar Padhne Ka Mamool Bana Le To Allah Ke Hukm Se Sab Buri Aadate Jin Ka Talluk Rooh Se Hai Wo Khatm Ho Jayegi

★ Ulema Farmate Hai Ke Is Isme Pak Ko Kasrat Se Padhne Me Qabr Me Rahat Mehsus Hogi Aur Hisab Kitab Aasani Ke Sath Anjam Payega. Qayamat Ke Din Nekiyo Ka Palada Bhari Hoga Aur Wo Ahle Jannat Me Shumar Kiya Jayega. Jo Koi Har Shab e Juma Ko 1000 Bar Ye Isme Pak Padh Liya Karega Us Ke Hisab Kitab Me Aasani Ho Jayegi

★ Ulema Farmate Hai Ke Jo Shakhs Rozana Subah Ki Namaz Ke Bad 10 Bar Is Isme Pak Ko Padh Liya Karega Wo Sara Din Allah Ki Hifazat Me Rahega. Yani Shaitan Ke Hamlo Se Allah Ki Panah Me Rahega. Kyu Ke Is Isme Pak Ko Padhne Ki Barkat Se Us Ke Ird Gird EK Hisar Qayam Ho Jayega

★ Jo Shakhs Is Isme Pak Ko Rozana 1000 Bar Padhne Ka Apna Mamool Bana Le To Allah Ke Karam Se Qabr Ke Azab Se Aur Qayamat Ki Sakhtiyo Se Mehfuz Rahega, Allah Ki Panah Me Rahega

★ Agar Koi Shakhs Rozana 170 Bar Ye Isme Pak Pdhne Ka Apna Mamool Bana Le To Ba Hukme Khuda Duniya Ki Tamam Pareshaniyo Se Mehfuz Rahega

★ Agar Kisi Bande Se Koi Jurm Ho Gaya Ho Aur Use Qaid Ho Jane Ka Khauf Ho To Ba Kasrat Chalte Firte Is Isme Pak Ka Vird Kiya Kare

★ Jo Shakhs Rozana Roti Ke 20 Tukdo Par Ye Isme Pak Likh Kar Khaye Aur Amal Lagatar 40 Di Tak Kare To Allah Ke Fazl Se Kul Makhlooqat Musakhkhar Ho Jayegi

★ Agar Kisi Ka Bacha Ya Koi Shakhs Gum Ho Gaya Ho To Is Naksh Ko Likh Kar Kisi Faldaar Darakht Par Is Tarah Latka De Le Hawa Se Hilta Rahe. Agar Bacha Ya Wo Shakhs Zinda Hua To In sha Allah Jaldi Hi Wapas Aa Jayega

(NAKSH KI IMAGE YE HAI)

★ Agar Kisi Ki Quwwate Hafiza Kamzor Ho Gayi Ho To is Naksh Ko Rozana Jafran Aur Arq e Gulab Se Likh Kar Pani Me Ghol Kar Nihar Muh Piya Kare. Amal 21 Din Ya Zarurat Ke Hisab Se 40 Din Tak Kare To Allah Ke Hukm Se Quwwate Hafiza Badh Jayegi

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 41 Din Tak Rozana Bad Namaze Isha Tanhai Me Ye Isme Pak 5328 Bar Padhe To 41 Din Ke Bad Aamil Ban Jayega. Fir Rozana 148 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا حَمِیْدُ) YA HAMEEDU ●

               ■ AMALIYAT ASMA E HUSNA ■

♥ Asma e Husna :- Ya Hameedu (یَا حَمِیْدُ) Ki Fazilat o Wazaif

★ Allah Ta’ala Ka Ek Sifati Naam Hai Ya Hameedu. Yani Ai Hamd Wale. Hameed Hamd Se Mushtaq Hai, Chu ke Hamd Ke Layak Sirf Wo Hi Zaate Kibriya Hai. Is Liye Use Hameed Kaha Jata Hai. Us Ke Alawa Koi Aisa Nahi Hai Jo Tareef Ka Mustahiq Ho, Kyu Ke Wo Har Kamal Aur Khubi Se Muttasif Hai. Is Liye Insan Ko Chahiye Ke Wo Allah Ta’ala Ki Hamd o Sana Me Masroof Rahe Aur Us Ki Ne’amato Ka Shukr Kare. Qurane Pak Bhi Hame Ye Hi Hukm Deta Hai. Allah Ne Apni Is Sifat Ka Zikr Qurane Pak Ki Kai Aayato Me Kiya Hai. Ye Isme Pak Jamali Hai Aur Kul Adad Qamari Is Isme Pak Ke 62 Hai

★ Ye Isme Pak Buri Aadate Yani Sharab, Nasha, Jua, Chori Chakari, Jhut Bolna Wagaira Ko Chhudane Ke Liye Bahot Muassir Hai. Aise Logo Ko Jo In Buraiyo Me Mubtala Ho Un Ko Ye Isme Pak 41 Din Tak Rozana 6200 Bar Padh Kar Dua Kar Ke Pani Pe Dam Kar Ke Pilaya Kare. In sha Allah Wo Banda Burai Chhod Dega

★ Ye Isme Pak Akhlaqe Hameed Paida Karne Me Bahot Asar Rakhta Hai. Ise Kasrat Ke Sath Padhne Se Zaban Par Sachai, Aa’mal Me Ikhlas, Kam Me Nek Niyati, Ibadat Me Khushu’a wa Khuzu’a, Dil Me Narmi Aur Kirdar Me Azmat Paida Hoti Hai. Is Ka Zikr Karne Wale Ki Zaban Hamesha Gali Galoch Aur Gandi Guftagu Se Pak Rahegi, In sha Allah

★ Jo Shakhs Rozana Bad Namaze Fajar 100 Bar Ye Isme Pak Padhne Ka Apna Mamool Bana Le To Log Us Se Bahot Akhlaq Se Pesh Aayenge. Agar Dushman Bhi Is Ke Samne Aaye To Nichi Nigah Kar Ke Chala Jayega

★ Is Isme Pak Ko Kasrat Se Padhne Se Taskheere Khalq Bhi Hoti Hai. Jo Shakhs Taskheer Ka Kayal Ho To Use Chahiye Ke Is Isme Pak Ko 11000 Bar Rozana 2 Saal Tak Padhta Rahe. In sha Allah Hasbe Mansha Taskheer Hogi

★ Kuch Logo Ki Itni Gandi Aadat Hoti Hai Ke Bat Bat Par Gaaliya Dete Hai Aur Bad Kalami Karte Hai. Us Ke Liye Ye Isme Pak 99 Bar Kisi Kore Pyale Me Likhe Aur 99 Bar Us Pyale Me Dam Kare. Fir Us Pyale Me Pani Daal Kar Us Shakhs Ko Pilaya Kare. In sha Allah Wo Sudhar Jayega

★ Jo Shakhs Rozana 45 Bar Ye Isme Pak Padhta Rahega To Allah Ta’ala Apne Fazl Se Us Ke Andar Ausafe Hameed Paida Farma Dega Aur Us Ko Dusre Insano Se Mumtaz Kar Dega

★ Agar Koi Shakhs Chahe Ke Us Ke Ghar Walo Aur Biwi Bacho Ke Akhlaq Sanwar Jaye, Sudhar Jaye To Use Chahiye Ke Rozana Subah Sham 100 Bar Ye Isme Pak Padh Kar Pani Par Dam Kar Ke Apne Ghar Walo Aur Biwi Bacho Ko Pilaya Kare. Is Dam Kiye Hue Pani Ki Barkat Se Ghar Walo Ke Akhlaq Ache Ho Jayenge

★ Agar Koi Shakhs 40 Din Tak Rozana Ye Isme Pak 360 Bar Padhta Rahe To Us Ke Andar Zikre Ilahi Ki Tadap Aur Salahiyyat Paida Hoti Hai Aur Zikre Ilahi Se Ragbat Hasil Hoti Hai

★ Agar Koi Mard Ya Aurat Ya Kisi Ki Aulad Bad Chalan Ho, Be Haya Ho, Gandi Harkate Aur Gande Logo Se Dosti Ho To Chahiye Ke Ye Isme Pak 1100 Bar Padh Kar Dua Kar Ke Pani Par Dam Kar Ke Pilaye, Aur Ye Amal Lagatar 40 Din Tak Kare. In sha Allah Wo Shakhs Awaragi Aur Bad Chalani Se Mehfuz Ho Jayega

★ Agar Koi Shakhs Ye Do Naam Mila Kar (یَا مَجِیْدُ یَا حَمِیْدُ) Is Tarah Se Kasrat Se Padhne Ka Mamool Bana Le To Us Me Buzurgi Ke Ausaf Paida Honge. Us Ka Dil Yade Ilahi Me Magan Ho Jayega. Us Ke Tamam Gunah Muaf Honge. Us Ka Zahir Aur Batin Ek Ho Jayega. In sha Allah

★ Jo Shakhs Ye Do Isme Pak Mila Kar (یَا وَلِیُّ یَا حَمِیْدُ) Is Tarah Se 21000 Bar Rozana Padhe Aur 7 Saal Tak Lagatar Padhta Rahe To Allah Ta’ala Is Zikr Ki Barkat Se Use Apna Dost Bana Lega Aur Agar Koi Saliq Fana Ke Manazil Uboor Karne Ke Bad is Isme Pak Ko Din Rat Padhne Lage To Us Ki Wilayat Zahir Ho Jayegi

★ Jo Shakhs 3 Saal Tak Lagatar Ye Dono Isme Pak Mila Kar (یَا غَنِیُّ یَا حَمِیْدُ) Is Tarah Se Rozana 3000 Bar Padhta Rahe To Allah ke Hukm Se Daulat Mand Ban Jayega Aur Allah Ta’ala Use Duniya Ki Tamam Ne’amato Se Nawazega. Har Milne Wala Us Se Izzat Se Pesh Aayega

★ Ye Wazeefa Ya Hameedu Ka Mufassal Aur Jama Wazeefa Hai. Ye Wazeefa Husule Izzat Aur Sardari Ke Liye Bahot Mujarrab Hai. Is Liye Jo Shakhs Is Wazeefe Ko 5000 Bar Rozana Kul 40 Din Tak Padhega Use Is Isme Pak Ke Tamam Fawaid Hasil Honge. Wazeefa Ye Hai :-

یَا حَمِیْدُ الْفِعَالُ ذَالْمَنِّ جَمِیْعِ خَلْقِہٖ بِلُطْفِہٖ یَا حَمِیْدُ ۔

★ Agar Koi Shakhs Is Isme Pak Ka Is Hurufi Naksh Chandi Ki Takhti Par Qanda Karwa Kar Us Ko Pani Me Daal De, Fir Wo Pani Rozana Apne Ghar Walo Ko Pilaye To Sab Ghar Walo Ko Is Isme Pak Ki Barkate Hasil Ho Aur Agar Koi Fahash Kaam Me Mubtala Ho To Wo Bhi Buri Harkato Se Baaz Aa Jaye. Naksh Aatashi Chal Se Likha Jayega

(NAKSH KI IMAGE BLOG SE HASIL KARE)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 41 Din Tak Rozana Bad Namaze Isha Tanhai Me Ye Isme Pak 6100 Bar Padhe. Fir 3 Din Naga Kare. Fir Dobara Isi Tarah 41 Din Tak Rozana 6100 Bar Padhe. Is Tarah Se 2 Chillo Ke Bar Is Isme Pak Aamil Ban Jayega. Fir Rozana 610 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا وَلِیُّ) YA WALIYYU ●

             ■ AMALIYAT ASMA E HUSNA ■

♥ Asma e Husna :- Ya Waliyyu (یَا وَلِیُّ) Ki Fazilat o Wazaif

★ Allah Ta’ala Ka Ek Sifati Naam Hai Ya Waliyyu. Yani Ai Dosti Wale. Wali Ka Matlab Hota Hai Dost Aur Madadgar. Beshak Allah Ta’ala Muttakin Aur Ahle Iman Ka Karsaz Aur Dost Hai. Jis Ka Zikr Qurane Pak Me Bhi Milta Hai. Is Liye Use Is Sifat Se Pukara Jata Hai. Duniya Me Ai’teqadi Lihaz Se Do Kism Ke Insan Hote Hai. Ek Ahle Imaan Aur Dusre Munkirine Iman. Allah Par Iman Lane Ka Maksad Hi Har Lihaz Se Allah Par Bharosa Karna Hai. Jab Ahle Iman Ko Munkirine Iman Tang Karte Hai, Pareshan Karte Hai, Un Se Jung Karte Hai To Aise Halat Me Allah Ta’ala Apne Ahle Iman Ki Madad Farmata Hai Aur Un Ki Zindagi Ka Karsaz Ban Jata Hai. Dushmano Se Un Ko Hifazat Me Rakhta Hai. Is Lihaz Se Allah Apne Bando Ka Wali Aur Karsaz Hai. Ye Isme Pak Jamali Hai Aur Kul Adad Qamari Is Ke 46 Hai

★ Allah Se Dosti Aur Madad Ke Liye Ye Isme Pak Bahot Mufeed Hai. Jo Shakhs Rozana 4600 Bar Is Isme Pak Ko Padhne Ka Mamool Bana Le To Allah Ta’ala Har Sho’abe Me Us Ki Madad Farmayega Aur Jis Mamle Me Us Ka Kam Rukta Hoga Wo Kam Is Isme Pak Ki Barkat Se Fauran Ban Jayega

★ Kuch Ulema Ka Kehna Hai Ke Is Isme Pak Ka Kashful Quloob Se Bahot Gehra Talluk Hai. Jo Shakhs Is Isme Pak Ko Rozana 11000 Bar Lagatar 3 Saal Tak Padta Rahe To Wo Sahibe Kashful Quloob Ban Jayega Aur Jab Koi Banda Us Ke Samne Aayega To Us Ke Dil Ka Raaz Padhne Wale Ko Maloom Pad Jayega

★ Agar Kisi Ka Senior Officer Us Ko Bahot Pareshan Karta Ho, Sakhti Se Pesh Aata Ho, Baat Baat Par Daant Lagata Ho To Chahiye Ke Ye Isme Pak 11 Din Tak Rozana 12500 Bar Padhe Aur Us Bande Ka Naam Le Kar Rab Ki Bargah Me Dua Kare. In sha Allah Sakht Se Sakht Officer Bhi Naram Ho Jayega

★ Agar Miya Biwi Ki Aapas Me Na Banti Ho, Hamesha Jhagde Hua Karte Ho, Dono Me Aapas Me Muhabbat Na Ho To Is Isme Pak Ko Miya Biwi 40 Din Tak Rozana 3125 Bar Padh Kar Dua Kare. In sha Allah Muhabbat Paida Ho Jayega

★ Jo Shakhs Is Isme Pak Ko Har Shab e Juma Ko 1000 Bar Padha Kare To Allah Ta’ala Apne Fazl Se Use Neki Aur Taqwa Ki Taufik Ata Farmayega

★ Agar Kisi Shakhs Ki Biwi Us Se Naraz Ho Ya Na Farman Ho Aur Shauhar Ka Ta’awun Na Karti Ho To Wo Shakhs Rozana 360 Bar Is Isme Pak Ka Vird Kiya Kare Aur Dua Kare. In sha Allah Biwi Ita’at Karne Par Majboor Ho Jayegi

★ Agar Koi Shakhs Har Farz Namaz Ke Bad 100 Bar Is Isme Pak Ka Vird Karta Rahe To Us Ka Dil Noor Se Mamoor Ho Jata Hai Aur Kashf Ki Daulat Naseeb Hoti Hai

★ Apne Nafs Ki Islah Ke Liye Is Isme Pak Ko Rozana 140 Bar Padhna Behad Mufeed Hai

★ Agar Koi Officer Is Isme Pak Ko Chandi Ki Anguthi Par Qandah Karwa Kar Pehne To Us Ke Matahato Aur Digar Logo Par Us Ka Roub Rehta Hai

★ Agar Miya Biwi Me Muhabbat Na Ho To Is Naksh Ko Arqe Gulab Aur Jafran Se Likh Kar Kisi Faldaar Darakht Par Green Kapde Me Pack Kar Ke Latkaye Ke Hawa Se Hilta Rahe. In sh Allah Kuch Din Ke Bad Miya Biwi Me Aisi Muhabbat Paida Hogi Ke Log Hairan Ho Jayenge

(NAKSH KI IMAGE YE HAI)

★ Is Isme Pak Ki Zakat Mahe Ramzan Me Ada Ki Jati Hai. Agar Koi Shakhs Is Isme Pak Ka Aamil Banna Chahe To Us Ke Liye Amal Mahe Ramzan Ki Chand Rat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 41 Din Tak Rozana Bad Namaze Isha Tanhai Me Ye Isme Pak 5000 Bar Padhe To 41 Din Ke Bad Aamil Ban Jayega. Ramzan Ke 29 Ya 30 Roze Pure Karne Ke Bad Baki Ke Din Mahe Shawwal Me Pure Kar Ke Kul 41 Din Pure Kare. Fir Rozana 92 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com