● ASMA E HUSNA :- (یَا مُمِیْتُ) YA MUMEETU ●

              ■ AMALIYAT ASMA E HUSNA ■

♥ Asma e Husna :- Ya Mumeetu (یَا مُمِیْتُ) Ki Fazilat o Wazaif

★ Allah Ta’ala Ka Ek Sifati Naam Hai Ya Mumeetu. Yani Ai Marne Wale. Allah Ta’ala Ki Ye Sifat Shane Qudrat Se Talluk Rakhti Hai. Yani Allah Hi Apni Makhlooq Ko Zinda Karta Hai Aur Fir Marta Hai. Kyu Ke Allah Ke Siwa Koi Aur Na Mout De Sakta Hai Aur Na Zindagi Ata Kar Sakta Hai. Is Isme Pak Ka Zakir Apne Nafs Par Kabu Pane Me Kamyab Ho Jata Hai. Ye Isme Pak Jalali Hai Aur Kul Adad Qamari Is Ke 490 Hai

★ Ye Isme Pak Saliko Aur Mureedo Ke Liye Bahot Mufeed Hai. Is Ism Ke Zikr Ki Barkat Se Nafse Ammarah Burai Ki Raah Chhod Kar Allah Ke Taabe Ho Jata Hai. Is Ke Talluk Se Hzrt Imam Jafar Sadiq Ka Qaul Hai Ke Jo Shakhs Rat Ko Sote Wakt Apne Dono Hath Apne Seene Par Rakh Kar 490 Bar Is Isme Pak Ko Padha Kare Aur Amal Kam Se Kam 90 Din Tak Kare To Us Ka Nafs Mutee’a Aur Farma Bardar Ho Jayega, In sha Allah

★ Aise Dushmanane Deen Jo Allah Aur Rasool  ﷺKe Dushman Ho Aur Musalmano Ko Beja Tang Aur Pareshan Karte Ho To Un Se Bachne Ke Liye Ya Unhe Halaq Karne Ke Liye Is Isme Pak Ka Wird Bahot Muassir Hai. Aise Mouke Par Chahiye Ke Is Isme Pak Ko Rozana 4900 Bar Padhe Ya Kasrat Se Padhte Rahe. In sha Allah Dushman Magloob Hoga. Agar Dushman Jaan Pe Ban Aaya Ho To Fir Is Isme Pak Ko Kasrat Se Padhte Raha Kare Aur Dushman Ki Halakat Ki Dua Kare. Allah Behtar Karne Wala Hai

★ Agar Kisi Par Jadu Kiya Ho Ya Kale Ilm Ke Zariye Tabahi Aur Barbadi Ka Waar Kiya Gaya Ho To Us Se Bachne Ke Liye Ye Isme Pak 7 Din Tak Rozana 7000 Bar Padhe Aur Dua Kar Ke Pani Par Dam Kar Ke Khud Bhi Piye Aur Mareez Ko Bhi Pilaye. Allah ke Hukm Se Jadu Ka Asar Khatm Ho Jayega. Balke Karne Wale Par Wapas Palat Jayega

★ Agar Kisi Ko Is Bat Ka Shub’ha Ho Ke Us Ka Koi Dushman Us Par Sifli Ke Zariye Waar Karne Wala Hai To Bhi Isi Tarah Se 7 Din Tak Rozana 7000 Bar Padhe Aur Dua Kar Ke Pani Par Dam Kar Ke Piye. In sha Allah Wo Waar Nakam Ho Jayega

★ Agar Is Isme Pak Ka Aamil Is Isme Pak Ko 41 Bar Padh Kar Nazare Bad Ke Asarat Wale Bache Par Dam Kare To Nazare Bad Ke Asarat Fauran Khatam Ho Jayenge, In sha Allah

★ Agar Koi Shakhs Bahot Gusse Wala Ho Aur Aksar Gusse Ke Halat Me Apne Aape Se Bahar Ho Jata Ho Aur Fir Us Ki Wajah Se Us Ko Sharmindagi Uthani Padti Ho To Use Chahiye Ke Rozana 1000 Bar Ye Isme Pak Padhne Ka Hamesha Ka Apna Mamool Bana Le. In sha Allah Us Ka Gussa Hamesha Ke Liye Dur Ho Jayega

★ Agar Koi Shakhs Kisi Ke Zulm o Sitam Se Pareshan Ho To Us Ko Chahiye Ke 40 Din Tak Rozana Is Isme Pak Ko 1100 Bar Mukammal Parhez Ke Sath Padhe Aur Dua Kare. Wo Zalim Khud Apni Pareshaniyo Me Ulajh Kar Reh Jayega Aur Tabah o Barbad Ho Jayega

★ Agar Koi Shakhs Subah Neend Se Bedaar Hone Ke Bar Bistar Se Uthne Se Pehle Apna Sidha Hath Apne Seene Par Rakh Kar Is Tarah Se (یَا مُحْیِی یَا مُمِیْتُ) 7 Bar Padhe To Apne Nafs Ko Kabu Pane Ki Salahiyat Paida Ho

★ Agar Koi Shakhs Is Isme Pak Ko Rozana Har Namaz Ke Bad 21 Bar Padh Kar Apne Seene Par Dam Kar Liya Kare To Allah Ke Fazl Se Kisi Tarah Ka Jadu Asar Na Kare

★ Agar Kisi Bache Ko Bar Bar Nazare Bad Lag Jati Ho To Is Isme Pak Ko Is Naksh Me Bataye Tarike Se 5 Bar Kagaz Par Likh Bache Ke Gale Me Pehnaye. In sha Allah Nazare Bad Se Hifazat Rahegi Aur Agar Bacha Zyada Rota Hoga To Bhi Ye Hi Amal Kare. In sha Allah Bache Ka Rona Kam Ho Jayega

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12025 Bar Padhe To 40 Din Ke Bad Aamil Ban Jayega. Fir Rozana 490 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُحْیِی) YA MUHYEE ●

               ■ AMALIYAT ASMA E HUSNA ■

♥ Asma e Husna :- Ya Muhyee (یَا مُحْیِی) Ki Fazilat o Wazaif

★ Allah Ta’ala Ka Ek Sifati Naam Hai Ya Muhyee. Yani Ai Zindagi Dene Wale. Beshak Allah Muhyee Hai, Ke Wo Hi Har Shai Me Zindagi Aur Rooh Paida Karne Wala Hai. Allah Ke Siwa Kisi Me Ye Sifat Nahi Hai Ke Wo Kisi Chiz Me Zindagi Daal De, Siway Allah Ke Hukm Ke. Is liye Is Isme Pak Ka Zikr Karne Wala Zinda Dil Ho Jata Hai. Tamam Ashya Jin Me Zindagi Ki Baqaa Ka Hona Zaruri Hai, Is Isme Pak Ko Padhne Se In Me Zindagi Ki Tawanai Barqarar Ho Jati Hai. Ye Isme Pak Jalali Hai Aur Kul Adad Qamari Is Isme Pak Ke 68 Hai

★ Sugar Ki Bimari Ek Aisa Marz Hai Jis Se Insasn Andar Hi Andar Khokhla Ho Jata Hai Kyu Ke Jism Ka Lablaba Kam Karna Chhod Deta Hai. Allah Ko Is Isme Pak Ki Sifat Se Pukarne Ki Wajah Se Lablaba Me Allah Ta’ala Dobara Quwwat Paida Kar Deta Hai. Is Liye Sugar Ke Mareez Ko Chahiye Ke Is Isme Pak Ko Rozana 6250 Bar Kam Se Kam 80 Din Tak Padhe. Allah Ne Chaha To Shifa Hasil Hogi

★ Yarkan Yani Piliye Ka Marz Jigar Ki Kharabi Ki Wajah Se Hota Hai. Piliya Ho Jane Ki Surat Me Us Ka Tibbi Ilaj Bhi Karwaye. Sath Me Ye Isme Pak Rozana Har Namaz Ke Bad 100 Bar Ye Padh Kar Pani Pe Dam Kar Ke Mareez Ko Pilaya Kare. Allah Ke Hukm Se Piliye Se Najat Hasil Hogi

★ Agar Kisi Shakhs Ka Dil Ghabrata Ho Aur Har Wakt Pareshani Rehti Ho Aur Us Par Murdanagi Chhai Rehti Ho To Use Chahiye Ke Ye Isme Pak Rozana Subah Sham 300 Bar Padhe Aur Pani Pe Dam Kar Ke Piya Kare. In sha Allah Dil Ki Gharbahat Khatam Hogi

★ Jis Shakhs Ka Ibadat Me Dil Na Lagta Ho Yani Neki Ki Taraf Se Murda Ho Gaya Ho Use Zinda Karne Ke Liye 21 Din Tak Rozana Ye Isme Pak 11400 Bar Padhe Aur Pani Par Dam Kar Ke Piya Kare. In sha Allah Us Ka Dil Ibadat Ki Taraf Raghib Ho Jayega. Khas Kar Ke Jin Ke Bache Aur Shouhar Raah Se Bhatak Gaye Ho Aur Aawaragardi Karte Firte Ho Un Ke Liye Ye Amal Bahot Mufeed Hai

★ Ye Isme Pak Qaid Se Bachne Ke Liye Bhi Bahot Mufeed Hai. Jis Shakhs Ko Kisi Wajah Se Qaid Ho Jane Ka Khauf Ho Wo Is Isme Pak Ko Jyada Se Jyada Padhna Shuru Kar De. Allah Apne Fazl Se Use Kisi Na Kisi Tadbeer Se Qaid Hone Se Mehfuz Rakhega

★ Agar Kisi Ko Kisi Tarah Ki Mufariqat Yani Judai Ka Khauf Ho To Chalte Firte Kasrat Ke Sath Ye Isme Pak Ka Vird Shuru Kar De. In sha Allah Judai Ka Khauf Khatm Ho Jayega

★ Agar Kisi Shakhs Ko Ikhtilaje Qalb (Dil Ki) Ki Bimari Ho To Wo Rozana Bad Namaze Fajar Ye Isme Pak 9 Bar Padh Kar Apne Dil Par Dam Kar Liya Kare. In sha Allah Marz Me Rahat Ho Jayegi

★ Agar Koi Shakhs Har Farz Namaz Ke Bad 174 Bar Ye Isme Pak Padhne Ka Apna Mamool Bana Le To Qayabat Tak Us Ki Qabr Ka Nishan Baki Rahega Aur Qayamat Tak Logo Me Us Ka Zikr Aur Fikr Baki Rahegi

★ Agar Koi Shakhs Bad Namaze Fajar Aur Isha Ke 68 Bar Is Isme Pak Ko Padhne Ki Apni Pabandi Kar Le To Us Ke Imaan Me Istekamat Aur Nikhar Paida Hoga Aur Nafs Ibadat Ki Taraf Chalne Lage

★ Agar Kisi Ka Dil Ibadat Me Na Lagta Ho Aur Har Wakt Ek Gaflat Si Taari Rehti Ho To Use Chahiye Ke Ye Isme Pak 41 Din Tak Rozana Isha Ke Bad 1400 Bar Padha Kare Aur Allah Ko Us Ki Is Sifat Ka Wasta De Kar Dua Kare Aur Pani Pe Dam Kar Ke Piya Kare. In sha Allah Dil Ki Tamam Gaflat Dur Hogi

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 41 Din Tak Rozana Bad Namaze Isha Tanhai Me Ye Isme Pak 6800 Bar Padhe To 41 Din Ke Bad Aamil Ban Jayega. Fir Rozana 68 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُعِیدُ) YA MUEEDU ●

              ■ AMALIYAT ASMA E HUSNA ■

♥ Asma e Husna :- Ya Mueedu (یَا مُعِیدُ) Ki Fazilat o Wazaif

★ Allah Ta’ala Ka Ek Sifati Naam Hai Ya Mueedu. Yani Ai Dobara Paida Karne Wale. Mueed Wo Zaat Hai Jo Kisi Ko Fana Karne Ke Bad Use Pehle Ki Tarah Zinda Karne Par Qadir Ho. Beshak Pehle Hame Allah Ki Taraf Se Mout Aayegi Aur Fir Wo Hame Qayamat Ke Din Doraba Zinda Karega. Is Liye Use Mueed Kaha Jata Hai. Mueed Me Dobara Wapas Lautne Ka Falsafa Mujamar Hai, Is Liye Allah Ta’ala Ko Is Sifat Se Pukarne Se Har Aisa Kam Jis Ka Talluk Dobara Hone Se Ho Ya Ruka Hua Kam Dobara Shuru Ho Kar Pura Hone Se Ho Wo Anjam Payega. Ye Isme Pak Jamali Hai Aur Kul Adad Qamari Is Isme Pak Ke 124 Hai

★ Agar Kisi Shakhs Ki Koi Chiz Gum Ho Gayi Ho Aur Us Ka Pata Na Chalta Ho To Is Isme Pak Ko 11240 Bar Rozana 11 Din Tak Padhe. Awwal Aakhir 11 Bar Durude Pak. In sha Allah Gumshuda Chiz Ya To Mil Jayegi Ya Khwab Me Pata Chal Jayega

★ Agar Koi Shakhs Koi Makan Ya Factory Ya Koi Imarat Tameer Kar Raha Ho Aur Wo Kam Bich Me Ruk Jaye Yani Takmeel Tak Na Pahoche To Use Chahiye Ke 7 Juma Tak Har Juma Ko Bad Namaze Juma Kuch Logo Ko Jama Kar Ke Fir Ye Isme Pak Sab Mil Kar 18000 Bar Padhe Aur Kam Dobara Shuru Hone Ki Dua Kare. Allah Ke Hukm Se Ruka Hua Kam Fir Se Shuru Ho Jayega

★ Agar Kisi Contractor Ka Kam Ruk Gaya Ho Ya Us Ne Kisi Kam Ka Contract Pura Kiya Ho Aur Ab Payment Nahi Mil Raha Ho To Apne Kam Ki Jagah Par Ye Isme Pak 21 Din Tak Rozana 5100 Bar Padhe Aur Dua Kare. Allah Ne Chaha To Behtar Asbab Ban Jayenge

★ Agar Kisi Ka Talaq Ho Gaya Ya Us Ki Biwi Ya Shauhar Ka Intqal Ho Gaya Ho Aur Ab Dobara Nikah Ke Asbab Na Bante Ho To Use Chahiye Ke 41 Din Tak Rozana Ye Isme Pak 12400 Bar Padhe Aur Munasib Rishte Ki Dua Kare. In sha Allah Amal Pura Hote Hote Munasib Rishta Mil Jayega Aur Rukawat Dur Ho Jayegi

★ Agar Kisi Ka Bacha Ya Koi Azeez Banda Gayab Ho Gaya Ho Ya Gum Ho Gaya Ho Aur Us Ka Kahi Se Pata Na Chalta Ho To 7 Din Tak Is Isme Pak Ko Us Jagah Ya Ghar Jaha Se Gayab Hua Hai, Namaze Isha Ke Bad Baith Kar 7000 Bar Padhe Aur Dua Kare Ke, Ya Ilahi Fula Bin Fula Ko Apni Is Sifat Ke Waseele Se Yaha Wapas La De. In sha Allah Gayab Wapas Aa Jayega Ya Fir Us Ka Pata Chal Jayega

★ Ye Isme Pak Masan Yani Sukhe Ke Marz Ke Liye Bhi Bahot Akseer Hai. Agae Koi Bacha Ya Bada Aadmi Sukhta Chala Jaye Aur Ba Zahir Koi Marz Nazar Na Aata Ho To Samjhna Chahiye Ke Use Masan Hai. Aise Mareez Ke Liye 13000 Bar Ye Isme Pak Padh Kar Zaitun Ke Tel Par Dam Kar Ke Mareez Ko Subah Sham Malish Kiya Kare. Allah Ne Chaha To Dobara Tandurast Ho Jayega

★ Agar Kisi Pregnant Aurat Ko Bache Ki Wiladat Ke Wakt Bahot Jyada Takleef Ho Aur Dard Bahot Jyada Ho Raha Ho To Us Wakt Pani Par 1100 Bar Ye Isme Pak Padh Kar Dam Kar Ke Us Aurat Ko Pilaye. Allah Ne Chaha To Dard Kam Ho Jayega Aur Wiladat Me Aasani Ho Jayegi

★ Agar Koi Shakhs Sahibe Muqam Ho Yani Pehle Nek, Zahid o Aabid Tha Ya Maldaar Tha Ya Izzatdar Tha Aur Ab Neki Karna Chhut Gaya Ho, Maldaari Khatm Ho Gayi Ho Aur Tangdasti Aur Muflisi Ne Gher liya Ho, Izzat Khatam Ho Gayi Ho. Al Garz Jo Maqam Pehle Tha Wo Ab Na Raha To Wo Fir Se Hasil Karne Ke Liye Dil Me Irada Kar Ke Ye Isme Pak 41 Din Tak Rozana 4100 Bar Padhe Aur Dua Kare. Allah Ne Chaha To Wo Maqam Fir Se Hasil Ho Jayega

★ Agar Koi Shakhs Ye Isme Pak Rozana 1000 Martaba Padhne Ka Mamool Bana Le To Us Ke Andar Ausafe Hameed Paida Ho Jayenge

★ Agar Koi Shakhs Ye Isme Pak Aadhi Rat Ke Bad 71 Bar Nange Sir Aur Nange Pair Khade Ho Kar Padhe Aur Is Amal Ko 40 Din Tak Jari Rakhe To Uloome Ilahi Hasil Ho Aur Ilm Hasil Karne Ke Nek Irade Ki Takmeel Ho

★ Agar Koi Shakhs Kahi Gayab Ho Jaye Ya Kahi Chala Jaye To Us Ke Ghar Ke Charo Kono Me Ye Isme Pak 7 – 7 Bar Padh Kar Dam Kare Aur Amal Lagatar 7 Din Tak Kare. Allah Ke Fazl Se Gayab Shakhs Bahot Jaldi Wapas Aa Jayega Ya Us Ki Khabar Mil Jayegi

★ Agar Mafroor Gayab Hue Ko Wapas Bulana Ho To Ghar Ke Charo Kono Me 70 Bar Ye Isme Pak Padh Kar Dam Kare Aur Fir Amal Ke Bad 3 Bar Ye Alfaz Kahe (یَا مُعِیْدُ رَدّ عَلیَّ فلاں ابن فلاں). In sha Allah 7 Din Ke Andar Andar Mafroor Wapas Aa Jayega

★ Agar Koi Shakhs Ba Wakte Subah Ye Isme Pak Hamela Aurat Ke Pet Par Apna Sidha Hath Rakh Kar 99 Bar Padh Kar Dam Kare To Us Ka Hamal Sakit Hone Se Mehfuz Rahe. Ye Amal Aurat Khud Kare Ya Apne Shauhar Se Karwaye

★ Agar Koi Shakhs Ye Isme Pak Ko Ba Kasrat Padhega To Us Ki Yad Dasht Me Zabardast Izafa Ho Jayega

★ Agar Koi Shakhs Apni Koi Chiz Kahi Rakh Kar Bhul Jaye To Ye Isme Pak Ko Bina Ginti Ke Padhna Shuru Kar De, In sha Allah Us Ko Bhuli Hui Chiz Ya Baat Yaad Aa Jayegi

★ Agar Koi Shakhs Apne Ghar Se Dur Pareshan Haal Ho, Hawadise Rozgar Ne Tabah Kar Rakha Ho To Use Chahiye Ke Is Isme Pak Ka Ye Jama Wazeefa Rozana Bad Namaze Fajar 301 Bar Bila Naga Pabandi Se Padhna Shuru Kar De. In sha Allah Har Tarah Ki Pareshani Dur Ho Jayegi. Wo Wazeefa Ye Hai :-

یَا مُعِیْدُ مَا اَفْنَاہُ اِذَا بَرْزَ الْخَلَآئِکَ لِدَعْوَتِہٖ مِنْ مَخَافَتِہٖ

★ Agar Koi Shakhs Dil Me Koi Murad Rakh Kar 40 Din Tak Rozana 3125 Bar Ye Wazeefa Padhe Aur Dua Kare To Allah Ke Fazl Se Murad Puri Hogi. Dushman Zer Hoga, Nafs Mutee’a Aur Farma Bardar Hoga. Wazeefa Ye Hai :-

یَا مُعِیْدُ مَا اَفْنَاہُ اِذَا بَرْزَ الْخَلَآئِکَ لِدَعْوَتِہٖ مِنْ مَخَافَتِہٖ

★ Jo Shkahs Is Isme Pak Ke Is Naksh Zul Kitabat Ko Mahe Munqalib (Yani Safar, Jumadiul Awwal, Shaban, Zul Qada) Me Likh Kar Aur Naksh Ke Niche Bhage Hue Shakhs Aur Us Ki Maa Ka Naam Likh Kar Kisi Faldaar Darakht Par Latka De To Bhaga Hua Shakhs Bahot Jaldi Wapas Aa Jayega

(NAKHS KI IMAGE BLOG SE HASIL KARE)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 41 Din Tak Rozana Bad Namaze Isha Tanhai Me Ye Isme Pak 4464 Bar Padhe. In sha Allah Us Ke Bad Is Isme Pak Aamil Ban Jayega. Fir Rozana 124 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com