● ASMA E HUSNA :- (یَا مَاجِدُ) YA MAAJIDU ●

                ■ AMALIYAT ASMA E HUSNA ■

♥ Asma e Husna :- Ya Maajidu (یَا مَاجِدُ) Ki Fazilat o Wazaif

★ Allah Ta’ala Ka Ek Sifati Naam Hai Ya Maajidu. Yani Ai Buzurgi Aur Izzat Wale. Maajid Ka Matlab Intehai Izzat Aur Sharf Wala. Beshak Sab Se Zyada Izzat Aur Buzurgi Wala Allah Ta’ala Hi Hai Aur Tamam Insano Ki Izzat Aur Buzurgi Isi Ki Zaat Se Wabastagi Ki Bina Par Hai. Jo Shakhs Allah Ko Is Naam Se Pukarta Hai Allah Use Hamesha Ke Liye Ba Izzat Kar Deta Hai. Ye Isme Pak Jamali Hai Aur Kul Adad Qamari Is Isme Pak Ke 48 Hai

★ Agar Koi Shakhs Apni Galatiyo Ki Wajah Se Zillat Me Ghir Gaya Ho Ya Use Yakeen Ho Ke Wo Apni Harkato Ki Wajah Se Zaleel o Ruswa Hoga To Us Halat Me Is Isme Pak Ko 41 Din Tak Rozana 7000 Bar Padhe. Allah Apne Fazl Se Koi Behtar Zariya Bana Dega Aur Wo Zillat Se Bach Jayega

★ Agar Kisi Shakhs Ko Apni Kisi Galati Ki Wajah Se Noukari Se Nikal Diya Ya Suspend Kar Diya Gaya Ho Ya Use Be Wajah Ilzam Laga Kar Nikal Diya Gaya Ho To Use Chahiye Ke Is Isme Pak Ko 40 Din Tak Rozana 3125 Bar Padhe Aur Apni Galati Ke Liye Allah Se Muafi Mange Aur Dua Kare. In sha Allah Koi Behtar Asbab Ban Jayenge

★ Agar Kisi Shakhs Ko Apni Noukari Chhut Jane Ka Andesha Ho Ya Fikr Ho Ke Koi Bahana Bana Kar Use Nikal Diya Jayega To Use Chahiye Ke Har Juma Ko Bad Namaze Juma Kuch Logo Ko Jama Kar Ke Is Isme Pak Ka 125000 Ka Khatam Padhaye Aur Khud Bhi Shamil Ho Aur Bad Khatam Apne Maksad Ki Dua Kare. Amal 7 Juma Tak Kare. In sha Allah Us Ki Noukari Mehfuz Rahegi

★ Aisa Haakim Jo Apni Hukumat Aur Apna Dabdaba Qayam Rakhna Chahta Ho Us Ke Liye Is Isme Pak Ka Wird Bahot Mufeed Hai. Use Chahiye Ke Wo Namaz Ki Pabandi Ke Sath Rozana Isha Ke Bad 1000 Bar Ye Isme Pak Padhne Ka Apna Mamool Bana Le. In sha Allah Maksad Hasil Hoga

★ Aise Peer e Tarikat Jin Ki Khwahish Ho Ke Un Ke Mureedin Ki Tadad Me Izafa Hota Chala Jaye To Unhe Chahiye Ke Har Saal Mahe Ramazan Ke Aakhari Ashre Me A’etekaf Kare Aur Daurane A’etekaf Rozana Rat Aur Din Me Mila Kar Ye Isme Pak 41000 Bar Padha Kare. Is Ke Alawa Aur Koi Wazeefa Hargiz Na Padhe. Allah Ke Karam Se Is Isme Pak Ki Barkat Se Un Ke Aqeedat Mando Me Be Panah Izafa Hoga Aur Har Mureed Muhabbat Se Pesh Aayega

★ Ye Isme Pak Raushan Zameeri Ke Liye Bhi Bahot Akseer Hai. Jo Shakhs Is Isme Pak Ko 111 Din Tak Lagatar Rozana 11000 Bar Padhta Rahe To Allah Ke Hukm Se Us Ka Dil Noor Se Mamoor Ho Jayega Aur Wo Raushan Zameer Ban Jayega. Amal Ke Dauran Har Tarah Ki Badbudaar Chize Jaise Pyaz, Lahsun, Mooli, Bidi, Tambakhoo, Cigaratte Wagairah Se Parhez Lazmi Hai

★ Agar Koi Shakhs Ma’arefat Me Tarakki Hasil Karna Chahta Ho To Is Isme Pak Ko Rozana 500 Bar Padhne Ka Apna Mamool Bana Le

★ Agar Koi Shakhs 11 Din Tak Rozana 11000 Bar Ye Isme Pak Ko Padhta Rahe To Us Ke Dil Ke Darwaze Ma’arefat Ke Liye Khul Jayegne Aur Kashf Ki Raah Aasan Ho Jayegi In sha Allah

★ Agar Koi Shakhs 3000 Bar Isha Ki Naamz Ke Bad Is Isme Pak Ko Padhne Ka Apna Mamool Bana Le To Har Dil Azeez Ban Jaye Aur Har Koi In sha Allah Muhabbat Se Pesh Aaye

★ Agar Koi Shakhs Har Namaz Ke Bad 10 Bar Ye Isme Pak Ko Padh Kar Shahad (Honey) Par Dam Kar Ke Mareez Ko Chata Diya Kare To Allah Ke Hukm Se Use Bahot Jald Shifa Hasil Ho

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue Pehle 40 Din Tak Rozana Bad Namaze Isha Tanhai Me Ye Isme Pak 9200 Bar Padhe . Fir Agle 40 Din Tak Rozana 9100 Bar Padhe. Fir Agle 40 Din Tak Rozana 9400 Bar Padhe To Kul 120  Din Ke Bad Aamil Ban Jayega. Fir Rozana 48 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا وَاجِدُ) YA WAAJIDU ●

■ AMALIYAT ASMA E HUSNA ■

♥ Asma e Husna :- Ya Waajidu (یَا وَاجِدُ) Ki Fazilat o Wazaif

★ Allah Ta’ala Ka Ek Sifati Naam Hai Ya Waajidu. Yani Aisi Zaat Wala Jo Apne Wajood Ke Aitbar Se Yakta Hai. Allah Ki Ek Sifat Ye Hai Ke Wo Waajid Hai Aur Waajid Wo Hota Hai Jis Ke Huzur Me Har Shay Har Wakt Hazir Rahe Aur Koi Bhi Chiz Kisi Bhi Wakt Us Ke Samne Se Gayab Na Ho. Waajid Wo Zaat Hai Ke Jis Kam Ka Irada Kare To Use Apne Samne Moujud Paye. Ye Isme Pak Jalali Hai Aur Kul Adad Qamari Is Isme Pak Ke 14 Hai. Jis Ka Naam Abdul Waajid Ho Use Is Isme Pak Ka Zikr Karna Bahot Mufeed Hai

★ Is Isme Pak Me Izafa e Rizk Ke Asarat Bahot Zyada Hai. Is Liye Jo Shakhs Tangi e Rizk Se Do Char Rehta Ho, Hama Wakt Tangdasti Ka Samna Rehta Ho, To Use Chahiye Ke Is Isme Pak Ko Rozana 2100 Bar Padhne Ka Apna Mamool Bana Le Aur Kam Se Kam 1 Saal Tak Lagatar Padhta Rahe. In sha Allah Rizk Me Be Panah Izafa Ho Jayega

★ Jo Shakhs Rat Ke Andhere Me Tanhai Wali Jagah Par Baith Kar Is Isme Pak Ko Rozana 1011 Bar Padhne Ka Apna Mamool Bana Le To Is Isme Pak Ki Barkat Se Allah Ke Fazl Se Use Gaib Se Rizk Hasil Hoga.

★ Agar Kisi Ki Dukan Na Chalti Ho Ya Chalte Chalte Band Ho Gayi Ho Ya Fayda Kam Aur Nuksan Zyada Hota Ho To Aisi Surat Me Is Isme Pak Ko 120 Din Tak Rozana Dukan Par Baith Kar 3125 Bar Padhe Aur Dua Kare. In sha Allah Kam Khoob Chalne Lagega Aur Munafa Bhi Bahot Hoga

★ Agar Kisi Ki Shadi Na Hoti Ho, Rukawat Aati Ho Ya Kisi Ne Taweez Dhage Kar Ke Bandis Kar Di Ho To Use Chahiye Ke 11 Jumerat Tak Har Jumerat Ho Ye Isme Pak Bad Namaze Fajar 11000 Bar Padhe Aur Nek Rishta Milne Ki Dua Karta Rahe. In sha Allah 11 Jumerat Mukammal Hone Tak Rishte Ka Paigham Mil Jayega. Ladkiya Haiz Ke Dauran Bhi Ye Amal Padh Sakti Hai

★ Agar Kisi Ladke Ya Ladki Ko Rishte Ka Paigham Aaya Ho Aur Maloom Karna Ho Ke ye Rishta Durust Rahega Ya Nahi To Us Ke Liye 7 Din Tak Rozana Rat Ko Sote Wakt Dil Me Maksad Ka Pukhta Irada Kar Ke Ye Isme Pak 1414 Bar Padhe Aur Dua Kar Ke Bina Bat Chit Kiye Sidhi Karwat So Jaye. In sha Allah Khwab Me Ishara Maloom Ho Jayega

★ Ye Isme Pak Husoole Kashf Ke Liye Bhi Bahot Mujarrab Hai. Jo Shakhs Husoole Kashf Ki Niyat Se Is Isme Pak Ko Rozana Kasrat Ke Sath Padhta Rahega To In Sha Allah 2 Ya 3 Saal Me Sahibe Kashf Ho Jayega

★ Jo Shakhs Ye Chahe Ke Us Ka Dil Noor Se Mamoor Ho Jaye, Dil Ka Sab Zang Aur Tariqi Khatm Ho Jaye To Use Chahiye Ke Khana Khate Wakt Har Niwale Par Ye Isme Pak (یَا وَاجِدُ) Padhta Rahe. Allah Apni Rehmat Se Us Ka Dil Raushan Farma Dega Aur Us Ke Irade Mazboot Honge

★ Jo Shakhs Is Isme Pak Ko Isha Ki Namaz Ke Bad 500 Bar Padhne Ki Apni Hamesha Ki Aadat Bana Le To Us Ke Mijaz Me Sakhawat Paida Ho Jayegi, In sha Allah

★ Agar Koi Shakhs Rozana Bad Namaze Maghrib Ye Isme Pak 360 Bar Padhega To Allah Apne Fazl Se Use Duniya Ki Daulat Se Nawaz Dega

★ Agar Koi Shakhs 450 Bar Is Isme Pak Ko Padh Kar Kisi Mithi Chiz Par Dam Kar Ke Kisi Naraz Hue Shakhs Ko Khila De To Allah Ke Fazl Se Us Ki Narazgi Dur Ho Jayegi Aur Muhabbat Qayam Ho Jayegi

★ Agar Kisi Ka Koi Dushman Us Ke Piche Pad Gaya Ho Aur Tang  Karta Rehta Ho Aur Wo Chahe Ke Dushman Dafa’a Ho Jaye To Ye Isme Pak Rozana 500 Bar Mashriq Yani Purab Ki Taraf Rukh Kar Ke Khade Ho Kar Padhe Aur Apne Maksad Ki Dua Kare To In sha Allah Dushman Se Chutkara Hasil Ho

★ Agar Koi Shakhs Is Isme Pak Ko Har Farz Namaz Ke Bad 14 Bar Aur Juma Ki Namaz Ke Bad 140 Bar Padhta Rahega To Us Ke Dil Ki Tarikiya Dur Ho Kar Dil Raushan Ho Jayega In sha Allah

★ Agar Koi Shaksh Itwar (Sunday) Ke Din Pehli Sa’at Shamsh Me Is Isme Pak Ke Is Naksh Zul Kitabat Ko Jafran Aur Arqe Gulab Se Likh Kar Apni Topi Me Si le Aur Topi Hamesha Pahen Kar Ghume To Allah Ta’ala Apne Karam Se Us Ko Izzat Aur Haibat Aur Waqar o Azmat Ata Farmayega

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 80 Din Tak Rozana Bad Namaze Isha Tanhai Me Ye Isme Pak 13750 Bar Padhe To 80 Din Ke Bad Aamil Ban Jayega. Fir Rozana 140 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا قَیُّومُ) YA QAYYUMU ●

                 ■ AMALIYAT ASMA E HUSNA ■

♥ Asma e Husna :- Ya Qayyumu (یَا قَیُّومُ) Ki Fazilat o Wazaif

★ Allah Ta’ala Ka Ek Sifati Naam Hai Ya Qayyumu. Yani Ai Hamesha Qayam Rehne Wale. Qayyum Wo Hota Hai Jo Apni Zaat Me Khud Ba Khud Qayam Ho Aur Apne Qayam Me Kisi Ka Mohtaj Na Ho Aur Dusra Us Ke Bagair Qayam Na Reh Sakta Ho. Balke Har Chiz Apne Aap Ko Qayam Rakhne Ke Liye Us Ki Mohtaj Ho. Is Liye Ke Allah Ta’ala Qayam Hai, Dayam Hai, Moujud Hai Aur La Zawal Hai, Use Is Sifat Se Bhi Pukara Jata Hai. Kyu Ke Ye Tamam Khoobiya Sirf Usi Ki Zaat Me Moujud Hai. Quran Khud Rabbe Qayenat Ki Is Sifat Ka Ailan Karta Hai. Ye Isme Pak Jalali Hai Aur Kul Adad Qamari Is Isme Pak Ke 156 Hai

★ Aise Mushkil Kam Jo Insani Soch Aur Tadbeer Se Bahar Ho Ya Koi Aisi Muheem Darpesh Aa Gayi Ho Jis Ka Hal Hona Mushkil Nazar Aata Ho To 40 Roz Tak Is Isme Pak Ko Rozana 12500 Bar Padhe Aur Dua Kare. Allah Ke Hukm Se Bigda Hua Kam Fir Se Durust Ho Jayega, Mushkil Hogi Wo Aasan Hogi

★ Sakht Se Sakht Mushkil Aur Muheem Me Is Naam Ko 3 Log Mil Kar 21000 Bar Padhe. Har Banda 7000 Bar Padhe. Is Tarah 21000 Ki Tadad Mukammal Kare, Aur Ye Amal Isi Tarah Se Lagata 3 Din Tak Kare. Fir Rabbe Qayenat Ki Bargah Me Is Isme Pak Ka Waseela Pesh Kar Ke Apne Maksad Ki Dua Mange

★ Ye Isme Pak Aisa Hai Ke Is Se Har Bigda Hua Kam Qayam Ho Jata Hai. Is Liye Jis Kam Ko Qayam Karna Maqsood Ho Chahe Wo Karobar Ho Ya Koi Karkhana Ya Koi Noukari. Jab Kharab Hone Lage Ya Karobar Me Kami Aane Lage To Is Isme Pak Ko Har Namaz Ke Bad 1000 Bar 40 Din Tak Padhe. Us Ke Bad Rozana Fajar Ke Bad 500 Bar Padh Liya Kare. In sha Allah Kam Ban Jayega Aur Hamesha Bana Rahega

★ Agar Kisi Jaiz Maqsad Ke Liye Kisi Haakim Ya Kisi Aur Shakhs Ko Apni Taraf Maeel Karna Maksad Ho To Is Isme Pak Ko Tanhai Me Baith Kar 11 Din Tak Rozana Sehri Ke Wakt Tahajjud Ki Namaz Ada Kar Ke Musalle Par Baith Kar Jis Ko Apni Taraf Maeel Karna Ho Us Ka Tasawwur Kar Ke 2432 Bar Padhe Aur Dua Kare. In sha Allah Wo Aap Ki Taraf Maeel Ho Jayega Aur Zyada Tawajjoh Dega

★ Buzurgo Ka Kehna Hai Ke Jo Shakhs Subah Sadiq Se Le Kar Tuloo e Aftab Tak Is Isme Pak Ko Bina Ginti Ke Kasrat Ke Sath Padhta Rahega Use Taskheere Khalaiq Hasil Hogi

★ Ye Isme Pak Talabe Izzat o Jhaah, Tarakki e Karobar, Qaza e Hajat, Husule Murad Aur Muqaddamat Me Kamyabi Ke Liye Bahot Mujarrab Hai. Is Liye Jo Shakhs Is Isme Pak Ko Har Namaz Ke Bad 33 Bar Padhne Ka Apna Hamesha Ka Mamool Bana Lega Use Ye Tamam Fawaid Hasil Honge In sha Allah

★ Agar Kisi Shakhs Ki Koi Chiz Gum Ho Gayi Ho Aur Maloom Na Ho Ke Kaha Hai To Use Chahiye Ke Rat Ko Sote Wakt Is Isme Pak Ko 7 Din Tak Rozana 15200 Bar Padhe. Allah Ke Hukm Se Us Ki Gumshuda Chiz Ke Bare Me Khwab Me Maloom Ho Jayega. Agar Kisi Ne Churai Hogi To Us Ke Dil Me Itna Khauf Hoga Ke Wo Kisi Na Kisi Bahane Se Wapas Pahocha Dega

★ Agar Kisi Shakhs Ko Neend Bahot Zyada Aati Ho To Use Chahiye Ke Rat Ko Sone Se Pehle Is Isme Pak Ko 156 Bar Padhne Ka Apna Mamool Bana Le To Allah Ke Fazl Se Is Isme Pak Ki Sifat Ki Barkat Se Us Ki Neend Kam Ho Jayegi. Wo Log Jinhe Wakt Be Wakt Sone Ki Aadat Hoti Hai Wo Is Amal Par Zarur Tawajjoh De

★ Baaz Buzurgo Ne Farmaya Hai Ke (یَا حَیُّ یَا قَیُّومُ) Ye Dar Asal Isme Aazam Hai Aur Is Isme Aazam Ke Waseele Se Jo Bhi Jaiz Dua Mangi Jati Hai Wo Qubool Hoti Hai

★ Tirmizi Shareef Me Hai Ke Hzrt Anas رضی اللہ عنہ Se Riwayat Hai Ke Allah Ke Rasool صلی اللہ علیہ والہ وسلم Pareshani Ke Wakt Is Dua Ko Padha Karte The. Is Liye Har Musibat Aur Pareshani Ke Wakt Is Isme Pak Ki Ye Dua Ko Chalte Firte Kasrat Ke Sath Padhte Rehna Chahiye. In sha Allah Pareshani Bahot Jald Dur Ho Jayegi. Wo Dua Ye Hai :-

یَا حَیُّ یَا قَیُّومُ بِرَحْمَتِکَ اَسْتَغِیْثُ

★ Is Isme Pak Ka Ye Jama Wazeefa Jo Koi Shakhs Khuloos Niyat Se Sote Wakt Sirf 30 Bar Padhne Ka Zindagi Bhar Ka Apna Mamool Bana LegaTo Us Ke Dil Me Allah Ki Yaad Qayam Ho Jayegi Aur Allah Ki Muhabbat Aur Qurbat Qayam Hogi. Wazeefa Ye Hai :-

یَا قَیُّوْمُ فَلَا یَفُوْتُ شَیْءٌ مِنْ عِلْمِہٖ وَلَا یَؤُدُہٗ یَا قَیُّوْمُ

★ Agar Koi Shakhs Kisi Ko Chiz Kahi Rakh Kar Bhul Gaye Ho Ya Kahi Gum Ho Gayi Ho Aur Na Milti Ho To Rat Ko Sote Wakt Bistar Par Ja Kar Ye Wazeefa 120 Bar Padhe Aur Dua Kar Ke Sidhi Karwat So Jaye. In sha Allah Khwab Ke Zariye Maloom Ho Jayega. Wazeefa Ye Hai :-

یَا قَیُّوْمُ فَلَا یَفُوْتُ شَیْءٌ مِنْ عِلْمِہٖ وَلَا یَؤُدُہٗ یَا قَیُّوْمُ

★ Agar Koi Shakhs Ye Jama Wazeefa Rozana Bad Namaze Fajar 100 Bar Padhne Ka Apna Hamesha Ka Mamool Bana Lega To Allah Ke Fazal o Karam Se Us Ka Koi Bhi Kam Kabhi Kharab Nahi Hoga. Agar Bil Farz Kisi Wajah Se Hua Bhi To Fauran Durust Ho Jayega. Wazeefa Ye Hai :-

یَا قَیُّوْمُ فَلَا یَفُوْتُ شَیْءٌ مِنْ عِلْمِہٖ وَلَا یَؤُدُہٗ یَا قَیُّوْمُ

★ Allama Shaikh Abul Abbas Imam Ahmed Bin Ali Boni رحمۃ اللہ علیہ Farmate Hai Ke Agar Koi Shakhs Juma Ke Din Pehli Sa’at  Zohra Me Is Taweez Ko Jafran Aur Arqe Gulab Se Likh Kar Momjama Kar Ke Apne Sidhe Bazu Par Bandh Le To Haq Ta’ala Us Ke Qalb Ko Zinda Farma Dega Aur Us Ki Gumnami Shohrat Me Badal Jayegi.

TAWEEZ KI IMAGE YE HAI

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 15200 Bar Padhe To 40 Din Ke Bad Aamil Ban Jayega. Fir Rozana 156 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا حَیُّ) YA HAYYU ●

              ■ AMALIYAT ASMA E HUSNA ■

♥ Asma e Husna :- Ya Hayyu (یَا حَیُّ) Ki Fazilat o Wazaif

★ Allah Ta’ala Ka Ek Sifati Naam Hai Ya Hayyu. Yani Ai Hamesha Zindagi Wale. Hayy Wo Zaat Hoti Hai Jis Me Zinda Rehne Ki Quwwat Aur Nafs Nafis Moujud Ho. Is Liye Hayyu Sirf Allah Ki Zaat Hai, Kyu Ke Wo Zaat Hamesha Se Zinda Hai Aur Abad Tak Zinda Rahegi. Balke Har Chiz Ki Zindagi Allah Ki Hi Ata Se Hai. Allah Ta’ala Hi Kaenat Ki Har Chiz Ko Hayat Bakhshne Wala Hai. Allah Ta’ala Ki Is Sifat Ka Zikr Qurane Pak Ki Kai Aayato Me Milta Hai. Ye Isme Pak Jalali Hai Aur Kul Adad Qamari Is Isme Pak Ke 18 Hai

★ Tandurasti Allah Ta’ala Ki Afzal Ne’amato Me Se Ek Ne’amat Hai. Jo Koi Shakhs Rozana Subah Sham Ye Isme Pak 100 Bar Padhne Ka Apna Mamool Bana Le To Allah Ke Fazl Se Hamesha Tandurast Rahega. Kabhi Bimar Bhi Hua To Jaldi Sehatyab Ho Jayega

★ Ek Aamil Ka Qaul Hai Ke Jo Shakhs Is Isme Pak Ko Rozana 3000 Bar Padhega Wo Allah Ke Fazl Se Kabhi Bimar Nahi Hoga

★ Har Hakeem Aur Doctor Ki Ye Khwahish Hoti Hai Ke Us Ke Hath Me Shifa Ho. Jis Mareez Ka Wo Ilaj Kare Use Tandurasti Hasil Ho To Is Maksad Ki Niyat Se Rozana Apna Clinic Kholne Se Pehle Ye Isme Pak 1100 Bar Padh Liya Kare. Allah Ne Chaha To Us Ke Hatho Se Mareez Zarur Shifayab Hoga

★ Agar Koi Doctor Ye Chahe Ke Us Ke Hath Ke Kiya Gaya Har Operation Kamyab Ho To Use Chahiye Ke Rozana Bad Namaze Fajar Ye Isme Pak 700 Bar Padhne Ka Apna Mamool Bana Le Aur Operation Karte Wakt Ba Wuzu Halat Me Ye Isme Pak Ka Hi Wird Kiya Kare. Allah Ne Chaha To Har Operation Kamyab Hoga

★ Agar Kisi Mareez Ka Kisi Bimari Ki Wajah Se Dr Ne Operation Karne Ke Liye Kaha Ho To Mareez Ke Ghar Wale Bina Ginti Ke Isi Isme Pak Ko Kasrat Se Padhna Shuru Kar De Aur Operation Khatm Hone Tak Padhte Rahe. In sha Allah Operation Kamyab Hoga Aur Mareez Ko Sehatyabi Hasil Hogi

★ Aise Kam Jin Me Aksar Hadse Hone Ka Khuaf Rehta Ho, Jaise Driver, Fauji, Kisi Machine Par Kam Karna Ya Samandar Me Kishti Chalane Wala Mallah. Ese Logo Ki Zindagi Aksar Hadso Se Do Char Hoti Rehti Hai. In Logo Ko Chahiye Ke Is Isme Pak Ka Chalte Firte Wird Kiya Kare. In sha Allah Har Hadse Se Mehfuz Rahegnge

★ Agar Koi Shakhs Kisi Pahadi Ilake Me Safar Ke Liye Ja Raha Ho Aur Safar Ka Rasta Bahot Khatarnak Ho To Use Chahiye Ke Is Isme Pak Ko Pure Raste Padhta Rahe. Allah Ke Hukm Se Apni Manzil Par Sahi Salamat Pahoch Jayega

★ Is Isme Pak Ka Wird Har Tarah Ke Jaan Maal Se Nuksan Se Mehfuz Rakhta Hai. Is Liye Jo Shakhs Is Isme Pak Ko Har Namaz Ke Bad 100 Bar Padh Liya Karega Us Ki Zindagi Pur Sukoon Guzregi

★ Agar Kisi Shakhs Ko Falij Ki Bimari Ho Gayi Ho To Use Chahiye Ke Tibbi Ilaj Ke Sath Sath Ye Isme Pak Rozana 1100 Bar Padh Kar Pani Par Dam Kar Ke Liya Kare. Is Ke Alawa 41000 Bar Padh Kar Zaitun Ke Tel Par Dam Kar Ke Fir Us Se Falij Wale Hisse Par Subah Sham Malish Kiya Kare. Allah Ne Chaha To Us Hisse Me Dobara Jaan Aa Jayegi

★ Agar Kisi Ko High Blood Pressure Ki Bimari Ho To Wo Jab Bhi Pani Piye To Ye Wazeefa 11 Bar Padh Kar Pani Par Dam Karne Ke Bad Pani Piya Kare. In sha Allah High Blood Pressure Control Me Rahega. Wazeefa Ye Hai :-

یَا حَیُّ قَبْلُ کُلَّ شَیْءٍ یَا حَیُّ بَعْدُ کُلَّ شَیْءٍ

★ Agar Koi Bimar Shakhs Is Isme Pak Ka Ye Jama Wazeefa 11 Din Tak Rozana 141 Bar Padh Kar Pani Par Dam Kar Ke Piya Kare To Allah Ke Karam Se Sehatyab Ho Jayega. Wazeefa Ye Hai :-

یَا حَیُّ حِیْنَ لَا حَیَّ فِیْ دَیْمُوْمَۃِ مُلْکِہٖ وَ بَقَائِہٖ یَا حَیُّ

★ Sugar, Blood Pressure, Falij Jaisi Bimariyo Me Ye Jama Wazeefa 21 Din Tak Rozana 3000 Bar Padh Kar Pani Par Dam Kar Ke Din Bhar Wo Hi Pani Piya Kare. Allah Ke Hukm Se Shifa Hasil Hogi. Wazeefa Ye Hai :-

یَا حَیُّ حِیْنَ لَا حَیَّ فِیْ دَیْمُوْمَۃِ مُلْکِہٖ وَ بَقَائِہٖ یَا حَیُّ

★ Agar Kisi Shakhs Ki Bimari Ka Pata Na Chalta Ho To Ye Jama Wazeefa Chini Ki Plate Par Jafran Se 3 Bar Likhe Aur Pani Se Dho Kar Mareez Ko Pilaye. Amal 11 Din Tak Kare. Ya To Shifa Hasil Hogi Ya Marz Ka Pata Chal Jayega. Wazeefa Ye Hai :-

یَا حَیُّ حِیْنَ لَا حَیَّ فِیْ دَیْمُوْمَۃِ مُلْکِہٖ وَ بَقَائِہٖ یَا حَیُّ

★ Jo Shakhs Ye Jama Wazeefa 75 Din Tak Rozana 7000 Bar Padhega, Wo Allah Ke Ajaibaat Ka Roohani Mushaheda Karega. Us Ki Tangdasti Dur Ho Jayegi. Khuda Ke Fazl Se Umar Daraz Hogi Aur Har Tarah Ka Ranj o Gham Dur Hoga. Wazeefa Ye Hai :-

یَا حَیُّ حِیْنَ لَا حَیَّ فِیْ دَیْمُوْمَۃِ مُلْکِہٖ وَ بَقَائِہٖ یَا حَیُّ

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 110 Din Tak Rozana Bad Namaze Isha Tanhai Me Ye Isme Pak 10,000 Bar Padhe To 110 Din Ke Bad Aamil Ban Jayega. Fir Rozana 180 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com