● ASMA E HUSNA :- (یَا مُؤَخِّرُ) YA MUAKHKHIRU ●

                ■ AMALIYAT ASMA E HUSNA ■

♥ Asma e Husna :- Ya Muakhkhiru (یَا مُؤَخِّرُ) Ki Fazilat o Wazaif

★ Allah Ta’ala Ka Ek Sifati Naam Hai Ya Muakhkhiru. Yani Ai Piche Karne Wale. Muakhkhar Ka Matlab Hai Apni Rehmat Aur Qurb Se Dur Kar Dena. Allah Ta’ala Is Aitbar Se Muakhkhar Hai Ke Wo Apne Dushmano Aur Zaalimo Ko Apni Rehmat Aur Qurb Se Dur Kar Deta Hai. Aise Hi Is Ka Ek Maf’hoom Ye Bhi Hai Ke Allah Gunahgar Aur Na Farman Logo Ko Mohlat Deta Hai Ke Ab Bhi Wo Apne Gunaho Se Tauba Kar Ke Rahe Rast Par Aa Jaye, Aur Is Tarah Wo Un Ki Saza Me Takhir Kar Deta Hai. Is Lihaz Se Wo Muakhkhar Hai. Ye Isme Pak Jalali Hai Aur Kul Adad Qamari Is Isme Pak Ke 846 Hai

★ Is Isme Pak Ko Rozana Sote Wakt 100 Bar Padhne Se Bache Nek Khaslat Ho Jate Hai, Dil Me Sukoon Paida Ho Kar Buraiya Dur Hoti Hai Aur Dil Yade Ilahi Ki Taraf Maeel Hota Hai

★ Kam Ki Takmeel Me Mushkil Buraiyo Ki Wajah Se Paida Hoti Hai. Is Liye Agar Kisi Shakhs Ke Kam Me Rukawat Aati Rehti Ho To Tauba Astagfar Ke Sath Rozana Ye Isme Pak 846 Bar Padha Kare Aur Kam Se Kam 40 Din Tak Padhe. In sha Allah Kam Me Aasani Paida Ho Jayegi

★ Is Isme Pak Ka Wird Nafs Ko Rahe Rast Par Rakhne Ke Liye Bhi Bahot Mufeed Hai. Is Liye Jis Shakhs Ka Nafs Use Buraiyo Ki Taraf Uksata Ho Use Chahiye Ke Rozana Fajar Ki Namaz Me Sunnate Padhne Ke Bad Farz Padhne Se Pehle Is Isme Pak Ko 112 Bar Padha Kare. In sha Allah Ye Wird Us Ke Nafs Ko Rahe Rast Par Qayam Rakhega

★ Beshak Tauba Se Gunah Muaf Ho Jate Hai Aur Allah Apne Bande Se Gunaho Ki Nahusat Ko Dur Kar Deta Hai. Lekin Tauba Ki Taufiq Milna Bhi Zaruri Hai. Is Isme Pak Ko Rozana Kam Se Kam 500 Bar Padhne Se Allah Us Bande Se Gunaho Ki Buraiya Dur Kar Ke Tauba Ki Sachi Taufiq Ata Farmata Hai

★ Imam Ahmed Bin Ali Boni Ka Qaul Hai Ke Agar Kisi Insan Ko Ye Mehsus Ho Ke Ab Tak Ki Sari Zindagi Us Ne Gunaho Me Aur Allah Ki a Farmani Me Guzari Hai, Nekiya Bahot Kam Hai Us Ke Pas Aur Ab Use Qabr Aur Hashr Ka Khauf Damangir Hai To Use Chahiye Ke Is Isme Pak Ko Kasrat Ke Sath Padhna Shuru Kar De Ke Is Ki Barkat Se Allah Tamam Gunah Muaf Farma Deta Hai Aur Nekiya Karne Ki Taufiq Bhi Ata Farmata Hai

★ Aise Mayoos Mariz Jo Bimari Me Lambe Arse Tak Mubtela Rehne Ki Wajah Se Tang Aa Gaye Ho, Aise Mareez Ko Chahiye Ke Is Isme Pak Ko Chalte, Firte, Uth te, Baith te Dil Hi Dil Me Wird Kiya Kare. In sha Allah Is Ki Barkat Se Bimari Dur Hone Ke Asbab Paida Ho Jayenge

★ Aisa Dushman Ya Zalim Jise Dur Karna Lazmi Ho To Use Dur Karne Ki Garz Se Is Isme Pak Ko 40 Din Tak Rozana 6250 Bar Padhe Aur Dua Karte Rahe. In sha Allah Dushman Khud Hi Dushmani Tark Kar Ke Piche Hat Jayega Aur DUr Ho Jayega

★ Buzurgo Ne Farmaya Ke Jo Koi Shakhs Is Isme Pak Ki Rozana 8 Tasbih Padha Karega Us Ka Dil Kabhi Yaade Ilahi Se Ghafil Nahi Rahega, In sha Allah

★ Agar Koi Shakhs Har Farz Namaz Ke Bad 100 Bar Ye Isme Pak Padhne Ka Apna Mamool Bana Le To Us Ke Dil Ke Tamam Jaiz Maqasid Pure Honge Aur Us Ka Nafs Mutee’a Aur Farma Bardar Hoga

★ Nafs Ko Qabu Me Rakhne Aur Apna Farma Bardar Banane Ke Liye Is Isme Pak Ka Naksh Bhi Bahot Mufeed Rehta Hai. Lekin Naksh Is Isme Pak Ke Aamil Ke Pas Jis Ne Is Ki Zakat Ada Ki Ho Us Ke Pas Banwaya Jaye. In sha Allah Naksh Ki Barkat Se Nafs Control Me Rehta Hai

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 4000 Bar Padhe To 40 Din Ke Bad Aamil Ban Jayega. Fir Rozana 846 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُقَدِّمُ) YA MUQADDIMU ●

                ■ AMALIYAT ASMA E HUSNA ■

♥ Asma e Husna :- Ya Muqaddimu (یَا مُقَدِّمُ) Ki Fazilat o Wazaif

☪ Allah Ta’ala Ka Ek Sifati Naam Hai Ya Muqaddimu. Yani Ai Aage Karne Wale. Allah Ta’ala Ki EK Sifat Ye Hai Ke Wo Apni Makhlooq Me Kuch Logo Ko Dusro Par Fazilat Deta Hai Aur Unhe Apne Qurb Se Nawazta Hai. Yani Maqam Aur Qurb Me Aage Karna Maqsad Kehlata Hai. Jaise Baap Ko Bete Par Aur Ambiya Ko Aam Insano Par, Peer Ko Mureedo Par Fazilat De Kar Aage Badhata Hai. Jaise Apni Makhlooq Me Alag Alag Daur Me Ummat Ki Rehnumai Ke Liye Apne Waliyo Ka Zahoor Farma Deta Hai. Ye Isme Pak Jalali Hai Aur Kul Adad Qamari Is Isme Pak Ke 184 Hai

☪ Aise Ahle Tariqat Jo Manazile Fana Uboor Kar Chuke Ho Aur Maqame Baqa Me Ho, Wo Is Isme Pak Ka Kasrat Ke Sath Wird Kiya Kare To Un Ke Roohani Darjat Buland Honge. Ahle Duniya Unhe Izzat Ki Nazar Se Dekhegi

☪ Kabhi Kabhi Halat Ke Chalte Shaher Me, Ilake Me Dange Fasad Hote Hai, Fitna Failta Hai Aur Balwe Bhi Hote Hai. Yaha Tak Ke Jaan Ka Khatra Paida Hone Lagta Hai. Aise Wakt Me Rozana 1100 Bar Padhte Rahe. In sha Allah ar Kism Ka Khatra Tal Jayega

☪ Danga, Fasad Aur Fitne Ke Wakt Ilake Ke Kuch Log Mil Kar 7 Din Tak Rozana 1,25,000 Bar Ye Isme Pak Ka Khatam Padhe Aur Dua Kare. In sha Allah Wo Ilaka Har Tarah Ke Khatre Aur Fasadi Fitno Se Mehfuz Rahega

☪ Maidane Jung Me Mujahidin Is Isme Pak Ka Kasrat Ke Sath Wird Kare To Jung Me Allah Ke Fazl Se Dushman Ke Ilake Me Pesh Qadami Hasil Hogi , Aur Sath Hi Sath Jung Ki Dehshatnak Takleef Se Bhi Mehfuz Rahega In sha Allah

☪ Agar Koi Chahe Ke Use Job Me Promotion Aur Tarakki Hasil Ho To Use Chahiye Ke 40 Din Tak Rozana Pabandi Ke Sath Is Isme Pak Ko Bad Namaze Maghrib 184 Bar Padhe Aur Dua Kare. In sha Allah Maqsad Pura Hoga

☪ Agar Kisi Shakhs Ko Kisi Wajah Se Ya Dushmano Ki Sajish Ki Wajah Se Naukari Se Nikal Diya Gaya Ho Aur Wo Waha Wapas Jana Chahta Ho To 40 Din Tak Rozana Bila Naga Is Isme Pak Ko Bad Namaze Maghrib 184 Bar Padhe Aur Dua Kare. In sha Allah Bahal Ho Jayega

☪ Agar Koi Shakhs Is Isme Pak Ko Chalte Firte Kasrat Ke Sath Padhta Rahe To Is Ki Barkat Se Us Ke Andar Nek Kam Karne Ki Khaslat Paida Hogi. Deeni Faraiz Ko Hamesha Awwal Wakt Par Ada Karne Ki Koshis Karega

☪ Agar Kisi Ka Jism Kamzor Ho Aur Chahta Ho Ke Us Ka Jism Taqatwar Ban Jaye Ya Kisi Ne Koi Compitition Ya Exam Me Hissa Liya Ho Aur Jism Ko Taqatwar Banana Darkar Ho To Subah Sham 1 Glass Garam Doodh Me 2 Chamach Shahad Daal Kar Mix Kare Aur Ye Isme Pak 1100 Bar Padh Kar Dam Kar Ke Pi Liya Kare. In sha Allah Jism Ke Aa’za Me Taqat Paida Hogi

☪ Agar Koi Aamil Ye Chahe Ke Muj Me Itni Taqat Aa Jaye Ke Mai Allah Ta’ala Ki Ita’at Aur Wazaif Padhne Me Apne Andar Quwwat Mehsus Karne Lagu To Use Chahiye Ke Har Namaz Ke Bad Ye Isme Pak 100 Bar Padh Liya Kare

☪ Agar Koi Shakhs Kisi Ladai Ya Jung Ke Dauran Ye Isme Pak Rozana 184 Bar Har Farz Namaz Ke Bad Padh Liya Karega To Use Apne Dushman Par Ghalba Hasil Hoga In sha Allah

☪ Kisi Ruthe Hue Ko Ye Isme Pak 54 Bar Padh Kar Kisi Mithi Chiz Par Dam Kar Ke Khilaye Ya Pilaye To In sha Allah Aapasi Narazgi Dur Ho Kar Ittefaq Qayam Hoga

☪ Agar Koi Shakhs Ye Isme Pak Rozana 1100 Bar Padhne Ka Apna Mamool Bana Le To Use Aalam Par Tasarruf Hasil Ho Aur Us Ka Ro’ab Zarre Zarre Par Qayam Ho Jaye In sha Allah

☪ Agar Is Isme Pak Ko Rozana 1840 Bar 120 Din Tak Padhe Aur Pani Par Dam Kar Ke Piya Kare To Bande Me Tamam Ibadat Ko Bar Waqt Ada Karne Ki Fikr Aur Salahiyat Paida Ho Jaye

☪ Agar Koi Shakhs Is Isme Pak Ko Rozana 1000 Bar Padhne Ka Apna Mamool Bana Le To Allah Ke Fazl Se Dushmano Ki Sazisho Se Mehfuz Rahega

☪ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 100 Din Tak Rozana Bad Namaze Isha Tanhai Me Ye Isme Pak 11000 Bar Padhe To 100 Din Ke Bad Aamil Ban Jayega. Fir Rozana 111 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُقْتَدِرُ) YA MUQTADIRU ●

             ■ AMALIYAT ASMA E HUSNA ■

♥ Asma e Husna :- Ya Muqtadiru (یَا مُقْتَدِرُ) Ki Fazilat o Wazaif

★ Allah Ta’ala Ka Ek Sifati Naam Hai Ya Muqtadiru. Yani Ai Iqtidar Wale. Allah Ta’ala Puri Qaenat Me Sab Se Zyada Iqtidar Aur Taqat Wala Hai. Tamam Chize Usi Ke Qabza e Qudrat Me Hai. Koi Banda Aur Koi Makhlooq Allah Ke Hukm Aur Taufiq Ke Bagair Kisi Kam Par Ikhteyar Aur Qudrat Nahi Rakhti. Is Lihaz Se Tamam Moujudat Ka Intazam Allah Ke Hath Me Hai. Wo Jo Chahe Wo Kar Leta Hai. Is Liye Use Muqradir Keh Kar Bhi Pukara Jata Hai. Ye Isme Pak Jalali Hai Aur Kul Adad Qamari Is Isme Pak Ke 744 Hai

★ Har Shakhs Ki Zindagi Me Kabhi Na Kabhi Aisa Mushkil Wakt Zarur Aata Hai Jab Apne Bhi Sath Chhod Dete Hai. Aise Mushkil Wakt Me Sirf Allah Ki Zaat Sath Deti Hai. Us Wakt Me Is Isme Pak Ko Lagatar Rozana Chalte Firte Bina Ginti Ke Padhta Rahe. Is Isme Pak Ki Barkat Aur Taseer Padhne Wala Khud Dekhega. Us Ki Pareshani Aise Hal Hogi Jaise Kabhi Thi Hi Nahi

★ Aisi Mushkil Darpesh Ho Jo Kisi Bhi Tarike Se Hal Na Hoti Ho, Kuch Samajh Me Na Aata Ho Ke Kya Kiya Jaye To Is Isme Pak Ko Rozana 21000 Bar Padhna Shuru Kar De, Aur Tab Tak Padhta Rahe Jab Tak Us Ka Mas’ala Solve Nahi Ho Jata. Allah Ke Fazl Se Jaldi Hi Koi Na Koi Asbab Ban Jayenge Ya Koi Rasta Nazar Aa Jayega

★ Zalim Ko Zulm Se Baaz Rakhne Ke Liye Aur Dushman Ko Zer Karne Ke Liye 7 Hafte Tak Jumerat Aur Juma Ki Rat Ke Darmiyan 7000 Bar Padhe Aur Dua Kare. In sha Allah Dushman Aur Zalim Par Fateh Hasil Hogi

★ Kisi Bhi Tarah Ke Election Me Kamyabi Hasil Karne Ke Liye Is Isme Pak Ko Rozana 3720 Bar Padhe Aur Dua Kare. In sha Allah Kamyabi Hasil Hogi

★ Kisi Bhi Tarah ke Marz Se Shifa Hasil Karne Ke Liye Is Isme Pak Ko Rozana 1100 Bar Padh Kar Dua Kar Ke Pani Par Dam Kar Ke Mareez Ko Pilaye. Shifa Milne Tak Amal Jari Rakhe. Allah Ki Qudrat Se Shifayab Hoga

★ Agar Koi Shakhs Apne Nafs Ko Mutee’a Aur Farma Bardar Karna Chahta Ho To Is Isme Pak Ko Rozana 1000 Bar Padhne Ka Apna Mamool Bana Le

★ Har Jaiz Murad Ko Pura Karne Ke Liye Is Isme Pak Ko Rozana Bad Namaze Fajar 744 Bar Padhta Rahe Aur Dua Kare. Jab Tak Maksad Hasil Na Ho Tab Tak Pabandi Se Padhta Rahe

★ Kisi Bhi Jaiz Kam Me Fateh Aur Kamyabi Aur Kisi Bhi Jagah Iqtedar Hasil Karne Ke Liye Is Isme Pak Ko 21 Din Tak Rozana 3720 Bar Padhe Aur Maksad Ki Dua Kare. Fir Chahe Wo Exam Ho Ya Noukari Ka Interview Ya Promotion Ho, Ya Koi Compitition

★ Agar Kisi Shakhs Ko Neend Bahot Zyada Aati Ho To Rat Ko Sote Wakt Aur Subah Uth Kar Is Isme Pak Ko 100 Bar Padh Kar Dua Kar Ke Pani Par Dam Kar Ke Piya Kare. In sha Allah Zarurat Se Zyada Ki Neend Khatm Ho Jayegi

★ Is Isme Pak Ka Ye Naksh Zulkitabat Banwa Kar Anguthi Me Rakhe Aur Fir Us Anguthi Ko Ungali Me Pehne To Har Sarkashi Se Us Ki Hifazat Hogi Aur Chehre Se Roub Aur Jalal Zahir Hoga. Naksh Aatashi Chal Se Pur Kiya Jayega

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 120 Din Tak Rozana Bad Namaze Isha Tanhai Me Ye Isme Pak 6250 Bar Padhe To 120 Din Ke Bad Aamil Ban Jayega. Fir Rozana 744 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com