● ASMA E HUSNA :- (یَا مٰلِکَ الْمُلْکِ) YA MALIKAL MULKI ●

                    ■ AMALIYAT ASMA E HUSNA ■

♥ Asma e Husna :- Ya Malikal Mulki (یَا مٰلِکَ الْمُلْکِ) Ki Fazilat o Wazaif

★ Allah Ta’ala Ka Ek Sifati Naam Hai Ya Malikal Mulki. Yani Ai Tamam Mulko Ke Malik, Badshaho Ke Badshah. Beshak Allah Ta’ala Kaenat Ki Har Chiz Ka Malik Hai. Har Chiz Dar Haqiqat Usi Ki Paida Ki Hui Hai. Insan Ki Milkiyat Majazi Hai Aur Chand Roz Ke Liye Hai, Jab Ke Allah Ta’ala Shuru Se Har Chiz Ka Malik Hai Aur Hamesha Rahega. Ye Isme Pak Jalali Hai Aur Kul Adad Qamari Is Isme Pak Ke 212 Hai

★ Jo Shakhs Is Isme Pak Ko Rozana 2120 Bar Padhne Ka Hamesha Ka Apna Mamool Bana Le To Allah Ke Karam Se Is Isme Pak Ke Zikr Ki Wajah Se Ahista Ahista Kar Ke Ameer Aur Daulatmand Ban Jayega. Hatta Ke Be Panah Daulat Jama Ho Jayegi Aur Be Panah Izzat Bhi Hasil Hogi

★ Agar Kisi Ko Koi Hajat Darpesh Ho Aur Wo Puri Na Hoti Ho To Use Chahiye Ke Allah Ki Zaat Par Yakeen Rakhe Aur Jumerat Ke Din Dariya Ya Samandar Par Behte Pani Ke Kinare Jaye Aur Waha Baith Kar Is Isme Pak Ko Bad Namaze Asar 2120 Bar Padhe Aur Allah Ki Bargah Me Apni Ilteja Pesh Kare. Amal Lagatar 7 Jumerat Tak Kare. In sha Allah Har Jaiz Hajat Puri Hogi

★ Har Tarah Ke Election Me Kamyabi Hasil Karne Ke Liye Ummedwar Khud Is Tarah Se Amal Kare Ke Is Isme Pak Ko Rozana 6250 Bar Padhta Rahe. Hatta Ke Election Bhi Ho Jaye Aur Result Bhi Aa Jaye. Allah Ne Chaha To Zarur Kamyab Hoga

★ Koi Bhi Haakim, Senior Officer, Judge Wagairah Ye Chahe Ke Nek Niyati Se Lambe Arse Tak Wo Apni Hukoomat Aur Apna Kam Sambhale  Aur Us Ke Khilaf Koi Sazish Na Ho To Ye Isme Pak Rozana Bad Namaze Fajar 1100 Bar Padhne Ka Apna Mamool Bana Le. In sha Allah Us Ki Hukoomat Arsa e Daraz Tak Rahegi Aur Har Tarah Ki Sazisho Se Mehfuz Rahega

★ Aksar Family Me Property Ko Le Kar Jhagde Hote Rehte Hai. Agar Kisi Ghar Me Aisa Mamla Ho Aur Jaydad Ki Takseem Me Agar Kisi Ke Sath Na Insafi Ho Rahi Ho Ya Dusra Banda Hissa Dene Par Razi Na Hota Ho Ya Court Me Property Ke Liye Case Chal Raha Ho To 21 Din Tak Rozana Is Isme Pak Ko 11000 Bar Padhe. Us Ke Bad Court Ki Har Tarikh Me Peshi Ke Wakt Dil Hi Dil Me Padhta Rahe. In sha Allah Haq Ka Hissa Mil Jayega

★ Agar Kisi Shakhs Ka Court Me Property Ka Case Chal Raha Ho Aur Wo Case Haar Jaye Aur Chahta Ho Ke Apeel Karni Hai, To Apeel Me Kamyabi Ke Liye Kuch Logo Ko Jama Kar Ke 1,25,000  Bar Ka Khatam Is Isme Pak Ka Padhaye Aur Dua Kare. Lekin Sirf Usi Soorat Me Kare Ke Jab Wo Haq Par Ho. Agar Sirf Pareshan Karne Ke Liye Apeel Karni Ho Aur Ye Amal Kiya To Ulta Reaction Aayega. Kyu Ke Ye Isme Pak Bahot Jalali Hai

★ Jo Shakhs Is Isme Pak Ko Rozana 300 Bar Padhne Ka Apna Mamool Bana Le To Allah Ke Hukm Se Apne Nafs Par Galaba Hasil Hoga Aur Nafs Tabedar Hoga

★ Husule Iqtedar Ke Liye Ye Isme Pak Tanhai Me Baith Kar Sukoon Ke Sath Rozana 500 Bar Padha Kare To Zabardast Iqtedar Aur Roub o Rutba Hasil Hoga, In sha Allah

★ Isi Tarah Se Rizk Me Be Panah Barkat Ke Liye Bhi Ye Isme Pak Tanhai Me Baith Kar Sukoon Ke Sath Rozana 500 Bar Padha Kare To In sha Allah Rizk Me Barkat Hasil Hogi

★ Jo Koi Shakhs Is Isme Pak Ka Ye Naksh Zul Kitabat Is Isme Pak Ke Aamil Se Banwa Kar Apne Pas Rakhe To Duniya Me Izzat Aur Aakherat Me Kamyabi Hasil Hogi, In sha Allah.

Naksh Aatashi Chal Se Banaya Jayega

(NAKSH KI IMAGE BLOG SE HASIL KARE)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 19080 Bar Padhe To 40 Din Ke Bad Aamil Ban Jayega. Fir Rozana 212 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا رَءُوْفُ) YA RAOOFU ●

              ■ AMALIYAT ASMA E HUSNA ■

♥ Asma e Husna :- Ya Raoofu (یَا  رَءُوْفُ) Ki Fazilat o Wazaif

★ Allah Ta’ala Ka Ek Sifati Naam Hai Ya Raoofu. Yani Ai Shafqat Karne Wale. Allah Apne Bando Par Be Panah Shafqat Aur Maherbani Karne Wala Hai. Is Liye Jo Shakhs Use Is Naam Se Pukarta Hai, Allah Us Par Apni Maherbaniyo Ke Darwaze Khol Deta Hai. Bil Khusus Mureedin Aur Salekin Ke Liye Is Isme Pak Ka Zikr Karna Behad Mufeed Hai. Ye Isme Pak Jamali Hai Aur Kul Adad Qamari Is Isme Pak Ke 286 Hai

★ Jo Shakhs Is Isme Pak Ko Rozana Har Namaz Ke Bad 100 Bar Padhne Ka Apna Mamool Bana Leta Hai, Allah Ta’ala Us Par Maherban Ho Jata Hai Aur Us Ka Dil Narm Ho Jata Hai Aur Rooh Ki Kashafat Dur Ho Jati Hai. Jis Ki Wajah Se Makhlooqe Khuda Se Hamdardi Paida Ho Jati Hai

★ Jo Shakhs Is Isme Pak Ko Rozana Chalte Firte Kasrat Ke Sath Padhta Rahe To Jo Koi Bhi Is Padhne Wale Ke Samne Aayega To Aane Wale Ka Dil Narm Ho Jayega Aur Aane Wale Ko Gussa Bhi Hoga To Khatm Ho Jayega Aur Aane Wala Ache Se Pesh Aayega

★ Agar Kabhi Kisi Zalim Haakim Ya Sarbarah Se Wasta Pad Jaye Aur Wo Hamari Jaiz Baat Na Sunta Ho Aur Dhyan Na Deta Ho To Us Ke Dil Ko Narm Karne Ke Liye Ye Isme Pak 21 Din Tak Rozana 2100 Bar Padhe Aur Dua Kare, In sha Allah Samne Wale Ka Dil Narm Ho Jayega Aur Wo Insaf Se Kam Karega

★ Agar Kisi Shakhs Ko Bimari Aur Pareshaniyo Ki Wajah Se Mijaz Kharab Rehta Ho, Chidchida Par Rehta Ho, Har Kisi Pe Gussa Aata Ho To Use Chahiye Ke Is Isme Pak Ko Rozana Bad Namaze Fajar Aur Magrib Ke 300 Bar Padhe Aur Pani Par Dam Kar Ke Piya Kare. Amal 40 Din Tak Pabandi Se Kare

★ Jab Koi Dulhan Shadi Ke Mouke Par Rukhsat Ho Kar Sasural Jaye To Use Chahiye Ke Pure Raste Dil Hi Dil Me Is Isme Pak Ka Zikr Karti Rahe, Aur Shauhar Se Pehli Mulaqat Hone Tak Padhti Rahe. In sha Allah Us Ka Shauhar Hamesha Us Se Wafadar Aur Us Par Maherban Rahega

★ Isi Tarah Agar Koi Dulha Shadi Kar Ke Apni Dulhan Ko Ghar Laye To Is Isme Pak Ko 1100 Bar Padh Kar Fir Apni Dulhan Ke Kamre Me Jaye. In sha Allah Biwi Hamesha Tabedar Rahegi Aur Miya Biwi Ki Zindagi Khush Gawar Rahegi

★ Agar Koi Shakhs Is Isme Pak Ko Is Tarah Se (یَا رَءُوْفُ یَا رَحِیْمُ) Padhe Aur Kasrat Ke Sath Padhta Rahe To Har Lihaz Se Allah Ki Rehmat Hasil Hogi, Aur Jis Kam Me Hath Dalega Us Me Kamyabi Hasil Hogi

★ Agar Koi Shakhs Kisi Naraz Insan Ko Ye Isme Pak 286 Bar Padh Kar Kisi Meethi Chiz Par Dam Kar Ke Khilaye Aur Kuch Din Tak Aisa Hi Kare To Us Ki Narazgi Khatm Hogi, In sha Allah

★ Agar Koi Shakhs Rozana Ye Isme Pak 40 Bar Bad Namaze Magrib Padhne Ka Apna Mamool Banaye To Allah Apne Fazl Se Us Par Maherban Ho Kar Us Ke Gunaho Ko Muaf Farma Dega

★ Agar Kisi Shakhs Ko Bat Bat Par Gussa Aa Jata Ho, Har Bat Me Kisi Na Kisi Se Tu Tu Mai Mai Ho Jati Ho, Aur Wo Apni Is Aadat Par Control Karna Chahta Ho To Ye Isme Pak Rozana Subah Sham 300 Bar Padh Kar Pani Par Dam Kar Ke Piya Kare

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Fir Rozana 286 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا عَفُوُّ) YA AFUWWU ●

                ■ AMALIYAT ASMA E HUSNA ■

♥ Asma e Husna :- Ya Afuwwu (یَا  عَفُوُّ) Ki Fazilat o Wazaif

★ Allah Ta’ala Ka Ek Sifati Naam Hai Ya Afuwwu. Yani Ai Darguzar Karne Wale. Beshak Allah Apne Bando Ke Gunaho Aur Na Farmaniyo Ko Dar Guzar Karta Hai Aur Un Ko Gunaho Se Bachne Ki Aur Tauba Ki Taufiq Deta Hai. Koi Bhi Kam Allah Ki Taufiq Ke Bagair Nahi Ho Sakta. Is Liye Is Isme Pak Ka Zikr Karne Wala Hamesha Ke Liye Allah Ki Panah Me Aa Jata Hai. Is Isme Pak Ke Zikr Ki Barkat Se Us Me Bhi Logo Ko Muaf Karne Wali Soch Paida Ho Jati Hai. Ye Isme Pak Jamali Hai Aur Kul Adad Qamari Is Isme Pak Ke 156 Hai

★ Jo Shakhs Is Isme Pak Ko Rozana Subah Sham 100 Bar Padhne Ka Mamool Bana Le To Allah Ke Hukm Se Us Ke Gunah Muaf Hote Rahenge Aur Us Bande Me Nek Aur Ache Kam Karne Ke Ausaf Paida Ho Jayenge

★ Aisi Aurat Jis Ke Shauhar Ka Mijaz Bahot Sakht Ho Aur Bat Bat Par Na Jaiz Gussa Karta Rehta Ho To Us Aurat Ko Chahiye Ke Apne Shauhar Ko Jab Khane Ke Wakt Roti De To Us Par 111 Bar Ye Isme Pak Padh Kar Dam Kar Ke De, Aur Is Amal Ko 40 Din Tak Lagatar Kare. In sha Allah Shauhar Ka Dil Naram Ho Jayega Aur Wo Biwi Se Acha Sulook Karne Lagega. Ye Hi Amal Ghar Ke Dusre Members Ke Liye Bhi Kar Sakte Hai

★ Aisa Mareez Jis Ko Marz Bahot Tang Karta Ho Wo Is Isme Pak Ko Chalte Firte Kasrat Ke Sath Padhta Rahe To Us Ke Marz Me Allah Ke Hukm Se Kami Aayegi Aur Jaldi Hi Shifayab Hoga

★ Tangi Chahe Kisi Bhi Kism Ki Ho. Chahe Maal o Daulat Ki Ya Aulad Ki Taraf Se Ho Ya Kisi Zalim Ke Zulm Ki Pareshani Damangir Ho Use Chahiye Ke Allah Ke Huzur Sache Dil Se Tauba Kare Aur Fir Is Isme Pak Ko Rozana Asar Ki Namaz Ke Bad 1010 Bar Padhna Shuru Kar De. Is Amal Ko Lagatar 2 Saal Tak Karta Rahe. Allah Ne Chaha To Har Kism Ki Tangi Dur Hogi

★ Agar Koi Shakhs Rahe Haq Ki Talash Me Ho To Is Isme Pak Ko 41 Din Tak Rozana 11000 Bar Padhe. In sha Allah Us Par Roohaniyat Ki Raahe Khul Jayegi

★ Agar Is Isme Pak Ko Is Tarah Se (یَا عَفُوُّ یَا غَفُوْرُ) Padha Jaye To Is Ki Taseer Me Izafa Ho Jayega. Buzurgo Ka Kehna Hai Ke Is Tarah Se Allah Ka Zikr Karne Se Allah Bahot Jaldi Maherban Hota Hai Aur Har Kism Ke Gunah Muaf Farma Deta Hai

★ Agar Koi Shakhs Chahe Ke Us Ke Gunaho Ki Use Muafi Mil Jaye To Rozana Bad Namaze Isha Is Isme Pak Ko 1000 Bar Padhne Ka Apna Mamool Bana Le

★ Agar Kisi Shakhs Ka Boss Ya Officer Us Se Hamesha Khafa Aur Naraz Rehta Ho Ya Bat Bat Par Jhidak Deta Ho To Use Chahiye Ke Lagatar 280 Din Tak Bad Namaze Fajar Nange Sir Aur Nange Pair Khada Ho Kar 541 Bar Ye Isme Pak Padhe Aur Apne Upar Dam Kar Liya Kare

★ Agar Koi Shakhs Chahe Ke Daurane Jung Aur Jhihad Us Par Kisi Kism Ka Hathiyar Asar Na Kare To Us Wakt Lagatar Chalte Firte Ye Hi Isme Pak Ka Wird Karta Rahe. Ye Zikr Us Ko Nagahani Musibato Se Bachayega

★ Agar Ghar Ka Koi Member Ya Koi Dost Bad Mijaz Ho, Hamesha Sab Se Ladta Jhagadta Ho Aur Chahe Ke Us Ka Dil Naram Ho Jaye To Rozana Shakkar Par Ye Isme Pak 100 Bar Padh Kar Dam Kar Ke Us Ko Khila Diya Kare. In sha Allah Us Ki Bad Mijazi Dur Hogi

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Fir Rozana 156 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُنْتَقِمُ) YA MUNTAQIMU ●

                   ■ AMALIYAT ASMA E HUSNA ■

♥ Asma e Husna :- Ya Muntaqimu (یَا  مُنْتَقِمُ) Ki Fazilat o Wazaif

★ Allah Ta’ala Ka Ek Sifati Naam Hai Ya Muntaqimu. Yani Ai Badla Lene Wale. Beshak Allah Ka Jo Banda Apne Muamlat Ko Allah Ki Zaat Par Chhod Deta Hai Aur Khud Zalimo Ke Zulm Par Sabr Kar Leta Hai To Fir Allah Apne Un Bando Ki Taraf Se Zalimo Se Badla Leta Hai, Aur Fir Insan Allah Ke Intaqam Ki Taab Kaha La Sakta Hai. Allah Ta’ala Khud Bhi Muaf Karta Hai Aur Hamesha Dar Guzar Karne Walo Ko Pasand Farmata Hai. Jab Log Badi Badi Galatiya Karte Hai, Logo Par Zulm Karte Hai, Hasad Karte Hai To Fir Allah Unhe Dheel Deta Hai, Wakt Deta Hai Ke Wo Sudhar Jaye Aur Tauba Kar Le. Lekin Jab Bande Ka Zulm Had Se Badh Jata Hai Aur Wo Apni Sarkashi Se Baaz Nahi Aata To Fir Allah Us Bande Ki Pakad Farmata Hai Aur Aisa Badla Leta Hai Ke Us Ki Aane Wali Nasle Tak Yaad Karti Hai. Allah Ki Is Sifat Ka Zikr Qurane Pak Me Bhi Hai. Ye Isme Pak Jalali Hai Aur Kul Adad Qamari Is Isme Pak Ke 630 Hai

★ Kuch Kale Ilam Ke Aamil Aur Jadugar Bahot Sakht Kism Ka Jadu Karte Hai. Sifli Ilm Ke Zariye Karobar, Karkhana Ya Dukan Wagairah Ki Income Bandh Dete Hai. Tarah Tarah Ki Bandishe Lagate Hai. Jis Me Wakti Taur Par Asar Bhi Ho Jata Hai. Beshak Nafa Aur Nuksan Ka Malik Allah Hi Hai. Aisi Surat Me Is Isme Pak Ka Wird Kale Ilam Ke Waar Ko Rok Deta Hai. Is Liye Jis Shakhs Par Kale Ilam Ka Waar Ho Gaya Ho Use Chahiye Ke 40 Din Tak Rozana 6400 Bar Is Isme Pak Ko Padhe Aur Pani Par Dam Kar Ke Piya Kare Aur Karobar Ki Jagah Par Bhi Chidak Diya Kare. In sha Allah Kale Ilam Ka Tamam Asar Khatam Ho Jayega

★ Agar Koi Shakhs Aadhi Rat Ko Tanhai Me Khade Ho Kar 3000 Bar Ye Isme Pak Padhe Aur Fir Apni Jo Bhi Jaiz Hajat Ho Us Ke Liye Sajde Me Ja Kar Allah Ki Bargah Me Dua Kare. In sha Allah Murad Puri Hogi. Maksad Hasil Hone Tak Amal Karte Rahe

★ Agar Kisi Shakhs Ke Khilaf Jhuti Tohmat Laga Kar Zina, Sharab, Jua, Chori Ya Qatl Wagairah Ka Case Bana Diya Ho Ya Kisi Bhi Tarah Ka Jhuta Ilzam Laga Kar Badnam Kiya Ja Raha Ho To Is Isme Pak Ko Rozana 11000 Bar Padhna Shuru Kar De, Aur Tab Tak Padhta Rahe Jab Tak Us Case Me Se Ya Ilzam Me Se Bari Na Ho Jaye. In sha Allah Ba Izzat Bari Hoga. Agar Jail Me Koi Qaidi Isi Tarah Padhta Rahe To Us Ke Liye Narmi Ke Halat Paida Honge

★ Dushman Se Ba Hifazat Rehne Ke Liye Bhi Is Isme Pak Ka Zikr Karna Bahot Faydemand Hai. Jo Shakhs Kisi Dushman Se Maghloob Ho, Dushman Us Ko Bahot Pareshan Karta Ho To Wo Shakhs 3 Juma Tak Har Juma Ko Ye Isme Pak 7000 Bar Padhe. In sha Allah Dushman Se Hifazat Me Rahega

★ Jo Shakhs Ye Chahta Ho Ke Hamesha Apne Nafs Ko Qabu Me Rakhe To Is Isme Pak Ko Rozana Subah Sham 100 Bar Pabandi Se Padh Liya Kare

★ Dushman Ki Dushmani Se Mehfuz Rehne Ke Liye Aur Logo Ke Dilo Ko Musakhkhar Karne Ke Liye Har Juma Ko Bad Namaze Juma Is Isme Pak Ko 1000 Bar Padh Liya Kare

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 5000 Bar Padhe To 40 Din Ke Bad Aamil Ban Jayega. Fir Rozana 630 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com