● ASMA E HUSNA :- (یَا غَنِیُّ) YA GANIYYU ●

             ■ AMALIYAT ASMA E HUSNA ■

♥ Asma e Husna :- Ya Ganiyyu (یَا غَنِیُّ) Ki Fazilat o Wazaif

★ Allah Ta’ala Ka Ek Sifati Naam Hai Ya Ganiyyu. Yani Ai Be Parwah. Beshak Allah Gani Hai. Aam Taur Par Gani Ka Matlab Liya Jata Hai Ke Maal o Asbab Is Qadar Zyada Ho Ke Kisi Ka Mohtaj Na Hona Pade. Allah Ta’ala Har Chiz Ka Khaliq o Malik Hai, Aur Beshak Har Tarah Ke Khazane Us Ke Pas Hai. Wo Yakeenan Apni Makhlooq Se Beniyaz Hai. Isi Liye Use Gani Keh Kar Pukara Jata Hai. Qurane Pak Ki Kai Aayato Me Is Ka Zikr Milta Hai. Ye Isme Pak Jalali Hai Aur Kul Adad Is Isme Pak Ke 1060 Hai

★ Ye Isme Pak Dukan Ki Tarakki Ke Liye Lajawab Hai. Jis Shakhs Ki Dukan Na Chalti Ho Ya Income Itni Kam Hoti Ho Ke Guzara Mushkil Ho Jata Ho To Use Chahiye Ke Subah Dukan Khol Kar Ye Isme Pak 11000 Bar Padhe Aur 1 Saal Tak Lagatar Ye Amal Pabandi Se Karta Rahe. In sha Allah Dukan Is Qadar Chalne Lagegi Ke Log Dekhte Reh Jayenge. Agar Pehle Dukan Chalti Thi Aur Ab Nahi Chal Rahi To Bhi Ye Amal Kar Sakte Hai

★ Agar Kisi Shakhs Ko Shikayat Ho Ke Wo Jo Kuch Kamata Hai Us Ka Pata Nahi Chalta Ke Jata Kaha Hai, Yani Us Ke Paise Me Aur Ghar Me Aur Aamdani Me Barkat Na Ho To Use Chahiye Ke Halal Rozi Kamaye Aur Namaz Ki Pabandi Kare Aur Fir Rozana Subah Ya Sham 1100 Bar Ye Isme Pak Pabandi Se Padha Kare. In sha Allah Aamdani Me Barkat Paida Ho Jayegi

★ Aisa Nek Shakhs Jo Tangdasti Aur Gurbat Ka Shikar Ho, Kharcha Kisi Tarah Se Bhi Pura Na Hota Ho, Income Ke Zariye Sahi Na Ho To Use Chahiye Ke 1 Saal Tak Rozana Pabandi Se Ye Isme Pak 11000 Bar Padhe. Allah Ta’ala Apne Fazl Se Hasbe Zarurat Rizk Me Kushadagi Aur Barkat Farma Dega

★ Agar Koi Shakhs Pabandi Se Har Jumerat Ke Din Me Ya Fir Har Shab e Juma Me Ye Isme Pak 19000 Bar Hamesha Padhta Rahe To Us Par Fazle Ilahi Ke Darwaze Khul Jayenge Aur Use Be Panah Daulat Hasil Hogi. Sari Umar Ye Amal Jari Rakhega To Kisi Ke Samne Hath Nahi Failana Padega, Balke Hamesha Us Ka Hath Dene Walo Me Shamil Rahega, In sha Allah

★ Agar Koi Shakhs Pasand Ki Shadi Karna Chahta Ho To Rishta Bhejne Se Pehle Ye Isme Pak 21 Din Tak Rozana 6250 Bar Padhe Aur Dua Kare. Amal Mukammal Hone Ke Bad Fir Shariat Ke Hukm Ke Mutabik Rishta Bheje. Agar Us Rishte Me Allah Ki Marzi Aur Raza Mandi Shamil Hui To Rishta Fauran Qubool Ho Jayega Aur Koi Rukawat Nahi Aayegi

★ Har Tarah Ki Nek Aur Jaiz Murad Puri Karne Ke Liye Ye Isme Pak 41 Din Tak Rozana 700 Bar Padhe. In sha Allah Murad Hasil Karega

★ Agar Koi Shakhs Rozana Ye Isme Pak 1060 Bar Bad Namaze Maghrib Padhe Aur Lagatar 40 Din Tak Padhta Rahe Aur Padh Kar Apne Seene Par Dam Karta Rahe To Us Ke Dil Se Tamam Tarah Ka Bughz , Hasad Aur Lalach Jaisi Buri Aadate Hamesha Ke Liye Nikal Jayegi, In sha Allah

★ Agar Kisi Shakhs Ko Koi Ranj o Gham Ka Mamla Pesh Aaya Ho Aur Us Se Sabr Na Hota Ho To 70 Bar Is Isme Pak Ko Subah Sham Padh Kar Pani Par Dam Kar Ke Piye Aur Is Amal Ko 7 Din Tak Kare. In sha Allah Sabr o Zabt Ki Salahiyat Paida Ho Jayegi

★ Agar Koi Shakhs Nafziyati Bimari Ya Lalach Ka Shikar Ho Aur Us Marz Se Apni Nijat Chahta Ho To Wo Namaze Fajar Ke Bad Ye Isme Pak Apne Sir Par Hath Rakh Kar 100 Bar Aur Fir Apne Dil Par Hath Rakh Kar 100 Bar Padhe Aur Is Amal Ko Lagatar 21 Din Tak Padhta Rahe. In sha Allah Nijat Hasil Karega

★ Agar Koi Dukandar Ya Tajeer Rozana Apni Dukan Ya Karobar Ki Jagah Ka Tala Kholne Se Pehle Ye Isme Pak 70 Bar Padhe Aur Padhne Ke Bad Tala Khole, To In sha Allah Us Ki Dukan Ya Karobar Ki Jagah Me Khoob Tarakki Ho Aur Us Ka Rizk Ba Fazle Khuda Badhta Chala Jayega

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 12500 Bar Padhe To 40 Din Ke Bad Aamil Ban Jayega. Fir Rozana 1060 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا جَامِعُ) YA JAMIOO ●

                ■ AMALIYAT ASMA E HUSNA ■

♥ Asma e Husna :- Ya Jamioo (یَا جَامِعُ) Ki Fazilat o Wazaif

★ Allah Ta’ala Ka Ek Sifati Naam Hai Ya Jamioo. Yani Ai Jama Karne Wale. Jama Karne Se Murad Wo Zaate Girami Hai Jo Qayamat Ke Din Sari Makhlooq Ko Ek Jagah Jama Karega Aur Wo Zaat Hai Jo Har Bichade Hue Ko Wapas Jama Karne Ki Qudrat Rakhta Hai. Jaise Quran Pak Me Hzrt Yousuf علیہ السلام Ka Qissa Moujud Hai. Beshak Allah Ta’ala Ke Siwa Dusri Aisi Koi Zaat Nahi Jo Is Sifat Ki Malik Ho. Ye Isme Pak Jalali Hai Aur Kul Adad Qamari Is Isme Pak Ke 114 Hai

★ Agar Koi Shakhs Kisi Wajah Se Apne Ahlo Ayal se Juda Ho Gaya Ho, Ya Fir Kisi Ghar Me Sab Bhai Bahen Me Judai Qayam Ho Gayi Ho Aur Maa Baap Ya Koi Shakhs Chahe Ke Wo Sab Dobara Ek Ghar Me Jama Ho Jaye To Chahiye Ke Subah Ke Wakt Is Isme Pak Ko Masjid Me Baith Kar 1100 Bar Rozana 11 Din Tak Padha Kare Aur Dua Kare. Allah Apne Fazl Se Tamam Juda Hue Logo Ko Aapas Me Dobara Jama Kar Dega

★ Kabhi Kabhi Aisa Hota Hai Ke Shadi Ke Bad Biwi Choti Si Baat Ko Le Kar Naraz Ho Kar Mayke Me Baith Jati Hai Aur Kisi Soorat Me Wapas Aane Ka Naam Nahi Leti. Aise Me Shauhar Ko Chahiye Ke 44 Din Tak Rozana Tanhai Me Baith Kar Is Isme Pak Ko 11364 Bar Padhe Aur Dua Kare. In sha Allah Naraz Biwi Ke Ghar Wapas Aane Ke Asbab Paida Ho Jayenge. Isi Tarah Agar Kisi Ka Shauhar Biwi Ko Mayke Chhod Kar Fir Lene Ke Liye Na Aata Ho To Biwi Ye Amal Kar Sakti Hai

★ Agar Kisi Ki Aulad Naraz Ho Kar Kahi Chali Gayi Ho Ya Koi Banda Noukari Chhod Kar Chala Gaya Ho Aur Chahe Ke Wo Banda Noukari Par Wapas Aa Jaye To Is Isme Pak Ko Maksad Ki Niyat Kar Ke 7 Din Tak Rozana 1140 Bar Padhe Aur Dua Kare. In sha Allah Murad Puri Hogi

★ Agar Kisi Shakhs Ki Property Par Kisi Aur Ne Qabza Kar Liya Ho Ya Fir Kiraye Dar Makan Ya Dukan Khali Na Karte Ho To Is Isme Pak Ko 40 Din Tak Rozana 3125 Bar Padhe Aur Dua Kare Aur Ho Sake To Pani Par Dam Kar Ke Us Property Par Chidak Diya Kare. In sha Allah Property Us Ko Wapas Mil Jayegi

★ Agar Kisi Ke Rishtedar Ya Azeez o Aqarib Us Se Bichad Gaye Ho To Un Ko Pane Ke Liye Ya Bichde Hue Rishtedaro Ko Ek Dusre Se Qarib Lane Ke Liye Ek Time Fix Kar Ke Amal Padhe Ke Rozana Taza Gusal Kar Ke 2 Raka’at Nafal Namaz Hajat Ki Padh Kar Salam Fer Kar Aasman Ki Taraf Dekhte Hue 1140 Bar Ye Isme Pak Padhe. In sha Allah 40 Din Ke Andar Andar Kamyabi Hasil Hogi

★ Agar Koi Shakhs Is Isme Pak Ko Rozana 1000 Bar Padhega To Allah Ki Rehmat Se Us Ko Qalbi Sukoon Hasil Hoga

★ Agar Kisi Shakhs Ka Koi Saman Chori Ho Jaye To Taza Wuzu Kar Ke Yaha Di Hui Dua Ko 21 Bar Padhe Aur Fir Ye Isme Pak 3000 Bar Padhe. Amal 21 Din Tak Kare. In sha Allah Chori Hua Maal Mil Jane Ke Asbab Paida Ho Jayenge. Dua Ye Hai :-

یَا جَامِعُ الْمُتَفَرِّقِیْنَ اِجْمَعْ اِلٰی ضَلَّتِیْ یَا جَامِعُ

★ Apne Rishtedaro Ko Apna Ham Khayal Aur Apna Mutee’a Banane Ke Liye Har Sunday Ke Din Subah 10 Baje Chasht Ki Namaz Ada Kar Ke Ye Isme Pak 1000 Bar Padh Liya Kare Aur Dua Kare. In sha Allah Tamam Rishtedar Hamnava Aur Ham Khayal Ho Jayenge

★ Agar Kisi Shakhs Se Us Ke Rishtedar, Dost Ya Azeez o Aqarib Ruth Gaye Ho To Un Ko Manane Ke Liye Ye Amal Is Tarah Se Kare Ke, Har Sunday Ke Din Subah 10 Baje Chasht Ki Namaz Ada Kar Ke Khule Aasman Ki Taraf Dekh Kar 14 Bar Ye Isme Pak Padh Kar Sidhe Hath Ki Last Wali Choti Ungali Band Kare. Fir Dobara 14 Bar Padh Kar Us Ke Bad Wali Ungali Band Kare. Isi Tarah Se Har Bar 14 Bar Padh Kar Ek Ek Kar Ke Tamam Ungali Aur Last Me Angutha Band Kar Ke Muthi Bana Le. Fir Isi Tarah Se Har Bar 14 Bar Padh Kar Ulte Hath Ki Last Wali Choti Ungali Se Le Kar Anguthe Tak Band Kar Ke Muthi Bana Le. Us Ke Bad Fir Aakhari Bar 14 Bar Padh Kar Dono Hath Ki Muthiya Ek Sath Khol De, Aur Fir Dono Hath Apne Chehre Par Fer Liya Kare. Amal Kul 14 Sunday Tak Kare. In sha Allah Tamam Rishtedar Maan Jayenge Aur Sulah Kar Lenge

★ Agar Kisi Ki Koi Chiz Gum Ho Jaye Aur Kaise Bhi Kar Ke Mil Na Rahi Ho To Is Isme Pak Ko 3000 Bar Padhe Aur Fir Ye Dua 21 Bar Padhe. In sha Allah Wo Chiz Mil Jayegi Ya Fir Us Ka Behtar Badla Ata Ho Jayega. Amal 21 Din Tak Kare. Dua Ye Hai :-

یَا جَامِعُ النَّاسِ لِیَوْمِ لَّا رَیْبَ فِیْہِ اِجْمَعْ ضَلَّتِیْ

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Fir Rozana 114 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا مُقْسِطُ) YA MUQSITU ●

                ■ AMALIYAT ASMA E HUSNA ■

♥ Asma e Husna :- Ya Muqsitu (یَا مُقْسِطُ) Ki Fazilat o Wazaif

★ Allah Ta’ala Ka Ek Sifati Naam Hai Ya Muqsitu. Yani Ai Insaf Karne Wale. Muqsat Ka Matlab Hota Hai Adal Aur Insaf Qayam Karne Wala, Aur Beshak Allah Ki Zaat Se Behtar Insaf Karne Wali Zaat Kisi Ki Nahi Hai. Agar Kisi Ke Sath Kisi Muamale Me Zulm Hua Ho Ya Kisi Baat Me Use Sahi Insaf Milne Ki Ummeed Na Ho Aur Wo Sahi Adal o Insaf Chahta Ho To Beshak Allah Ki Zaat Ko Is Naam Se Pukare To Allah Ta’ala Us Mazloom Ki Madad Farmayega, Aur Us Ko Sahi Insaf Mil Kar Rahega.Ye Isme Pak Jalali Hai. Kul Adad Is Isme Pak Ke 209 Hai

★ Aise Log Jo Court me Judge Ki Kursi Par Baithe Ho Aur Chahte Ho Ke Un Se Hamesha Sahi Adal o Insaf Ho Aur Un Se Kisi Ke Sath Zyadati Na Ho To Is Isme Pak Ko Rozana Subah Sham 100 Bar Padhne Ka Apna Mamool Bana Le. Allah Ke Fazl Se Us Ki Taufiq Aur Nazare Inayat Hamesha Padhne Wale Ke Sath Rahegi

★ Agar Kisi Shakhs Ko Shaitani Waswase Bahot Zyada Aate Ho To Use Chahiye Ke Is Isme Pak Ko Rozana 1100 Bar Padhe Aur 40 Din Tak Is Amal Ko Pabandi Se Karta Rahe. In sha Allah Shaitani Waswase Bilkul Khatam Ho Jayenge

★ Agar Koi Shakhs Kisi Tarah Se Ranj o Gham Me Mubtala Ho, Us Ke Sath Koi Hadasa Pesh Aaya Jis Se Us Ke Dil Par Sadma Lag Gaya Ho To Is Isme Pak Ko 21 Din Tak Rozana 3000 Bar Padhe Aur Dua Kare. In sha Allah Us Ka Ranj o Gham Khatm Hoga Aur Us Ko Khushi Hasil Hogi

★ Agar Kisi Shaksh Ne Ek Se Zyada Nikah Kiye Ho Aur Us Ki Ek Se Zyada Biwiya Ho Aur Wo Tamam Biwiyo Ke Takaze Pure Na Karta Ho Aur Tamam Biwiyo Ko Ek Jaise Huqooq Aur Insaf Ke Sath Na Rakhta Ho To Us Ke Zulm Ka Shikar Hui Biwi Apne Shauhar Ko Sahi Raste Par Lane Ke Liye Is Isme Pak Ko 7 Din Tak Rozana 7000 Bar Padhe Aur Pani Par Dam Kar Ke Shauhar Ko Pilaya Kare. In sha Allah Shauhar Ki Fitrat Me Insaf Parasti Ke Aasar Paida Ho Jayenge

★ Hzrt Abul Abbas Imam Ahmed Bin Ali Boni Apni Kitab “Shams Al Ma’arif” Me Likhte Hai Ke Dukandaro Aur Karigaro Ko Apna Kam Karte Wakt Is Isme Pak Ka Zikr Karte Rehna Chahiye. Ta Ke Apne Kam Kaj Aur Karobar Me Un Se Koi Khilafe Adal Kam Na Ho Jaye Aur Wo Gunaho Se Bachte Rahe

★ Agar Koi Shakhs Is Isme Pak Ko Har Namaz Ke Bad 100 Bar Padhne Ka Apna Mamool Ban Le To Wo Shaitan Ke Makr o Fareb Me Nahi Aayega Aur Har Buri Aadat Se Bachta Rahega, In sha Allah

★ Agar Koi Shakhs Taskeene Qalb Chahta Ho Aur Dushmano Ki Sajisho Se Mehfuz Rehna Chahta Ho To Is Isme Pak Ko Rozana 700 Bar Padh Liya Kare

★ Har Farz Namaz Ke Bad Agar 7 Bar Is Isme Pak Ko Padh Kar Dua Mange, In sha Allah Qubool Hogi

★ Agar Kisi Shakhs Ko Namaz Me Waswase Ya Bure Khayalat Aate Ho, Dhyan Idhar Udhar Bhatak Raha Ho To Is Isme Pak Ko 1000 Bar Padhe Aur Lagatar 40 Din Tak Padhta Rahe. In sha Allah Waswaso Aur Bure Khayalat Se Nijat Milegi

★ Agar Koi Shakhs Is Isme Pak Ka Ye Nakhs Zul Kitabat Sharf Utarid Me Likh Kar Apne Pas Rakhe To Us Ko Har Kam Me Fayda Hasil Ho Aur Us Ki Sifat Me Insaf Paida Ho Jaye. Naksh Aatashi Chal Se Pur Kiya Jayega

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 4000 Bar Padhe To 40 Din Ke Bad Aamil Ban Jayega. Fir Rozana 209 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا ذُوْالْجَلَالِ وَالْاِکْرَامِ) YA ZUL JALALI WAL IKRAM ●

■ AMALIYAT ASMA E HUSNA ■

♥ Asma e Husna :- Ya Zul Jalali Wal Ikram (یَا ذُوْالْجَلَالِ وَالْاِکْرَامِ) Ki Fazilat o Wazaif

★ Allah Ta’ala Ka Ek Sifati Naam Hai Ya Zul Jalali Wal Ikram. Yani Ai Jalal Aur Izzat Wale. Beshak Allah Ki Zaat Se Zyada Koi Jalal Aur Azmat Wala Nahi Hai. Is Isme Pak Ke Zikr Me Duniyavi Buzurgi Aur Bulandi e Roohaniyat Poshida Hai. Is Ka Padhne Wala Hamesha Duniya Me Ba Izzat Aur Khush Bakht Ho Jata Hai. Har Kam Me Tarakki Aur Azmat Paida Hoti Hai. Log Padhne Wale Ki Tawajo Aur Tazeem Karte Hai. Ye Isme Pak Jalali Hai Aur Kul Adad Qamari Is Isme Pak Ke 1100 Hai

★ Buzurgo Ne Is Isme Pak Ko Isme Azeem Qarar Diya Hai Kyu Ke Is Ke Zikr Ki Kasrat Se Batini Asrar Ka Mushaheda Hota Hai. Is Liye Aise Hazrat Jo Rahe Tarikat Par Chal Rahe Ho Unhe Chahiye Ke Is Isme Pak Ko Rozana Kam Se Kam 11000 Bar Padhe. In sha Allah Bahot Jald Un Ka Batin Khul Jayega

★ Sahibe Roohaniyat Banne Ke Liye Bhi Is Isme Pak Ka Amal Bahot Akseer Hai. Is Liye Is Maksad Se Is Isme Pak Ko Rozana 21000 Bar Ya Kam az Kam 7000 Bar Pabandi Se Padhne Wale Ki Roohaniyat Me Be Panah Izafa Hoga, In sha Allah

★ Agar Koi Shakhs Bimar Ho To Us Ke Ghar Walo Ko Chahiye Ke Is Isme Pak Ko Rozana 1100 Bar Padh Kar Pani Par Dam Kar Ke Mareez Ko Pilaya Kare. Amal 11 Din Tak Kare. In sha Allah Mareez Ki Sehatyabi Ke Asbab Ban Jayenge

★ Agar Koi Shakhs Rat Ko Sote Wakt Is Isme Pak Ko Rozana 21 Bar Padhne Ka Apna Mamool Bana Le Aur Padh Kar Allah Ki Bargah Me Apni Sehat Aur Tandurasti Ki Ilteja Karta Rahe To Allah Ke Fazl Se Hamesha Tandurast Rahega

★ Kashf Aur Ilham Ki Roohani Taqat Ko Badhane Ke Liye Is Isme Pak Ko Rozana Tanhai Me Dhyan Laga Kar 1000 Bar Padhta Rahe. In sha Allah Kuch Arse Me Us Ka Batin Raushan Ho Jayega Aur Us Par Kashf Khulne Lagega

★ Agar Koi Biwi Apni HarKato Ki Wajah Se Apne Shauhar Ki Nazro Me Gir Gayi Ho, Koi Mureed Apne Peer Ki Nazro Se Ya Koi Noukar Apne Malik Ya Boss Ki Nazro Se Gir Gaya Ho To Is Isme Pak Ko Rozana Bad Namaze Fajar Aur Bad Asar 1000 Bar Padhta Rahe Aur Kam Se Kam 41 Din Tak Padhta Rahe. In sha Allah Us Ki Khoi Hui Izzat Dobara Hasil Ho Jayegi

★ Agar Kisi Shakhs Par Koi Case Chal Raha Ho To Use Chahiye Ke 80 Din Tak Rozana Ek Time Fix Kar Ke Is Isme Pak Ko 3125 Bar Padha Kare. Awwal Aakhir 7 Bar Durude Pak Padhe. Us Ke Bad Har Tarikh Ko Ye Isme Pak Dil Me Padhta Hua Ghar Se Nikle Aur Judge Ke Samne Pesh Hote Wakt Tak Padhta Rahe. Agar Wo Haq Par Hoga To In sha Allah Faisala Us Ke Favour Me Aayega

★ Agar Koi Shakhs Ye Chahe Ke Tamam Duniya Is Ke Samne Musakhkhar Ho Jaye, Tamam Milne Wale Is Ki Izzat Kare To Use Chahiye Ke Is Isme Pak Ko Rozana 2100 Bar Padhne Ka Hamesha Ka Apna Mamool Bana Le. In sha Allah Kamyabi Hasil Karega

★ Agar Kisi Shakhs Ki Koi Jaiz Murad Ya Maksad Ho Ya Koi Mushkil Kam Ho Aur Wo Pura Na Hota Ho To 11 Din Tak Is Isme Pak Ko Rozana 11000 Bar Padhe Aur Dua Kare. In sha Allah Apne Maksd Me Kamyabi Hasil Karega

★ Husule Jaah, Husule Hukoomat, Wus’ate Rizk Aur Qaid Se Rihaee Ke Liye Is Isme Pak Ko 40 Din Me Kul 1,25,000 Bar Tamam Parhez Ke Sath Chille Ki Tamam Sharait Ke Sath Padhe To In sha Allah Maksad Ko Hasil Karega

★ Agar Koi Shakhs Kisi Gham Me Mubtela Ho Aur Kisi Tarah Se Sabr Hasil Na Aata Ho To 1 Bottle Pani Ki Le Kar Is Isme Pak Ko 500 Bar Padh Kar Pani Pe Dam Kar Ke Ye Pani Subah Dopahar Sham 1 – 1 Glass Piya Kare Aur 11 Din Tak Piye. Zarurat Ke Hisab Se Naya Pani Milata Rahe. In sha Allah Dil Ko Qarar Aa Jayega Aur Gham Dur Hoga

★ Agar Kisi Ka Hafeza Bahot Kamzor Ho Gaya Ho, Kuch Bhi Yaad Na Rehta Ho To 3 Badam Le Kar Har Badam Par Ye Isme Pak 3 Ya 7 Bar Padh Kar Dam Kare. Fir 1 Badam Subah Nihar Muh, 1 Badam Dopahar Ko Aur 1 Sham Ko Kha Le. Is Amal Ko 40 Din Tak Kare. In sha Allah Hafeza Mazboot Ho Jayega

★ Agar Koi Shakhs Bad Namaze Isha  Is Isme Pak Ko 900 Bar Padhe Aur Lagatar 120 Din Tak Padhe To Use Muhabbat Aur Taskheer Ki Daulat Hasil Hogi, In sha Allah

★ Agar Koi Shakhs Shadeed Marz Me Mubtela Ho To Ye Isme Pak Ko Is Tarah Se

(یَا ذُوْالْجَلَالِ وَالْاِکْرَامِ بِیَدِکَ الْخَیْرُ اِنَّکَ عَلٰی کُلِّ شَیْءٍ قَدِیْرٌ )

1000 Bar Padh Kar Pani Par Dam Kar Ke Mareez Ko Ye Pani Rozana Din Me 3 Bar Kul 11 Din Tak Pilaye. In sha Allah Mareez Ko Marz Se Nijat Hasil Hogi

★ Agar Koi Shakhs Is Isme Pak Ka Aamil Banna Chahe To Us Ke Liye Mahe Ramazanul Mubarak Shuru Hone Ke 11 Din Pehle Amal Shuru Kare Aur Mahe Ramazanul Mubarak Ke Aakhari Rat Tak Amal Kare. Amal Mukammal Parhez Jalali Jamali Ke Sath Chille Ki Tamam Sharaito Par Amal Karte Hue Rozana Bad Namaze Isha Tanhai Me Ye Isme Pak 6250 Bar Padhe To Is Isme Pak Ka Aamil Ban Jayega. Fir Rozana 1100 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com