● ASMA E HUSNA :- (یَا نُوْرُ) YA NOORU ●

              ■ AMALIYAT ASMA E HUSNA ■

♥ Asma e Husna :- Ya Nooru (یَا نُوْرُ) Ki Fazilat o Wazaif

★ Allah Ta’ala Ka Ek Sifati Naam Hai Ya Nooru. Yani Ai Noor Wale. Hamare Samne Noor Ka Tasawwur Raushani Hai. Magar Is Ki Asal Haqeeqat Mushaheda Ke Alawa Samne Nahi Aati. Allah Ki Zaat Noor Hai, Lehaza Jo Ise Is Naam Se Pukarta Hai Allah Use Raushan Kar Deta Hai. Us Ka Zaahir o Batin Noor Se Mamoor Ho Jata Hai. Rahe Ma’refat Talash Karne Walo Ke Liye Buniyadi Taur Par Ye Wazeefa Bahot Kar Aamad Hai. Ye Isme Pak Jamali Hai Aur Kul Adad Qamari Is Isme Pak Ke 256 Hai

★ Jo Shakhs Is Isme Pak Ko Kasrat Ke Sath Padhta Rahega Use Noore Iman Hasil Hoga Aur Allah Ke Fazl Se Us Ka Khatema Iman Par Hoga. Is Liye Is Isme Pak Ko Subah Sham Ya Fir Har Namaz Ke Bad 100 Bar Padh Lena Chahiye

★ Jis Maqam Par Ye Isme Pak Rozana 111 Bar Padha Jata Rahega, Wo Jagah Jinn, Pari, Aaseb, Bhoot Aur Digar Napak Makhlooqat Se Mehfuz Rahegi. Kyu Ke Jis Jagah Noor Ho Waha Naari Makhlooq Nahi Reh Sakti

★ Dil Ko Raushan Karne Ke Liye Ye Isme Pak Ka Zik Bahot Mufeed Hai. Us Se Dil Raushan Ho Jata Hai Aur Padhne Wala Khud Mehsus Karta Hai Ke Us Ka Dil Pakiza Ho Kar Raushan Ho Gaya. Is Liye Is Niyat Se Rozana Is Isme Pak Ko 256 Bar Padhe

★ Sahibe Kashf Banne Ke Liye Is Isme Pak Ko Is Tarah Se (اَللّٰہُ النُّوْرُ) 1 Saal Tak Rozana Isha Ke Bad Ya Behtar Hai Ke Tahajjud Ke Wakt Tanhai Me Baith Kar 11000 Bar Padha Jaye. In sha Allah Us Ki Batini Aankh Khul Jayegi Aur Shariat Ka Paband Hoga To Allah Ke Fazl Se Jis Qabar Par Jayega Waha Kashf Hasil Hoga Aur Qabar Wale Se Mulaqat Hogi

★ Agar Koi Shakhs Chahe Ke Us Ke Chehre Par Noor Aa Jaye To Namaz Ki Pabandi Kare, Hamesha Ba Wuzu Rahe Aur Har Namaz Ke Bad Sure Noor Ki Aayat No 35 Ko Har Namaz Ke Bar 11 Bar Padhe Aur Dono Hatheliyo Par Dam Kar Ke Chahre Par Fer Diya Kare. In sha Allah Chehre Par Noor Aa Jayega

★ Agar Koi Shakhs Rat Ko Sote Wakt 100 Bar Ye Isme Pak Padhne Ka Mamool Bana Le Us Ka Dil Raushan Ho Jayega In sha Allah

★ Agar Koi Shakhs 40 Din Tak Roti Khate Wakt Har Lukme Par (اَللّٰہُ نُورُ السَّمٰوٰتِ وَالْاَرْضِ) Padhe Aur Niwala Khaye To Us Ki Rooh Me Tazagi Paida Ho Jayegi Aur Us Ka Jism Noorani Ban Jayega. In sha Allah

★ Agar Koi Shakhs Har Namaz Ke Bad Ke Bad 100 Bar Padh Liya Kare To Us Ka Dil Nikhar Jaye Aur Us Ke A’amal Me Nooraniyat Paida Ho Jaye. In sha Allah

★ Agar Koi Shakhs 40 Din Tak Rozana Surah Noor 1 Bar Padhe Aur Bad Me Ye Isme Pak 1000 Bar Padhe To Allah Ke Fazl Se Us Ka Qalb Raushan Ho Jayega Aur Us Ke Dimag Me Aisi Basirat Paida Ho Jo Waliyo Ka Hissa Hai

★ Agar Koi Shakhs Namaz Ki Pabandi Ke Sath Is Isme Pak Ko Rozana Bad Namaze Fajar 1121 Bar Padh Liya Kare Aur Apne Ghar Ke Charo Kono Me Dam Kar Diya Kare To Us Ke Ghar Se Tamam Nahoosate Dur Ho Jaye Aur Khoob Khair o Barkat Hasil Hogi. In sha Allah

★ Agar Aisa Shakhs Jo Salat o Sunnat Ka Paband Ho, Koi Bhi Kam Khilafe Shariat Na Karta Ho Aur Wo Shakhs Is Isme Pak Ko Rozana Sote Wakt 100 Bar Pabandi Se Padh Liya Kare To Allah Ke Hukm Se Us Ko Kuch Mahine Ya Kuch Saal Me Ilm e Ladunni Hasil Ho Jaye Aur Wo Allah Ka Wali Ban Jaye

★ Agar Koi Shakhs Kali Andheri Rat Me Ya Shadeed Toofan Ya Barish Me Ya Suraj Grahan, Chand Grahan Me Ye Aayate Karima Ko Padhta Rahe To Allah Ta’ala Apni Rehmat Se Use Us Aafat Ya Musibat Me Hone Wale Nuksan Se Mehfuz Farma Dega. Aayat Ye Hai :-

اَللّٰہُ نُورُ السَّمٰوٰتِ وَالْاَرْضِ

★ Is Isme Pak Ke Is Jama Wazeefe Ko Jo Shakhs 1000 Bar Rozana Ya Is Se Bhi Zyada Padhega To Allah Ta’ala Apne Fazl Se Us Ke Dil Me Noore Ma’refat Paida Farma Dega Aur Us Par Apni Inayat Ki Barish Farmayega. Wazeefa Ye Hai :-

یَا نُوْرُ کُلِّ شَیْءٍ وَہْدَاہُ اَنْتَ الَّذِیْ فُلِقَ الظُّلُمٰۃِ بِنُوْرِہٖ  یَا نُوْرُ

★ Agar Kisi Ladki Ya Ladke Ki Shadi Na Hoti Ho Ya Us Me Tarah Tarah Ki Rukawate Aati Ho To Use Chahiye Ke Is Jama Wazeefe Ko 40 Din Tak Rozana 3125 Bar Padhe Aur Rab Ki Bargah Me Sajda Rez Ho Kar Apne Behtar Rishte Ki Dua Kare. In sha Allah Use Acha Shauhar Ya Biwi Mil Jayegi. Wazeefa Ye Hai :-

یَا نُوْرُ کُلِّ شَیْءٍ وَہْدَاہُ اَنْتَ الَّذِیْ فُلِقَ الظُّلُمٰۃِ بِنُوْرِہٖ  یَا نُوْرُ

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6400 Padhe, To 40 Din Ke Bad Aamil Ban Jayega. Fir Rozana 256 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا نَافِعُ) YA NAAFIOO ●

               ■ AMALIYAT ASMA E HUSNA ■

♥ Asma e Husna :- Ya Naafioo (یَا نَافِعُ) Ki Fazilat o Wazaif

☪ Allah Ta’ala Ka Ek Sifati Naam Hai Ya Naafioo. Yani Ai Nafa Pahochane Wale. Beshak Allah Ta’ala Nafa Pahochane Wala Raheem o Kareem Hai, Aur Nafa Pahochane Ka Ikhteyar Usi Ke Dast e Qudrat Me Hai. Har Ek Ki Ye Hi Khwahish Hoti Hai Ke Use Apne Har Muamle Me Nafa Yani Fayda Hasil Ho. Karobari Chahta Hai Ke Use Apne Karobar Me Nafa Hasil Ho, Beemar Chahta Hai Ke Jo Dawai Wo Istemal Kar Raha Hai Us Se Us Ko Nafa Hasil Ho, Bazar Jane Wala Sochta Hai Ke Mai Jo Kharidari Karu Us Me Muje Nafa Hasil Ho, Ibadat Karne Wala Chahta Hai Ke Use Kam Ibadat Me Nekiyo Ka Zyada Nafa Hasil Ho. Al Garz Har Ek Apne Muamlat Me Nafa Aur Fayda Hasil Hone Ki Ummeed Rakhta Hai, Aur Allah Jis Ko Chahta Hai Nafa Ata Farmata Hai. Allah Ka Nafa Sari Makhlooq Ke Liye Hota Hai. Ye Isme Pak Jamali Hai Aur Kul Adad Qamari Is Isme Pak Ke 201 Hai

☪ Ye Isme Pak Business Me Nafa Hasil Karne Ke Liye Akseer Hai. Is Liye Jo Shakhs Apne Karobar Ki Jagah Par Rozana Kam Shuru Karne Se Pehle Ye Isme Pak 201 Bar Padh Liya Karega, Us Ko In sha Allah Nafa Hasil Hoga

☪ Maal Kharidate Wakt Ya Shopping Ke Wakt Chalte Firte Bina Ginti Ke Ye Hi Isme Pak Ka Zikr Karte Rahe. In sha Allah Jo Bhi Saman Kharidenge Us Me Fayda Hasil Hoga

☪ Kisi Bhi Chiz Ko Kharidne Se Pehle Ya Us Ka Sauda Karne Se Pehle Ye Isme Pak 41 Bar Padh Kar Fir Kharide. In sha Allah Us Me Kisi Kism Ka Nuksan Nahi Hoga

☪ Jis Shakhs Ki Dukan Me Munafa Kam Hota Ho Use Chahiye Ke Saturday Ke Din Dukan Khol Kar Ya To Khud Akela Padhe Ya Kuch Logo Ko Jama Kar Ke Padhe. Ye Isme Pak 12500 Bar Padhe Aur Dua Kare. 10 Saturday Tak Ye Hi Amal Kare. In sha Allah Munafa Badh Jayega

☪ Jis Kam Ki Shuruat Me Ye Isme Pak 100 Bar Padh Liya Jata Hai, Us Kam Me Hamesha Allah Ke Fazl Se Fayda Hasil Hoga

☪ Agar Safar Karte Wakt Bike, Car, Bus, Train, Plane Wagairah Kisi Bhi Sawariyo Par Sawar Hote Wakt Ye Isme Pak 41 Bar Padh Liya Jaye To In sha Allah Tamam Hadsat Se Hifazat Hogi

☪ Hajj Ya Umrah Ka Safar Shuru Karte Wakt Sawari Par Sawar Hone Se Pehle Ye Isme Pak 201 Bar Padh Liya Jaye To In sha Allah Pura Safar Aasani Ke Sath Guzarega

☪ Agar Kisi Shakhs Ki Kamai Me Barkat Na Hoti Ho To Use Chahiye Ke Bad Namaze Fajar 41 Bar Sure Fateha Padhe, Fir Ye Isme Pak 1100 Bar Padhe, Fir 41 Bar Sure Fateha Padhe Aur Dua Kare. Isi Tarah Ho Sake To 90 Din Kare Ya Kam Se Kam 41 Din To Lazmi Kare. In sha Allah Rizq Me Barkat Ho Jayegi

☪ Agar Koi Shakhs Apne Nafs Ki Islah Chahta Ho To Is Isme Pak Ko Rozana Isi Niyat Se 201 Bar Pabandi Ke Sath Kisi Bhi Namaz Ke Bad Padh Liya Kare

☪ Agar Koi Shakhs Rozana 500 Bar Padhne Ka Apna Mamool Bana Le To Har Taraf Se Rizq Ke Darwaze Khul Jayenge Aur Karobar Me Bahot Fayda Hasil Hoga. In sha Allah

☪ Agar Koi Shakhs Har Saal Mahe Rajab Ke Mahine Me Rozana Is Isme Pak Ko 1100 Bar Padhe To In sha Allah Us Par Israre Ilahi Munkashif Honge

☪ Agar Koi Shakhs Ek Saal Tak Har Shabe Jum’a Ko Is Isme Pak Ko 1000 Bar Pabandi Se Padhta Rahe To Allah Ke Fazl Se Use Har Kam Me Aur Karobar Me Itna Nafa Hasil Hoga Ke Wo Malamaal Ho Jayega

☪ Jo Shakhs Rozana Namaze Fajar Aur Namaze Isha Ke Bad Ye Isme Pak 100 Bar Padhega To Us Ke Roz o Shab Allah Ke Karam Se Fayde Me Hi Guzrenge Aur Wo Nuksanat Se Mehfuz Rahega

☪ Agar Kisi Kaam Ko Shuru Karte Wakt Khususan Jab Woh Karobari Noiyat Ka Ho To 41 Bar Padh Le To In sha Allah Wo Kam Marzi Ke Mutabik Pura Hoga

☪ Jo Shakhs Maal Kharidate Wakt Aur Maal Bechate Wakt Is Isme Pak Ka Kasrat Ke Sath Zikr Karta Rahega To Use Maal Bechne Aur Kharidane Dono Me Nafa Hasil Hoga. In sha Allah

☪ Jin Logo Ke Karobar Wagairah Me Bandis Kar Di Gayi Ho Un Ko Chahiye Ke Isha Ki Namaz Ke Bad Khade Ho Kar Khule Aasman Ke Niche 11 Bar Durude Pak Padh Kar Fir 2100 Bar Ye Isme Pak Padhe. Fir 11 Bar Durude Pak Padh Kar Sajde Me Chala Jaye Aur 500 Bar (یَا مُسَبِّبَ الْاَسْبَابْ) Padhe. Is Amal Ko Shab e Budh Se Shuru Kare Aur Shab e Jum’a Ko Khatam Kare. Yani 3 Rat Lagatar Kare. In sha Allah Bandis Ki Kaat Ho Jayegi Aur Fayda Hasil Hona Shuru Ho Jayega

☪ Jo Shakhs Is Isme Pak Ko Rozana Fajar Ki Namaz Ke Bad 1000 Bar Padhega, Us Ka Makan Khair o Barkat Se Bhar Jayega Aur Har Nuksanat Se Hifazat Hogi. Us Ke Makan Se Izaa Pahochane Wale Janwar Bhag Jayenge. Amal Ko Lagatar 41 Din Tak Kare

☪ Agar Koi Shakhs Sharf e Qamar Ke Wakt Me Is Isme Pak Ke Is Naksh Zul Kitabat Ko Is Isme Pak Ke Aamil Ke Pas Chandi Ki Takhti Par Likhwaye Yani Qandah Karwaye Aur Apne Pas Rakhe To Use Zabardast Faiz o Barkat Hasil Hogi. In sha Allah

(NAKSH KI IMAGE YE HAI)

☪ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 110 Din Tak Rozana Bad Namaze Isha Tanhai Me Ye Isme Pak 10,000 Padhe, To 110 Din Ke Bad Aamil Ban Jayega. Fir Rozana 201 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com