● ASMA E HUSNA :- (یَا مُتَکَبِّرُ) YA MUTAKABBIRU ●

           ■ AMALIYAT ASMA E HUSNA ■

♥ Asma e Husna :- Ya Mutakabbiru (یَا مُتَکَبِّرُ) Ki fazilat o Wazaif

★ Allah Taala Ka Ek Naam Al Mutakabbiru Hai. Jis Ka Matlab Hota Hai Badai Wala. Kibr Wala. Kibr Yani Azmat Aur Badhtari Sirf Allah Ki Zaat Ko Zaib Deti Hai. Allah Ki Zaat Se Bada Koi Nahi. Har Chiz Us K Muqable Me Kam Haisiyat Rakhti Hai. Is Liye Usi Ki Zaat Mutakabbir Hai. Mutakabbir Ka Matlab Hai Apni Zaat Ke Samne Har Chiz Ko Hakeer Dekhna Aur Apni Hi Zaat Ke Liye Kibriyai Ko Mehsus Karna Aur Gair Ki Taraf Aise Dekhna Jaise Badshah Apne Gulamo Ko Dekhta Hai. Ye Isme Pak Jalali Hai Aur Is Ke Kul Adad Qamari 662 Hai.

★ Jo Shakhs Apni Biwi Ke Sath Sohbat Karne Se Pehle Is Isme Pak Ko Sirf 10 Bar Padh Liya Kare, Allah Ta'ala Use Nek Aur Parhezgar Aulade Farzand Ata Farmayega

★ Jo Shakhs Apne Ghar Ke Dar o Deewar Par Shab e Juma Me Ba Wakte Sa'at Mushtari Me Likhega Ya Likh Kar Ek Bakse Me Band Kar Ke Baag Ke Bich Me Gaad Dega To Wo Makan Hamesha Burai Se Mehfuz Rahega

★ Isi Tarah Se Agar Shab e Juma Me Ba Wakte Sa'at Mushtari Shaher Me Dakhil Hone Par Sab Se Pehle Makan Ki Deewar Par Ye Isme Pak 94 Bar Likhega To Allah Ta'ala Us Makan Aur Shaher Ko Har Burai Aur Aafato Se Mehfuz Rakhega

★ Is Isme Pak Ke Zakir Ko Allah Ta'ala Hukumat Karne Ki Khubi Ata Farmata Hai Aur Us Ke Hak Me Dushman Ki Zaban Band Ho Jati Hai.

★ Har Kam Ki Shuruat Me Ye Isme Pak 662 Bar Vird Kar Liya Jaye To Insha Allah Kam Pura Hoga

★ Agar Koi Shakhs Ye Isme Pak Rozana 662 Bar Padh Liya Kare To Sarkash Dushman Bhi Muteea Ho Jata Hai Aur Padhne Wale Ka Rob Har Ek Chiz Par Kayam Ho Jata Hai

★ Is Isme Pak K Muakkil Ka Naam خطيائىل Hai. Jo 662 Saf Ka Hakim Hai Aur Har Ek Saf Me 662 Firishte Hai. Jo Shakhs Is Isme Pak Ko Hamesha K Liye 662 Bar Padhne Ka Mamool Bana Leta Hai To Is Ism Ka Muakkil Us Ki Batini Taur Pe Imdad Farmata Hai

★ Jo Shakhs Ye 3 Asma e Mubarak العزيز الجبار المتكبر (Al Azeezul Jabbarul Mutakabbir) Ko 40 Din Tak Rozana Pabandi Ke Sath Fajar Ki Namaz Ke Bad Bina Kisi Se Baat Kiye 662 Bar Padhega. Us Ki Izzat O Azmat Me Be Hisab Izafa Hoga

★ Agar Is Amal Ko Jo Diya Hua Hai K Jo Shakhs Ye 3 Asma e Mubarak العزيز الجبار المتكبر (Al Azeezul Jabbarul Mutakabbir) Ko Fajar Ki Namaz Ke Bad Bina Kisi Se Baat Kiye 662 Bar Padhne Ka Hamesha Ka Mamool Bana Lega To Aisi Aisi Futoohat Zahoor Me Aayegi K Jin Ka Tasavvur Khwabo Khayal Me Bhi Nahi Hoga. Mumkin Hai K Koi Aisa Ohda Ya Mansab Ata Ho Jis Ke Bare Me Socha Tak Na Ho.

★ Ye Isme Mubarak Aalame Barzakh Me Sifate Haibat Par Marqoom Hai. Ye Isme Pak Ka Zakir Hamesha Haibat Aur Rob Wala Hota Hai

★ Ye Isme Pak Ko Kasrat Se Padhna Qurbe Ilahi Ka Zariya Banta Hai Aur Bande Me Khusoo Wa Khujoo Paida Hota Hai. Is Liye Jo Shakhs Ye Isme Pak Hamesha Ke Liye Har Namaz K Bad 100 Bar Padh Liya Karega Allah Us Se Razi Hoga Aur Use Apno Me Shamil Kar Lega

★ Jo Shakh Ye Isme Pak Rozana 264 Bar Padh Liya Karega Allah Ta'ala Us Ke Har Kam Me Barkat Dal Deta Hai Aur Bande Ke Mijaz Me Inksari Paida Ho Jati Hai Aur Wo Sab Ke Sath Husne Akhlaq Se Pesh Aata Hai

★ Agar Kisi Peer Ka Koi Mureed Sarkash Aur Baghi Ho Gaya Ho Aur Us Ki Wajah Se Khanqah Ko Nuksan Ka Andesha Ho To Ye Isme Pak 7 Ya 11 Din Tak Rozana 664 Bar Padhe Aur Us Ke Acha Hone Ki Dua Kare. Insha Allah Mureed Wapas Aa Kar Farma Bardari Ka Muzahera Karega

★ Agar Kisi Ka Ladka Sarkah Aur Baghi Ho Jaye Aur Ghar Se Nikal Jaye Aur Us Ki Harkato Ki Wajah Se Khandan Ki Izzat Kharab Ho Rahi Ho To Maa Baap Me Se Koi Is Isme Pak Ko 40 Din Tak Rozana 4648 Bar Vird Kare Aur Us Ke Liye Dua Kare. Insha Allah Ladka Muteea Ho Jayega

★ Agar Kisi Ko Ehtelam Ki Shikayat Ho Ya Khauf Paida Karnewale Khwab Aate Ho To Rozana Sone Se Pehle Ye Isme Pak 100 Bar Padh Kar Soya Kare. Insha Allah BadKhwabi Bhi Nahi Hogi Aur Darr Bhi Nahi Lagega

★ Agar Koi Chahe K Us Ki Ladki Ya Ladke Ka Rishta Kisi Khas Jagah Par Ho Aur Ye Andesha Ho Ke Samnewala Rishte Se Inkar Kar Dega To Chahiye Ke Sab Se Pehle Us Rishte Ke Liye Istekhara Kare Aur Agar Behtari Ka Ishara Aaye To Hi Ye Amal Kare. Sirf Maa Baap Me Se Hi Koi Ye Amal Kar Sakta Hai. Wo Ye K Tanhai Me Baith Kar Ye Isme Pak 3 Din Tak Rozana 11000 Bar Padhe Aur Dua Kare Aur Fir 4the Din Rishta Le Kar Jaye. Allah Ne Chaha To Rishta Qubool Kar Liya Jayega (Sirf Jaiz Jagah Istemal Kare)

★ Jo Shakhs Is Isme Pak Ke Ye Naksh Ko Sone Ya Chandi Ki Takhti Par Qanda Karwa Kar Gale Me Pehne To Makhlooq Me Be Hisab Izzat Payega
(NAKSH KI IMAGE YE HAI)

★ Agar Koi Shakhs Ye Naksh Mangalwar Ke Din Mirrikh Ki Sa'at Me Taiyar Kar Ke Apne Pas Rakhega To Jo Bhi Use Dekhega Magloob Hoga Aur Nazar Na Mila Sakega. Sa'at Mirrikh Mangalwar Ke Din Suraj Tuloo Hone Se Le Kar 1 Ghante Tak Rehti Hai.
(NAKSH KI IMAGE YE HAI)

★ Agar Koi Shakhs Allah Ta'ala Ke In Asmae Mubaraka Ka Ye Naksh Banakar Apni Topi Ya Amame Me Rakhega Ya Apne Sidhe Bazu Par Bandhega To Har Koi Is Bande Ki Ita'at Ke Liye Is Ke Samne Sar Jhukane Par Majboor Hoga Aur Har Taraf Se Izzat o Ehteram Ki Hawae Chal Padegi. Insha Allah
(NAKSH KI IMAGE YE HAI)

★ Agar Koi Shakhs Ye 3 Asma e Mubarak العزيز الجبار المتكبر (Al Azeezul Jabbarul Mutakabbir) Ko 40 Din Tak Rozana Pabandi Ke Sath Fajar Ki Namaz Ke Bad Bina Kisi Se Baat Kiye 662 Bar Padhega. Agar Kisi Mukaddame Me Fasa Hoga To Fateh Naseeb Hogi, Agar Jung Ladega To Kamrani Hasil Hogi, Agar Qarz Hoga To Us Ki Adayagi Ke Asbab Banenge

◆ Is Isme Pak Ki Zakat K 4 Tarike Hai. Jis Tarike Se Chahe Ada Kar Sakta Hai. PEHLA TARIKA Ye Hai K 40 Din Tak Mukammal Parhez Jalali Jamali Ke Sath Rozana 3125 Bar Bad Namaze Isha Padha Kare Aur Kul 1,25,000 Bar Mukammal Kare. Aamil Ho Jayega

◆ DUSRA TARIKA Ye Hai K Mukammal Parhez Jalali Jamali Aur Tarke Haiwanat Ke Sath 40 Din Tak Rozana 1580 Bar Wakt Aur Jagah Mukarrar Kar Ke Padhe To Bhi Is Isme Pak Ka Aamil Ho Jayega

◆ TISRA TARIKA Ye Hai K Pure 1 Saal Tak Koi Ek Wakt Mukarrar Kar Ke Rozana 662 Bar Padh Liya Kare Aur Tamam Kabirah Gunaho Se Bache To 1 Saal K Bad Is Isme Pak Ka Aamil Ho Jayega

◆ CHAUTHA TARIKA Ye Hai K 90 Din Tak Rozana Parhez Jalali Jamali Ke Sath Isha K Bad Ye Vird

اَجِبْ یَا خَطَیَائِیْلُ بِحَقِّ یَا مُتَکَبِّرْ

B 662 Bar Padh Liya Kare To 90 Din Ke Bad Is Isme Pak Ka Aamil Ban Jayega

♥ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com