■ AMALIYAT ASMA E HUSNA ■
❤ Asma e Husna :- Ya Raqeebu (یَا رَقِیْبُ) Ki Fazilat o Wazaif
★ Allah Ta’ala Ka Ek Sifati Naam Hai Ya Raqeebu Yani Ai Nigehbaan. Hifazat Ki Garaz Se Nigehbani Aur Nigarani Karne Wale Ko Raqeeb Kaha Jata Hai. Beshak Allah Ta’ala Raqeeb Hai Kyu Ke Wo Apni Makhlooq Aur Us Ki Har Chiz Ka Nigehban Aur Muhafiz Hai. Har Adana Aur Poshida Chiz Ki Nigehbani Karta Hai. Koi Bhi Chiz Kisi Wakt Bhi Us Ki Nazar Se Chupi Hui Nahi Hai. Allah Ta’ala Ki Zaat Har Chiz Ki Hifazat Karti Hai Aur Is Se Ek Lamha Bhi Gaafil Nahi Hai. Isi Liye Use Raqeeb Kaha Jata Hai. Ye Isme Pak Jamali Hai Aur Kul Adad Qamari Is Isme Pak Ke 312 Hai
★ Ye Wazeefa Rahe Sulook Yani Rahe Haq Ki Talash Karne Walo Ke Liye Behad Mufeed Hai. Is Isme Pak Ko Wazeefe Ke Taur Par Hamesha Ke Liye Rozana 312 Bar Padhte Rahe
★ Is Isme Pak Me Tilism Yani Jadu Ko Khatam Karne Ki Bahot Zyada Taqat Hai. Is Liye Agar Kisi Shakhs Ko Ye Andesha Ho Ke Us Ke Khilaf Ghar Ka Ya Bahar Ka Koi Banda Kale Ilam Yani Jadu Ke Taweezat Wagairah Dalta Hai Ya Kisi Ke Ghar Me Se Ese Matlab Ki Chize Milti Rehti Ho To Use Chahiye Ke Is Isme Pak Ko 40 Din Tak Rozana 1248 Bar Padhta Rahe Aur Fir Us Ke Bad Hamesha Ke Liye 100 Bar Padhta Rahe. In sha Allah Har Kism Ke Jadu Ka Asar khatam Ho Jayega Aur Padhne Wale Par Aainda Kabhi Jadu Aur Kale Ilam Ka Asar Nahi Hoga Aur Wo Hamesha Allah Ki Panah Me Rahega
★ Agar Koi Shakhs Safar Ke Liye Jaye To Jate Wakt Ye Isme Pak 111 Bar Padh Kar Pani Pe Dam Kar Ke Apne Biwi Bacho Aur Gharwalo Ko Pila Jaye Aur Thoda Sa Pani Apne Makan Ke Charo Kono Me Chhidak De To Us Ke Wapas Aane Tak Us Ka Makan Aur Biwi Bache Allah Ki Hifazat Me Rahenge
★ Ye Isme Pak Hamal Ki Hifazat Ke Liye Bhi Bahot Mufeed Hai. Agar Kisi Hamela Aurat Ko Apna Hamal Zaya Hone Ka Khatra Ho To Is Isme Pak Ko 11000 Bar Padh Kar Green Ilaichi (Cardamom) Par Dam Kar Ke Us Aurat Ko Khila De. Isi Tarah Lagatar 7 Din Tak Amal Kare. In sha Allah Us Ka Hamal Hifazat Me Rahega Aur Zaya Nahi Hoga. Aurat Khud Bhi Chahe To Ye Amal Kar Sakti Hai
★ Safar Ke Dauran Rozana Sote Wakt Apne Saman Aur Bacho Par 21 Bar Ye Isme Pak Padh Kar Dam Kar De, To In sha Allah Na Saman Gum Hoga Aur Na Hi Bache. Agar Khuda Na Khwasta Koi Chiz Kisi Kotahi Ki Wajah Se Gum Ho Jaye To Ye Isme Pak Bina Ginti Ke Kasrat Se Padhna Shuru Kar De To In sha Allah Ya Gumshuda Chiz Wapas Mil Jayegi Ya Fir Us Ka Ne’amal Badal Mil Jayega
★ Agar Koi Hamela Aurat Shuru Hamal Se Delivery Tak Hifazat Ki Niyat Se Rozana Subah Sham Apna Sidha Hath Apne Pet Par Rakh Kar Ye Isme Pak 7 Bar Padh Liya Kare To In sha Allah Hamal Zaya Nahi Hoga
★ Jo Koi Is Isme Pak Ko 7 Bar Padh Kar Apne Ahal o Ayaal Aur Maal Aur Asbab Par Dam Kare To Tamam Dushmano Aur Aafato Se Hifazat Ho
★ Is Isme Pak Ko Chandi Ki Takhti Par Qanda Karwa Kar Rozana Pani Se Dho Kar Qund Zehan Wale Ko Pilaya Kare To Zehan Tez Ho
★ Agar Safar Ke Dauran Bache Ki Gardan Par Ye Isme Pak 7 Bar Padh Kar Dam Kar Diya Jaye To In sha Allah Wo Bacha Daurane Safar Tamam Aafat Aur Hadasat Se Mehfuz Rahega
★ Agar Har Farz Namaz Ke Bad 7 Bar Ye Isme Pak Padha Jaye To Padhne Wale Ke Dil Me Apne Malik Ki Muhabbat Paida Ho
★ Agar Ye Isme Pak Rozana 100 Bar Padhne Ka Apna Hamesha Ka Mamool Bana Liya Jaye Sath Awwal Aakhir 11 Bar Durude Pak Ke, To Padhne Wala Sahibe Jalal Ho Jayega Aur Makhlooq Par Us Ka Ro’ab Aur Dabdaba Qayam Hoga In sha Allah
★ Agar Ye Isme Pak 7 Bar Chini Ki Plate Par Likh Kar Pani Se Dho Kar Kund Zehan Bache Ko Pilaya Jaye Aur 21 Din Tak Ese Hi Kiya Jaye To In sha Allah Us Bache Ki Kund Zehni Khatm Ho Jayegi
★ Agar Koi Shakhs Rat Ko Sote Wakt Ye Isme Pak 7 Bar Padh Kar Apne Ghar Ki Charo Dishao Me Dam Kar De To In sha Allah Us Rat Ghar Me Chor Nahi Aayega Aur Agar Aa Bhi Gaya To Kuch Nahi Le Ja Sakega
★ Agar Kisi Shakhs Ko Koi Zakhm Hua Ho Ya Foda Funsi Ya Jal Gaya Ho Ya Cut Gaya Ho Ya Fracture Ho Gaya Ho, Algarz Kisi Bhi Tarah Se Zakhmi Hua Ho To Rozana Ye Isme Pak 312 Bar Padh Kar Us Ke Zakhmo Par Dam Kiya Kare To In sha Allah Bahot Jald Us Ke Tamam Zakhm Sukh Jayenge Aur Us Me Rooz Aa Jayegi. Isi Tarah Koi Andaruni Maar Lagi Ho To Jis Hisse Par Maar Lagi Ho Us Hisse Par Dam Kiya Jaye Aur Pani Pe Dam Kar Ke Pilaya Jaye
★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 4992 Bar Padhe To 40 Din Ke Bad Aamil Ban Jayega. Fir Rozana 100 Bar Is Isme Pak Ka Vird Karta Rahe. Aamil Banne Ke Bad Hifazat Ke Har Muamale Me Zarurat Mando Ko Is Isme Pak Ka Taveez Diya Ja Sakta Hai
◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...
● ROOHANI ILAJ ki Purani Post Hasil Karne k Liye Is Link Par Visit Kare :
No comments:
Post a Comment