● ASMA E HUSNA :- (یَا مَتِیْنُ) YA MATEENU ●

              ■ AMALIYAT ASMA E HUSNA ■

♥ Asma e Husna :- Ya Matinu (یَا مَتِیْنُ) Ki Fazilat o Wazaif

★ Allah Ta’ala Ka Ek Sifati Naam Hai Ya Mateenu. Yani Ai Mazboot Taqat Wale. Mateen Matlab Ke Kamal Quwwat Wala. Yani Taqat Me Itna Mazboot Ho Ke Us Ke Muqabale Me Taqat Me Har Dusri Chiz Kamzor Ho. Us Ki Mazbooti Ko Koi Rokne Wala Na Ho Aur Na Hi Us Ki Quwwat Me Koi Kami Aaye. Ye Sifat Sirf Allah Hi Ki Hai, Kyu Ke Har Sifat Me Kamal Sirf Allah Ta’ala Ko Hai. Is Liye Wo Hi Zaat Mateen Hai. Allah Ta’ala Apni Qudarat Me Zabardast Quwwat Ka Muzahira Karta Hai Is Liye Mateen Kaha Jata Hai. Is Sifat Ka Zikr Bhi Qurane Pak Me Milta Hai. Ye Isme Pak Jalali Hai Aur Kul Adad Qamari Is Isme Pak Ke 500 Hai

★ Aise Bache Jo Bachpan Me Chalne Firne Ki Umar Ko Pahoch Gaye Fir Bhi Chalte Firte Na Ho To Ye Isme Pak 21 Din Tak Rozana 3500 Bar Padh Kar Bache Ko Dam Kare Aur Pani Pe Dam Kar Ke Pilaye. In sha Allah Bacha Chalne Firne Lagega

★ Agar Koi Shakhs Kisi Bimari Ki Wajah Se Is Qadar Kamzor Ho Gaya Ho Ke Us Me Chalne Firne Ki Taqat Bhi Na Bachi Ho To 40 Din Tak Rozana Subah Sham Ye Isme Pak 1100 Bar Padh Kar Pani Par Dam Kar Ke Piya Kare To Us Ke Jism Me Allah Ke Hukm Se Taqat Ka Izafa Ho Jayega

★ Ye Isme Pak Irado Me Mazbooti Paida Karne Ke Liye Bahot Akseer Hai. Is Liye Jo Log Deen Ya Qaum Ki Khidamt Ka Jazba Rakhte Ho Unhe Chahiye Ke Is Isme Pak Ka Zikr Kasrat Se Kiya Kare. Har Namaz Ke Bad 313 Bar Padh Liya Kare. In sha Allah Har Kam Ke Liye Un Ke Irade Mazboot Rahenge, Irade Kabhi Kamzor Nahi Padenge

★ Hzrt Abul Abbas Imam Ahmed Bin Ali Boni رحمت اللہ علیہ Farmate Hai Ke Koi Aisa Kam jo Bahot Mushkil Ho Aur Use Pura Karne Ki Har Koshis Nakam Ho Jaye To Is Isme Pak Ko Kasrat Se Padhna Shuru Kar De. Allah Ke Fazl Se Is Isme Pak Ki Barkat Se Mushkil Kam Me Sahulat Paida Hone Ka Zariya Ban Jayega Aur Irade Bhi Mazboot Ho Jayenge

★ Agar Kisi Hakim Ya Kisi Shakhs Ko Apne Upar Maherban Karna Ho To Ye Isme Pak Ko 500 Bar Padh Kar Kisi Mithi Chiz Par Dam Kar Ke Kisi Tarah Khila De To Wo Hakim Ya Shakhs Khilane Wale Par Maherban Ho Jayega

★ Agar Koi Shakhs Chahe Ke Use Har Ek Muhim Me Aasani Paida Ho To Har Sunday Ko Fajar Ki Namaz Ke Bad 360 Bar Padhne Ka Apna Mamool Bana Le. In sha Allah Har Muhim Me Aasani Paida Hogi

★ Bache Ki Wiladat Ke Bad Agar Kisi Aurat Ko Doodh Na Aata Ho, Jis Ki Wajah Se Bacha Bhuka Reh Jata Ho Ya Bahar Ka Doodh Pilana Padta Ho To Is Isme Pak Ko 11 Din Tak Rozana 5000 Bar Padh Kar Pani Pe Dam Kar Ke Piya Kare. In sha Allah Doodh Ki Kami Dur Ho Jayegi

★ Ye Isme Pak Bache Ka Doodh Chudane Ke Liye Bhi Bahot Mujarrab Hai. Jis Maa Ko Apne Bache Ko Doodh Chudana Ho To Use Chahiye Ke Doodh Chuda Kar Bhains Ke Doodh Par Ye Isme Pak 111 Bar Padh Kar Dam Kar Ke Bache Ko Pilaya Kare. In sha Allah Bache Ko Us Doodh Se Sabar Aa Jayega Aur Doodh Chudane Ki Wajah Se Royega Bhi Nahi

★ Jo Shakhs Ye Isme Pak Rozana 360 Bar Padhne Ki Apni Aadat Bana Le To Us Ke Andar Yade Khudawandi Ki Sifat Paida Ho Jayegi, Aur Ibadate Ilahi Aur Zikre Ilahi Ke Bagair Us Ko Sukoon Nahi Aayega

★ Agar Kisi Shakhs Ko Mulazimat Ki Darkar Ho Aur Wo Koi Ohda Chahta Ho To Use Chahiye Ke Rozana Bad Namaze Fajar Is Isme Pak Ko 500 Bar Padhe Aur Dua Kare. Allah Ke Fazl Se Us Ki Murad Puri Hogi. Amal Lagatar 41 Din Tak Pabandi Se Kare

★ Agar Koi Shakhs Rozana Bad Namaze Fajar Ye Isme Pak 10 Bar Padh Kar Apne Bacho Ko Dam Kar Diya Kare To Us Ke Bache Na Farmani Aur Buri Aadato Se Mehfuz Rahenge

★ Aise Log Jo Government Ke Kisi Department Jaise Police Ya Army Ya Kisi Aisi Job Ki Exam De Rahe Ho Jis Me Daud Ki Race Ya Swimming Ki Exam Me Pass Hona Zaruri Ho To Wo Apni Practice Ke Sath Sath Ye Isme Pak Rozana Subah Sham 1100 Bar Padh Kar Apne Upar Dam Kar Liya Kare Aur Pani Par Dam Kar Ke Pi Liya Kare. In sha Allah Un Me Itni Taqat Paida Ho Jayegi Ke Wo Apni Exam Aasani Se Puri Kar Sakenge

★ Agar Koi Shakhs Buri Aadato Aur Badkaariyo Me Mubtala Ho To 21 Din Tak Rozana 500 Bar Ye Isme Pak Padh Kar Pani Par Dam Kar Ke Pilaya Kare. In sha Allah Wo Tamam Badkaariyo Se Mehfuz Ho Jayega

★ Agar Kisi Aurat Ko Sirf Ladkiya Hi Paida Hoti Ho To Pregnant Hone Ke 2 Mahine Ke Bad 6^th Month Pura Hone Tak Us Ka Shauhar Us Ke Pet Par Shahadat Ki Ungli Se Ye Isme Pak 70 Bar Sirf Ungli Ke Ishare Se Likha Kare. Ye Amal Har Mahine 3 Rat Tak Pabandi Se Kare. In sha Allah Ladka Paida Hoga

★ Aise Log Jinhe Apne Karobar Ya Naukari Ya Marketing Ki Wajah Se Din Bhar Chalna Ya Pura Din Khade Rehna Padta Ho To Wo Log Ye Isme Pak Rozana Subah Sham 1100 Bar Padh Kar Pani Par Dam Kar Ke Piya Kare. In sha Allah Chalne Firne Aur Khade Rehne Ki Thakan Mehsus Nahi Hogi

★ Agar Kisi Ghar Me Kisi Bahu Ki Saas Sakht Mijaz Ho Ya Kisi Ka Shauhar Ya Nanad Ya Kisi Ki Bahu Bad Mijaz Ho Aur Sakhti Se Pesh Aaya Karti Ho To 21 Din Tak Rozana Ye Isme Pak 500 Bar Padh Kar Shakkar Ya Kisi Mithi Chiz Par Dam Kar Ke Khila Diya Kare, In sha Allah Wo Sakht Mijaz Insan Naram Aur Maherban Ho Jayega

★ Agar Kisi Ke Halat Me Kharabi Paida Ho Jaye Aur Karobar Me Nuksanat Hone Lage To Us Ko Chahiye Ke Is Isme Pak Ko 1100 Bar 21 Din Tak Rozana Padhe Aur Apne Maksad Ki Dua Kare.

★ Jis Wakt Chand Manzile Awwa (عوّا) Me Ho Us Wakt Is Isme Pak Ka Ye Naksh Zul Kitabat Likh Kar Agar Koi Shakhs Apne Sidhe Bazu Par Bandhe To Us Ke Andar Zabardast Mardana Quwwat Paida Ho Aur Wo Kamzori Bhi Dur Ho Jaye Jo Kisi Marz Ki Wajah Se Paida Ho Gayi Ho. (Manzile Awwa Chand Ki 28 Manzilo Me Se Ek Manzil Hai. Is Ka Wakt Kisi Bhi Jantari Se Hasil Kiya Ja Sakta Hai)

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 41 Din Tak Rozana Bad Namaze Isha Tanhai Me Ye Isme Pak 24500 Bar Padhe To 40 Din Ke Bad Aamil Ban Jayega. Fir Rozana 500 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا قَوِیُّ) YA QAVIYYU ●

                ■ AMALIYAT ASMA E HUSNA ■

♥ Asma e Husna :- Ya Qaviyyu (یَا قَوِیُّ) Ki Fazilat o Wazaif

★ Allah Ta’ala Ka Ek Sifati Naam Hai Ya Qaviyyu. Yani Ai Quvvat Wale. Allah Ta’ala Qavi Hai Kyu Ke Is Ki Taqat Sab Se Badh Kar Aur Mazboot Hai. Yani Is Ki Zaat Aur Sifat Me Koi Kami Ya Kamzori Nahi Hai. Wo Apne Af’aal Aur Ikhtiyarat Me Har Lihaz Se Quvvat Wala Hai. Us Ki Quvvat Hamesha Ek Si Rehti Hai, Kabhi Kamzor Nahi Hoti Aur Na Hi Kabhi Kam Hoti Hai. Us Ki Quvvat Har Shai Par Haavi Hai. Is Liye Allah Ta’ala Ki Hi Zaate Aqdas Qavi Hai. Apni Is Sifat Ka Zikr Rabbe Kaenat Ne Qurane Pak Ki Kai Aayato Me Kiya Hai. Ye Isme Pak Jamali Hai Aur Kul Adad Qamari Is Isme Pak Ke 116 Hai

★ Aisa Dushman Jo Bahot Tang Aur Pareshan Karta Ho, Kabhi Apni Taqat Se Aur Kabhi Tawizaat o Amaliyat Se Hamle Karta Ho To Aise Dushman Se Bachne Ke Liye Ye Isme Pak Bahot Akseer Hai. Is Isme Pak Ko Kisi Qabristan Me Baith Kar 11 Din Tak Rozana 12500 Bar Padhe Aur Dushman Se Nijat Ki Dua Kare. Allah Ke Hukm Se Dushman Maqloob Hoga

★ Jo Shakhs Is Isme Pak Ko Rozana 116 Bar Padhne Ka Apna Mamool Bana Le Aur Is Ke Awwal Aakhir 11 Bar Bismillah Shareef Padhe To Is Ke Irade Qavi Aur Dil Mazboot Ho Jata Hai. Iman Me Isteqamat Paida Hoti Hai Aur Jismani Sehat Qayam Rehti Hai. Bade Bade Kam Bina Khauf Ke Kar Leta Hai

★ Aisi Aurat Jo Hamal Ki Wajah Se Kamzor Ho Gayi Ho, Wazan Bhi Kam Ho Gaya Ho Ya Bache Ki Wiladat Ke Bad Jism Me Taqat Na Bachi Ho To Use Ye Isme Pak 7 Din Tak Rozana 2100 Bar Padh Kar Dua Kar Ke Pani Par Dam Kar Ke Pilaya Kare. In sha Allah Us Ke Jism Me Taqat Bahaal Ho Jayegi

★ Jis Shakhs Ki Mardana Quvvat Kamzor Ho Gayi Ho Aur Wo Ba Qadare Zarurat Aurat Par Qadir Na Ho To Use Chahiye Ke Rozana 11 Badam Le Kar Har Ek Badam Par 100 Bar Ye Isme Pak Padh Kar Dam Kar Ke Nihar Muh Kha Liya Kare. Isi Tarah Kul 40 Din Tak Amal Kare. Allah Ke Fazl Se Us Ke Jism Ki Taqat Fir Se Bahaal Ho Jayegi. Wo Jo Khurak Khayega Wo Us Ke Jism Ke Liye Mufeed Sabit Hogi

★ Is Isme Pak Ko Kasrat Se Padhne Se Bepanah Roohani Quvvat Hasil Hoti Hai. Aise Log Jo Kisi Roohani Silsile Se Wabasta Ho Use Chahiye Ke Is Isme Pak Rozana 2100 Bar Kam Az Kam 4 Mahine Tak Khulus Niyyat Se Padhe. In sha Allah Bepanah Batini Quvvat Hasil Hogi, Us Ke Bad Riyazat Ke Liye Jo Tarika Ikhteyar Karega Us Par Isteqamat Hasil Hogi

★ Agar Koi Shakhs Rozana Subah Sham Is Isme Pak Ko 100 Bar Padh Liya Kare To Us Ke Tamam Makasid Pure Ho Jayenge

★ Agar Koi Shakhs Is Isme Pak Ko Bad Namaze Fajar 140 Bar Padh Liya Karega To Koi Dushman Use Nuksan Nahi Pahocha Sakega Aur Har Dushman Magloob Hoga. In sha Allah

★ Agar Koi Shakhs Gundha Hua Aata Le Kar Us Ki 1000 Goliya Banaye Aur Goliya Is Tarah Rakhe Ke Aapas Me Judne Na Paye. Fir Har Ek Goli Par Ye Isme Pak 1 Bar Padhe. Fir Wo Goliya Murgo Ko Khila De To In sha Allah Jis Dushman Ki Niyat Se Amal Karenge Wo Dushman Magloob Hoga

★ Is Isme Pak Ko Kamzor Padhe To Taqatwar Ho Jaye, Mazloom Padhe To Zulm o Sitam Se Nijat Hasil Ho, Agar Koi Kam Himmat Wala Padhe To Us Me Zor Aawari Aur Taqat Aur Himmat Paida Ho Jaye

★ Agar Koi Shakhs Juma Ke Din Suraj Nikalne Ke 1 Ghante Ke Bad 3000 Bar Is Isme Pak Ko Padhe Aur Dua Kar Ke Pani Par Dam Kar Ke Piye To Nisyaan Yani Bhulne Ki Bimari Se Shifa Hasil Ho. Is Amal Ko Lagatar 7 Juma Tak Kare

★ Agar Koi Hamela Aurat Is Isme Pak Ko Rozana 116 Bar Ya Kam Se Kam 41 Bar Padhne Ka Mamool Bana Le To Us Ka Pregnancy Ka Wakt Bahot Aaram Aur Sukoon Se Bina Kisi Takleef Ke Guzar Jaye Aur Bacha Ba Aasani Sahi Salamat Paida Ho

★ Agar Koi Shakhs Koi Aisi Bimari Me Mubtala Ho Gaya Jis Se Shifa Hasil Karne Ke Bad Bhi Us Ka Jism Har Tarah Se Kamzor Aur Nidhal Ho Gaya Ho, Jism Me Kisi Tarah Ki Ko Taqat Na Bachi Ho To Jismani Taqat Ko Fir Se Bahaal Karne Ke Liye Is Isme Pak Ko 40 Din Tak Rozana 1100 Bar Padh Kar Pani Par Dam Ka Ke Piya Kare. Allah Ke Fazl Se Har Tarah Ki Jismani Kamzori Dur Ho Jayegi Aur Taqat Hasil Hogi

★ Agar Koi Shakhs Mehnat Mazdoori Aur Bojh Uthane Wala Kam Karta Ho Jaise Coolie Ho Ya Hamaal Ho, Use Chahiye Ke Rozana Subah Sham Is Isme Pak Ko 500 Bar Padh Kar Khud Par Dam Kar Liya Kare Aur Pani Par Dam Kar Ke Pi Liya Kare. Allah Ke Fazl Se Us Ki Bojh Uthane Ki Taqat Badh Jayegi Aur Thakan Kam Mehsus Hogi

★ Is Isme Pak Ko Chini Ki Plate Par Jafran Se 11 Bar Likh Kar Zamzam Ya Na Mile To Saaf Pani Se Dho Kar Gurde Ke Mareez Ko Pilaye To Gurde Ki Kharabi Aur Gurde Ke Dard Se Shifa Hasil Ho. Shifa Milne Tak Amal Ko Barabar Jari Rakhe

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 11600 Bar Padhe To 40 Din Ke Bad Aamil Ban Jayega. Fir Rozana 116 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com

● ASMA E HUSNA :- (یَا وَکِیْلُ) YA WAKEELU ●

             ■ AMALIYAT ASMA E HUSNA ■

♥ Asma e Husna :- Ya Wakeelu (یَا وَکِیْلُ) Ki Fazilat o Wazaif

★ Allah Ta’ala Ka Ek Sifati Naam Ya Wakeelu Hai Yani Ai Kaarsaz. Insani Zindagi Ka Dar o Madar Allah Ta’ala Ki Inayat Par Hai Aur Wo Hi Hamare Tamam Muamlat Ko Durust Farmata Hai. Chahe Wo Zahiri Ho Ya Batini, Deeni Ho Ya Duniyavi. Allah Hi Hamare Har Kam Ko Ahsan Tarike Se Sar Anjam Deta Hai. Isi Wajah Se Allah Hamara Wakeel Hai. Allah Ke Siwa Kisi Ka Aur Koi Kaarsaz Nahi Hai. Qurane Pak Me Isi Liye Irshade Bari Ta’ala He Ke, “Allah Hi Hamare Liye Kafi Hai Aur Wo Hi Behtarin Kaarsaz Hai”. Ek Aur Jagah Sure Ahzab Me Hai Ke, “Allah Par Tawakkal Karo.” Ye Isme Pak Jamali Hai Aur Kul Adad Qamari Is Ke 66 Hai

★ Ye Isme Pak Har Tarah Ke Khauf Me Kifayat Karta Hai. Agar Koi Jungle Me Ja Raha Ho Aur Ye Isme Pak Ka Wird Karta Rahe To Us Ke Pas Koi Nuksan Pahochane Wala Janwar Nahi Aayega. Aise Hi Kisi Makan Ya Imarat Ko AAg Ya Zalzale Ke Wakt 1000 Bar Padh Liya Jaye To Wo Imarat Nuksan Se Mehfuz Rahegi

★ Aksar Logo Ko Apne Zehni Waswaso Ki Wajah Se Hamesha Ek Kism Ka Khauf Aur Darr Mehsus Hota Rehta Hai, Jo Mahaz Un ke Dimag Ka Wahem Aur Faltu Soch Ke Alawa Kuch Nahi Hota. Lekin Ek Khauf Hota Dil Me Ghar Kar Jata Hai. Aise Logo Ko Chahiye Ke Is Isme Pak Ko Rozana 1000 Bar Padh Liya Kare Aur Seene Par Dam Kar Liya Kare. Tamam Khauf Dur Ho Jayenge

★ Ye Isme Pak Husule Murad Ke Liye Bhi Akseer Hai. Agar Kisi Shakhs Ki Koi Jaiz Hajat Ho To Use Chahiye Ke Har Namaz Ke Bad Sure Fateha 41 Bar, Fir Ye Isme Pak 1100 Bar, Fir Sure Fateha 41 Bar Padhe. Fir Apni Jaiz Hajat Ki Dua Mange. Isi Tarah Kul 21 Din Tak Padhta Rahe. Allah Ne Chaha To Us Ki Murad Agar Jaiz Hui To Puri Hogi

★ Hzrt Imam Ahmed Bin Ali Boni رحمۃ اللہ علیہ Farmate Hai Ke Ye Isme Pak Ko Kasrat Se Padhne Wale Ke Asbabe Rizk Me Allah Ta’ala Izafa Farma Deta Hai. Jis Shakhs Ka Naam “Muhammad” Ho Us Ke Liye Is Ka Zikr Bahot Mufeed Hai. Agar Koi Shakhs Is Isme Pak Ko Is Tarah Se (یَا وَکِیْلُ یَا کَفِیْلُ) Padhe To Is Ki Taseed Bahot Badh Jayegi

★ Agar Kisi Shakhs Ka Koi Kam Bigad Gaya Ho To Use Chahiye Ke 40 Din Tak Is Isme Pak Ko Rozana 3125 Bar Padhe Aur Bad Amal Rozana 100 Bar (یَا اَللہ) Ka Wird Kare. In sha Allah Us Ka Bigda Hua Kam Durust Ho Jayega

★ Musfir Agar Is Isme Pak Ko Padhta Rahe To Us Ka Safar Acha Guzre. Agar Safar Me Saman Ya Paise Khatam Ho Jaye To Is Ism Ko Padhne Se Allah Koi Zariya Bana Dega. Agar Koi Shakhs Qaid Me Hai To Is Ism Ko Padhne Se Rihaee Mil Jayegi. Agar Koi Maqrooz Hai To Us Ka Qarz Ada Hone Ki Soorat Ban Jayegi

★ Jis Insan Ka Nafs Qabu Me Na Rehta Ho Aur Hama Wakt Haram Kam Ki Taraf Ragib Rehta Ho To Is Isme Pak Ko Rozana 1000 Bar Padhe. Allah Ke Hukm Se Us Ka Nafs Qabu Me Aa Jayega

★ Jo Shakhs Kisi Bhi Chiz Se Masalan Pani Se, Bijli Se, Unchai Se, Andhere Se, Safar Me Ya Aisi Kisi Bhi Chiz Se Darta Ho To Use Chahiye Ke Har Farz Namaz Ke Bad 66 Bar Is Isme Pak Ka Wird Kar Liya Kare. Tamam Chizo Ka Khauf Us Ke Dil Se Nikal Jayega

★ Tamam Tarah Ki Nagahani Aafato Aur Musibato Se Bachne Ke Liye Is Isme Pak Ko Rozana 3125 Bar 40 Din Tak Padhte Rahe. Kaisi Bhi Musibate Aur Aafate Hongi Allah Ke Fazl Se Un Se Najat Mil Jayegi

★ Agar Kisi Ko Andesha Ho Ke Us Ke Makan Par Bijli Giregi Ya Zalzale Me Hifazat Chahta Ho To Ek Kagaz Par 7 Bar Ye Isme Pak Likh Kar Lamination Karwa Kar Ghar Ke Darwaze Par Chaspa Kar De. In sha Allah Makan Tamam Aafato Se Mehfuz Rahega

★ Agar Koi Shakhs Rat Ko Sote Wakt 7 Bar Is Isme Pak Ko Padh Kar Dastak De Yani Tali Bajaye To Us Ka Makan Us Rat Me Chori Aur Dakazani Se Mehfuz Rahega

★ Agar Koi Shakhs Maqrooz Ho Gaya Ho Aur Qarz Ki Adayagi Ki Koi Soorat Na Banti Ho To Rozana Subah Sham Is Isme Pak Ko 1100 Bar Padhna Shuru Kar De. Allah Ne Chaha To Jaldi Hi Koi Asbab Ban Jayega

★ Hzrt Imam Ahmed Bin Ali Boni رحمۃ اللہ علیہ Farmate Hai Ke Agar Kisi Ka Koi Dushman Taqatwar Ho Aur Us Ko Apne Dushman Se Apni Jaan o Maal Ka Khatra Darpesh Ho To Use Chahiye Ke 11 Din Tak Is Amal Ko Is Tarah Se Kare Ke, Rozana 11000 Bar Is Isme Pak Ko Padhe Aur Us Ke Bad 11 Bar Ye Wird (حَسْبِیَ اللہُ وَ نِعْمَ الْوَکِیْلُ) Padhe Aur Awwal Aakhir 11 Bar Durude Ibrahim Padhe. In sha Allah Dushman Ki Harkato se Mehfuz Rahega

★ Agar Koi Shakhs Rozana Ye Kalemat (یَا وَکِیْلُ یَا کَفِیْلُ) 360 Bar Padhne Ka Apna Mamool Bana Le To Us Par Rozi Ke Darwaze Khul Jayenge

★ Agar Koi Shakhs Jail Me Band Ho Aur Chahta Ho Ke Us Ki Rihaee Ho Jaye To Rozana Ye Isme Pak 660 Bar Subah Aur Sham Padhne Ka Apna Mamool Bana Le. In sha Allah Bahot Jaldi Us Ki Rihaee Ka Faisala Ho Jayega

★ Jis Ilake Me Ya Ghar Me Saanp, Bichoo Jaise Moozi Janwar Nikalte Ho To Qamar Dar Aqrab Ke Wakt Me Is Isme Pak Ke Naksh Musallas Ya Murabba Ko Likh Kar Ghar Me Rakhe. In sha Allah Tamam Moozi Janwar Ghar Me Se Bhag Jayenge

★ Jo Shakhs Rozana Subah Sham Ye Kalemat 100 Bar Padhe :-

وَکَفٰی بِاللہِ وَکِیْلًا ۔ وَکَفٰی بِاللہِ وَلِیًا ۔ وَکَفٰی بِاللہِ نَصِیْرًا ۔ وَکَفٰی بِاللہِ حَسِیْبًا ۔ وَکَفٰی بِاللہِ شَھِیْدًا ۔ وَکَفٰی بِاللہِ عَلِیْمًا ۔

Aur In Kalemat Ke Is Naksh Ko Kisi Nek Sa’at Me Likh Kar Green Kapde Me Pack Kar Ke Apne Sidhe Bazu Par Bandhe To Us Ko Duniya Me Izzat o Rifa’at Hasil Ho Aur Us Ka Dushman Maghloob Ho Aur Tamam Makhlooq Par Raub Qayam Ho

(NAKSH KI IMAGE YE HAI)

★ Is Isme Pak Ka Ye Musallas Naksh Aqabireen Se Nakal Hota Aaya Hai. Jo Shaksh Is Naksh Ko Kisi Sa’at Saeed Me Likh Kar Apne Pas Rakhega Us Ki Kul Hajate Aur Murade Puri Hongi. In sha Allah. Naksh Khaki Chal Se Banaya Jayega.

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 6250 Bar Padhe To 40 Din Ke Bad Aamil Ban Jayega. Fir Rozana 66 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com