● ASMA E HUSNA :- (یَا اَحَدُ) YA AHADU ●

              ■ AMALIYAT ASMA E HUSNA ■

♥ Asma e Husna :- Ya Ahadu (یَا اَحَدُ) Ki Fazilat o Wazaif

★ Allah Ta’ala Ka Ek Sifati Naam Hai Ya Ahadu. Yani Ai Yakta Aur Akele. Allah Ek Hai Us Ki Zaat Me Koi Shariq Nahi Hai. Wo Yakta Aur Yagana Hai Aur Ye Sirf Usi Ki Zaat Hai Ke Us Ka Koi Saani Nahi Hai. Is Liye Wo Ahad Hai Agarche Ahad Aur Wahid Me Koi Zyada Fark Nahi Hai. Lekin Ulema Farmate Hai Ke Wahid Wo Zaat Hai Jise 2 Nahi Kiya Ja Sakta Aur Ahad Us Zaat Ko Kehte Hai Jis Jaisa Koi Aur Nahi Ban Sakta. Qurane Pak Me Kai Jagaho Par Allah Ne Apni Is Sifat Ka Ailan Farmaya Hai. Ye Isme Pak Jalai Hai Aur Kul Adad Qamari Is Isme Pak Ke 13 Hai

★ Ye Isme Pak Ahle Taqwa Aur Ahle Roohaniyat Ke Liye Bahot Mufeed Hai. Jo Shakhs Is Isme Pak Ko Bad Namaze Fajar Aur Magrib 100 Bar Padh Liya Karega, Us Ke Dil Me Khaufe Khuda Paida Hoga Aur Us Ka Dil Nek Aamal Karne Ki Taraf Maeel Hoga

★ Nafs Insan Ko Hamesha Burai Ka Hukm Deta Hai. Ye Iblees Se Bhi zyada Bada Dushman Hai. Ye Isme Pak Nafsani Bimariyo Ke Ilaj Ke Liye Mujarrab Hai. Jis Shakhs Ko Nafsani Khwahishat Bahot Tang Karti Ho Use Chahiye Ke Is Isme Pak Ko 40 Din Tak 5200 Bar Rozana Padhe Aur Dua Kare. In sha Allah Nafs Buri Raah Ko Chhod Kar Neki Ki Taraf Maeel Hoga

★ Ye Isme Pak Allah Ki Muhabbat Hasil Karne Ke Liye Bhi Bahot Akseer Hai. Duniya Ke Maal Se Badh Kar Sab Se Keemti Chiz Allah Ki Muhabbat Hai Aur Ye Hi Chiz Deen o Duniya Me Beda Paar Karti Hai. Agar Is Isme Pak Ko 1300 Bar Rozana Padhne Ka Mamool Bana Liya Jaye To Dil Allah Ki Muhabbat Se Labrez Ho Jayega, In sha Allah

★ Jo Shakhs Ye Chahta Ho Ke Us Ka Khatema Bil Khair Yani Imaan Par Khatema Ho To Use Chahiye Ke Rozana Is Isme Pak Ko 100 Bar Hamesha Ke Liye Padhta Rahe. Allah Ke Fazl Se Us Ka Khatema Iman Par Hoga

★ Jo Shakhs Is Isme Pak Ko Bad Namaze Fajar 1100 Bar Rozana Padhe Aur Dame Aakhir Tak Padhta Rahe To Is Isme Pak Ki Barkat Se AllahKi Rehmat Se Us Ki Qabr Noor Se Raushan Ho Jayegi Aur Hadde Nazar Kushada Ho Jayegi

★ Ye Isme Pak Hukumat Ke Zimmedar Aur Afsaro Ke Liye Anmol Tohfa Hai. Agar Is Isme Pak Ka Rozana Subah Sham 500 Bar Wird Kiya Jaye To Un Ka Raub Aur Dabdaba Qayam Rahega Aur Wo Apne Faraiz Ko Ahsan Tarike Se Anjam De Payenge

★ Agar Koi Shakhs Is Isme Pak Ko 1000 Bar Rozana Padhega Use Har Kaam Me Aasani Hogi Aur Bimari Se Sehatyabi Bhi Hasil Hogi. In sha Allah

★ Agar Koi Shakhs (یَا وَاحِدُ یَا اَحَدُ) Ko Ek Sath Mila Kar 100 Bar Padhe Aur Kisi Zehrile Janwar Ke Kate Hue Zakhma Par Dam Kare To Allah Ke Falz o Karam Se Zaher Ke Asarat Khatm Honge Aur Mareez Tandurast Hoga

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 5200 Bar Padhe To 40 Din Ke Bad Aamil Ban Jayega. Fir Rozana 130 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com