● ASMA E HUSNA :- (یَا قَادِرُ) YA QAADIRU ●

               ■ AMALIYAT ASMA E HUSNA ■

♥ Asma e Husna :- Ya Qaadiru (یَا قَادِرُ) Ki Fazilat o Wazaif

★ Allah Ta’ala Ka Ek Sifati Naam Hai Ya Qaadiru. Yani Ai Zabardast Qudrat Wale. Allah Ta’ala Apne Irade Me Har Lihaz Se Ba Ikhteyar Raha Hai. Jo Chahe Kar Le. Jo Chiz Moujud Na Ho Use Wajood Me Lane Par Puri Tarah Ikhteyar Rakhta Hai, Isi Tarah Jo Chiz Moujud Hai Use Yakdam Khatm Karna Bhi Usi Ke Qabze Me Hai. Quran Bhi Is Baat Ka Ailan Karta Hai Ke Allah Har Chiz Par Qadir Hai. Jise Chahe Zindagi De Aur Jise Chahe Use Mout Ki Aaghosh Me Sula Deta Hai. Isi Liye Use Qaadir Kaha Jata Hai. Ye Isme Pak Jalali Hai Aur Kul Adad Qamari Is Isme Pak Ke 305 Hai

★ Ye Isme Pak Mushkil Se Mushkil Kam Ko Aasan Karne Me Ajeeb Tasir Rakhta Hai. Jab Kisi Shakhs Ko Koi Mushkil Ya Koi Muheem Darpesh Aa Jaye To Use Chahiye Ke Is Isme Pak Ko Har Namaz Ke Bad 313 Bar Padhna Shuru Kar De Aur Tab Tak Padhta Rahe Jab Tak Mushkil Aasan Na Ho Jaye. Allah Ne Chaha To Behtar Asbab Ban Jayenge

★ Is Isme Pak Ko Har Namaz Ke Bad 33 Bar Padh Lene Se Allah Ki Rehmat Aur Qudrat Shamile Haal Rehti Hai Aur Allah Ke Fazl Se Har Manzil Aasan Ho Jati Hai

★ Agar Kisi Shakhs Ko Koi Zalim Ya DUshman Pakad Kar Zyadati Karna Chahta Ho Aur Apni Hirasat Me Lena Chahta Ho To Is Isme Pak Ko Padhna Shuru Kar De Aur Us Wakt Tak Padhta Rahe Jab Tak Dushman Ka Khauf Ho. In sha Allah Dushman Ki Harkato Aur Us Ki Pakad Se Mehfuz Rahega

★ Jo Shaksh Rozana Subah Sham Ye Isme Pak 100 Bar Pabandi Se Padh Liya Karega To Allah Ki Rehmat Se Dushman Se Allah Ki Panah Me Rahega

         

★ Ye Isme Pak Saif Zaban Hone Ke Liye Bhi Bahot Akseer Hai. Jo Shakhs Is Isme Pak Ko Rozana 25000 Bar Rozana Padhe Aur Lagatar 7 Saal Tak Padhta Rahe To Us Ki Zaban Me Wo Taseer Paida Ho Jayegi Ke Jo Lafz Zaban Se Nikalega Wo Bargahe Rabbul Izzat Me Qubool Hoga

★ Is Isme Pak Me Ek Barkat Ye Bhi Hai Ke Is Ko Padhne Wale Par Israre Ilahi Khulte Hai. Jo Baate Jo Allah Ke Qabza e Qudarat Me Hai, Allah Us Ke Batini Raaz Zahir Farma Dega. Shart Ye Ke Padhne Wala Kisi Kamil Buzurg Se Bait Ho Aur Kisi Wali Allah Se Nisbat Rakhta Ho Aur Salato Sunnat Ka Paband Ho

★ Jo Shakhs Is Isme Pak Ko Rozana 305 Bar Padhne Ka Hamesha Ka Apna Mamool Bana Le To Allah Ki Madad Har Wakt Us Ke Sath Rehti Hai. Aise Wakt Me Jab Apne Sath Chhod Jate Hai, Us Wakt Allah Apne Fazl Se Bande Ki Bharpur Imdad Farmata Hai. Yaha Tak Ke Wo Kisi Ka Mohtaj Nahi Rehta

★ Agar Koi Shakhs Kisi Mushkil Me Fans Jaye To Rozana 1000 Bar Is Isme Pak Ka Vird Karta Rahe Aur Dua Kare. In sha Allah Mushkil Se Nijat Hasil Hogi

★ Agar Koi Shakhs Zalimo Ke Zulm Ka Shikar Ho To Har Namaz Ke Bad 41 Bar Is Isme Pak Ka Vird Kar Liya Kare. In sha Allah Zulm o Sitam Se Nijat Hasil Hogi

★ Jis Shakhs Ka Naam ABDUL QADIR Ho Us Ke Liye Is Isme Pak ka Zikr Karna Be Inteha Barkato Ka Baees Hai. Is Isme Pak Ka Naksh Bhi Apne Pas Rakhe. In sha Allah Har Tarah Ki Aafato Bala Aur Musibato Se Mehfuz Rahega

★ Agar Koi Shakhs Kisi Musibat Ka Shikar Ho Jaye To Rozana 2 Raka’at Nafal Namaz Musibat Ke Dur Hone Ki Niyat Se Padhe. Salam Fer Kar Ye Isme Pak 305 Bar Padhe Aur Apne Maksad Ki Dua Mange. In sha Allah Chhutkara Hasil Hoga

★ Agar Koi Shakhs Kisi Bimari Ki Wajah Se Acha Khasa Kamzor Ho Gaya Ho Yaha Tak ke Chalne Firne Ki Taqat Na Ho To Rozana Subah Sham Is Isme Pak Ko 305 Bar Padh Kar Pani Par Dam Kar Ke Piya Kare. Allah Ne Chaha To Kamzori Dur Ho Kar Taqat Fir Se Bahal Ho Jayegi

★ Agar Koi Shakhs Har Bar Wuzu Karte Wakt Har Hisse Ko Dhote Wakt Is Isme Pak Ka Wird Karta Rahe To Jumla Aafato, Har Tarah Ki Nazre Bad, Jadu Tona Aur Dushmano Ki Tamam Harkato Se Mehfuz Rahega. In sha Allah

★ Agar Koi Shaksh Rozana Subah Sham Is Isme Pak Ko 313 Bar Padhta Rahe To Kabhi Dushman Us Par Havi Aur Ghalib Nahi Ho Payega. Nuksan Pahochane Wala Har Dushman Nakam Hoga. In sha Allah

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 9275 Bar Padhe To 40 Din Ke Bad Aamil Ban Jayega. Fir Rozana 305 Bar Is Isme Pak Ka Vird Karta Rahe. Aamil Banne Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com