■ AMALIYAT ASMA E HUSNA ■
♥ Asma e Husna :- Ya Waali (یَا وَالِی)
Ki Fazilat o Wazaif
★ Allah Ta’ala Ka Ek Sifati Naam Hai Ya Waali. Yani Ai
Karsaaz Aur Maalik. Ye Isme Pak Allah Ta’ala Ki Shane Milkiyat Ka Mazhar Hai.
Allah Har Ek Ka Waali Hai Kyu Ke Usi Ne Sab Ko Paida Kiya Hai Aur Usi Ki Taraf
Hame Wapas Firna Hai. Us Ke Siwa Hamara Koi Waali Nahi Hai. Is Isme Pak Ka Zikr
Karnewale Mureede Basafa, Khulfa e Tariqat, Auliya Allah Aur Qutub wa Abdal Hue
Hai. Kyu Ke Wo Dil Se Allah Ko Is Had Tak Apna Waali Samjhte Hai Ke Apni Har
Chiz Aur Muamla Allah Hi Ke Sipurd Kar Dete Hai. Ye Isme Pak Jamali Hai Aur Kul
Adad Qamari Is Isme Pak Ke 47 Hai
★ Is Isme Pak Ke Zikr Se Contractor Person Ko Bahot
Fayda Hasil Hota Hai. Kyu Ke Un Ko Bahot Pareshani Ka Samna Karna Padta Hai. Kabhi
Contract Nahi Milta To Kabhi Payment Me Pareshani Aati Hai To Kabhi Mazdoor
Pareshan Karte Hai. Lehaza Aisa Shakhs Jo Peshe Se Contractor Ho Use Chahiye Ke
Rozana Ye Isme Pak 1100 Bar Padhne Ka Lazmi Apna Mamool Bana Le. In sha Allah
Us Ke Kam Me Be Panah Barkat Hogi
★ Jab Koi Shakhs Naya Makan Banaye Ya Nayi Dukan
Wagairah Shuru Kare To Use Chahiye Ke Kuch Logo Ko Jama Kar Ke Is Isme Pak Ko
1,25,000 Bar Padhe Aur Pani Par Dam Kare. Fir Wo Pani Makan, Dukan Wagairah Ke
Kono Aur Deewaro Par Chhidak De. In sha Allah Wo Jagah Aandhi, Toofan, Bijli
Aur Digar Shaitani Aafato Se Mehfuz Rahegi
★ Veeran Makan Ya Jagah Ko Aabad Karne Ke Liye Bhi Ye
Isme Pak Bahot Mufeed Hai. Aisi Jagah Ko Aabad Karne Ke Liye Pani Le Kar Ye
Isme Pak 313 Bar Padh Kar Dam Kare Aur Makan Ya Jagah Ke Kono Aur Deewaro Par
Chidak Diya Kare. Isi Tarah Ye Amal 7 Din Tak Kare. In sha Allah Wo Makan Ya
Jagah Hamesha Aabad Rahega
★ Kisi Sakht Insan Ke Dil Ko Mom Karne Me Bhi Ye Isme
Pak Ajeeb Taseer Rakhta Hai. Agar Kisi Shakhs Ka Dil Naram Karna Maqsad Ho To
Us Ka Tasawwur Qayam Kar Ke Rozana Ye Isme Pak 4100 Bar Padhe Aur Us Bande Ka
Naam Le Kar Dua Kare. Amal Kul 7 Din Tak Kare. In sha Allah Maqsad Hasil Hoga
★ Agar Kisi Shakhs Ko Naukari Se Nikal Diya Gaya Ho
Aur Kisi Halat Me Fir Bahal Na Kiya Jata Ho To Chahiye Ke Ye Isme Pak 41 Din
Tak Rozana 3125 Bar Bad Namaze Fajar Ya Isha Ke Padhe Aur Dua Kare. In sha
Allah Wo Wapas Bula Liya Jayega
★ Agar Koi Shakhs Chahe Ke Wo Apni Naukari Ki Jagah
Par Hamesha Ba Izzat Rahe To Use Chahiye Ke Apni Office Me Dakhil Hone Se Pehle
Ye Isme Pak 47 Bar Padh Liya Kare. In sha Allah Hamesha Naukari Ki Jagah Par
Izzat Aur Waqar Ke Sath Rahega
★ Jo Shakhs Aksar Bimar Aur Amraz Me Mubtela Rehta Ho
To Use Chahiye Ke Ye Isme Pak Is Tarah Se (اَللّٰہُ
وَالِی) Rozana 1100 Bar Padha
Kare Aur Allah Se Shifayabi Ki Dua Kare. In sha Allah Us Ki Tamam Bimariya Dur
Hogi
★ Agar Koi Shakhs Apne Nafs Ko Apna Mutee’a Karna Chahta
Ho To Is Isme Pak Ko Rozana Subah Sham 100 Bar Padha Kare
★ Agar Koi Shakhs Kisi Ko Apna Farma Bardar Banana
Chahata Ho To Us Ke Naam Ke Majmooi Adad Ke Barabar Us Ka Tasawwur Kar Ke 100
Din Tak Padha Kare. Majmooi Adad Ki Tafseel Ki Jankari Kisi Aamil Se Hasil Kare
★ Agar Koi Shakhs Dushman Se Intqam Lena Chahe To
Sardiyo Ki Raat Me 12 Baje Ke Bad Dushman Ka Tasawwur Kar Ke 1300 Bar Ye Isme
Pak Padhe Aur Lagatar 13 Din Tak Padhe. Agar Padhne Wala Waqai Me Mazloom Hoga
To Dushman Ka Khana Kharab Hoga, In sha Allah
★ Agar Koi Chahe Ke Us Ka Makan Tamam Aafato Se Mehfuz
Rahe To Mitti Ke Shikore Par Andar Ki Taraf Is Isme Pak Ko 47 Bar Likh Kar Us
Shikore Ko Pani Se Bhar De Aur 24 Ghante Tak Bhara Hua Rakhe. Us Ke Bad Wo Pani
Ghar Ke Charo Kono Aur Deewaro Par Chidak De. In sha Allah Ghar Har Aafat Se
Mehfuz Rahega
★ Agar Koi Shakhs Naye Makan Ki Buniyad Ke Wakt Ye
Isme Pak 313 Bar Padh Kar Pani Par Dam Kar Ke Makan Ki Buniyad Me Chikad De To
Makan Har Tarah Ki Nazare Bad Aur Asarat Se Mehfuz Rahega In sha Allah
★ Agar Koi Shakhs Kisi Se Naraz Ho Aur Chahe Ke Us Ki
Narazgi Dur Ho Kar Dobara Muhabbat Qayam Ho Jaye To 41 Din Tak Rozana 41000 Bar
Padhe Aur Dua Kare. In sha Allah Muhabbat Qayam Ho Jayegi
★ Agar Chadhte Chand Me Is Isme Pak Ke Murabba Naksh
Ko Likh Kar Samne Rakh Kar Is Ism Ko 47 Bar Padhe Aur Fir Apne Jaiz Maksad Ki
Dua Mange To Qubool Ho. Naksh Ko Chand Ki Pehli Jumerat Ko Pehli Sa’at Me
Likhna Behtar Hai
★ Agar Koi Shakhs Is Isme Pak Ka Aamil
Banna Chahe To Us Ke Liye Amal Nau Chandi Jumerat Se Shuru Kare Aur Mukammal
Parhez Jalali Jamali Ke Sath Chille Ki Tamam Sharaito Par Amal Karte Hue 40 Din
Tak Rozana Bad Namaze Isha Tanhai Me Ye Isme Pak 4000 Bar Padhe To 40 Din
Ke Bad Aamil Ban Jayega. Fir Rozana 47 Bar Is Isme Pak Ka Vird Karta Rahe.
Aamil Banne Ke Bad Zarurat Mando Ko Is
Isme Pak Ka Taveez Diya Ja Sakta Hai
■ ROOHANI ILAJ Group
Me Shamil Hone Ke Liye Apna Name, Whatsapp Mobile No. Aur City Name Niche Diye
Gaye No Pe Msg Kare...
● ROOHANI ILAJ ki Purani Post Hasil Karne k Liye Is Link Par
Visit Kare :
www.faizeroohani.wordpress.com