● ASMA E HUSNA :- (یَا بَاطِنُ) YA BAATINU ●

               ■ AMALIYAT ASMA E HUSNA ■

♥ Asma e Husna :- Ya Baatinu (یَا بَاطِنُ) Ki Fazilat o Wazaif

★ Allah Ta’ala Ka Ek Sifati Naam Hai Ya Baatinu. Yani Ai Poshida, Chupe Hue. Allah Ta’ala Hamari Zahiri Aankho Se Poshida Hai Aur Na Hi Ye Maddi Aankhe Use Dekhne Ke Taab Rakhti Hai. Ye Sifat Khas Kar Isi Ki Zaat Se Wabasta Hai. Is Isme Pak Ki Taseer Ye Hai Ke Is Ka Zikr Karne Wala Ahle Batin Me Shumar Hone Lagta Hai, Aur Us Par Poshida Asrar Aur Haqaiq Khulne Lagte Hai. Yani Mushahide Ka Khas Talluk Is Isme Pak Se Hai. Ye Isme Pak Jamali Hai Aur Kul Adad Qamari Is Isme Pak Ke 62 Hai

★ Aise Bande Jo Ma’arefat Ke Raste Par Chal Rahe Ho Aur Isme Zaat “ALLAH” Ka Bahot Kasrat Se Zikr Karte Rehte Ho Aur Fir Bhi Us Ke Bawajud Un Ka Baatin Na Khulta Ho Aur Unhe Kashf Hasil Na Hota Ho To Is Isme Pak Ko Rozana 20 Ya 25 Hazar Bar Wird Kiya Kare. In sha Allah Bahot Jaldi Un Ka Kashf Khul Jayega

★ Jis Rat Me Chand Mukammal Ho Gaya Ho Yani Jise Chaudahvi Ka Chand Kehte Hai, Us Rat Me Is Isme Pak Ko Itna Padhe Ke Wajd Ka Aalam Taari Ho Jaye To Jin Mukashifat Ka Talib Hoga Ya Jin Asrar Ka Mushaheda Karna Maqsood Hoga Wo Sab Khwab Ya Muraqbe Ke Aalam Me Khul Jayenge, In sha Allah

★ Jo Shakhs Rat Ki Tanhai Me Andhere Me Baith Kar Tawajjoh Ke Sath Zaban Band Kar Ke Sirf Dil Hi Dil Me Is Isme Pak Ko Rozana 1000 Bar Padhta Rahe To Allah Ke Fazl Se Us Ka Baatin Aise Raushan Ho Jayega Ke Sab Poshida Mamlat Khulne Lagenge. Magar Rizq e Halal Kama Kar Khana Zaruri Hai

★ Agar Koi Shakhs Chahe Ke Wo Makhlooqe Khuda Ki Nazar Me Azeez Ho Jaye Aur Sab Log Dekhte Hi Us Se Muhabbat Karne Lage To Is Isme Pak Ko Rozana Isha Ki Namaz Ke Bad 1111 Bar Padhne Ka Apna Mamool Bana Le. In sha Allah Jis Ke Bhi Pas Ye Jayega Wo Izzat Ki Nazar Se Dekhega Aur Ache Se Pesh Aayega

                      

★ Agar Kisi Se Dil Me Koi Aisi Baat Hai Jo Ham Janna Chahte Hai Ya Koi Hamare Bare Me Kya Guman Rakhta Hai Ye Janna Ho To 7 Din Tak Rozana Sone Se Pehle Maqsad Ka Tasawwur Qayam Rakh Kar Ye Isme Pak 3000 Bar Padhe Aur Fir Bina Baat Kiye So Jaye. In sha Allah Jo Baat Malum Karna Chahte Hai Wo Khwab Ke Zariye Malum Ho Jayegi. Lekin Shart Ye Hai Ke Amal Aadhi Rat Se Pehle Pehle Mukammal Kar Ke So Jaye

★ Agar Kisi Shakhs Me Aisi Buri Aadat Ho Ke Wo Hamesha Jhuti Baato Se Logo Ko Behkata Rehta Ho Ya Aise Andaz Me Guftagu Karta Ho Ke Dil Me Kuch Aur Zaban Pe Kuch, Aur Us Ki Aisi Harkato Ki Wajah Se Logo Ko Ranj Pahochta Ho To Us Ki Islah Ke Liye Us Ka Koi Hamdard Is Isme Pak Ko 10 Din Tak Rozana 12500 Bar Padhe Aur Us Shakhs Ka Naam Le Kar Us Ki Islah Ki Dua Karta Rahe. In sha Allah Us Ki Mubasib Islah Ho Jayegi

★ Agar Kisi Ke Dil Ka Koi Raaz Malum Karna Ho Ya Kisi Ne Koi Bura Aur Kisi Ko Nuksan Pahochane Wala Kam Kiya Ho Aur Wo Har Koshis Ke Bawajud Apna Jurm Qubool Nahi Kar Raha Ho To Kisi Aise Shakhs Ke Pas Is Isme Pak Ka Naksh Jafran Se Banwaye Jo Is Isme Pak Ka AAMIL Ho, Aur Fir Wo Naksh Pani Me Ghol Kar Kisi Tarah Wo Pani Us Bande Ko Pila Diya Jaye To Is Ki Barkat Wo Banda Khud Ba Khud Apna Jurm Apni Zaban Se Qubool Kar Lega Ya Wo Raaz Jo Janna Chahte Hai Wo Bata Dega. Lekin Naksh Sirf Aur Sirf Is Isme Pak Ke Aamil Ka Banaya Hua Hi Asar Karega. Kisi Par Na Jaiz Istemal Na Kare Warna Gunahgar Honge

★ Agar Koi Shakhs Is Isme Pak Ko Rozana 1000 Bar Padhne Ka Mamool Bana Le To Use Ishq e Ilahi Ki Daulat Naseeb Hogi Aur In sha Allah Us Ka Dil Har Tarah Se Nikhar Jayega

★ Agar Koi Shakhs Rozana Bad Namaze Fajar Is Isme Pak Ko 170 Bar Padhta Rahe To Us Ka Dil Noor Se Raushan Ho Jayega Aur Dil Ki Tamam Gandagi Dur Ho Jayegi, In sha Allah

★ Agar Koi Shakhs Chahe Ke Wo Har Dil Azeez Ho Jaye Aur Jaha Jaye Waha Maqbooliyat Hasil Ho To 21 Din Tak Rozana Is Isme Pak Ko 21000 Bar Padhe Aur Dua Kare. In sha Allah Maksad Hasil Ho Jayega

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 3125 Bar Padhe To 40 Din Ke Bad Aamil Ban Jayega. Fir Rozana 62 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com