● ASMA E HUSNA :- (یَا ظَاھِرُ) YA ZAAHIRU ●

              ■ AMALIYAT ASMA E HUSNA ■

♥ Asma e Husna :- Ya Zaahiru (یَا ظَاھِرُ) Ki Fazilat o Wazaif

★ Allah Ta’ala Ka Ek Sifati Naam Hai Ya Zaahiru. Yani Ai Zaahir. Allah Ta’ala Kaenat Ki Har Jagah Par Ayaa Hai. Balke Kaenat Ka Moujud Hona Isi Se Zahir Hai. Kaenat Ki Har Shai Me Allah Hi Ka Noor Jalwagar Hai. Kisi Bhi Shai Ka Apna Koi Wajood Nahi Hai. Jab Tak Allah Ta’ala Kisi Ke Dil Se Hijab Utha Nahi Deta Tab Tak Koi Us Ke Noor Ka Jalwa Nahi Dekh Sakta. Ye Isme Pak Jalai Hai Aur Kul Adad Qamari Is Isme Pak Ke 1106 Hai

★ Agar Kisi Makan Ya Imarat Ke Darwaze Par Ye Isme Pak Likh Kar Laga Diya Jaye To In sha Allah Wo Makan Aandhiyo Aur Zalzalo Se Mehfuz Rahega

★ Wo Chize Jo Hamare Samne Zaahir Hai Un Ki Hakikat Janne Ke Liye Is Isme Pak Ka Wird Bahot Mufeed Hai. Jo Shakhs Ise Kasrat Ke Sath Padhe Allah Ta’ala Zaahiran Use Apni Rehmat Ke Jalwe Dikhayega. Aise Shakhs Ko Fitari Maqamat Par Bahot Sukoon Mayassar Aayega

★ Agar Koi Shakhs Ye Chahe Ke Us Ki Aankho Ka Noor Kabhi Kam Na Ho Aur Aankho Ki Raushani Aakhari Dam Tak Qayam Rahe To Use Chahiye Ke Ishraq Ki Namaz Ki Pabandi Kare Aur 40 Din Tak Ishraq Ki Namaz Ada Kar Ke 500 Bar Ye Isme Pak Padh Liya Kare. Allah Ke Hukm Se Marte Dam Tak Binaai Qayam Rahegi Aur Aankhe Har Bimari Se Mehfuz Rahegi

★ Naye Tameer Shuda Makan Ko Logo Ki Nazare Bad Se Bachane Ke Liye Jab Makan Ban Kar Mukammal Ho Jaye To Is Isme Pak Ko 7 Din Tak Rozana 1106 Bar Padhe Aur Pani Par Dam Kar Ke Makan Ke Har Kone Aur Deewaro Par Chhidak Diya Kare. In sha Allah Makan Har Tarah Ki Aafat Se Mehfuz Rahega

★ Imam Ahmed Bin Ali Boni Ka Qaul Hai Ke Is Isme Pak Ko Kasrat Ke Sath Padhne Wale Par Chhupi Hui Baate Zaahir Ho Jati Hai. Ek Aamil Neez Doctor Aur Hakeem Jo Logo Ke Ilaj Ka Kam Karte Ho Un Ko Is Isme Pak Ka Rozana 1106 Bar Wird Karte Rehna Chahiye

★ Jo Shakhs Ye Chahta Ho Ke Us Ka Zaahir Aur Baatin Dono Pakiza Ho Jaye To Use Chahiye Ke Ye Dono Isme Pak (یَا ظَاھِرُ یَا بَاطِنُ) Ko Sath Me Mila Kar Rozana 7000 Bar Wird Karte Rehna Chahiye Aur Lagatar 1 Saal Tak Padhte Rehna Chahiye. Us Ka Zaahir Aur Baatin Dono Allah Ke Fazl Se Paakiza Ho Jayenge

★ Agar Koi Shakhs Is Isme Pak Ko Har Namaz Ke Bad 100 Bar Padhne Ka Apna Mamool Bana Le To In sha Allah Us Ka Qalb Munavvar Ho Jayega Aur Us Par Ilham Nazil Hone Lagega

★ Agar Koi Shakhs Musibat Ka Shikar Ho Jaye To Rozana Is Isme Pak Ko 1000 Bar Padhe. In sha Allah Bahot Jald Musibat Se Khulasi Hasil Ho Jayegi

★ Agar Koi Shakhs 1100 Bar Is Isme Pak Ko Padh Kar Surme Par Dam Kare Aur Fir Jis Mehfil Me Jaye To Wo Surma Laga Kar Jaye, In sha Allah Log Us Ki Taraf Izzat Ki Nazar Se Dekhenge

★ Har Namaz Ke Bad 11 Bar Ye Isme Pak Padh Kar Ungaliyo Par Dam Kare Aur Aankho Par Fer Liya Kare To Us Ki Aankho Ki Raushani Kabhi Kam Na Hogi In sha Allah

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 4424 Bar Padhe To 40 Din Ke Bad Aamil Ban Jayega. Fir Rozana 1106 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com