● ASMA E HUSNA :- (یَا اَوَّلُ) YA AWWALU ●

               ■ AMALIYAT ASMA E HUSNA ■

♥ Asma e Husna :- Ya Awwalu (یَا اَوَّلُ) Ki Fazilat o Wazaif

★ Allah Ta’ala Ka Ek Sifati Naam Hai Ya Awwalu. Yani Ai Sab Se Awwal. Beshak Allah Hi Sab Se Awwal Aur Hamesha Se Hai. Us Se Awwal Na Koi Tha Aur Na Kuch Tha. Wo Ba Zaate Khud Hi Tha, Aur Jab Kuch Bhi Na Tha To Wo Hi Tha. Isi Liye Wo Har Lihaz Se Awwal Hai. Isi Liye Allah Ta’ala Ko Is Isme Pak Se Pukarne Wale Ko Awwaliyat Hasil Hoti Hai. Hzrt Junaid Baghdadi رحمۃ اللہ علیہ Ka Qaul Hai Ke, Ai Allah Ke Bando ! Allah Ka Qurb Hasil Karne Ke Liye Awwal Bano Aur Ibadat (Khatam Karne) Me Aakhir Raho Yani Apni Ibadat Sab Se Aakhir Me Sab Ke Bad Khatam Karo. Ye Isme Pak Jamali Hai Aur Kul Adad Qamari Is Isme Pak Ke 37 Hai

★ Ye Isme Pak Khalqat Ko Apne Upar Maherban Karne Me Bahot Akseer Hai Aur Is Me Taskheer Ke Asarat Bahot Zyada Hai. Jo Shakhs Taskheer e Khalq Ki Niyat Se Is Isme Pak Ko Rozana 1111 Bar Tuloo Aftab Se Pehle Padh Liya Karega Use Log Bahot Zyada Pasand Karne Lagenge. In sha Allah

★ Agar Kisi Shakhs Ke Yaha Aulade Nareena Na Ho To Use Chahiye Ke 40 Din Tak Rozana Is Isme Pak Ko 3125 Bar Padhe Aur Bad Amal Sajde Me Sir Rakh Kar Allah Ki Bargah Me Dua Kare. In sha Allah Aulade Nareena Se Nawaza Jayega

★ Jo Shakhs Is Isme Pak Ko Rozana 5000 Bar Padhe Aur 1 Saal Tak Padhta Rahe To In sha Allah Ameer Ban Jayega Aur Us Ke Maali Halat Durust Ho Jayenge Aur Kaseer Daulat Hath Aayegi

★ Aisa Shakhs Jis Ka Dil Namaz, Roza Aur Digar Nek Kamo Ki Taraf Maeel Na Hota Ho, Namaz Me Dil Na Lagta Ho To Use Chahiye Ke Is Isme Pak Ko Rozana 1000 Bar Padhna Shuru Kar De Aur Dua Karta Rahe. In sha Allah Us Ke Nafs Se Namaz Aur Digar Farz Ibadato Ki Susti Dur Ho Jayegi. Agar Bache Namaz Na Padhte Ho To Rozana Ye Amal Padh Kar Pani Par Dam Kar Ke Bacho Ko Pilaya Kare

★ Agar Koi Shakhs Kisi Maksad Me Kai Bar Koshis Karne Ke Bawajud Bhi Kamyab Na Ho Raha Ho To Use Chahiye Ke Jumerat Ke Din Kisi Bhi Wakt Me Ye Isme Pak 12500 Bar Padh Kar Apne Maksad Ki Dua Kare, Amal Bila Naga 11 Jumerat Tak Kare. Allah Ke Fazl Se Wo Kam Bahot Behtarin Andaz Me Mukammal Hoga

★ Jo Shakhs Is Isme Pak Ko Digar Wazaif Ke Sath Har Namaz Ke Bad 37 Bar Padhne Ka Apna Mamool Bana Le To In sha Allah Tamam Aasabi Bimariya Jaise Laqwa, Be Khwabi, Dimag Me Waram Wagairah Se Mehfuz Rahega

★ Agar Koi Shakhs Aulade Nareena Ki Tamanna Rakhta Ho To Rozana Kisi Bhi Namaz Ke Bad Dono Miya Biwi 40 Bar Ye Isme Pak Padh Liya Kare, Neez Sohbat Se Pehle Bhi 40 Bar Padh Kar Allah Se Dua Kare. In sha Allah Jab Hamal Thaher Jayega To Ladka Paida Hoga

★ Jis Shakhs Ka Nafs Ache Kam Ki Taraf Na Aata Ho, Farz Ibadato Se Ghafil Rehta Ho To Har Namaz Ke Bad Ye Isme Pak 20 Bar Padh Liya Kare Aur Apne Qalb Par Dam Kar Liya Kare. In sha Allah Us Ka Dil Ache Kam Ki Taraf Aane Lagega

★ Agar Koi Shakhs Rozana 500 Bar Is Isme Pak Ko Padhta Rahe Aur Kam Se Kam 90 Din Tak Padhe To In sha Allah Taskheere Khalq Hasil Hogi

★ Agar Koi Shaksh Kisi Gair Mulk Me Ja Kar Fans Gaya Ho Aur Use Apne Watan Wapas Jane Ke Koi Asbab Na Ho Ya Khatra Lag Raha Ho To Wo Shakhs 21 Din Tak Rozana Is Isme Pak Ko 1000 Bar Padhe Aur Dua Kare, Aur Us Ke Ghar Wale Bhi Us Ko Wapas Bulane Ke Liye Ye Hi Amal Kare. In sha Allah Us Ke Wapas Jane Ke Behtarin Asbab Ban Jayenge

★ Ibtedai Mureedin Aur Saalekin Is Isme Pak Ka Ye Wazeefa 120 Din Tak Rozana Bad Namaze Fajr Pabandi Se 986 Bar Padhe To In sha Allah Un Ke Dil Se Gair Ki Muhabbat Nikal Jayegi Aur Sirf Allah Ki Muhabbat Qayam Rahegi

اِنَّ اللہَ اَوَّلُ الْاٰخِرُ

★ Har Kism Ki Jaiz Hajat Ko Pura Karne Ke Liye Ta Husule Murad Rozana Kisi Bhi Namaz Ke Bad Is Isme Pak Ke Adad Me Apne Naam Ke Adad Mila Kar Padhe Aur Dua Kare. In sha Allah Maksad Hasil Hoga

★ Buzurgo Ne Farmaya Ke Agar Koi Shakhs Chahta Ho Ke Ghaibi Futuhat Hasil Ho To Is Isme Pak Ko 40 Juma Tak Har Juma Ke Bad 40 Bar Padh Liya Kare Aur Ye Naksh Zulkitabat Bana Kar Apne Sidhe Bazu Par Bandh Le

(NAKSH KI IMAGE YE HAI)

★ Agar Koi Bacha Bolna Na Sikh Raha Ho To Is Naskh Zulkitabat Ko Chandi Ki Takhti Par Qanda Karwa Kar Bache Ke Gale Me Daal De To Bacha Allah Ke Hukm Se Bolne Lagega

(NAKSH KI IMAGE YE HAI)

★ Agar Koi Shakhs Is Isme Pak Ka Aamil Banna Chahe To Us Ke Liye Amal Nau Chandi Jumerat Se Shuru Kare Aur Mukammal Parhez Jalali Jamali Ke Sath Chille Ki Tamam Sharaito Par Amal Karte Hue 40 Din Tak Rozana Bad Namaze Isha Tanhai Me Ye Isme Pak 3125 Bar Padhe To 40 Din Ke Bad Aamil Ban Jayega. Fir Rozana 37 Bar Is Isme Pak Ka Vird Karta Rahe. Aamil Banne  Ke Bad Zarurat Mando Ko Is Isme Pak Ka Taveez Diya Ja Sakta Hai

■ ROOHANI ILAJ Group Me Shamil Hone Ke Liye Apna Name, Whatsapp Mobile No. Aur City Name Niche Diye Gaye No Pe Msg Kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com