● ASMA E HUSNA :- (یَا غَفَّارُ) YA GAFFARU

            ■ AMALIYAT ASMA E HUSNA ■

♥ Asma e Husna :- Ya Gaffaru (یَا غَفَّارُ) Ki fazilat o Wazaif

★ Allah Ta'ala Ka Ek Naam Al Gaffar Bhi Hai. Yani Gunah Muaf Karne Wala. Beshak Allah Ta'ala Hi Apne Bando Ke Gunah Muaf Karne Wala Hai. Allah Apni Makhlooq Ke Aibo Aur Gunaho Ko Apni Rehmat Me Chhupa Leta Hai. In Ki Na Farmaniya, Khatae Aur Lagzishe Aur Kotahiyo Ko Dekh Kar Fauran Pakad Nahi Karta Balke Dheel Deta Hai Aur Jab Bande Ko Apne Gunaho Ka Ehsas Hota Hai Aur Wo Allah Se Apne Muafi Talab Karta Hai To Allah Use Muaf Farma Deta Hai. Isi Liye Use GAFFAR Pukara Jata Hai. Ye Ism Jamali Hai Aur Is Ke Adad Qamari 1281 Hai.

★ Ye Isme Pak Gunaho Ki Magfirat Ke Liye Bahot Acha Hai. Jo Shakhs Is Isme Pak Ko Rozana 1281 Bar Bad Namaze Fajar Padhta Rahe Aur Aakhari Dam Tak Is Wazeefe Ko Padhta  Rahe To Us ke Gunah Hamesha Muaf Hote Rahenge Aur Jab Wo Duniya Se Jayega To Us Ke Sab Gunah Muaf Honge

★ Jo Shakhs Rozana Har Namaz Ke Bad 12 Bar Is Isme Pak Ko Padhta Rahe To Fir Allah Ki Rehmat Se Use Gunaho Se Bachne Ki Taufiq Milti Rahegi

★ Jo Shakhs Har Juma Ko Bad Namaze Juma 100 Bar Is Tarah Se

یَا غَفَّارُ اِغْفِرْلِی ذُنُوْبِی

Padhta Rahe To Magfirate Khuda Wandi Me Rahega

★ Jo Koi Is Isme Pak Ka Murabba Yani 4x4 Ka Naksh Mahine Ki Aakhari Rat Ko Sa'at Mirrikh Me Sise Ki Takhti Par Likh Kar Apne Aur Apni Maa Ke Naam Ke Adad Ke Mutabik Is Isme Pak Ko Padh Kar Naksh Par Dam Kar Ke Apne Pas Rakhe To Allah Ta'ala Use Zalim Ke Zulm Se Bacha Kar Rakhega

★ Jis Ko Allah Apne Asrar Muttala'a Farmaye Aur Wo Us Raaz Ko Poshida Na Rakh Sake Is Isme Pak Ka Zikr Kare Aur Allah Ta'ala Se Asrar Poshida Rakh Pane Ki Dua Kare

★ Agar 2 Bando Me Sulah Na Ho Rahi Ho Ya Fir Court Me Case Chal Raha Ho Aur Ek Banda Us Me Sulah Karna Chahta Hai Lekin Samne Wala Razi Nahi Ho Raha Hai To Ye Isme Pak 11 Din Tak Rozana Bad Namaze Magrib 5124 Bar Padhe Insha Allah Dono Bando Me Sulah Ke Asbab Paida Ho Jayenge

★ Jis Shakhs Ki Tabiyat Nek Kamo Ki Taraf Maeel Na Hoti Ho Balke Nafs Hamesha Bure Kam Sochne Me Laga Rehta Ho To Use Chahiye Ke Is Tarah Amal Kare K Rozana 2 Raka'at Nafl Namaz Ada Kare Aur Tauba Kare Fir 3125 Bar Ye Isme Pak Ka Zikr Kare Aur Dua Kare Insha Allah Us Ki Buraiya Khatm Hogi Aur Nafs Nekiyo Ki Taraf Ragib Hoga

★ Agar Kisi Ko Tangdasti Ho, Rizk Ka Zariya Mehdud Ho Ya Husule Maal Me Koi Rukawat Paida Ho Gayi Ho Ya Karobar Tabah Ho Gaya Ho To Use Chahiye Ke Rat Ke Aakhari Hisse Me Uthe Aur Achi Tarah Se Wuzu Kar Ke 2-2 Kar Ke Kul 20 Raka'at Nafl Namaz Padhe Aur Har Raka'at Me Sure Fateha Ke Bad 4ro Qul Sharif Padh Kar Ye Isme Pak 100 Bar Padhe. Bad Amal Dua Kare Aur Amal Ko 21 Din Tak Lagatar Padhe. Insha Allah Us Ki Tangdasti Khatm Hone Ke Aasar Paida Ho Jayenge

★ Agar Koi Shakhs Hadd Se Zyada Pareshan Ho To Aadhi Rat Ko Khule Aasman Ke Niche Khade Ho Kar Aasman Ki Taraf Hasrat Bhari Nigaho Se Ranjeeda Surat Me Ye Isme Pak 100 Martaba Padhe. Insha Allah Chand Din Me Us Ki Pareshani Dur Ho Jayegi

★ Is Isme Pak Ka Aamil Banne Ke Liye Ye Isme Pak Mukammal Parhez Jalali Wa Jamali Ke Sath Chille Ki Tamam Sharait Ko Pura Karte Hue 40 Din Tak Rozana 7686 Bar Padhta Rahe. Insha Allah Zakat Ada Ho Jayegi. Aamil Banne Ke Bad Is Isme Pak Ka Naksh Zarurat Mando Ko Diya Ja Sakta Hai

★ Is Isme Pak Ka Ye Naksh Zul Kitabat Har Us Shakhs Ke Liye Mufeed Sabit Hota Hai Jo Bure Raste Se Ache Raste Ki Taraf Aana Chahta Hai. Wo Is Naksh Se Fayda Utha Sakta Hai.
(NAKSH KI IMAGE YE HAI)

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com