● ASMA E HUSNA :- (یَا مُصَوِّرُ) YA MUSAVVIRU ●

         ■ AMALIYAT ASMA E HUSNA ■

♥ Asma e Husna :- Ya Musavviru (یَا مُصَوِّرُ) Ki fazilat o Wazaif

★ Allah Ta'ala Ka Ek Sifati Naam Al  Musawwir Bhi Hai. Yani Ai Surat Banane Wale. Chunke Allah Ne Karodo Arabo Surate Banayi Hai Jo Dekhne Me Ek Dusre Se Juda Hai. Fir Har Ek Ki Khusoosiyat  Alag Hai. Ye Kam Khuda Ke Siwa Koi Nahi Kar Sakta Is Liye Use Musawwir Kaha Jata Hai. Ye Isme Pak Jalali Hai Aur Is Ke Adad Qamari 336 Hai.

★ Jo Aurat Ye Chahe Ke Us Ki Aulad Khubsoorat Paida Ho To Use Chahiye Ke Hamal Thaherne Ke 3 Mahine Bad Is Isme Pak Ko Sote Wakt 336 Bar Padhna Shuru Kar De Aur Delivery Tak Pabandi Se Padhti Rahe. Insha Allah Aulad Khubsoorat Aur Sahi Salamat Paida Hogi

★ Jis Aurat Ko Hamal Thaher Kar Gir Jata Ho Aur Aksar Ye Hi Pareshani Ka Samna Rehta Ho To Use Chahiye Ke Hamal Thaherne Ke Bad Ye 3 Asma

یَا حَیُّ یَا حَافِظُ یَا مُصَوِّرُ

Ko Milakar 40 DIn Tak Rozana 1100 Bar Padhe. Ek Wakt Aur EK Jagah Mukarrar Kar Ke Padhe. Insha Allah Hamal Mehfuz Rahega

★ Aisi Aurat Jis Ke Yaha Aulad Na Hoti Ho To use Chahiye Ke 7 Roze Rakhe Aur Roza Iftar Karte Wakt Ye Isme Pak 21 Bar Padh Kar Pani Pe Dam Kare Aur Isi Pani Se Iftar Kare To Hamela Hogi Aur Insha Allah Farzand Saaleh Paida Hoga

★ Aise Log Jo Nayi Nayi Chizo Ka Research Karne Me Lage Ho Ya Aise Businessman Jo Business Me Nayi Nayi Chizo ki Creativity Kiya Karte Ho Aur Darr Ho Ke Un Ka Creation Market Me Chalega Ke Nahi, Wo Log Is Isme Pak Ka Kasrat Se Vird Kiya Kare. Insha Allah Allah Ki Madad Shamil Rahegi

★ Jo Shakhs Apne Kisi Kam Ki Mushkil Ke Liye Fikrmand Ho To 21 Din Tak Rozana 500 Bar Padhe. Awwal Aakhir 11 Ba Durude Pak. Insha Allah Kam Kitna Hi Mushkil Kyu Na Ho Aasani Paida Ho Jayegi

★ Agar Koi Shakhs Kisi Ko Milne Ka Irada Kare Aur Chahe Ke Milne Wala Us Par Maherban Ho To Wuzu Kar Ke Shahadat Ki Ungli Se Apni Peshani Par Ye Isme Pak Likh Kar Fir Jaye. Jis Se Mulakat Karega Wo Maherban Hoga

★ Aisa Saliq Jis Ka Batin Khul Chuka Ho Aur Us Par Kashf Ke Halat Wajeh Ho Jate Ho, Agar Wo Aalam e Arwah Ki Makhlooq Ka Mushaheda Karna Chahe To Niyat Kar Ke 40 Din Tak Rozana 12500 Bar Padh Liya Kare. Insha Allah Aalame Arwah Ki Makhlooqat Ka Mushaheda Karega

★ Agar Koi Shakhs 7 Din Tak Rozana 5000 Bar Koi Ek Wakt Muqarrar Kar Ke Ye Isme Pak Ka Vird Kare, Awwal Aakhir 11 Bar Durude Pak Padhe To Kaisi Hi Sakht Mushkil Ho Aasan Hogi

★ Isi Tarah Qarz Se Adayagi Ki Niyat Se 7 Din Tak Rozana 5000 Bar Koi Ek Wakt Muqarrar Kar Ke Ye Isme Pak Ka Vird Kare, Awwal Aakhir 11 Bar Durude Pak Padhe To Insha Allah Qarze Ki Adayagi Ki Koi Soorat Ban Jayegi

★ Isi Tarah Muqaddame Me Kamiyabi Ke Liye  7 Din Tak Rozana 5000 Bar  Koi Ek Wakt Muqarrar Kar Ke Ye Isme Pak Ka Vird Kare, Awwal Aakhir 11 Bar Durude Pak Padhe To Insha Allah Muqaddame Me Kamiyabi Ata Hogi. Ba sharte Ke Padhnewala Haq Par Ho

★ Isi Tarah Agar Koi Shakhs Gayab Ho Jaye Ya Bhag Jaye To 7 Din Tak Rozana 5000 Bar Koi Ek Wakt Muqarrar Kar Ke Ye Isme Pak Ka Vird Kare, Awwal Aakhir 11 Bar Durude Pak Padhe. Insha Allah Gayab Ke Wapas Aane Ke Raste Ban Jayenge

★ Jo Shakhs Is Isme Pak Ko Rozana 336 Bar Vird Kiya Karega To Logo Ke Dil Me Us Ke Liye Chahat Aur Maqbooliyat Paida Hogi

★ Is Isme Pak Ka Naksh Bhage Hue Shakhs Ya Gumshuda Ke Liye Is Tarah Se Banaye Ke Naksh Ke Niche Mafroor ya Gumshuda Ka Naam Aur Us Ki Maa Ka Naam Likhe Aur Green Kapde Me Pack Kar Ke Kisi Phaldar Darakht Par Latkaye. Insha Allah  Gumshuda Ka Pata Chal Jayega (NAKSH KI IMAGE YE HAI)

★ Agar Is Isme Pak Ka Naskh Likh Kar Lal Kapde Me Pack Kar Ke Kisi Banjh Aurat Ke Gale Me Dale To Insha Allah Jaldi Hi Hamela Ho 

(NAKSH KI IMAGE YE HAI)

★ Is Isme Pak Ki Kul Zakat 336000 Hai. Agar Koi Shakhs Is Isme Pak Ka Aamil Banna Chahe To Mukammal Parhez Ke Sath 40 Din Tak Rozana Bad Namaze Isha 8400 Bar Vird Kiya Kare. Insha Allah Aamil Ban Jayega. Zakat Mukammal Hone Par Is Isme Pak Ka Naskh Hifazate Hamal, Husule Aulad, Kam Kaj Me Aasani Aur Khubsoorat Bacha Hone Ke Liye Diya Ja Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com