● ASMA E HUSNA :- (یَا عَدْلُ) YA AD'LU ●

         ■ AMALIYAT ASMA E HUSNA ■

♥ Asma e Husna :- Ya Ad'lu (یَا عَدْلُ) Ki fazilat o Wazaif

★ Allah Ta'ala Ka EK Sifati Naam Hai Ya Ad'lu. Yani Ai Insaf Wale. Beshak Allah Ta'ala Sab Se Bada Aadil Hai. Kyu Ke Us Ka Har Kam Adal Aur Insaf Par Mabni Hota Hai, Aur Us Ke Kisi Bhi Hukm Me Na Insafi Nahi Hoti Aur Na Hi Us Ke Hukm Me Koi Zulm Ya Zyadati Hoti Hai. Kyu Ke Us Ke Ahkam Aur Af'aal Zulm Se Munajja Hai. Is Liye Allah Ki Janib Zulm Ya Zyadati Ki Nisbat Kayam Karna Kufr Hai. Allah Ne Apne Adal Me Sadiq Hone Ki Bina Par Insan Ko Ye Targib Di Hai Ke Jab Tuj Par Adal Wa Insaf Ki Zimmedari Di Jaye To Tu Bhi Us Me Adal o Insaf Kar, Jis Me Kisi Ke Sath Zyadati Na Hone Paye. Ye Isme Pak Jalali Hai. Kul Adad Qamari Is Isme Pak Ke 104 Hai

★ Insaf Pasandi Ek Bahot Bada Wasf Hai. Aksar Awkat Logo Se Apne Gharelu Aur Bahar Ke Muamlat Me Insaf Nahi Ho Pata Aur Wo Gunahgar Bante Hai. Is Liye Apne Mijaz Me Insaf Ki Fitrat Paida Karne Ke Liye 40 Din Tak Rozana Ye Isme Pak 10400 Bar Padhe. Us Ke Bad Rozana 104 Bar Padhte Rahe. In sha Allah Is Amal Ki Barkat Se Us Bande Me Insaf Pasandi Ki Sifat Paida Ho Jaye Aur Esa Banda Har Muamle Me Insaf Se Kam Lene Ki Koshis Kare

★ Munsif Yani Judge Ke Ohde Ke Faraiz Ek Bahot Hi Mushkil Kam Hai. Agar Insaf Ki Kursi Par Baith Kar Bhi Koi Shakhs Insaf Na Kare To Ba Roze Qayamat Us Se Sakht Baaz Purs Hogi. Is Liye Judge Saheban Ko Acha Judge Banne Ke Liye Rozana Insaf Ki Kursi Par Baith Kar Ye Isme Pak Ko  100 Bar Hamesha Padhte Rehna Chahiye. Allah Apne Fazl Se Us Bande Ko Esi Fitrat Ka Malik Bana Dega Ke Wo Hamesha Har Muqaddame Me Haq Ka Faisla Hi Karega

★ Agar Koi Shakhs Kisi Court Me Koi Case Haar Gaya Ho Aur Use Ye Lagta Ho Ke Us Ke Sath Sahi Insaf Nahi Kiya Gaya Aur Wo Us Court Se Upar Ki Court (Yani Highcourt Ya Supreme Court) Me Apeel Karne Ka Irada Rakhta Ho To Use Chahiye Ke Apeel Karne Se Pehle 3 Din Tak Ye Isme Pak Rozana 11000 Bar Padhe. Us Ke Bad Apeel Dakhil Kare Aur Fir Faisla Hone Tak Rozana Ye Hi Isme Pak 1100 Bar Pabandi Se Padhta Rahe. In sha Allah Use Insaf Mil Jayega

★ Is Isme Pak Ki Ek Khasiyat Ye Bhi Hai Ke Is Isme Pak Ko Rozana 33 Bar Padhte Rehne Se Ghar Wale Aur Bahar Jin Jin Logo Se Wasta Padta Rehta Hai Wo Sab Log Padhne Wale Ki Izzat Kare Aur Pyar Muhabbat Se Pesh Aaye

★ Ek Tarika Ye Bhi Ulema e Amaliyat Ne Irshad Farmaya Hai Ke Agar Koi Banda Har Shabe Juma Ko Roti Ke 20 Tukdo Par Ye Isme Pak (یَا عَدْلُ) Likh Kar Khaye Aur Ye Amal Lagatar 1 Saal Tak Kare To Log Us Se Musakhkhar Ho Kar Us Ke Taabe Ho Jaye

★ Agar Kisi Shakhs Ne Kisi Ke Sath Zulm Kiya Ho Ya Kisi Muamle Me Behad Zyadati Kar Raha Ho To Us Muamle Me Ye Isme Pak (یَا عَدْلُ) 21 Din Tak Rozana 2100 Bar Padhe Aur Fir Us Zalim Ke Us Zulm Ki Bad Dua Kare To Ese Zalim Ko Is Jahan Me Zulm Ki Saza Mil Kar Rahegi

★ Agar Koi Hakim Ya Afsar Ya Koi Esa Shakhs Jis Ke Under Me Bahot Se Log Kam Karte Ho, Wo Is Isme Pak Ko Rozana Magrib Ki Namaz Ke Bad 40 Din Tak 3125 Bar Padhe Aur Fir Hamesha Ke Liye Rozana 100 Bar Padhta Rahe To Us Ke Har Kam Me Apne Matahat Logo Ke Sath Adal o Insaf Karne Ki Taufiq Naseeb Hogi

★ Jo Koi Is Isme Pak Ko Aqeeq Ya Kisi Aur Patthar Par Qanda Karwa Kar Apne Pas Rakhe To Wo Adal o Insaf Karne Wala Ban Jaye

★ Jo Shakhs Har Namaz Ke Bad Is Isme Pak Ko 104 Bar Padh Liya Kare Aur Apne Seene Par Dam Kar Liya Kare To Allah Ta'ala Us Ko Isteqamat Aur Adal Naseeb Farmaye

★ Agar Koi Shakhs Aadhi Rat Ke Bad Ye Isme Pak 360 Bar Padh Liya Kare To Tamam Makhlooq Mutee'a Wa Farma Bardar Ho Jaye

★ Agar Koi Hakim Ya Afsar Rozana Is Isme Pak Ko 104 Bar Padh Liya Kare To Tamam Riaaya Aur Matahat Log Us Ki Izzat Kare Aur Us Ke Hukm Ke Aage Ba Khushi Apna Sir Jhukaye

★ Agar Koi Shakhs Kisi Zalim Ke Zulm Me Mubtala Ho To Use Chahiye Ke Namaze Fajar Ke Bad 5316 Bar Is Isme Pak Ka Zikr Kare. In sha Allah 14 Din Me Us Zalim Ke Zulm Se Nijat Milegi, Aur Us Zalim Ke Dil Me Rahem Paida Hoga Ya Fir Wo Zalim Barbad Ho Jayega

★ Agar Koi Shakhs Is Isme Pak Ko 104 Din Tak Rozana 10400 Bar Padh Liya Kare, Us Ke Bad Rozana 104 Bar Padhta Rahe To Wo Insaf Pasand Ban Jayega Aur Us Ki Zaat Se Na Insafi Ka Sudoor Nahi Ho Sakega

★ Agar Koi Shakhs Kisi Muamle Me Confused Ho Aur Chahta Ho Ke Allah Ki Taraf Se Use Rehnumai Hasil Ho Jaye To Ye Amal Kare Ke Ke Qurane Pak Ko Samne Rakh Kar Apne Kam Ya Apne Maksad Ka Irada Kre. Pehle 1 Bar Sure Fateha Aur Fir 7 Bar Sure Baqarah Ki Ye Aayat No. 32

سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنْتَ الْعَلِيمُ الْحَكِيمُ

Aur Fir 14 Bar Ye Isme Pak (یَا عَدْلُ) Padh Kar Qurane Pak Ko Kisi Bhi Jagah Se Khol Kar Sidhi Janib Ke Page Ki Sab Se Upar Ki Pehli Aayat Ka Tarjuma Padhe. Agar Wo Aayat Ke Tarjuma Me Rahem Aur Lutf Aur Maherbani Ki Baat Ho Ya Kisi Achi Bat Ka Zikr Ho To Ye Samjhe Ke Allah Ta'ala Us Kam Ko Pasand Farmata Hai Jis Ko Karne Ka Aap Ne Irada Kiya Hai, Aur Is Ke Bar Aks Agar Wo Aayat Ke Tarjume Me Azaab Ya Qah're Khudawandi Ya Kisi Burai Wali Bat Ka Zikr Ho To Samjhe Ke Us Kam Ko Karne Me Rab Ki Marzi Shamil Nahi Aur Wo Kam Aap Ke Haq Me Behtar Nahi Hai. To Us Kam Ko Karne Ka Irada Tark Kar Diya Jaye. Goya Ke Ye Ek Tarah Ka Istekhara Hai

★ Is Isme Pak Ki Zakat Kul 100 Din Me 11 Lakh Hai. Yani Parhez Jalai Jamali Ke Sath Chille Ki Tamam Sharait Par Amal Karte Hue 100 Din Tak Bad Namaze Isha Rozana 11000 Bar Padhta Rahe To Wo Is Ka Aamil Ban Jayega. Us Ke Bad Is Isme Pak Ka Taveez Har Jarurat Mand Ko De Sakta Hai

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com