● ASMA E HUSNA :- (یَا مُذِلُّ) YA MUZILLU ●

         ■ AMALIYAT ASMA E HUSNA ■

♥ Asma e Husna :- Ya Muzillu (یَا مُذِلُّ) Ki fazilat o Wazaif

★ Allah Ta'ala Ka Ek Sifati Naam Hai Ya Muzillu. Yani Ai Zillat Dene Wale. Jis Tarah Allah Ta'ala Ba Izzat Karne Ki Taqat Rakhta Hai, Usi Tarah Ye Baat Bhi Allah Ke Ikhteyar Me Hi Hai Ke Jise Chahe Zillat Ki Gehraiyo Me Gira De. Isi Liye Use Muzillu Bhi Kaha Jata Hai. Allah Ta'ala Ne Apni In Dono Sifat Ka Zikr Sure Aale Imran Ki Aayat No. 26 Me Kiya Hai. Al Garz Izzat Ko Zillat Me Aur Zillat Ko Izzat Me Badalna Allah Ta'ala Ke Ikhteyar Me Hai. Ye Isme Pak Jalali Hai Aur Kul Adad Qamari Is Isme Pak Ke 770 Hai. Khas Taur Pe Is Isme Pak Ka Zikr Dushmanane Deen Ko Zaleel Aur Ruswa Karne Ke L iye Kiya Jata Hai

★ Ek Khas Nukta Is Me Samajhne Layak Ye Hai Ke Zillat 2 Kism Ki Hoti Hai. Ek Masbat Aur Dusri Manfi. Allah Ta'ala Jab Kisi Par Maherbani Farmata Hai Aur Use Apne Khas Bando Me Shamil Kar Leta Hai To Us Ke Nafs Ki Islah Ke Liye Zahiri Taur Par Us Par Gurbat Tari Kar Deta Hai. Aazmaish Ke Taur Par Kuch Ne'amate Chhin Leta Hai. Gurbat Ki Wajah Se Log Use Zaleel Tasawwur Karte Hai Lekin Kuch Arse Bad Jab Us Bande Ko Mukammal Taur Par Roohaniyat Hasil Ho Jati Hai To Fir Log Dil Se Us Bande Ki Izzat Karte Hai. Isi Zillat Ko Masbat Kehte Hai. Is Ke Bar Aks Baaz Logo Par Allah Naraz Ho Kar Zaleel Aur Ruswa Kar Deta Hai. Ye Zillat Asal Me Saza Hoti Hai. Isi Zillat Ko Manfi Kaha Jata Hai

★ Agar Koi Dushman Kisi Ko Bahot Tang Karta Ho Aur Us Shakhs Ko Logo Me Badnam Karta Ho To Is Isme Pak Ko 21 DIn Tak Rozana 7000 Bar Padhe Aur Rozana Sajde Me Ja Kar Dushman Se Najat Ki Allah Se Dua Kare. In Sha Allah Dushman Se Khulasi Hasil Hogi Aur Dushman Zaleel o Khwar Hoga

★ Shaikh Jalaluddin Mehmood Tabreji Ka Qaul Hai Ke Agar Dushman Qavi Ho, Jabir Ho Aur Zalim Ho Aur Us Se Jaan Ka Khatra Ho To Wuzu Kar Ke 2 Rakat Namaz Ada Kare Aur Fir 77 Bar Is Isme Pak Ko Padhe Aur Dua Kare. In Sha Allah Kuch Din Ke Amal Se Dushman Zaleel Hoga

★ Aksar Office Ya Job Ki Jagah Par Bade Officer Bahot Sakht Mijaz Aur Bad Kalam Hote Hai Jo Apne Under Me Kam Karne Walo Ko Pareshan Karte Hai. Ese Officers Se Nijat Hasil Karne Ke Liye Is Isme Pak Ko 40 Din Tak Rozana 6250 Bar Bad Namaze Asar Masjid Me Baith Kar Padha Kare. In Sha Allah Najat Hasil Hogi

★ Jis Shakhs Ko Shehwat Zyada Hoti Ho Aur Apni Nafsani Khwahishat Se Pareshan Ho To Use Chahiye Ke Is Isme Pak Ko Rozana 770 Bar Padhne Ka Mamool Bana Le. Allah Ke Hukm Se Us Ki Nafsani Khwahishat Control Me Rahegi. Nafs Ko Zillat Hogi Aur Wo Rahe Rast Par Chalega

★ Jis Ka Koi Janwar Shareer Ho Aur Qabze Me Na Aata Ho Wo Is Ism Ka Zikr Kare, Allah Apne Fazl Se Us Janwar Ko Is Ism Ke Zakir Ka Tabedar Kar Dega

★ Jo Shakhs 3 Din Budh, Jumerat Aur Juma Ka Roza Rakhe Aur Iftar Na Kare Balke Magrib Ki Namaz Ke Bad 2 Rakat Nafl Padhe. Har Rakat Me Sure Fateha Ke Bad Ye Isme Pak 100 Bar Padhe Aur Har Rakat Ke Sajde Me Bhi Tasbeeh Ke Bad Ye Hi Isme Pak 100 Bar Padhe. Fir Salam Fer Kar 1000 Bar Ye Hi Isme Pak Padhe Fir Dua Kare  Ke Ya Muzeellu Falaa Bande Ko Mere Samne Zaleel Farma De To Jis Ka Naam Le Kar Dua Karega Wo Zaleel Hoga Aur Kabhi Mukhalefat Na Karega. Amal Ke Bad Iftar Kare

★ Jo Shakhs Is Isme Pak Ka Vird Kiya Karega Us Ko Gunaho Se Aur Gunahgaro Se Wehshat Hone Lagegi Aur Nek Logo Ki Sohbat Me Dil Lagega

★ Agar Kisi Shakhs Ko Dushmano Ka Khuaf Ho To 2 Rakat Nafl Namaz Padh Kar Salam Ferne Ke Bad Sajde Me Ja Kar Ye Isme Pak 770 Bar Padhe. In Sha Allah Kuch Din Ke Amal Se Us Ke Dil Se Dushmano Ka Khauf Nikal Jayega Aur Wo Aman o Aman Me Rahega

★ Agar Kisi Zalim Ya Kisi Kafir Ka Guroor Todna Ho Aur Us Ko Zaleel o Khwar Karna Ho To 7 Martaba Ye Kalemat

یَا مُذِلُّ کُلُّ جَبَّارٍ عَنِیْدٍ

Padhe Aur Fir 1000 Bar Ye Isme Pak Padhe, Aur Fir Us Zalim Kafir Ki Zillat Aur Ruswai Ke Liye Dua Kare. Is Amal Ko Lagatar 7 Ya 11 Din Tak Jari Rakhe. Allah Ke Hukm Se Wo Zalim Ya Kafir Insan Zaleel Hoga Aur Us Ka Na Hak Guroor Tut Jayega

★ Is Isme Pak Ke Aamil Banne Ke Liye Parhez Jalali Jamali Ke Sath Chille Ki Tamam Sharait Par Amal Karte Hue 110 Din Tak Rozana Bad Namaze Isha Ye Isme Pak 10,000 Bar Vird Kiya Kare To Aamil Ban Jayega. Us Ke Bad Rozana 770 Bar Padhta Rahe. Aamil Banne Ke Bad Is Isme Pak Ka Naksh Har Jarurat Mand Ko De Sakta Hai

★ Ye Wazeefa Is Isme Pak Ka Jama Wazeefa Hai. Ye Wazeefa e Khas Jinnat, Dushman, Zalim Aur Zyadati Karne Wale Shakhs Ko Zer Karne Ke Liye Bahot Hi Mujarrab Aur Akseer Hai. Agar Koi Shakh Is Wazeefe Ko 21 Din Tak Rozana 7000 Bar Padhta Rahe To Is Isme Pak Ke Asarat Zahir Ho Jayenge. Wazeefa Ye Hai :-

یَا مُذِلُّ کُلِّ جَبَّارٍ عَنِیْدٍ بِقَھْرٍ عَزِیْزِ سُلْطَانِهِ یَا مُذِلُّ

◆ ROOHANI ILAJ Group me shamil hone ke liye Apna Name, whatsapp Mobile no. aur City name niche diye gaye no pe msg kare...

+91 99795 78644

● ROOHANI ILAJ ki Purani Post Hasil Karne k Liye Is Link Par Visit Kare :

www.faizeroohani.wordpress.com